Внимание!

Документ утратил силу.
Смотрите подробности в начале документа.


ВСЕ ЗАКОНОДАТЕЛЬСТВО УЗБЕКИСТАНА

ЎзР Конунчилиги / Иқтисодиётнинг айрим соҳалари / Ўз кучини йўқотган ҳужжатлар / Қишлоқ ва сув хўжалиги / Кишлок хужаликнинг бошка сохалари /

Ўзбекистон Республикаси Вазирлар Маҳкамасининг 05.11.2009 й. 291-сон "Жиззах ва Сирдарё вилоятларида чорвачилик-сут комплекслари қуриш чора-тадбирлари тўғрисида"ги Қарори

Функция недоступна

Данная функция доступно только для клиентов (пользователей)

Полный текст документа доступен в платной версии. По вопросам звоните на короткий номер 1172

ЎЗБЕКИСТОН РЕСПУБЛИКАСИ

ВАЗИРЛАР МАҲКАМАСИНИНГ

ҚАРОРИ

05.11.2009 й.

N 291



ЖИЗЗАХ ВА СИРДАРЁ ВИЛОЯТЛАРИДА

ЧОРВАЧИЛИК-СУТ КОМПЛЕКСЛАРИ ҚУРИШ

ЧОРА-ТАДБИРЛАРИ ТЎҒРИСИДА


Ўзбекистон Республикаси Президентининг "Шахсий ёрдамчи, деҳқон ва фермер хўжаликларида чорва моллар кўпайтиришни рағбатлантиришни кучайтириш ҳамда чорвачилик маҳсулотлари ишлаб чиқаришни кенгайтириш борасидаги қўшимча чора-тадбирлар тўғрисида" 2008 йил 21 апрелдаги ПҚ-842-сон ва "Озиқ-овқат маҳсулотлари ишлаб чиқаришни кенгайтириш ва ички бозорни тўлдириш юзасидан қўшимча чора-тадбирлар тўғрисида" 2009 йил 26 январдаги ПҚ-1047-сон қарорларини амалга ошириш, шунингдек Жиззах ва Сирдарё вилоятларида замонавий чорвачилик комплекслари қуриш йўли билан чорва моллари бош сонини ва сут маҳсулотлари етиштириш ҳажмини янада кўпайтириш мақсадида Вазирлар Маҳкамаси ҚАРОР ҚИЛАДИ:


1. Қуйидагилар:

а) Ўзбекистон Республикаси Ташқи иқтисодий алоқалар, инвестициялар ва савдо вазирлигининг ташқи савдо компаниялари томонидан Жиззах ва Сирдарё вилоятларида чорвачилик комплекслари қуриш (500 бош молга) лойиҳаларини амалга ошириш учун қишлоқ хўжалиги учун III Халқаро мини технологиялар ва ихчам асбоб-ускуналарнинг "Uzbekistan Agrominitech Expo - 2008" ихтисослаштирилган кўргазма-сотувида ўтказилган танлаш асосида "Van der Ploeg International B.V." (Голландия), "DELAVAL EXPORT SERVICE AB" (Швеция) ва "CONEXX" Sp.z o.o. (Польша) компаниялари билан йиғма металл конструкциялари ва махсус асбоб-ускуналар етказиб беришга доиравий битимлар имзоланганлиги;

б) имзоланган Доиравий битимларни бажариш юзасидан:

"Uzprommashimpeks" давлат-акциядорлик компанияси билан "Van der Ploeg International B.V." компанияси (Голландия) ўртасида йиғма металл конструкциялари ва махсус асбоб-ускуналар етказиб беришга 2008 йил 19 сентябрда 1283-200/2008 ИМ-1107-сон контракт имзоланганлиги (Сирдарё вилоятида чорвачилик комплекси қурилиши учун);

"DELAVAL EXPORT SERVICE AB" компанияси (Швеция) билан "Markazsanoateksport" давлат-акциядорлик ташқи савдо компанияси ўртасида махсус асбоб-ускуналар етказиб беришга 2008 йил 13 октябрда 310842-сон ва "CONEXX" Sp.z o.o. компанияси (Польша) билан - йиғма металл конструкциялари етказиб беришга 2008 йил 13 августда 0015-сон контрактлар имзоланганлиги (Жиззах вилоятида чорвачилик комплекси қурилиши.учун) маълумот учун қабул қилинсин.


2. Ўзбекистон Республикаси Ташқи иқтисодий алоқалар, инвестициялар ва савдо вазирлигининг чорвачилик комплекслари қурилиши ва уларни жиҳозлаш учун махсус асбоб-ускуналар ва йиғма металл конструкциялари ўтказилган танлов асосида ташқи савдо компаниялари томонидан сотиб олиниши ҳамда харидларни мақсадли қарз бериш ҳақида ташқи савдо компаниялари билан тузилган шартномалар асосида Ташқи иқтисодий алоқалар, инвестициялар ва савдо вазирлигининг махсус ҳисоб рақамида жамланадиган "КфВ" банкининг (Германия) нотижорат валюта кредитлари маблағлари ҳисобига молиялаштириш тўғрисидаги таклифига розилик берилсин.


3. Қуйидагилар:

а) чорвачилик комплекслари қуриш бўйича:

Жиззах вилоятида - Ўзбекистон Республикаси Ташқи иқтисодий алоқалар, инвестициялар ва савдо вазирлигининг "O`zmarkazimpeks" давлат-акциядорлик ташқи савдо компанияси ва "Markazsanoateksport" давлат-акциядорлик ташқи савдо компанияси томонидан ташкил этилган "Milkfoods" масъулияти чекланган жамият;

Сирдарё вилоятида - Ўзбекистон Республикаси Ташқи иқтисодий алоқалар, инвестициялар ва савдо вазирлигининг "Uzinterimpeks" давлат-акциядорлик ташқи савдо компанияси ва "Uzprommashimpeks" давлат-акциядорлик ташқи савдо компанияси томонидан ташкил этилган "Inter Milk" масъулияти чекланган жамият буюртмачилар этиб;

б) чорвачилик комплекслари қуриш бўйича бош пудратчи этиб -"Камол" кўп тармоқли қурилиш корхонаси;

в) лойиҳа-смета ҳужжатларини ишлаб чиқиш бўйича бош лойиҳаловчи этиб - "Ўзқишлоққурилишлойиҳа" масъулияти чекланган жамият белгилансин.


4. Ўзбекистон Республикаси Давлат архитектура ва қурилиш қўмитаси лойиҳа-смета ҳужжатларининг белгиланган тартибда давлат экспертизасидан ўтказилишини ҳамда лойиҳа ва қурилиш-монтаж ишларининг сифати, шунингдек давлат стандартлари талабларига, қурилиш нормалари ва қоидаларига риоя қилиниши устидан доимий давлат архитектура-қурилиш назорати олиб борилишини таъминласин.


5. Жиззах ва Сирдарё вилоятлари ҳокимликлари:

бир ой муддатда чорвачилик комплекслари қурилиши ва уларнинг озуқа базаси ташкил этилиши учун белгиланган тартибда ер участкалари ажратсинлар;

ҳудудларни ободонлаштириш, ирригация, кўкаламзорлаштириш, мавжуд муҳандислик коммуникацияларини реконструкция қилиш ва янги муҳандислик коммуникациялари қуриш ишлари бажарилишида амалий ёрдам кўрсатсинлар.


6. Мазкур қарорнинг бажарилишини назорат қилиш Ўзбекистон Республикаси Бош вазирининг биринчи ўринбосари Р.С.Азимов зиммасига юклансин.



Ўзбекистон Республикасининг Бош вазири                       Ш. Мирзиёев




















Время: 0.0055
по регистрации МЮ строгое соответствие
  • Все
  • действующие
  • утратившие силу
  • Русский
  • Ўзбекча
  • Оба языка
  • любая дата
  • точная дата
  • период
  • -

Свернуть поиск