Внимание!

Документ утратил силу.
Смотрите подробности в начале документа.


ВСЕ ЗАКОНОДАТЕЛЬСТВО УЗБЕКИСТАНА

ЎзР Конунчилиги / Давлат ҳуқуқий тизими асослари / Ўз кучини йўқотган ҳужжатлар / Ҳудуд /

Ўзбекистон Республикаси Вазирлар Маҳкамасининг 08.06.1998 й. 243-сон "Германиянинг "КфВ" тараққиёт банки томонидан маблағ билан таъминланадиган Оролбўйи қишлоқ аҳолисини ичимлик сув билан таъминлаш лойиҳасини амалга ошириш чора-тадбирлари тўғрисида"ги Қарори

Функция недоступна

Данная функция доступно только для клиентов (пользователей)

Полный текст документа доступен в платной версии. По вопросам звоните на короткий номер 1172

ЎЗБЕКИСТОН РЕСПУБЛИКАСИ

ВАЗИРЛАР МАҲКАМАСИНИНГ

ҚАРОРИ

08.06.1998 й.

N 243



ГЕРМАНИЯНИНГ "КфВ" ТАРАҚҚИЁТ БАНКИ

ТОМОНИДАН МАБЛАҒ БИЛАН ТАЪМИНЛАНАДИГАН

ОРОЛБЎЙИ ҚИШЛОҚ АҲОЛИСИНИ ИЧИМЛИК СУВ

БИЛАН ТАЪМИНЛАШ ЛОЙИҲАСИНИ АМАЛГА

ОШИРИШ ЧОРА-ТАДБИРЛАРИ ТЎҒРИСИДА


Германиянинг "КфВ" тараққиёт банки томонидан маблағ билан таъминланадиган Оролбўйи қишлоқ аҳолисини ичимлик сув билан таъминлаш дастурининг инвестиция қисмини амалга ошириш мақсадида Вазирлар Маҳкамаси ҚАРОР ҚИЛАДИ:


1. Хоразм вилояти қишлоқ аҳолисини ичимлик сув билан таъминлаш лойиҳасининг инвестиция қисмини амалга ошириш учун "КфВ" банки томонидан 23 млн. Германия маркаси миқдорида молиявий маблағлар, улардан 20 млн. Германия маркаси йиллик фоиз ставкаси 0,75 фоиз, узиш муддати 40 йил бўлган, 10 йил мобайнидаги имтиёзли давр ҳам шу жумлага киради ва қайтарилмайдиган ссуда сифатида 3 млн. Германия маркаси берилиши маълумот учун қабул қилинсин.


2. Ўзбекистон Республикаси Ташқи иқтисодий алоқалар, инвестициялар ва савдо вазирлиги асосий қарз олувчи ва Хоразм вилоятининг қишлоқ жойларини ичимлик сув билан таъминлаш лойиҳасини амалга ошириш юзасидан қарз маблағларининг мақсадли фойдаланилиши ва тақсимланиши учун масъул ташкилот этиб белгилансин.

3. Белгилаб қўйилсинки:

"Оби ҳаёт" акциядорлик инвестиция компанияси "КфВ" банкининг имтиёзли кредити ҳисобига маблағ билан таъминланадиган лойиҳани ижро этувчи ташкилот, буюртмачи ва объектлардан фойдаланувчи ташкилот, шунингдек, кредитнинг ўз вақтида қайтарилиши учун масъул ҳисобланади;

кредит доирасида етказиб бериладиган асбоб-ускуналар лойиҳа тугаллангандан сўнг ижро этувчи ташкилотга мулк қилиб берилади.

Ташқи иқтисодий алоқалар вазирлиги "Оби ҳаёт" акциядорлик инвестиция компанияси билан биргаликда "КфВ" банки билан уч томонлама кредит битимини имзолаш учун зарур бўлган ҳужжатлар пакети тайёрланишини таъминласин.

Ўзбекистон Республикаси Молия вазирлиги, Ташқи иқтисодий алоқалар вазирлиги ва "Оби ҳаёт" акциядорлик инвестиция компанияси билан биргаликда "КфВ" банки билан уч томонлама кредит битими имзоланганидан сўнг уч ҳафта муддатда кредитга хизмат кўрсатиш тартибини ишлаб чиқсин ва тасдиқласин, бунда дастлабки беш йилда фоизларни давлат бюджети маблағлари ҳисобига қоплашни назарда тутсин.

"Оби ҳаёт" акциядорлик инвестиция компанияси жалб қилинадиган хорижий консультантлар билан биргаликда, маблағ билан таъминловчи ташкилот мезонларини ҳисобга олган ҳолда, қишлоқ аҳолисини ичимлик сув билан таъминлаш объектлари рўйхатини тайёрласин ҳамда уни Хоразм вилояти ҳокимлиги ва Макроиқтисодиёт ва статистика вазирлиги билан келишиб олсин.

Хоразм вилояти ҳокимлиги Молия вазирлиги ва "Оби ҳаёт" акциядорлик инвестиция компанияси билан биргаликда лойиҳани амалга оширишда минтақа қишлоқ аҳолисини ичимлик сувдан оқилона фойдаланиш жараёнига фаол жалб этиш, ичимлик сув билан таъминлаш объектларидан фойдаланиш харажатларини қоплайдиган тариф ставкаларини такомиллаштириш юзасидан тадбирлар ишлаб чиқсин.


8. Ўзбекистон Республикаси Иқтисодиёт вазирлиги ва Жаҳон банки дастури доирасида Оролбўйи аҳолисини ичимлик сув билан таъминлаш лойиҳаларининг умумий мувофиқлаштирилишини таъминласин.

9. Мазкур қарорнинг бажарилишини назорат қилиш Бош вазирнинг биринчи ўринбосари И.X. Жўрабеков зиммасига юклансин.



Вазирлар Маҳкамасининг Раиси                                               И. Каримов



































Время: 0.0049
по регистрации МЮ строгое соответствие
  • Все
  • действующие
  • утратившие силу
  • Русский
  • Ўзбекча
  • Оба языка
  • любая дата
  • точная дата
  • период
  • -

Свернуть поиск