Внимание!

NB! Айни вактда мазкур хужжатга ўзгартишлар киритилмокда.


ВСЕ ЗАКОНОДАТЕЛЬСТВО УЗБЕКИСТАНА

ЎзР Конунчилиги / Иқтисодиётнинг айрим соҳалари / Ёқилғи-энергетика комплекси / Кўмир саноати /

Ўзбекистон Республикаси Вазирлар Маҳкамасининг 07.08.2003 й. 345-сон "Кўмир таннархини пасайтириш ва кўмир саноатини янада ривожлантиришга доир қўшимча чора-тадбирлар тўғрисида"ги Қарори

Функция недоступна

Данная функция доступно только для клиентов (пользователей)

Полный текст документа доступен в платной версии. По вопросам звоните на короткий номер 1172

ЎЗБЕКИСТОН РЕСПУБЛИКАСИ

ВАЗИРЛАР МАҲКАМАСИНИНГ

ҚАРОРИ

07.08.2003 й.

N 345



КЎМИР ТАННАРХИНИ ПАСАЙТИРИШ ВА КЎМИР

САНОАТИНИ ЯНАДА РИВОЖЛАНТИРИШГА ДОИР

ҚЎШИМЧА ЧОРА-ТАДБИРЛАР ТЎҒРИСИДА


Кўмир тармоғи корхоналарини техника билан қайта жиҳозлаш ва реконструкция қилиш бўйича белгиланган параметрларнинг сўзсиз бажарилишини таъминлаш, уларни замонавийлаштириш учун хорижий инвестицияларни жалб этиш, қазиб олинаётган кўмир таннархини пасайтириш ҳамда электр ва иссиқлик энергияси ишлаб чиқаришда унинг ёқилғи таркибидаги салмоғини кўпайтириш мақсадида Вазирлар Маҳкамаси ҚАРОР ҚИЛАДИ:


1. "Ўзбекэнерго" давлат-акциядорлик компанияси (Э.Шоисматов) ва "Кўмир" акциядорлик бирлашмаси (А.Клименко) раҳбариятига кўмир қазиб олиш корхоналарини реконструкция қилиш ва техника билан қайта жиҳозлаш лойиҳаларини амалга оширишнинг белгиланган муддатларига риоя этилмаганлиги, кўмир таннархини пасайтириш, ишлаб чиқариш рентабеллигини ошириш ва кўмир тармоғининг молиявий аҳволини мустаҳкамлаш бўйича таъсирчан иқтисодий чора-тадбирлар кўрилмаганлиги кўрсатиб ўтилсин.


2. "Ўзбекэнерго" давлат-акциядорлик компанияси ва "Кўмир" акциядорлик бирлашмаси томонидан Ўзбекистон Республикаси Иқтисодиёт вазирлиги ва Молия вазирлиги билан биргаликда ишлаб чиқилган "Кўмир" акциядорлик бирлашмаси корхоналарида кўмир қазиб олиш таннархини пасайтириш чора-тадбирлари дастури иловага мувофиқ тасдиқлансин.

"Ўзбекэнерго" давлат-акциядорлик компанияси ва "Кўмир" акциядорлик бирлашмаси раҳбарларига Дастурда назарда тутилган чора-тадбирларнинг тўлиқ ва ўз вақтида амалга оширилиши учун шахсий жавобгарлик юклансин.


3. Кўмир таннархининг асоссиз ўсишига йўл қўймаслик мақсадида Ўзбекистон Республикаси Молия вазирлиги, "Ўзбекэнерго" давлат-акциядорлик компанияси ва "Кўмир" акциядорлик бирлашмаси ишлаб чиқариш харажатлари таркиби ўзгариши устидан қатъий мониторинг ўрнатсинлар, 1 тонна кўмир қазиб олиш учун моддалар бўйича чекланган харажатларни тасдиқласинлар.


4. Вазирлар Маҳкамасининг "Кўмир" акциядорлик бирлашмаси тузилмасини такомиллаштириш ва 2002-2010 йилларда республика кўмир саноатини ривожлантириш Дастурини амалга ошириш чора-тадбирлари тўғрисида" 2002 йил 4 июндаги 196-сон қарорига мувофиқ:

"Ангрен" конини техника билан қайта жиҳозлашнинг йилига 4,5 млн куб.метр кон очадиган биринчи босқичи объектлари қурилиши бўйича ишлар тугалланганлиги;

"Ангрен" кони объектларини техника билан қайта жиҳозлаш учун "Кон-техника асбоб-ускуналарини таъмирлаш заводи" очиқ акциядорлик жамиятида импортнинг ўрнини босувчи маҳсулотлар ишлаб чиқариш йўлга қўйилганлиги;

сотиш бозорини кенгайтириш, экспортбоп маҳсулотлар ишлаб чиқариш ҳажмларини кўпайтириш учун 2003 йил июль ойида "Бойсункўмир" очиқ акциядорлик жамиятида қадоқланган кўмир брикетлари ишлаб чиқариш ўзлаштирилганлиги;

"Кўмир" акциядорлик бирлашмаси томонидан 2003 йил октябрь ойидан бошлаб "Ангрен" конини техника билан қайта жиҳозлашнинг иккинчи босқичини амалга ошириш бошланиши маълумот учун қабул қилинсин.


5. Ўзбекистон Республикаси Иқтисодиёт вазирлиги, Молия вазирлиги, "Ўзбекэнерго" давлат-акциядорлик компанияси ва "Кўмир" акциядорлик бирлашмасининг Кўмир тармоғини техника билан қайта жиҳозлаш ва замонавийлаштириш мақсадли жамғармасини (кейинги ўринларда Жамғарма деб аталади) ташкил этиш тўғрисидаги таклифига розилик берилсин.

Қуйидагилар Жамғармани шакллантириш манбалари этиб белгилансин:

кўмир саноати корхоналарининг амалдаги қонун ҳужжатларига мувофиқ солиқлар ва мажбурий тўловлар тўлангандан кейин қоладиган фойдасининг бир қисми;

2003 йил сентябрь ойидан бошлаб электр энергияси истеъмолчилари учун имтиёзли тарифларни бекор қилиш натижасида "Ўзбекэнерго" давлат-акциядорлик компанияси оладиган қўшимча соф даромадининг 40 фоизи;

қонун ҳужжатларига зид бўлмаган бошқа тушумлар.


6. Белгилаб қўйилсинки:

Жамғарма маблағларидан фақат "Ангрен" конини техника билан қайта жиҳозлашда, "Апартак" участкасини реконструкция қилишни молиялаштиришда, кўмир саноатини замонавийлаштириш учун жалб қилинадиган хорижий кредитларни қоплашда фойдаланилади;

"Ўзбекэнерго" давлат-акциядорлик компанияси қўшимча соф даромадининг Жамғарма орқали кўмир саноатини техника билан қайта жиҳозлаш ва замонавийлаштиришга йўналтириладиган бир қисми кўмир қазиб олувчи корхоналарнинг фойда солиғининг солиқ солинадиган базасига киритилмайди;

2004 йилдан бошлаб Ангрен кўмир кони объектларини техника билан қайта жиҳозлаш учун капитал қўйилмалар "Ўзбекэнерго" давлат-акциядорлик компаниясининг марказлаштирилган маблағлар, Жамғарма маблағлари ва тармоқнинг ўз ресурслари ҳисобига амалга ошириладиган қурилишлари аниқ рўйхатига киритилади.

"Ўзбекэнерго" давлат-акциядорлик компанияси Ўзбекистон Республикаси Молия вазирлиги билан биргаликда бир ой муддатда Жамғарма маблағларини шакллантириш ва улардан мақсадли фойдаланиш тартиби тўғрисидаги низомни ишлаб чиқсин ва тасдиқласин.


7. "Кўмир" акциядорлик бирлашмаси корхоналари ва ташкилотларига олинадиган электр энергияси учун энергия тизимининг хўжалик эҳтиёжлари учун белгиланадиган Х тариф гуруҳи тарифлари бўйича ҳақ тўлаш тартиби жорий этилсин.


8. Махфий.


9. Мазкур қарорнинг бажарилишини назорат қилиш Ўзбекистон Республикаси Бош вазирининг биринчи ўринбосари К.Н. Тўлаганов зиммасига юклансин.



Вазирлар Маҳкамасининг Раиси                                               И. Каримов






Вазирлар Маҳкамасининг

2003 йил 7 августдаги

345-сон қарорига

ИЛОВА



"Кўмир" акциядорлик бирлашмаси

корхоналарида кўмир қазиб чиқариш

таннархини пасайтириш чора-тадбирлари

ДАСТУРИ

Т/р

Чора-тадбирлар номи


Бажариш

муддати


Кутилаётган

самара (йилига

млн сўм)


Масъуллар


1.

Ташкилий тадбирлар



1610


1.1.

"Апартак" ОАЖ, "Кўмирэнерго" ОАЖ, "Кон-техника асбоб-ускуналарини таъмирлаш заводи" ОАЖ, "Белазкўмир" ОАЖ, "Кўмир қурилиш" ОАЖ, "Алоқакўмир" ОАЖни "Кўмир" акциядорлик бирлашмасининг таркибий бўлинмаларига айлантириб ва ортиқча бошқарув ходимларини кескин қисқартирган ҳолда кўмир тармоғининг бошқариш тузилмасини такомиллаштириш


2003 йил

октябрь


1050

Маъмурий ислоҳотларни чуқурлаштириш ва иқтисодиётни бошқариш тузилмасини такомиллаштириш бўйича таклифлар тайёрлаш Республика комиссияси, Вазирлар Маҳкамасининг Ёқилғи-энергетика комплекси, Иқтисодиёт вазирлиги, Давлат мулки қўмитаси, "Ўзбекэнерго" ДАК, "Кўмир" АБ


1.2.

Ёрдамчи корхоналар ("Техтаъминот" ОАЖ, "Автокўмир" ОАЖ, "Информуголь" ОАЖ, "Горняк" ОАЖ, "Лойиҳа қидирув" МЧЖ, "Техэско" МЧЖ, "Ангренкўмиртаъминот" МЧЖ, "Горняк" санаторий-профилакторийси)ни тегишли хизматлар кўрсатиш юзасидан танлов асосида шартномалар тузишга ўтган ҳолда "Кўмир" акциядорлик бирлашмаси таркибидан чиқариш


2003 йил

октябрь


560

Маъмурий ислоҳотларни чуқурлаштириш ва иқтисодиётни бошқариш тузилмасини такомиллаштириш бўйича таклифлар тайёрлаш Республика комиссияси, Вазирлар Маҳкамасининг Ёқилғи-энергетика комплекси, Иқтисодиёт вазирлиги,Давлат мулки қўмитаси, "Ўзбекэнерго" ДАК, "Кўмир" АБ


2.

Молиявий назоратни кучайтириш



1590


2.1.

1 тонна кўмир ҳисобига харажатларнинг асосий моддалари бўйича харажатларнинг чекланган суммаларини тасдиқлаш ҳамда харажатларнинг асоссиз ўсиши аниқланган моддалар бўйича лимитларни камайтириш


ҳар

чоракда


1590

Молия вазирлиги,

"Ўзбекэнерго" ДАК,

"Кўмир" АБ


3.

Кўмир қазиб чиқариш ва кон очиш ишлари технологиясини такомиллаштириш



2530


3.1.

Транспорт харажатларини камайтириш мақсадида коннинг Шимолий участкасида кон жинсларини ички қатламларга тўкиш


2003-2004

йиллар


1680

"Кўмир" АБ

3.2.

"Ангрен" кони ўнгирларидан кўмирни фойдаланиб келинган автомобиль транспортида ташиш ўрнига лентали конвейер линияларида ташишни амалга ошириш


2003 йил

IV чорак


70

"Кўмир" АБ

3.3.

"1 бис" юклаш пунктида кўмирни темир йўл транспортида ташишга барҳам бериш мақсадида "Ангрен" конида иккинчи юклаш пунктини қуриш ва фойдаланишга топшириш


2003 йил

IV чорак


270

"Кўмир" АБ

3.4.

"Ангрен" конидан бирлаштириш йўллари бўлган "Апартак" юклаш темир йўл станциясини қуриш ва фойдаланишга топшириш


2006

йилдан

бошлаб


105

"Кўмир" АБ

3.5.

Кузатиб бориш йўли билан кўчкилар ҳажмини камайтириш ва тегишли участкаларда кўчкиларга қарши чора-тадбирларни бажариш


доимо


405

"Кўмир" АБ

4.

Импорт ўрнини тўлдириш ва ишлаб чиқаришни маҳаллийлаштириш



125


4.1.

"Бойсункўмир" ОАЖ, "Кон-техника асбоб-ускуналарини таъмирлаш заводи" ОАЖ ва "Кўмир" акциядорлик бирлашмасининг бошқа корхоналари томонидан ишлаб чиқариладиган маҳсулотлар (кўмир брикетлари, конвейер секциялари, эҳтиёт қисмлар) турини кўпайтириш


2003-2010

йиллар


125

"Кўмир" АБ

5.

Энергияни тежаш бўйича чора-тадбирлар



1330


5.1.

"Ангрен" конини техник қайта жиҳозлаш I босқичининг тугалланиши муносабати билан кон очишга электр энергияси сарфини камайтириш


2004 йил

700

"Ўзбекэнерго" ДАК,

"Кўмир" АБ

5.2.

Ускуналарни электр энергияси билан таъминлаш ҳамда манбалардан ҳимоя қилиш бўйича тақсимловчи қурилмани ишга тушириш


2004 йил

II чорак

630

"Ўзбекэнерго" ДАК,

"Кўмир" АБ


ЖАМИ:



7185


"Ўзбекистон Республикаси қонун ҳужжатлари тўплами", 2003 й., 15-16-сон, 125-модда.















































Время: 0.2056
по регистрации МЮ строгое соответствие
  • Все
  • действующие
  • утратившие силу
  • Русский
  • Ўзбекча
  • Оба языка
  • любая дата
  • точная дата
  • период
  • -

Свернуть поиск