Ўзбекистон Республикаси Вазирлар Маҳкамасининг 03.11.2015 й. 311-сон “Қишлоқ ва сув хўжалиги тармоқларини олий маълумотли юқори малакали кадрлар билан таъминлашни янада такомиллаштириш чора-тадбирлари тўғрисида”ги Қарори

Функция недоступна

ЎЗБЕКИСТОН РЕСПУБЛИКАСИ

ВАЗИРЛАР МАҲКАМАСИНИНГ

ҚАРОРИ

03.11.2015 й.

N 311

ҚИШЛОҚ ВА СУВ ХЎЖАЛИГИ ТАРМОҚЛАРИНИ ОЛИЙ

МАЪЛУМОТЛИ ЮҚОРИ МАЛАКАЛИ КАДРЛАР БИЛАН

ТАЪМИНЛАШНИ ЯНАДА ТАКОМИЛЛАШТИРИШ

ЧОРА-ТАДБИРЛАРИ ТЎҒРИСИДА

Қишлоқ ва сув хўжалиги тармоқларида талаб юқори бўлган олий маълумотли кадрлар тайёрлаш сифатини тубдан ошириш, қишлоқ ва сув хўжалиги соҳаси олий таълим муассасаларининг моддий-техника базасини янада мустаҳкамлаш, таълим жараёнига замонавий юқори самарали педагогика ва ахборот-коммуникация технологияларидан фойдаланган ҳолда ўқитишнинг илғор усулларини фаол жорий этиш, қишлоқ ва сув хўжалиги тармоқлари педагог кадрлари ва мутахассислари малакасини ошириш ҳамда уларни қайта тайёрлаш мақсадида Вазирлар Маҳкамаси ҚАРОР ҚИЛАДИ:

1. 2015-2017 йиллар даврида қишлоқ ва сув хўжалиги тармоқларини олий маълумотли юқори малакали кадрлар билан таъминлашни янада такомиллаштириш чора-тадбирлари дастури 1-иловага мувофиқ тасдиқлансин. Дастур қуйидагиларни назарда тутади:

қишлоқ ва сув хўжалиги тармоқларининг зарур ихтисосли ва маълумот даражасига эга бўлган олий маълумотли юқори малакали кадрларга бўлган эҳтиёжини таъминлаш, қишлоқ ва сув хўжалиги соҳасидаги олий таълим муассасалари битирувчиларини улар эгаллаган мутахассисликка мувофиқ ишга жойлаштириш ишларини такомиллаштириш;

давлат таълим стандартларини, ўқув режалари ва ўқув фанлари дастурларини янгилаш асосида қишлоқ ва сув хўжалиги соҳасидаги олий таълим муассасаларида кадрлар тайёрлаш сифатини ошириш, ўқув жараёнига замонавий юқори самарали педагогика ва ахборот-коммуникация технологияларини жорий этиш, талабаларнинг малака амалиётларини ташкил этишни такомиллаштириш;

замонавий ишлаб чиқариш талабларини ва илғор технологияларни ҳисобга олган ҳолда қишлоқ ва сув хўжалиги соҳасидаги олий таълим муассасаларининг илмий ва педагог кадрларини, қишлоқ ва сув хўжалиги мутахассисларини, шунингдек фермер хўжалиги раҳбарлари ва мутахассисларини сифатли тайёрлаш, қайта тайёрлаш ва уларнинг малакасини оширишни таъминлаш;

етакчи олимлар ва тажрибали мутахассисларни ўқув жараёнига жалб этиш, қўшма тадқиқотларни ташкил этиш ва ўтказиш, кейинчалик уларнинг натижаларини ишлаб чиқаришга жорий этиш йўли билан қишлоқ ва сув хўжалиги бўйича таълим, фан ва қишлоқ хўжалиги ишлаб чиқаришининг интеграциясини чуқурлаштириш;

қишлоқ ва сув хўжалиги соҳасидаги олий таълим муассасаларининг етакчи хорижий олий таълим ва илмий муассасалар билан ҳамкорлиги мустаҳкамланишига кўмаклашиш, ўқув жараёнини янада такомиллаштириш ҳамда профессор-ўқитувчилар таркибининг педагогик ва касбий савиясини ошириш учун халқаро грантларни жалб этиш, ахборотларни ва тўпланган амалий тажрибани кенг айирбошлаш;

қишлоқ ва сув хўжалиги бўйича ўрта махсус, касб-ҳунар ва олий таълимнинг изчиллиги ва узлуксизлигини таъминлаш, ўқитувчилар таркибининг касб даражасини ва ўқув жараёни сифатини оширишда, ўқув ва методик адабиётлар тайёрлашда қишлоқ ва сув хўжалиги бўйича академик лицейлар ва касб-ҳунар коллежларига амалий ёрдам кўрсатиш;

қишлоқ ва сув хўжалиги соҳасидаги таълим муассасаларининг моддий-техника базасини янада ривожлантириш ҳамда уларни замонавий ўқув-лаборатория асбоб-ускуналари ва ахборот-коммуникация технологиялари воситалари билан жиҳозлаш.

3. Ўзбекистон Республикаси Қишлоқ ва сув хўжалиги вазирлиги Хусусийлаштириш, монополиядан чиқариш ва рақобатни ривожлантириш давлат қўмитаси, Ер ресурслари, геодезия, картография ва давлат кадастри давлат қўмитаси ва Тошкент вилояти ҳокимлиги билан биргаликда Тошкент вилояти Зангиота туманининг "Гулистон" қишлоғи ҳудудида жойлашган 3 қаватли маъмурий бинони тезкор бошқариш ҳуқуқи билан, шунингдек Ўқув ва ишлаб чиқариш амалиёти марказини жойлаштириш учун академик М. Мирзаев номидаги боғдорчилик, узумчилик ва виночилик илмий-тадқиқот институтининг 10 гектар ер участкасини доимий фойдаланиш ҳуқуқи билан Тошкент давлат аграр университетига белгиланган тартибда текин берсин.

4. Ўзбекистон Республикаси Қишлоқ хўжалиги вазирлиги, Ўзбекистон фермер, деҳқон хўжаликлари ва томорқа ер эгалари кенгашининг қишлоқ ва сув хўжалиги соҳасидаги олий таълим муассасалари ҳузурида давлат унитар корхоналари шаклида фермер хўжаликларининг раҳбарлари ва мутахассисларини қайта тайёрлаш ва уларнинг малакасини ошириш минтақавий марказларини ташкил этиш тўғрисидаги таклифи маъқуллансин.

Ўзбекистон Республикаси Қишлоқ ва сув хўжалиги вазирлиги, Ўзбекистон Фермерлари кенгаши Олий ва ўрта махсус таълими вазирлиги, Ўрта махсус, касб-ҳунар таълим маркази, Иқтисодиёт вазирлиги, Молия вазирлиги ва Адлия вазирлиги билан биргаликда ҳам олий таълим муассасалари базасида, ҳам касб-ҳунар коллежларида фермер хўжаликлари раҳбарлари ва мутахассисларини ўқитишнинг бутун тизимини, шунингдек фермер хўжаликлари раҳбарлари ва мутахассисларини қайта тайёрлаш ва уларнинг малакасини ошириш минтақавий марказларини ташкил этиш бўйича комплекс масалаларни қамраб олишни назарда тутувчи Ҳукумат қарори лойиҳасини бир ҳафта муддатда ишлаб чиқсинлар ва белгиланган тартибда киритсинлар.

6. Ўзбекистон Республикаси Олий ва ўрта махсус таълим вазирлиги, Қишлоқ ва сув хўжалиги вазирлиги:

Тошкент давлат аграр университети, Тошкент давлат аграр университетининг Нукус филиали, Тошкент ирригация ва мелиорация институти, Тошкент ирригация ва мелиорация институтининг Бухоро филиали, Самарқанд қишлоқ хўжалиги институти, Андижон қишлоқ хўжалиги институтининг янгиланган уставларини икки ой муддатда, белгиланган тартибда тасдиқласинлар;

2015 йил 20 декабргача бўлган муддатда қишлоқ ва сув хўжалиги соҳасидаги олий таълим муассасалари факультетлари ва кафедраларини юқори малакали кадрлар билан бутлаш, ўқув-тарбия жараёнини такомиллаштириш, дарсликлар ва ўқув адабиётлари, замонавий компьютер техникаси билан таъминлаш юзасидан зарур чора-тадбирлар кўрсинлар;

Ўзбекистон Республикаси Иқтисодиёт вазирлиги билан биргаликда 2016/2017 ўқув йилида республика қишлоқ ва сув хўжалиги соҳасидаги олий таълим муассасаларида бакалаврлар ва магистрлар тайёрлаш бўйича қабул квотасини ишлаб чиқишда ўрмон хўжалиги ва доривор ўсимликлар бўйича бакалавриат ва магистратура мутахассисликларининг талаб юқори бўлган янги таълим йўналишларини очишни назарда тутсинлар.

7. Ўзбекистон Республикаси Иқтисодиёт вазирлиги, Молия вазирлиги Қишлоқ ва сув хўжалиги вазирлигининг асосланган буюртманомалари бўйича 2016 йил ва кейинги йиллар учун Ўзбекистон Республикасининг Инвестиция дастурини шакллантиришда 2015-2017 йиллар даврида қишлоқ ва сув хўжалиги тармоқларини олий маълумотли юқори малакали кадрлар билан таъминлашни янада такомиллаштириш чора-тадбирлари дастурида назарда тутилган қишлоқ ва сув хўжалиги соҳасидаги олий таълим муассасалари объектларини қуриш ва реконструкция қилишни молиялаштиришга марказлаштирилган капитал қўйилмаларнинг тегишли лимитларини назарда тутсинлар.

8. Қорақалпоғистон Республикаси Вазирлар Кенгаши, вилоятлар ҳокимликлари, Ўзбекистон Республикаси Қишлоқ хўжалиги вазирлиги, Ўзбекистон Республикаси Сув хўжалиги вазирлиги тегишли вазирликлар ва идоралар билан биргаликда қишлоқ ва сув хўжалигининг етакчи ташкилотлари ва тармоқлари базасида талабаларнинг ишлаб чиқариш амалиётини ташкил этиш ва ўтказишда қишлоқ ва сув хўжалиги соҳасидаги олий таълим муассасаларига амалий ёрдам кўрсатсинлар.

9. Ўзбекистон Республикаси Вазирлар Маҳкамасининг "Республика қишлоқ ва сув хўжалиги учун юқори малакали кадрлар тайёрлаш тизимини такомиллаштириш тўғрисида" 2004 йил 3 сентябрдаги 415-сон қарорида:

қарорнинг 3-банди ва қарорга 1 - 4-иловалар ўз кучини йўқотган деб ҳисоблансин;

8-банддаги "300 гектаргача" сўзлари "300 гектардан ортиқ бўлмаган" сўзлари билан алмаштирилсин.

10. Ўзбекистон Республикаси Вазирлар Маҳкамасининг "Тошкент ирригация ва мелиорация институтининг Бухоро филиалини ташкил этиш тўғрисида" 2010 йил 20 августдаги 182-сон қарори 4-бандининг иккинчи хатбоши ва қарорга 1-илова ўз кучини йўқотган деб ҳисоблансин.

11. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари Б.Ю. Ходиев зиммасига юклансин.

Ўзбекистон Республикасининг Бош вазири                         Ш. Мирзиёев

Зоотехния ва

ипакчилик

факультети

Ўрмон хўжалиги

ва доривор

ўсимликлар

факультети

Қишлоқ

хўжалигида

менежмент

факультети

Тошкент

давлат аграр

университетининг

Нукус филиали