Вазирлар Маҳкамаси ҳузуридаги Давлат тест марказининг 05/ққ-сон, Олий ва ўрта махсус таълим вазирлигининг Ўрта махсус, касб-ҳунар таълими марказининг 03/ққ-сон "Ўзбекистон Республикаси ўрта махсус, касб-ҳунар таълими муассасаларида саралаш тест синовларини ўтказиш бўйича йўриқномага ўзгартиришлар киритиш тўғрисида"ги 27.01.2016 й. Қарори (АВ томонидан 03.02.2016 й. 2480-2-сон билан рўйхатга олинган)

Функция недоступна

ЎЗБЕКИСТОН РЕСПУБЛИКАСИ

АДЛИЯ ВАЗИРЛИГИ ТОМОНИДАН

РЎЙХАТГА ОЛИНГАН

03.02.2016 й.

N 2480-2

ҚАРОРИ

Ўзбекистон Республикаси ўрта махсус, касб-ҳунар

таълими муассасаларида саралаш тест синовларини

ўтказиш бўйича йўриқномага ўзгартиришлар

киритиш тўғрисида

Вазирлар Маҳкамасининг 2010 йил 7 июндаги 109-сонли қарори билан тасдиқланган Умумтаълим мактабларининг 9-синф битирувчиларини ўрта махсус, касб-ҳунар таълими муассасаларига қабул қилиш ва расмийлаштиришни ташкил этиш тартиби тўғрисидаги низомга мувофиқ, шунингдек ўрта махсус, касб-ҳунар таълими муассасаларига саралаш тест синовларини ўтказиш тартибини янада такомиллаштириш мақсадида Ўзбекистон Республикаси Вазирлар Маҳкамаси ҳузуридаги Давлат тест маркази ва Олий ва ўрта махсус таълим вазирлигининг Ўрта махсус, касб-ҳунар таълими маркази ҚАРОР ҚИЛАДИ:

1. Ўзбекистон Республикаси Вазирлар Маҳкамаси ҳузуридаги Давлат тест маркази ҳамда Олий ва ўрта махсус таълим вазирлигининг Ўрта махсус, касб-ҳунар таълими марказининг 2013 йил 16 июлдаги 19/ққ, 36/ққ-сонли қарори (рўйхат рақами 2480, 2013 йил 19 июль) (Ўзбекистон Республикаси қонун ҳужжатлари тўплами, 2013 й., 29-сон, 381-модда) билан тасдиқланган Ўзбекистон Республикаси ўрта махсус, касб-ҳунар таълими муассасаларида саралаш тест синовларини ўтказиш бўйича йўриқномага иловага мувофиқ ўзгартиришлар киритилсин.

2. Мазкур қарор расмий эълон қилинган кундан эътиборан кучга киради.

Қарорга

ИЛОВА

Ўзбекистон Республикаси ўрта махсус, касб-ҳунар

таълими муассасаларида саралаш тест синовларини

ўтказиш бўйича йўриқномага киритилаётган

ўзгартиришлар

1. 7-банд қуйидаги таҳрирда баён этилсин:

"7. Қабул комиссиясининг таркибига ўрта махсус, касб-ҳунар таълими муассасаси директори, Давлат тест маркази, ўрта махсус, касб-ҳунар таълими ҳудудий бошқармаси ҳамда халқ таълими муассасалари фаолиятини методик таъминлаш ва ташкил этиш туман (шаҳар) бўлимлари, туман (шаҳар) ҳокимликларидан биттадан вакил ҳамда ўрта махсус, касб-ҳунар таълими муассасалари ўқитувчилари киритилади.

Қабул комиссиясининг таркиби тегишинча Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликларининг тавсияси асосида Ўзбекистон Республикаси Олий ва ўрта махсус таълим вазирлигининг Ўрта махсус, касб-ҳунар таълими маркази директори томонидан тасдиқланади. Бунда қабул комиссиясининг таркиби саралаш тест синови ўтказиладиган ўрта махсус, касб-ҳунар таълими муассасалари белгилангандан сўнг, уч иш куни ичида тасдиқланиши лозим.

Давлат тест маркази вакили қабул комиссияси раиси ҳисобланади. Қабул комиссияси раиси сифатида белгиланган Давлат тест маркази вакиллари рўйхати саралаш тест синови ўтказиладиган ўрта махсус, касб-ҳунар таълими муассасалари белгилангандан сўнг, икки иш куни ичида Ўзбекистон Республикаси Олий ва ўрта махсус таълим вазирлигининг Ўрта махсус, касб-ҳунар таълими марказига тақдим этилади.

Саралаш тест синови ўтказиладиган ўрта махсус, касб-ҳунар таълими муассасаси директори қабул комиссияси масъул котиби ҳисобланади.".

2. 10-банднинг учинчи хатбошиси қуйидаги таҳрирда баён этилсин:

"саралаш тест синови ўтказилишидан 10 кун олдин мазкур Йўриқноманинг 1-иловаси 1-шакли бўйича абитуриентлардан тушган аризалар ҳақида маълумотни, мазкур Йўриқноманинг 1-иловаси 2-шакли бўйича фан олимпиадалари, танлов ва мусобақалар ғолиблари рўйхатини қабул комиссияси масъул котиби томонидан тасдиқланган ҳолда Давлат тест марказига тақдим этади ва ушбу ҳужжатларга қўшимчалар ва ўзгартиришлар киритиши қатъиян ман қилинади;".

3. 20 ва 21-иловалар тегишлича мазкур ўзгартиришларнинг 1 ва 2-иловаларига мувофиқ таҳрирда баён этилсин.

4. Мазкур ўзгартиришлар Ўзбекистон Республикаси Соғлиқни сақлаш вазирлиги, Маданият ва спорт ишлари вазирлиги, Ўзбекистон Бадиий академияси, "Ўзбекистон темир йўллари" АЖ, Давлат солиқ қўмитаси билан келишилган.

Ўзгартиришларга

1-ИЛОВА

"Ўзбекистон Республикаси ўрта махсус,

касб-ҳунар таълими муассасаларида

саралаш тест синовларини ўтказиш

бўйича йўриқномага

20-ИЛОВА

Тест синовларидан четлаштириш тўғрисида

ДАЛОЛАТНОМА

махсус коди _______________, жавоблар варақаси рақами _______________,

соат ______:______ дақиқада тест синовидан четлаштирилди.

Изоҳ: ушбу далолатнома абитуриентнинг жавоблар варақаси ва титул варақаси билан биргаликда елимланиб, жавоблар варақаси пакетига солинади. Агар абитуриент тест материалларини ўз вақтида топширмаса, далолатнома унинг титул варақаси билан биргаликда елимланиб, жавоблар варақаси пакетига солинади.".

Ўзгартиришларга

2-ИЛОВА

"Ўзбекистон Республикаси ўрта махсус,

касб-ҳунар таълими муассасаларида

саралаш тест синовларини ўтказиш

бўйича йўриқномага

21-ИЛОВА

Тест саволлари ёки тест синовларини ўтказиш

жараёни юзасидан эътирозлар бўйича

АРИЗА

1) қуйидаги фанларга доир тест саволларига эътирозимни кўриб чиқишингизни сўрайман:

2) тест синовлари жараёни бўйича қуйидаги эътирозимни кўриб чиқишингизни сўрайман:

Изоҳ: ариза тест синови ўтган куни тест синови ўтказилган бинода шахсан абитуриент томонидан икки нусхада ёзилади ва бир нусхаси қабул комиссияси орқали Давлат тест марказига тақдим этилади. Ариза қабул қилиб олинганлиги тўғрисида аризанинг иккинчи нусхасига аризани қабул қилиб олувчининг фамилияси ва исми, имзоси ва ариза қабул қилиб олинган сана қўйилади.".

"Ўзбекистон Республикаси қонун ҳужжатлари тўплами",

2016 йил 8 февраль, 5-сон, 44-модда