Давлат божини ундирадиган давлат органлари ва ташкилотлари томонидан давлат божи тушумларини ҳисобга олиш тартиби тўғрисидаги Низом (АВ томонидан 05.02.2016 й. 2760-сон билан рўйхатга олинган 31.12.2015 й. Давлат солиқ қўмитасининг 2015-36-сон, Молия вазирлигининг 113-сон қарори билан тасдиқланган)

Функция недоступна

Ўзбекистон Республикаси

Адлия вазирлигида

2016 йил 5 февралда 2760-сон

билан рўйхатга олинган

Ўзбекистон Республикаси

Давлат солиқ қўмитаси ва

Молия вазирлигининг

2015 йил 31 декабрдаги

2015-36, 113-сон қарорига

ИЛОВА

Давлат божини ундирадиган давлат

органлари ва ташкилотлари томонидан давлат божи

тушумларини ҳисобга олиш тартиби тўғрисидаги

НИЗОМ

Мазкур Низом Ўзбекистон Республикаси Солиқ кодексининг 336 ва 341-моддалари ҳамда Ўзбекистон Республикаси "Давлат солиқ хизмати тўғрисида"ги Қонунининг 7-моддасига мувофиқ давлат божини ундирадиган давлат органлари ва ташкилотлари томонидан давлат божи бўйича тушумларни ҳисобга олиш тартибини белгилайди.

1-БОБ. УМУМИЙ ҚОИДАЛАР

1. Мазкур Низом Ўзбекистон Республикаси дипломатик ваколатхоналари ва консуллик муассасалари томонидан чет элда ундириладиган консуллик йиғимларига татбиқ этилмайди.

Қонун ҳужжатларига мувофиқ фаолиятнинг айрим турларини лицензиялаш бўйича комиссиянинг ишчи органи функцияси алоҳида органга юклатилган бўлса, давлат божи бўйича тушумларни ҳисобга олиш шу ишчи орган томонидан амалга оширилади.

2. Давлат божини ундирувчи давлат органлари ва ташкилотлари (бундан буён матнда ваколатли органлар деб юритилади) давлат божининг тўғри ҳисоблаб чиқарилишини ва тўлиқ ундириб олинишини таъминлайдилар, шунингдек Ўзбекистон Республикасининг Давлат бюджетига ва ваколатли органларнинг бюджетдан ташқари жамғармаларига ўз вақтида ўтказилиши устидан назоратни амалга оширадилар.

2-БОБ. ДАВЛАТ БОЖИ ТУШУМЛАРИНИНГ

ҲИСОБИНИ ЮРИТИШ

3. Ваколатли органлар давлат божи тушумларининг ҳисобини электрон кўринишдаги давлат божи тушумларини ҳисобга олиш китобларида давлат божи ва чет эл валютаси турлари бўйича алоҳида юритадилар.

4. Давлат божи тушумларини ҳисобга олиш китоблари ҳар куни иш куни охиригача уларни юритиш юклатилган ходим томонидан тўлдирилади. Давлат божининг ҳар бир тушуми алоҳида сатрга киритилади. Давлат божи тушумларини ҳисобга олиш китоблари тегишли ҳисобот йили якунлангандан кейин беш йил сақланади.

5. Ваколатли органлар давлат божи тушумларининг ҳисобини миллий валютада - мазкур Низомнинг 1-иловасига мувофиқ Миллий валютадаги давлат божи тушумларини ҳисобга олиш китобида, чет эл валютасида - мазкур Низомнинг 2-иловасига мувофиқ Чет эл валютасидаги давлат божи тушумларини ҳисобга олиш китобида юритадилар, бундан мазкур Низомнинг 6-бандида кўрсатилган ҳолатлар мустасно.

6. Автомобиль транспортида йўловчиларни ва юкларни шаҳарда, шаҳар атрофида, шаҳарлараро ва халқаро йўналишлар бўйича ташиш фаолиятини амалга оширишни лицензиялаш юзасидан давлат божи тушумларини ҳисобга олиш мазкур Низомнинг 3-иловасига мувофиқ шаклда юритилади.

Судлар давлат божи тушумларининг ҳисобини миллий валютада - мазкур Низомнинг 4-иловасига мувофиқ Судга мурожаат қилинганда миллий валютада тўланган давлат божи тушумларини ҳисобга олиш китобида, чет эл валютасида - мазкур Низомнинг 5-иловасига мувофиқ Судга мурожаат қилинганда чет эл валютасида тўланган давлат божи тушумларини ҳисобга олиш китобида юритадилар.

7. Давлат божи тушумларини ҳисобга олиш китобларига ёзувлар қуйидаги тасдиқловчи ҳужжатлар асосида киритилади:

давлат божи нақд пулда ёки банк пластик карталаридан фойдаланган ҳолда тўланганда - банк томонидан тўловчига бериладиган белгиланган шаклдаги квитанция ёки тўловни амалга оширган мансабдор шахс ёхуд ваколатли органнинг кассаси томонидан тўловчига бериладиган мазкур Низомнинг 6-иловасига мувофиқ шаклдаги квитанция;

давлат божи нақд пулсиз шаклда тўланганда - банкнинг тўлов ижро этилганлиги тўғрисидаги белгиси бўлган тўлов топшириқномаси;

давлат божи чет эл валютасида нақд пулли ва нақд пулсиз шаклда ёки банк пластик карталаридан фойдаланган ҳолда тўланганда - ваколатли органларнинг валюта ҳисобварағига белгиланган тартибда кирим қилинган ёки келиб тушганлигини тасдиқловчи банк ҳужжати.

3-БОБ. СОЛИШТИРМА ДАЛОЛАТНОМА ТУЗИШ

8. Ваколатли органлар (Қорақалпоғистон Республикаси фуқаролик ва жиноят ишлари бўйича олий судлари, фуқаролик ва жиноят ишлари бўйича вилоят ва Тошкент шаҳар судлари, фуқаролик ишлари бўйича туманлараро, туман (шаҳар) судлари, жиноят ишлари бўйича туман (шаҳар) судларидан ташқари) давлат божи тушумларини ҳисобга олиш китобларига киритилган ёзувлар асосида уларга хизмат кўрсатувчи тижорат банклари филиаллари ва ўзлари жойлашган ердаги давлат солиқ хизмати органлари билан давлат божи тушумларини солиштирадилар. Солиштириш ҳисобот йилидан кейинги ойнинг 10-санасидан кечиктирмасдан бир йилда бир марта амалга оширилади. Солиштириш натижаси бўйича уч нусхада мазкур Низомнинг 7 ва 8-иловаларига мувофиқ шаклда солиштирма далолатнома тузилади. Солиштирма далолатноманинг биринчи нусхаси ваколатли органга, иккинчи нусхаси - хизмат кўрсатувчи тижорат банки филиалига, учинчи нусхаси - ваколатли орган жойлашган ердаги давлат солиқ хизмати органига тақдим этилади. Ваколатли органлар, давлат солиқ хизмати органлари ва хизмат кўрсатувчи тижорат банки филиаллари солиштирма далолатномага ўзларида мавжуд бўлган маълумотларни киритадилар. Солиштирма далолатномага унда аниқланган тафовутлар бўйича изоҳлар илова қилиниши мумкин.

Қорақалпоғистон Республикаси фуқаролик ва жиноят ишлари бўйича олий судлари, фуқаролик ва жиноят ишлари бўйича вилоят ва Тошкент шаҳар судлари, фуқаролик ишлари бўйича туманлараро, туман (шаҳар) судлари, жиноят ишлари бўйича туман (шаҳар) судлари давлат божи тушумларини ҳисобга олиш китобларида кўрсатилган маълумотларни давлат солиқ хизмати органларига мазкур банднинг биринчи хатбошисида белгиланган муддатда тақдим этадилар. Давлат солиқ хизмати органлари судлар томонидан тақдим этилган маълумотлар асосида тегишли судлар бўйича давлат божи тушумларини хизмат кўрсатувчи тижорат банклари филиаллари билан солиштирадилар.

4-БОБ. ЯКУНИЙ ҚОИДАЛАР

9. Мазкур Низом талабларининг бузилишида айбдор бўлган шахслар қонун ҳужжатларида белгиланган тартибда жавобгарликка тортиладилар.

10. Мазкур Низом талабларига риоя этилиши устидан назорат давлат солиқ хизмати органлари томонидан қонун ҳужжатларига мувофиқ амалга оширилади.

11. Ушбу Низом Ўзбекистон Республикаси Олий суди, Олий хўжалик суди, Қишлоқ ва сув хўжалиги вазирлиги, Соғлиқни сақлаш вазирлиги, Маданият ва спорт ишлари вазирлиги, Ички ишлар вазирлиги, Ташқи ишлар вазирлиги, Адлия вазирлиги, Ахборот технологиялари ва коммуникацияларини ривожлантириш вазирлиги, Хусусийлаштириш, монополиядан чиқариш ва рақобатни ривожлантириш давлат қўмитаси, Давлат божхона қўмитаси, Давлат архитектура ва қурилиш қўмитаси, Ер ресурслари, геодезия, картография ва давлат кадастри бўйича давлат қўмитаси, Марказий банки, Ўзбекистон Матбуот ва ахборот агентлиги, Ўзбекистон автомобиль ва дарё транспорти агентлиги, Ўзбекистон Республикасининг Интеллектуал мулк агентлиги, Ўзбекистон Республикаси Вазирлар Маҳкамаси ҳузуридаги Дин ишлари бўйича қўмита, Давлат тест маркази, Ўзбекистон нефть маҳсулотлари ва газдан фойдаланишни назорат қилиш давлат инспекцияси, Ер қаърини геологик ўрганиш, саноатда, кончиликда ва коммунал-маиший секторда ишларнинг бехатар олиб борилишини назорат қилиш давлат инспекцияси, Парвозлар хавфсизлигини назорат қилиш давлат инспекцияси, Темир йўлларда юк ва йўловчилар ташиш хавфсизлигини назорат қилиш давлат инспекцияси, "Ўзбеккино" Миллий агентлиги ва "Ўзбектуризм" Миллий компанияси билан келишилган.

Низомга

1-ИЛОВА

Миллий валютадаги давлат божи

тушумларини ҳисобга олиш

КИТОБИ

сўм

         

Низомга

2-ИЛОВА

Чет эл валютасидаги давлат божи

тушумларини ҳисобга олиш

КИТОБИ

валюта тури

        

Низомга

3-ИЛОВА

Автомобиль транспортида йўловчиларни ва юкларни

шаҳарда, шаҳар атрофида, шаҳарлараро ва халқаро

йўналишлар бўйича ташиш фаолиятини амалга

оширишни лицензиялаш юзасидан давлат

божи тушумларини ҳисобга олиш

КИТОБИ

сўм

      

Низомга

4-ИЛОВА

Судга мурожаат қилинганда миллий валютада тўланган

давлат божи тушумларини ҳисобга олиш

КИТОБИ

      

сўм

       

Низомга

5-ИЛОВА

Судга мурожаат қилинганда чет эл валютасида тўланган

давлат божи тушумларини ҳисобга олиш

КИТОБИ

валюта тури

         

Низомга

6-ИЛОВА

        

Низомга

7-ИЛОВА

Миллий валютада тушган давлат божи

суммаларининг бюджет ва бюджетдан

ташқари жамғармаларга ўтказилиши

тўғрисида 20__ йил ______ ҳолатига

СОЛИШТИРМА ДАЛОЛАТНОМА

сўм

Изоҳ: ваколатли органлар томонидан 4, 5, 6 ва 7-устунлар тўлдирилмайди.

       

Низомга

8-ИЛОВА

Чет эл валютасида тушган давлат божи

суммаларининг бюджет ва бюджетдан

ташқари жамғармаларга ўтказилиши

тўғрисида 20__ йил _______ ҳолатига

СОЛИШТИРМА ДАЛОЛАТНОМА

Изоҳ: ваколатли органлар томонидан 4, 5, 6, 7, 8 ва 10-устунлар тўлдирилмайди.

"Ўзбекистон Республикаси қонун ҳужжатлари тўплами",

2016 йил 8 февраль, 5-сон, 50-модда