Ўзбекистон Республикаси Вазирлар Маҳкамасининг 13.02. 2003 й. 78-сон "2003-2006 йилларда чакана савдо, умумий овқатланиш ва аҳолига маиший хизмат кўрсатиш корхоналари тармоқларини ривожлантиришга доир қўшимча чора-тадбирлар тўғрисида"ги Қарори

Функция недоступна

ЎЗБЕКИСТОН РЕСПУБЛИКАСИ

ВАЗИРЛАР МАҲКАМАСИНИНГ

ҚАРОРИ

13.02.2003 й.

N 78

2003-2006 ЙИЛЛАРДА ЧАКАНА САВДО, УМУМИЙ

ОВҚАТЛАНИШ ВА АҲОЛИГА МАИШИЙ ХИЗМАТ

КЎРСАТИШ КОРХОНАЛАРИ ТАРМОҚЛАРИНИ

РИВОЖЛАНТИРИШГА ДОИР ҚЎШИМЧА

ЧОРА-ТАДБИРЛАР ТЎҒРИСИДА

Аҳолининг чакана савдо, умумий овқатланиш ва маиший хизмат кўрсатиш корхоналари хизматларига бўлган эҳтиёжини янада тўлиқ қондириш, уларнинг тармоғини, айниқса хизматлар кўрсатиш даражаси республика бўйича ўртача даражадан паст бўлган минтақаларда янада кенгайтириш мақсадида Вазирлар Маҳкамаси ҚАРОР ҚИЛАДИ:

1. Ўзбекистон Республикаси Иқтисодиёт вазирлиги, "Ўзбексавдо", "Ўзбекбирлашув" компаниялари ва "Маиший хизмат маркази" очиқ акциядорлик жамияти томонидан Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари билан биргаликда ишлаб чиқилган 2003-2006 йилларда чакана савдо, умумий овқатланиш ва аҳолига маиший хизмат кўрсатиш корхоналари тармоқларини ривожлантириш дастурлари 1-6-иловаларга мувофиқ маъқуллансин.

Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари, "Маиший хизмат маркази" очиқ акциядорлик жамияти, "Матлуботсавдо", аҳолига маиший хизмат кўрсатиш уюшмалари, Тошкент шаҳар ҳокимлигининг Савдо, хизматлар соҳаси ва халқ истеъмол товарлари ишлаб чиқариш департаменти иштирокида кўрсатилган дастурларни амалга ошириш бўйича жойларда амалий ишлар ташкил этилишини таъминласинлар.

2. Белгилансинки, дастурларда назарда тутилган чакана савдо, умумий овқатланиш ва аҳолига маиший хизмат кўрсатиш корхоналарини қуриш, реконструкция қилиш ва жиҳозлаш савдо, маиший хизмат кўрсатиш ташкилотлари ва корхоналарининг ҳамда тадбиркорларнинг ўз маблағлари, шунингдек тижорат банклари ва бошқа молия ташкилотларининг кредитлари ҳисобига амалга оширилади.

3. Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари:

"Ўзбексавдо", "Ўзбекбирлашув" акциядорлик компаниялари ва "Маиший хизмат маркази" очиқ акциядорлик жамияти иштирокида чакана савдо, умумий овқатланиш ва аҳолига маиший хизмат кўрсатиш корхоналари тармоғини ривожлантиришнинг аниқ дастурларини (аҳоли пунктлари бўйича) бир ой муддатда ишлаб чиқсинлар ва тасдиқласинлар, бунда барпо этилаётган объектларни мавжуд савдо ва хизмат кўрсатиш соҳаси аҳолининг кўрсатилаётган хизматларга бўлган эҳтиёжи таъминланмаётган туманлар, шаҳарлар ва қишлоқ аҳоли пунктларида жойлаштиришга алоҳида эътибор берсинлар;

чакана савдо, умумий овқатланиш ва маиший хизмат кўрсатиш объектларини жойлаштириш (ташкил этиш) учун турар жой ва нотурар жой биноларидаги мавжуд бўш майдонларни белгиланган тартибда хатловдан ўтказсинлар;

чакана савдо, умумий овқатланиш ва маиший хизмат кўрсатиш объектлари қурилишига аҳоли учун қулай жойлардаги ер участкаларини тадбиркорларга танлов асосида берсинлар;

тегишли шаҳарлар, туманлар ҳокимликлари, лойиҳалаш ташкилотлари билан биргаликда тегишли ҳудудни қуришнинг бош режасига мувофиқ дастурларда назарда тутилган савдо, умумий овқатланиш ва аҳолига маиший хизмат кўрсатиш корхоналарини қуриш, реконструкция қилиш ва жиҳозлаш бўйича зарур лойиҳа-смета ҳужжатларини ишлаб чиқсинлар;

йилнинг ҳар чорагида 2003-2006 йилларда чакана савдо, умумий овқатланиш ва аҳолига маиший хизмат кўрсатиш корхоналари тармоғини ривожлантириш дастурлари бажарилишини кўриб чиқсинлар ва ҳисобот чорагидан кейинги ойнинг 20-кунигача Вазирлар Маҳкамасига ахборот берсинлар.

4. Вазирлар Маҳкамасининг Истеъмол товарлари ишлаб чиқариш ва савдо комплекси, Ўзбекистон Республикаси Иқтисодиёт вазирлиги, Давлат статистика қўмитаси ушбу қарор билан тасдиқланган дастурларда тегишли йиллар учун белгиланган топшириқларнинг бажарилиши юзасидан мунтазам асосда, келишилган жадвал бўйича мониторинг олиб борсинлар.

5. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари М.З. Усмонов зиммасига юклансин.

Вазирлар Маҳкамасининг Раиси                                                И. Каримов

Вазирлар Маҳкамасининг

2003 йил 13 февралдаги

78-сон қарорига

1-ИЛОВА

2003-2006 йилларда озиқ-овқат ва

ноозиқ-овқат товарларни сотиш бўйича

чакана савдо корхоналари ташкил этиш

ДАСТУРИ

Вазирлар Маҳкамасининг

2003 йил 13 февралдаги

78-сон қарорига

2-ИЛОВА

2003-2006 йилларда умумий овқатланиш корхоналари

(умумий фойдаланиш шохобчаси) ташкил этиш

ДАСТУРИ

Вазирлар Маҳкамасининг

2003 йил 13 февралдаги

78-сон қарорига

3-ИЛОВА

2003-2006 йилларда умумтаълим мактаблари,

олий ўқув юртлари, касб-ҳунар коллежлари ва

академик лицейларда ошхоналар ташкил этиш

ДАСТУРИ*

*) - Ўзбекистон Республикаси Халқ таълими вазирлигининг 2001-2006 йилларда умумтаълим мактабларининг моддий-техника базасини мустаҳкамлаш бўйича Дастурига мувофиқ;

- Ўзбекистон Республикаси Вазирлар Маҳкамасининг "Академик лицейлар ва касб-ҳунар коллежларининг моддий-техника базасини янада ривожлантириш чора-тадбирлари тўғрисида" 2001 йил 14 августдаги 338-сон қарорига 1-1-сон, 3-1-сон - 3- 14 - сон иловаларга мувофиқ

Вазирлар Маҳкамасининг

2003 йил 13 февралдаги

78-сон қарорига

4-ИЛОВА

2003-2006 йилларда "ГУЗАР" туридаги савдо-маиший

хизмат комплексларини ташкил этиш

ДАСТУРИ

Вазирлар Маҳкамасининг

2003 йил 13 февралдаги

78-сон қарорига

5-ИЛОВА

2003-2006 йилларда аҳолига маиший хизмат

кўрсатиш объектлари ташкил этишнинг

ЙИҒМА ДАСТУРИ

Вазирлар Маҳкамасининг

2003 йил 13 февралдаги

78-сон қарорига

6-ИЛОВА

2003-2006 йилларда аҳолига маиший хизмат кўрсатиш

(хизмат турлари бўйича) объектларини ташкил этишнинг

ЙИҒМА ДАСТУРИ