ВСЕ ЗАКОНОДАТЕЛЬСТВО УЗБЕКИСТАНА
ЎзР Конунчилиги / Таълим. Фан. Маданият / Маданият / Тасвирий санъат. Музейлар /Ўзбекистон Республикаси Вазирлар Маҳкамасининг 04.02.2005 й. 55-сон "Ўзбекистон Бадиий академиясига жой ажратиш тўғрисида"ги Қарори
Полный текст документа доступен в платной версии. По вопросам звоните на короткий номер 1172
ЎЗБЕКИСТОН РЕСПУБЛИКАСИ
ВАЗИРЛАР МАҲКАМАСИНИНГ
ҚАРОРИ
04.02.2005 й.
N 55
ЎЗБЕКИСТОН БАДИИЙ АКАДЕМИЯСИГА
ЖОЙ АЖРАТИШ ТЎҒРИСИДА
Ўзбекистон тасвирий санъатини янада ривожлантириш ҳамда Бадиий академия фаолиятини қўллаб-қувватлаш мақсадида Вазирлар Маҳкамаси ҚАРОР ҚИЛАДИ:
1. Ўзбекистон Республикаси Давлат мулки қўмитаси, Тошкент шаҳар ҳокимлиги ҳамда Ўзбекистон Бадиий академиясининг Бадиий кўргазмалар дирекцияси фондининг "Ўзбекистон" миллий боғи ҳудудида бузиладиган бинолар рўйхатига кирган Тошкент шаҳри, Байналмилал кўчаси, 2-уй манзилидаги бинолари ўрнига Тошкент шаҳри, Лутфий кўчаси 10а-уй манзилидаги биноларни Бадиий академия балансига беғараз бериш тўғрисидаги таклифига розилик берилсин.
2. Ўзбекистон Бадиий академияси бир ой муддатда:
Тошкент шаҳри, Лутфий кўчаси 10а-уй манзилидаги биноларни белгиланган тартибда ўз балансига қабул қилиб олсин;
Бадиий кўргазмалар дирекцияси фондини сақлаш учун зарур шарт-шароитни таъминлаш чора-тадбирларини кўрсин.
3. Вазирлар Маҳкамасининг "2003-2004 йилларда корхоналарни давлат тасарруфидан чиқариш ва хусусийлаштириш дастури тўғрисида" 2003 йил 17 апрелдаги 185-сон қарорига 2-иловадан 195-қатор ("RASSOM" Тошкент бадиий комбинати) чиқариб ташлансин.
4. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари Р.Қосимов зиммасига юклансин.
Ўзбекистон Республикасининг Бош вазири Ш. Мирзиёев