Тошкент вилояти ҳокимининг 20.07.2009 й. 151-сон "Тошкент вилояти ҳудудида давлат кўчмас мулкидан фойдаланганлиги учун қўлланадиган ижара тўловининг энг кам ставкалари тўғрисида"ги Қарори

Функция недоступна

ТОШКЕНТ ВИЛОЯТИ ҲОКИМИНИНГ

ҚАРОРИ

20.07.2009 й.

N 151

ТОШКЕНТ ВИЛОЯТИ ҲУДУДИДА ДАВЛАТ

КЎЧМАС МУЛКИДАН ФОЙДАЛАНГАНЛИГИ

УЧУН ҚЎЛЛАНАДИГАН ИЖАРА ТЎЛОВИНИНГ

ЭНГ КАМ СТАВКАЛАРИ ТЎҒРИСИДА

Ўзбекистон Республикасининг "Ижара тўғрисида"ги Қонуни (Ўзбекистон Республикаси Олий Кенгашининг Ахборотномаси, 1992 йил N 1, 45-модда; 1993 йил, N 9, 329-модда), Вазирлар Маҳкамасининг 2009 йил 8 апрелдаги "Давлат мулкини ижарага бериш тартибини такомиллаштириш чора-тадбирлари тўғрисида"ги 102-сон қарори (Ўзбекистон Республикаси Қонун ҳужжатлари тўплами, 2009 йил, N 15, 186-модда) талаблари асосида, вилоятлардаги бино-иншоотларга бўлган эҳтиёжни инобатга олган ҳолда, шунингдек бўш турган бино ва иншоотларни, кутилаётган харажатлар билан корхона ва ташкилотларнинг ижара тўловидан тушадиган даромадларни тартибга солиш, улардан оқилона фойдаланиш мақсадида

ҚАРОР ҚИЛАМАН:

1. Иқтисодиёт, Молия вазирликлари ва Давлат мулки қўмитасининг 2-1-7/7-607, 08-01-32-14/415, 01/16-18/16-сон хатлари инобатга олинсин.

2. Вилоятда Давлат кўчмас мулкидан фойдаланганлиги учун қўлланадиган ижара тўловининг энг кам миқдори ставкалари 1-иловага ҳамда ҳудудий зоналар рўйхати 2-иловага мувофиқ тасдиқлансин.

3. Вилоят ҳудудида қўлланадиган ижара тўловининг энг кам миқдордаги ставкалари мазкур қарор тасдиқланган кундан кучга киритилсин.

4. Давлат мулкини бошқариш давлат қўмитаси Тошкент вилояти ҳудудий бошқармаси қошидаги "TOSHKENT VILOYATI DAVLAT MULKINI IJARAGA BERISH MARKAZI" Давлат унитар корхонаси (А.Ҳакимов)га вилоятда ҳозирги кунда фойдаланилмаётган бўш турган бино ва иншоотларни, асбоб-ускуналарни аниқлаб, тадбиркорлик субъектларига белгиланган тартибда ижарага бериш, вилоятда қўшимча ишчи ўринларни яратиш мақсадида ҳар чоракда қилинган ишлар юзасидан вилоят ҳокимлигига ҳисобот бериб бориш вазифаси юклатилсин.

5. Белгилаб қўйилсинки, ижарага берувчи (юридик ёки жисмоний шахсга) ижарага берилаётган мулкларни ва уни ижарага беришдан тушадиган маблағларни ҳисобга олиш ва мониторингини олиб бориш, ижарага бериладиган мулклар бўйича маълумотлар базасини шакллантириш ва юритиш ҳамда ижарага берилган мулкни ҳар чоракда хатловдан ўтказишга шахсан масъулдир.

6. Мазкур қарор қабул қилиниши билан вилоят ҳокимининг жорий йил 12 январдаги 12-сон қарори ўз кучини йўқотган деб ҳисоблансин.

7. Ушбу қарорнинг бажарилишини назорат қилиш вилоят ҳокимининг ўринбосари С.Абдуллаев зиммасига юклатилсин.

Вилоят ҳокими                                                             Р. Холматов

Тошкент вилояти ҳокимининг

2009 йил 20 июлдаги

151-сон қарорига

1-ИЛОВА

Тошкент вилоятида Давлат кўчмас мулкидан

фойдаланганлиги учун қўлланадиган ижара тўловининг

ЭНГ КАМ МИҚДОРДАГИ СТАВКАЛАРИ

Ижара тўлови ставкаларига қўлланиладиган

Оширувчи коэффициент:

Маъмурий бинонинг ҳолати ва қурилиш турига қўлланиладиган коэффициентлар:

1-Ҳудудий зоналар коэффициенти (Кз) вилоят ҳудуди зоналари рўйхати илова қилинади.

2-Бинонинг қурилиш тури бўйича коэффициентлар (Кқ)

- алоҳида турган бино - 1,5

- қўшимча қрилган бино - 1,0

- бинонинг юқори қисми, чердак, болохона - 0,7

- ярим ертўла, ертўла - 0,5

3-Туташиб кетган ҳудуддан фойдаланиш коэффициенти (Кҳ)

- ер майдони мавжуд бўлганда - 0,7

4-Тижорат мақсадларида фойдаланилганда қулайлик коэффициенти (Ко)

- асосий автотранспорт йўллари бўйлаб жойлашганда - 0,5

- иккинчи даражали автотранспорт йўллари бўйлаб жойлашганда - 0,4

Бинонинг ҳолати ва қурилиш тури бўйича қўлланиладиган коэффициентлар қўшилади.

Бинолар ва иншоотлар бўйича ижара тўловини ҳисоблаб чиқиш қуйидаги тарзда аниқланади:

Тс = Эс * Кз * (Кқ + Кҳ + Ко)

бунда:

Тс - бир йилга бир кв. метр учун ижара тўловининг таянч ставкаси;

Эс - бир йилга бир кв. метр учун энг кам ставка.

Тошкент вилояти ҳокимининг

2009 йил 20 июлдаги

151-сон қарорига

2-ИЛОВА

Ҳудудий зоналар