Халқ таълими вазирлигининг 28-сон, Меҳнат ва аҳолини ижтимоий муҳофаза қилиш вазирлигининг 11/2870-сон, Вазирлар Маҳкамаси ҳузуридаги Давлат тест марказининг 01-280-сон "Умумтаълим муассасалари ҳузуридаги махсус комиссиялар тўғрисидаги низомга ўзгартириш ва қўшимчалар киритиш ҳақида"ги 11.09.2006 й. Қарори (АВ томонидан 03.10.2006 й. 1534-1-сон билан рўйхатга олинган)

Функция недоступна

ЎЗБЕКИСТОН РЕСПУБЛИКАСИ

АДЛИЯ ВАЗИРЛИГИ ТОМОНИДАН

РЎЙХАТГА ОЛИНГАН

03.10.2006 й.

N 1534-1

ЎЗБЕКИСТОН РЕСПУБЛИКАСИ

ВАЗИРЛАР МАҲКАМАСИ ҲУЗУРИДАГИ

ДАВЛАТ ТЕСТ МАРКАЗИНИНГ

11.09.2006 й.

N 01-280

ҚАРОРИ

Умумтаълим муассасалари ҳузуридаги

махсус комиссиялар тўғрисидаги низомга

ўзгартириш ва қўшимчалар киритиш ҳақида

(2006 йил 13 октябрдан кучга киради)

Ўзбекистон Республикаси Президентининг 2006 йил 31 майдаги ПҚ-362-сонли "Умумтаълим мактабларини дарсликлар билан таъминлаш тизимини ривожлантиришнинг қўшимча чоралари тўғрисида"ги қарори (Ўзбекистон Республикаси Қонун ҳужжатлари тўплами, 2006 йил, 22-сон, 190-модда) ижросини таъминлаш мақсадида ҳамда таълим муассасаларида халқ таълими ходимлари меҳнатига ҳақ тўлашнинг такомиллаштирилган тизимини жорий этиш бўйича тўпланган тажрибаларни ва педагоглар жамоатчилигининг таклифларини инобатга олган ҳолда ҚАРОР ҚИЛАМИЗ:

1. Ўзбекистон Республикаси Меҳнат ва аҳолини ижтимоий муҳофаза қилиш вазирлиги, Халқ таълими вазирлиги, Вазирлар Маҳкамаси ҳузуридаги Давлат тест марказининг 2005 йил 30 декабрдаги 41, 5067 ва 84-01-1375-сонли қарори билан тасдиқланган Умумтаълим муассасалари ҳузуридаги махсус комиссиялар тўғрисидаги низомга (2006 йил 3 январь, рўйхат рақами 1534 - Ўзбекистон Республикаси Қонун ҳужжатлари тўплами, 2006 йил, 1-сон, 5-модда) иловага* мувофиқ ўзгартириш ва қўшимчалар киритилсин.

2. Мазкур қарор Ўзбекистон Республикаси Адлия вазирлигида давлат рўйхатидан ўтказилган кундан бошлаб ўн кундан кейин кучга киритилсин.

*) Илова рус тилидаги матнда берилган.

"Ўзбекистон Республикаси қонун ҳужжатлари тўплами", 2006 йил, 40-сон, 401-модда.