Ўзбекистон Республикаси Вазирлар Маҳкамасининг 07.05.1997 й. 231-сон "1997 йилги бошоқли дон экинлари ҳосилини йиғиштириб олишни рағбатлантириш ва уни уюшқоқлик билан ўтказиш чора-тадбирлари тўғрисида"ги Қарори

Функция недоступна

ЎЗБЕКИСТОН РЕСПУБЛИКАСИ

ВАЗИРЛАР МАҲКАМАСИНИНГ

ҚАРОРИ

07.05.1997 й.

N 231

1997 ЙИЛГИ БОШОҚЛИ ДОН

ЭКИНЛАРИ ҲОСИЛИНИ ЙИҒИШТИРИБ

ОЛИШНИ РАҒБАТЛАНТИРИШ ВА УНИ

УЮШҚОҚЛИК БИЛАН ЎТКАЗИШ

ЧОРА-ТАДБИРЛАРИ ТЎҒРИСИДА

Бошоқли дон экинлари ҳосилини ўз вақтида ва сифатли йиғиштириб олишни таъминлаш ва дон харид қилишнинг белгиланган ҳажмларини бажариш мақсадида Вазирлар Маҳкамаси ҚАРОР ҚИЛАДИ:

1. Қорақалпоғистон Республикаси Вазирлар Кенгаши, вилоятлар ҳокимликлари, Қишлоқ ва сув хўжалиги вазирлиги, "Ўзқишлоқхўжаликтаъминоттузатиш" давлат-кооператив қўмитаси, "Ўзмевасабзавотузумсаноат" уюшмаси, "Ўздонмаҳсулот" давлат корпорацияси:

1997 йил 15 майгача дон комбайнларини, транспорт воситаларини ва дон тозалаш техникасини, дон қабул қилиш пунктларини тайёрлаб қўйишни ниҳоясига етказсинлар ва комиссия томонидан қабул қилсинлар. Дон йиғиш комбайнларининг ўрим-йиғимга 1-иловага мувофиқ тайёрлаб қўйилишини таъминласинлар;

ўрим-йиғимни бошлашдан олдин, кейинчалик назоратни таъминлаш учун, ҳар бир даланинг эксперт баҳоланишини ва ҳосилдорлигини аниқлаш далолатномаси тузилишини тугалласинлар;

комбайнчиларни, транспорт воситалари ҳайдовчиларини, ўрим-йиғимда ва дон ташишда банд бўлган бошқа ходимларни комбайннинг иш унумига, ўрим-йиғим сифатига, ҳосил нобудгарчилигининг қисқартирилишига қараб рағбатлантириш чора-тадбирларини назарда тутсинлар. Меҳнатга натура билан ҳақ тўлаш ҳисобига дон беришни "Ўздонмаҳсулот" корпорацияси корхоналари билан тузилган контрактдаги дон сотиш ҳажми бўйича топшириқлар бажарилгандан ва уруғлик фонди ғамлангандан кейин амалга оширсинлар;

зарур ширали озуқа захирасини яратиш ва суғориладиган ерлардан фойдаланиш самарадорлигини ошириш мақсадида дон ҳосили йиғиштириб олингандан кейин қисқа муддатларда 2-иловага мувофиқ майдонларда такрорий озуқа экинлари, сабзавот ва бошқа экинлар эксинлар.

2. Қишлоқ ва сув хўжалиги вазирлиги, Корақалпоғистон Республикаси Вазирлар Кенгаши, вилоятлар ҳокимликлари томонидан тақдим этилган бошоқли дон экинларини ўриб-йиғишни бошлаш ва тугатиш жадвали 3-иловага мувофиқ маъқуллансин. Уларга жадвални қаттиқ назорат килиш топширилсин.

3. "Ўзқишлоқхўжаликмаш-холдинг" компанияси (Матчонов), "Ўзқишлоқхўжаликтаъминоттузатиш" давлат-кооператив қўмитаси (Олимжонов) дон ҳосилини йиғиштириб олиш даврида саноат корхоналарини туманларга 4-иловага мувофиқ биркитиб қўйсинлар. Саноат корхоналарининг ғалла етиштирувчи хўжаликлар билан тегишли шартномалар тузишини ташкил этсинлар.

4. "Ўзавтотранс" давлат корпорацияси (Аҳметов), "Ўзқишлоқхўжаликтаъминоттузатиш" давлат-кооператив қўмитаси дон ҳосилини йиғиштириб олиш даврида минтақаларга хўжаликларнинг буюртманомаларига мувофиқ шартнома асосида юк автомашиналарини 5-иловага мувофиқ миқдорларда юборсинлар.

Зарурат бўлганда дон ташишга Мудофаа вазирлиги ва бошқа вазирликлар, идоралар ва ташкилотларнинг автомобиль транспорти шартнома асосида жалб қилинсин.

Хўжаликлар томонидан донни дон қабул қилиш пунктларига етказиб бериш бўйича транспорт харажатлари "Ўздонмаҳсулот" давлат корпорацияси томонидан тўланиши белгилаб қўйилсин.

5. "Ўздонмаҳсулот" давлат корпорацияси (Отаев):

топширилган ғалла учун хўжаликлар билан ҳар беш кунда ҳисоб-китоб қилсин;

зарурият бўлганда узоқ туманларда ва ғалла кўп жойларда қўшимча дон қабул қилиш пунктлари очсин.

6. Марказий банк, "Пахта-банк", "Ғалла-банк" ва бошқа тижорат банклари хўжаликларни ва машина-трактор паркларини ғалла ўриш кампанияси қатнашчиларига ўрим-йиғим ишлари бошланган кундан бошлаб ҳар беш кунда иш ҳақи тўлаш учун нақд пул билан таъминласинлар.

7. "Ўздавнефтмаҳсулот" бирлашмаси (Тожиев) жорий йилнинг май-июнь ойларида хўжаликларга ва ҳосил ўрим-йиғимида банд бўлган машина-трактор паркларига ёнилғи-мойлаш материалларини белгиланган лимитлар бўйича узлуксиз берилишини таъминласин.

8. Ўзбекистон Республикаси Молия вазирлиги, Марказий банки ва тижорат банклари қишлоқ хўжалиги корхоналарининг уларга етказиб берилган моддий-техника ресурслари ва кўрсатилган хизматлар учун ҳисоб-китобларни амалга ошириш бўйича илгари қабул қилинган Ҳукумат қарорларининг бажарилишини қаттиқ назорат қилишни таъминласинлар. Зарур бўлганда Вазирлар Маҳкамасига тегишли таклифлар киритсинлар.

9. Ички ишлар вазирлиги, Корақалпоғистон Республикаси Вазирлар Кенгаши ва вилоятлар ҳокимликлари донни ўриб-йиғиб олиш жойларида, хирмонларда ва дон қабул қилиш пунктларида донни нобуд қилиш ва ўғирлаш ҳолларининг олдини олиш мақсадида кеча-кундуз ишлайдиган назорат постлари ташкил этсинлар.

10. 1997 йилги бошоқли экинлари дони учун харид нархлари ўртача жаҳон нархларининг 80 фоизидан келиб чиқиб белгилансин.

Молия вазирлиги (Ҳамидов) Қишлоқ ва сув хўжалиги вазирлиги билан биргаликда "Ўздонмаҳсулот" давлат корпорацияси томонидан харид қилинадиган доннинг прейскурант нархларини бир ҳафта муддатда тасдиқласин ва уларни ғалла экувчи хўжаликларга етказсин.

11. "Ўздонмаҳсулот" давлат корпорацияси Андижон вилояти ҳокимлиги билан биргаликда республика хўжалккларига бошоқли дон экинлари уруғлигини Вазирлар Маҳкамасининг 1996 йил 25 декабрдаги 458-сон қарорига 1-иловага қатъий мувофиқ ҳолда сотиш бўйича қўшимча чора-тадбирларни амалга оширсин, Қишлоқ ва сув хўжалиги вазирлиги эса вилоятлар ҳокимликлари билан биргаликда хўжаликлар томонидан ўзлари 1997 йил ҳосилидан етиштирган уруғлик Вазирлар Маҳкамасининг кўрсатиб ўтилган қарорига иловада назарда тутилган ҳажмларда тайёрланишини таъминласин.

Уруғлик донни "Ўздонмаҳсулот" давлат корпорацияси билан тузилган контрактация шартномалари бўйича дон сотишнинг умумий ҳажмлари ҳисобига топшириш, шунингдек товар дондан уруғлик мақсадида фойдаланиш қатъий тақиқлансин. Шахсий жавобгарлик Қорақалпоғистон Республикаси Вазирлар Кенгаши Раиси, вилоятлар ва туманлар ҳокимлари зиммасига юклансин.

12. "Ўздонмаҳсулот" давлат корпорациясига уруғчилик хўжаликларидан навли уруғларни сифатига мувофиқ - супер элита учун товар донга белгиланган нархдан 300 фоизга, элита уруғ учун 224 фоизга, биринчи репродукцияли уруғ учун 150 фоизга, иккинчи репродукцияли уруғ учун 100 фоизга оширилган нархлар бўйича харид қилишга рухсат берилсин, улар давлат ресурсларига харид қилинадиган дон ҳажмларига киритилмасин.

13. "Ўзагрокимётаъминот" бирлашмаси элеватор ва омборхоналарни, шунингдек дон маҳсулотларини зарарсизлантириш учун зарур миқдорда "Квикфос" фумиганти ва бромли метил олиб келинишини таъминласин.

Маҳфий.

"Ўздонмаҳсулот" давлат корпорацияси "Ўзкимёсаноат" уюшмаси ва "Ўзагрокимётаъминот" бирлашмаси билан биргаликда реопублика корхоналарига заҳарли химикатларнинг бир қисмини ишлаб чиқаришни ташкил этиш масаласини ишлаб чиқсин ва Вазирлар Маҳкамасига таклиф киритсин.

14. "Ўзистиқболстат" давлат қўмитаси:

туман даражасидан бошлаб дон тайёрлашнинг ягона статистика ҳисобини юритсин, статистика ҳисоботини дон қабул қилиш пунктларининг қабул квитанциялари нусхаларисиз қабул қилмасин;

дон етиштиришнинг умумий ҳажмини аниқлаш учун уни аҳоли хўжаликларида етиштиришни алоҳида сатрда донни ҳисобга олсин;

бошоқли дон экинлари тайёрлаш даврида статистика ҳисоботининг тўғрилигини мунтазам текшириб борсин ва аниқланган нотўғри маълумотлар тўғрисида Вазирлар Маҳкамасини хабардор қилсин.

15. Мазкур қарорнинг бажарилишини назорат қилиш Бош вазирнинг биринчи ўринбосари И.Ҳ.Жўрабеков зиммасига юклансин.

Вазирлар Маҳкамасининг Раиси                                            И. Каримов

Вазирлар Маҳкамасининг

1997 йил 7 майдаги

231-сон қарорига

1-ИЛОВА

1997 йилда бошоқли дон экинлари ўрим-йиғимида

ўрим-йиғим комбайнларининг қатнашиши

-------------------------

* - шоли ўриш-йиғиш комбайнлари катнашишини ҳисобга олган ҳолда

Вазирлар Маҳкамасининг

1997 йил 7 майдаги

231-сон қарорига

2-ИЛОВА

1997 йилда бошоқли дон экинлари йиғиштириб

олингандан кейин суғориладиган ерларда

такрорий қишлоқ хўжалиги экинлари экиш

МАЙДОНЛАРИ

минг гектар

Вазирлар Маҳкамасининг

1997 йил 7 майдаги

231-сон қарорига

3-ИЛОВА

Бошоқли дон экинларини ўриб-йиғиб

олишни бошлаш ва тугаллаш

ЖАДВАЛИ

Вазирлар Маҳкамасининг

1997 йил 7 майдаги

231-сон қарорига

4-ИЛОВА

1997 йилда бошоқли дон экинлари ҳосилини йиғиштириб

олиш даврида "Ўзқишлоқхўжаликтаъминоттузатиш" давлат-

кооператив қўмитаси ва "Ўзқишлоқхўжаликмаш-холдинг"

компанияси заводларининг дон экувчи туманларга

БИРИКТИРИБ ҚЎЙИЛИШИ

Вазирлар Маҳкамасининг

1997 йил 7 майдаги

231-сон қарорига

5-ИЛОВА

1997 йил ҳосилидан дон ташиш учун жалб

қилинадиган юк автомобиллари

-------------------------

* - бундан ташқари дон ташишга 14,5 минг трактор прицеплари жалб қилинади.