Внимание!

Документ утратил силу.
Смотрите подробности в начале документа.


ВСЕ ЗАКОНОДАТЕЛЬСТВО УЗБЕКИСТАНА

ЎзР Конунчилиги / Ташқи иқтисодий фаолият / Ўз кучини йўқотган ҳужжатлар / Умумий қоидалар /

Хом ашё, материаллар, бутловчи буюмлар ва асбоб-ускуналар харид қилиш бўйича тендер савдолари ўтказиш тўғрисида Низом (ЎзР ВМ 21.11.2000 й. 456-сон қарорига илова)

Функция недоступна

Данная функция доступно только для клиентов (пользователей)

Полный текст документа доступен в платной версии. По вопросам звоните на короткий номер 1172

Вазирлар Маҳкамасининг

2000 йил  21 ноябрдаги

456-сон қарорига

ИЛОВА


Хом ашё, материаллар, бутловчи буюмлар

ва асбоб-ускуналар харид қилиш бўйича

тендер савдолари ўтказиш тўғрисида

НИЗОМ


I. УМУМИЙ ҚОИДАЛАР


1. Ушбу Низом, хорижий товар етказиб берувчилар билан бир қаторда, мамлакатимиз корхоналарини, шу жумладан кичик бизнес субъектларини тендер савдолари жараёнига жалб этиш мақсадида ишлаб чиқилган.

2. Низом:

Ўзбекистон Республикаси бюджет тизими бюджетлари маблағлари;

Ўзбекистон Республикаси Президенти ёки Ҳукуматининг қарорларига мувофиқ ташкил этилган бошқа бюджетдан ташқари жамғармалар;

донор мамлакатлар, халқаро, хорижий ҳукумат ва ноҳукумат ташкилотлар билан Ўзбекистон Республикаси Президенти ёки Ҳукумати томонидан тузилган шартномалар доирасида бериладиган хорижий грантлар;

Ўзбекистон Республикаси кафолати остида бериладиган хорижий кредитлар ҳисобига молиялаштириладиган импорт қилинадиган ва Ўзбекистон Республикасида ишлаб чиқарилган хом ашё, материаллар, бутловчи буюмлар ва асбоб-ускуналарни харид қилиш юзасидан тендер савдолари (кейинги ўринларда "тендерлар" деб аталади) ўтказишни ташкил этиш механизмини белгилаб беради.

3. Ушбу Низомнинг амал қилиши:

товарларни тендер бўйича Ўзбекистон Республикаси Вазирлар Маҳкамаси томонидан қабул қилинган қарорларга мувофиқ харид қилишга, шунингдек агар хорижий кредитлар ва грантларни бериш шартларида харидларнинг бошқача тартиби белгиланган бўлса, татбиқ этилмайди;

товарларни тендер бўйича Ўзбекистон Республикаси Президенти сайловларини, Ўзбекистон Республикаси Олий Мажлисига, халқ депутатлари вилоятлар, туманлар ва шаҳарлар Кенгашларига сайловларни, шунингдек Ўзбекистон Республикаси референдумларини тайёрлаш ва ўтказиш учун харид қилишга татбиқ этилмайди.

4. Қуйидагилар:

хом ашё, материаллар, бутловчи буюмлар ва асбоб-ускуналар харид қилишга йўналтириладиган Ўзбекистон Республикаси бюджет тизими бюджетлари маблағларидан, ҳукумат кафолати остида бериладиган хорижий кредитлар ва хорижий грантлардан фойдаланиш самарадорлигини ошириш;

харид қилинадиган хом ашё, материаллар, бутловчи буюмлар ва асбоб-ускуналар сифатини ошириш тендерлар ўтказишнинг  мақсади ҳисобланади.


5. Тендер савдолари 100 минг АҚШ долларига тенг миқдордан ортиқ битта контракт бўйича товарлар етказиб беришни амалга оширишда ўтказилади.

Камида 1 минг АҚШ доллари суммасидаги бир контракт бўйича етказиб беришда харид товарлар (ишлар, хизматлар)нинг нархи, сифати ва етказиб бериш муддатлари бўйича энг мақбул шартларни таклиф этган етказиб берувчилар билан тўғридан-тўғри шартномалар тузиш йўли билан амалга оширилади.

Бир минг АҚШ долларидан 100 минг АҚШ долларигача суммага битта контракт бўйича етказиб беришда харид:

харид қилинадиган товарлар, ишлар ва хизматларнинг тавсифномасини, сонини, бажариш муддатини ва товарни етказиб бериш жойини кўрсатган ҳолда таклифларни етказиб берувчиларга ёки пудратчиларга юбориш;

етказиб берувчилар ёки пудратчилар эълон қилган нархлар ва тавсифномаларни таққослаш йўли билан буюртмачилар томонидан ташкил этиладиган идоравий танлов комиссиялари томонидан баҳоланадиган энг яхши таклифларни танлаб олиш йўли билан амалга оширилади.

Идоравий танлов комиссия буюртмачининг раҳбар ходимлари ва ваколатли мутахассисларидан камида уч нафардан иборат бўлган таркибда тузилади. Идоравий комиссиянинг қарори протокол билан расмийлаштирилади.

5-1. Қуйидаги ҳолларда тендер (танлов) ўтказмасдан товар етказиб берувчилар (бажарувчилар, пудратчилар) билан контрактлар тузилиши мумкин:

1) товарлар етказиб бериш, табиий монополиялар субъектлари фаолияти соҳасига тегишли бўлганда;

4) тарих ва маданият ёдгорликлари сифатида давлат муҳофазасига олинган ҳамда давлат музей, кутубхона, архив фондларини, кинофотофондини ва бошқа шунга ўхшаш фондларни тўлдириш учун мўлжалланган тарихий, бадиий ёки бошқа маданият аҳамиятига молик маданий бойликлар (картиналар, скульптуралар, адабий асарлар ва бошқалар), шу жумладан, музей предметлари ва музей коллекциялари, шунингдек нодир ва қимматли нашрлар ва қўлёзмалар, архив ҳужжатлари, жумладан уларнинг нусхаларини етказиб беришни амалга оширганда;

5) товарларни сотишга алоҳида ҳуқуқи бўлган фақат битта етказиб берувчидан товарлар харид қилиш мумкин бўлганда;

6) тузилган контрактнинг шартлари дастлабки контракт умумий суммасининг 20 фоизидан ошмайдиган суммага тенг қўшимча ишларни бажариш мақсадида ўзгарганда;

7) бажариш ёки хизмат кўрсатишни амалга ошириш фақат давлат ҳокимияти ва бошқарув органлари томонидан ёки уларга бўйсунувчи давлат муассасалари ва корхоналари томонидан уларнинг ваколатларига мувофиқ мумкин бўлган ишлар ёки хизматларга эҳтиёж туғилганда;

8) енгиб бўлмас кучлар (табиий офатлар, ёнғинлар, фалокатлар, авариялар ва ҳоказолар) оқибатларини бартараф этиш (олдини олиш) учун зарур бўлган муайян товарларга бюджет ташкилотларининг тезкор эҳтиёж туғилганда, бунинг натижасида вақтнинг йўқотилиши талаб қилинадиган бошқа буюртмани жойлаштириш усулларини қўллаш мақсадга мувофиқ бўлмаганда (Ўзбекистон Республикаси Молия вазирлиги ёки унинг ҳудудий бўлинмалари (кейинги ўринларда молия органлари деб аталади) билан келишуви бўйича);

9) етказиб берувчиларнинг ёки контрактда уларнинг манфаатдорлиги йўқлиги сабабли буюртмачи - бюджет ташкилотлари томонидан ўтказилган тендер (танлов)ни бўлиб ўтмаган деб ҳисоблаш натижасида, агар буюртмачи узоқ туманларда жойлашган бўлса, буюртмачининг фаолият кўрсатиш ҳудудида ва яқин жойлашган туманларда фақат битта етказиб берувчи мавжуд бўлса, шунингдек бошқа жойлардан нарх котировкаларини олиш ҳеч қандай фойда олиш ёки иқтисод қилиш аниқланганда ва транспорт харажатлари учун нархлар ошиб кетишига олиб келганда. Бунда ягона етказиб берувчига буюртмаларни жойлаштириш тегишли молия органлари билан келишган ҳолда амалга оширилади;

5-2. Енгиб бўлмас кучлар оқибатларини бартараф этиш (олдини олиш) учун товарларга шошилинч эҳтиёж вужудга келган тақдирда ёки контрактда уларнинг манфаатдорлиги йўқлиги сабабли тендер (танлов)ни бўлиб ўтмаган деб ҳисоблаш натижасида буюртмачи тендер (танлов) ўтказмасдан ягона етказиб берувчига буюртмани жойлаштириш тўғрисидаги қарорни келишиш учун тегишли молия органларига ёзма мурожаат юборади.

Ягона етказиб берувчига буюртмани жойлаштириш тўғрисидаги қарорнинг келишиш муддати тегишли молия органига келишиш тўғрисида мурожаат келиб тушган кундан бошлаб ўн иш кунидан ошмаслиги керак.

Буюртмачи томонидан тендер (танлов) бўлиб ўтмаган деб ҳисоблаш натижасида ягона етказиб берувчига буюртмани жойлаштириш тўғрисидаги қарор қабул қилинган тақдирда уни келишиш учун тегишли молия органига мурожаатдан ташқари, шунингдек тендер (танлов) ўтказиш ва уни бўлиб ўтмаган деб ҳисоблаш тўғрисидаги ҳужжатларнинг нусхалари тақдим қилинади.

Бунда контракт ягона етказиб берувчи билан фақат тендер (танлов) ҳужжатларида назарда тутилган шартларда тузилиши мумкин, тузилган контракт баҳоси тендер (танлов) ўтказиш тўғрисидаги хабарномада кўрсатилган контрактнинг дастлабки баҳосидан ошмаслиги керак.

6. Тендер бўйича харидларда қатнашувчи мамлакатимиз товар ишлаб чиқарувчилари (етказиб берувчилари) билан ҳисоб-китоблар сўмларда халқаро молия институтлари, донор мамлакатлар, хорижий давлатлар Ҳукуматлари, бошқа норезидентлар маблағлари ҳисобига Ўзбекистон Республикаси ҳудудида амалга оширилаётган лойиҳалар бўйича халқаро тендерларда қатнашаётганлар билан эса - контрактда кўрсатилган валютада амалга оширилади.

7. Қарорларни ошкора ва холисона қабул қилиш, мамлакатимиз товар ишлаб чиқарувчилари (етказиб берувчилари) учун устуворликни сақлаган ҳолда тендер қатнашчилари учун тенг рақобат шароитлари яратиш тендерлар ўтказишни ташкил этишнинг асосий тамойиллари ҳисобланади.


8. Тендер савдолари харидларнинг фақат манбаларнинг мавжудлиги ва маблағ билан таъминлаш миқдорлари тўғрисида тасдиқномалар (молия органлари ёки давлат мақсадли ва бошқа бюджетдан ташқари жамғармаларни тақсимловчи органларнинг билдириш хати, хорижий кредиторлар билан ҳукумат кафолати остида имзоланган кредит шартномалари, хорижий грантлар бериш тўғрисидаги билдириш хати ва бошқалар) мавжуд бўлган ҳажми бўйича эълон қилиниши мумкин.

8-1. Ривожлантириш давлат дастурларини шакллантириш ва амалга ошириш доирасида ишлаб чиқиладиган тендер ҳужжатлари ва техник топшириқлар Ўзбекистон Республикаси Иқтисодиёт ва саноат вазирлиги ҳузуридаги Лойиҳалар ва импорт контрактларини комплекс экспертиза қилиш марказида экспертизадан ўтказилади.


II. ТЕНДЕРЛАРНИ ТАШКИЛ ЭТИШ


9. Тендерлар тендерларни ўтказишнинг доимий ёки вақтинчалик органи бўлган тендер комиссияси томонидан ўтказилади.

Тендер комиссияси харид қилувчи ташкилот (кейинги ўринларда "буюртмачи" деб аталади) томонидан тузилади.

Тармоқ вазирликлари ва идоралари рози бўлган тақдирда уларнинг вилоят, туман, шаҳар бўлимлари, ушбу Низом талабларига риоя қилган ҳолда, тендер ўтказиш бўйича буюртмачилар бўлиши мумкин.


10. Тендер комиссияси аъзолари сони тоқ (одатда камида тўққиз, ўн бир киши), шу жумладан унинг таркиби қуйидагилардан иборат бўлади:

буюртмачининг вакиллари;

Ўзбекистон Республикаси Молия вазирлиги, Ўзбекистон Республикаси Инвестициялар бўйича давлат қўмитаси, Ўзбекистон Республикаси Монополияга қарши курашиш қўмитаси ёки уларнинг ҳудудий бўлинмалари вакиллари (зарур бўлганда);

Ўзбекистон Республикаси Вазирлар Маҳкамаси ҳузуридаги "ЎзИнжиниринг" республика лойиҳа институти, шунингдек, буюртмачининг тармоқ илмий-техник кенгашлари вакиллари;

хизмат кўрсатувчи тижорат банки ва мустақил эксперт ташкилотлар вакиллари;

буюртмачининг юқори ташкилотлари, вазирликлари, идоралари вакиллари;

тендер савдолари хорижий товар етказиб берувчиларни жалб этган ҳолда ташкил қилинган тақдирда, транспорт-экспедиторлик компаниялари вакиллари.

Буюртмачининг ёки унга қарашли корхоналар ва ташкилотлар вакиллари сони тендер комиссияси таркибининг 30 фоизидан ошмаслиги керак.

Тендер комиссияси аъзоларининг тайинланиши юзасидан буюртмачи жавоб беради.


11. Тендер комиссиясининг ишчи органи тендерларни ўтказишни (товар етказиб берувчиларни олдиндан малакали танлаш, тушадиган таклифларни эксперт баҳолаш, бинолар ва ёрдамчи ходимлар бериш, реклама ишларини ташкил этиш, тендер комиссияси ҳужжатларини ва шу кабиларни амалга оширишни) амалда ташкил этувчи асосий орган ҳисобланади.


12. Буюртмачининг танлови бўйича шартнома асосида ихтисослашган ташкилот ёки буюртмачининг ўзи ишчи орган бўлиши мумкин, у зарур бўлганда шартнома асосида бошқа ташкилотлар мутахассисларини ҳам жалб этиши мумкин.

Товар етказиб бериш қиймати 1,0 млн АҚШ долларига тенг миқдордан ошадиган битта контракт бўйича амалга оширилганда ишчи орган буюртмачи томонидан Вазирлар Маҳкамасининг тегишли комплекслари билан келишган ҳолда белгиланади.

Ишчи орган  ихтисослашган ташкилотнинг, шунингдек бошқа ташкилотлар мутахассисларининг ҳуқуқ ва вазифалари доираси шартномаларда белгиланади.


13. Тендерларни ўтказишда буюртмачи:

тендерларни ўтказиш, уларнинг ўтказилиш санаси тўғрисида қарор қабул қилади, сотиб олинадиган товарларнинг энг юқори баҳосини белгилайди ва расмий фармойиш чиқаради;

ишчи орган фаолиятини назорат қилиб боради ва тендер комиссияси ишида қатнашади;

тендер ҳужжатларини тайёрлаш шартларини белгилайди;

тендерларни тайёрлаш ва ўтказиш билан боғлиқ харажатларни амалга оширади;

тендер ғолиби билан контракт тузади.


14. Ишчи орган буюртмачи билан келишган ҳолда:

савдо ва уни расмийлаштириш тартиботини белгилайди;

тендер ҳужжатларини ишлаб чиқишни ташкил этади;

оммавий ахборот воситаларида эълон беради ва/ёки таклифномалар жўнатишни ташкил этади;

жалб этиладиган экспертлар ва консультантлар фаолиятини мувофиқлаштириб боради;

даъвогарларни тендер ҳужжатлари билан таништиради;

аризаларни қабул қилади, уларнинг ҳисобга олиб борилишини, сақланишини ва махфийлигини таъминлайди.



III. ТЕНДЕРЛАРНИНГ ТУРЛАРИ


15. Ўтказиш усулларига кўра тендерлар  очиқ ёки ёпиқ бўлиши мумкин. Тендер тури буюртмачи томонидан белгиланади.


16. Очиқ тендерларда, мулкчилик шаклларидан қатъи назар, барча юридик шахслар қатнашиши мумкин.


17. Ёпиқ тендерлар истисно ҳолларда Вазирлар Маҳкамасининг тегишли комплекслари билан келишган ҳолда, буюртмачи олдиндан белгилаб қўйган ташкилотлар иштирокида ўтказилади, бу ташкилотларга таклифномалар жўнатилади.



IV. ТЕНДЕРНИ ТАШКИЛ ЭТИШ

ВА ЎТКАЗИШ БОСҚИЧЛАРИ


18. Тендерни ташкил этиш ва ўтказиш қуйидаги босқичлардан иборат бўлади:

тендернинг соҳасини белгилаш;

тендер ҳужжатларини (ихтисослашган техник ва тижорий консультантларни жалб этган ҳолда) тайёрлаш;

тендерни оммавий ахборот воситаларида эълон қилиш ва/ёки тендерда қатнашиши мумкин бўлганларга тендерда қатнашиш учун таклифномалар жўнатиш;

тендер қатнашчиларидан тендер бўйича таклифларни қабул қилиш;

тендерда қатнашиши мумкин бўлганларни аниқлаш;

тендер бўйича тушган таклифларни баҳолаш ва тендер ғолибини аниқлаш;

тендер ғолиби билан контрактни имзолаш.



V. ТЕНДЕР ТЎҒРИСИДАГИ ЭЪЛОНЛАРНИ

ТАЙЁРЛАШ ВА ЧОП ЭТИШ


19. Ишчи орган тендер (тендер савдолари) ўтказилишидан камида 30 кун олдин оммавий ахборот воситаларида эълон қилиш (бунда ушбу мақсад учун ҳам мамлакатимизда, ҳам чет элларда энг кенг тарқалган ва ихтисослашган журналлар, газеталарни танлаш мажбурий ҳисобланади) ва/ёки мамлакатимиздаги ишлаб чиқарувчиларни, шу жумладан кичик бизнес ва хусусий тадбиркорлик субъектларини албатта жалб этган ҳолда почта, телефакс орқали ёки бошқача шаклда аниқ даъвогарларга расмий таклифномалар юбориш йўли билан даъвогарларга етказади.

Ёпиқ тендерлар ўтказилганда тендер тўғрисидаги эълон оммавий ахборот воситаларида чоп этилмайди.


20. Тендерлар тўғрисидаги ахборотда қуйидаги маълумотлар бўлади:

ишчи органнинг номи;

тендернинг мавзуси;

товарни етказиб бериш шартлари ва мўлжалланган етказиб беришни бажариш муддатлари;

сотиб олинадиган товарнинг энг юқори нархи;

тендерда қатнашиш учун даъвогарларни олдиндан малакали танлаш муддатлари;

тендер ҳужжатларини олиши мумкин бўлган тендер комиссияси ишчи органининг манзили, боғланиш телефони ва телефакси;

тендер ҳужжатларининг нархи;

тендер бўйича таклиф бериш вақтида тендер қатнашчиси учун закалат суммаси;

тендер комиссияси томонидан таклифларни қабул қилиб олишнинг (кун ва соат кўрсатилган ҳолдаги) сўнгги муддати;

мамлакатимиз товар ишлаб чиқарувчилари (ишларни бажарувчилар, хизматлар кўрсатувчилар) учун қонун ҳужжатларида назарда тутилган нарх имтиёзлари;

мамлакатимиз товар ишлаб чиқарувчилари (етказиб берувчилари)нинг, шу жумладан кичик бизнес корхоналарининг тендерда қатнашиши мумкинлигига доир кўрсатмалар.


VI. ТЕНДЕР ҲУЖЖАТЛАРИГА

ҚЎЙИЛАДИГАН АСОСИЙ ШАРТЛАР


21. Тендер ҳужжатлари қуйидагилардан иборат бўлади:

тендер қатнашчиси учун йўриқнома;

тендернинг техник қисми;

тендернинг тижорат қисми;

контрактнинг расмий шакли.


22. Тендер қатнашчиси учун йўриқномада:

тендерлар қачон ўтказилиши тўғрисида маълумот олиш юзасидан тендер комиссиясининг ишчи органи вакили билан боғланиш учун манзил ва боғланиш телефонлари;

тендер комиссиясига юборилаётган тендер таклифларининг нусхалари сони тўғрисида кўрсатма;

тендер таклифини расмийлаштириш тартиби ва уни визалашга нисбатан қўйиладиган талаб;

тендер таклифи унинг қатнашчиси томонидан тендер комиссиясига тақдим этилгандан сўнг унга ўзгартиришлар киритиш ва уни расмийлаштириш тартиби;

нархлар белгилаш ва валютага оид кўрсатма;

тендер комиссиясига таклифлар бериш тартиботига нисбатан талаб;

тендер қатнашчисининг келишиб олинган вақт мобайнида ўз таклифидан қайтмаслигини кафолатловчи закалат пулининг миқдори, уни тўлаш ва қайтариб олиш тартиби;

буюртмачининг хоҳишига кўра  тендер савдолари натижалари бўйича тузилган контрактни зарур даражада бажариш юзасидан бериладиган пул кафолати (гаровга сифатидаги)нинг миқдори, уни тўлаш ва қайтариб олиш тартиби;

тендер қатнашчилари томонидан тендер ҳужжатлари талабларига асосланган таклифлар билан бир қаторда муқобил таклифлар бериш мумкинлиги тўғрисида ахборот;

тендер қатнашчисининг илтимоси асосли бўлганда тендерларнинг ёпилиши санасини бошқа кунга кўчириш мумкинлигига оид кўрсатма;

ҳар қандай ҳужжатнинг ва ўтказилган тендерлар доирасида тузиладиган ҳужжатларнинг махфийлиги таъминланиши;

таклифлар солинган конвертларни очиш тартиботи баёни ва тендер комиссияси томонидан тендер ғолибини аниқлаш муддати кўрсатилади.


23. Тендернинг техник қисмида харид қилинадиган товарга нисбатан зарур технология талаблари бўлади.

Техник топшириқ "Ўзбекистон Республикаси Иқтисодиёт ва саноат вазирлиги ҳузуридаги Лойиҳалар ва импорт контрактларини комплекс экспертиза қилиш маркази" ДУК билан қонун ҳужжатларида белгиланган тартибда келишилиши керак.

24. Тендер ҳужжатининг тижорат қисми қуйидагиларни ўз ичига олади:

товар нархи ва уни белгилаш тартиби (тендер савдоларида қатнашиш учун хорижий товар етказиб берувчилар жалб қилинган ҳолларда харид қилинадиган товарларни ташиб келтиришнинг қиймати алоҳида ажратиб кўрсатилади);

етказиб бериш шартлари;

тўлов шарти ва тўловлар жадвали;

битишувларни маблағ билан таъминлаш манбалари.


25. Контракт расмиятчилиги контрактларга нисбатан қўйиладиган талабларга жавоб бериши керак, жумладан:

контрактнинг халқаро савдо ҳуқуқининг умумий қабул қилинган меъёрларига мувофиқлиги;

контрактнинг Ўзбекистон Республикаси қонун ҳужжатлари ва норматив ҳужжатларига мувофиқлиги.

Битим (контракт) расмиятчиликларини тузиш чоғида буюртмачи ёки ишчи орган маслаҳатлашиш учун шартнома асосида ихтисослаштирилган консалтинг фирмаларига мурожаат қилишга ҳақлидир.



VII. ТЕНДЕР ҚАТНАШЧИЛАРИ


26. Тендерларда уларда қатнашиш учун қўйиладиган шартларни бажарган, тендер асосида харид қилинадиган маҳсулотнинг тегишли ҳажмларини етказиб бериш тажрибасига эга бўлган ҳам хорижий фирмалар ва ташкилотлар, ҳам ватанимиз ишлаб чиқарувчилари (товар етказиб берувчилари) қатнашишлари мумкин.


27. Эълон босиб чиқарилгандан сўнг тендерда қатнашишни хоҳловчи даъвогарлар тендер ҳужжатлари оладилар, улар пул тўлаш асосида ҳар бир даъвогарга берилади. Тендер ҳужжати олиш учун тўлов миқдори тендер комиссияси томонидан белгиланади. Мамлакатимиз ишлаб чиқарувчилари (товар етказиб берувчилари) учун тендер ҳужжатлари олиш учун тўлов миқдори сўмларда белгиланади.


28. Ишчи орган тушган буюртманомалар ва мазкур Низомга асосан даъвогарларни олдиндан малакали танлаб олиш учун материалларни тўплайди ва тартибга солади.



VIII. ТЕНДЕРДА ҚАТНАШИШ УЧУН

ДАЪВОГАРЛАРНИ ТАНЛАБ ОЛИШ


29. Тендер бошлангунга қадар тендерда иштирок этиш учун қўйиладиган даъвогарларнинг тендер комиссияси томонидан малакали танлови ўтказилади.


30. Ишчи органи томонидан амалга ошириладиган малакали танловда:

қайта ташкил этиш, тугатилиш ёки банкротлик босқичида бўлган;

малакали танлов учун барча зарур ҳужжатларни белгиланган муддатда тақдим этмаган;

илгари тузилган контрактлар бўйича қабул қилинган мажбуриятларни зарур даражада бажармаган;

тендер эълон қилингунга қадар таъсис этилганига 6 ой бўлмаган;

буюртмачи билан суд ёки ҳакамлик муҳокамасида иши кўриб чиқилаётган;

тижорат ва молия кўрсаткичлари бўйича тендер комиссиясининг талабларига жавоб бермайдиган ташкилотлар ва фирмаларнинг тендерларда иштирок этишларига йўл қўйилмайди.


31. Танлаб олинган қатнашчилар рўйхати тендер комиссияси томонидан тасдиқланади.


32. Тендерда қатнашишга рухсат этишни рад этиш тўғрисидаги қарор тендер комиссияси томонидан қабул қилинади ва бу ҳақда ишчи орган даъвогарларни ёзма равишда хабардор қилади.



IX. ТЕНДЕР ЎТКАЗИШ ТАРТИБИ


33. Оммавий ахборот воситаларида тендер ўтказиш тўғрисидаги эълон расман босиб чиқарилган сана ёки тендер қатнашчиси почта (сана почта штемпели бўйича аниқланади), телефакс бўйича ёки бошқа шаклда хабар қилинган (таклиф этилган) сана тендер очилган сана ҳисобланади.


34. Ўтказиладиган тендерлар доирасида тендер таклифлари тайёрлаш муддати тендер комиссияси томонидан белгиланади ва тендер очилиши тўғрисидаги эълонда кўрсатиб ўтилади.


35. Тендер комиссияси тендер таклифларини тақдим этиш муддатини узайтириш тўғрисида қарор қабул қилиши мумкин, ушбу қарор тендернинг барча қатнашчиларига нисбатан жорий этилади.


36. Тендер комиссияси ўз иши тартибини мустақил равишда ишлаб чиқади ва тасдиқлайди. Мазкур масала бўйича қарор тендер комиссияси аъзолари умумий сонининг  оддий кўпчилик овози билан қабул қилинади. Овозлар тенг бўлиб қолган ҳолларда тендер комиссияси раисининг овози ҳал қилувчи овоз ҳисобланади.


37. Ҳар бир аниқ ҳолатда тендер комиссияси тендерда қатнашиш учун даъвогар томонидан бериладиган закалатни олиш тартиби, миқдори ва шаклини белгилаб беради. Закалат миқдори харид ҳисоб-китоб қийматининг 1-5 фоизи доирасида бўлишига йўл қўйилади. Закалатлар буюртмачи ёки ишчи органнинг ҳисобварағига киритилади (агар ихтисослаштирилган ташкилот ишчи орган бўлиб ҳисобланган ҳолларда). Мамлакатимиз товар ишлаб чиқарувчилари (товар етказиб берувчилари)нинг закалатлари сўмларда олинади.


38. Тендер таклифлари фақат муҳрланган икки қаватли хат жилдда қабул қилинади. Ишчи органнинг номи ва манзили кўрсатилган ташқи хат жилдда тендер қатнашчиси томонидан закалат берилганлигини тасдиқловчи ҳужжат, ички хат жилдда - тендер таклифи, савдоси эълон қилинган товарнинг номи ва таклифларни қабул қилиш учун белгиланган сана бўлади.

Барча ҳужжатлар рўйхатга олиш дафтарига топширувчи ва қабул қилиб олувчи шахснинг имзоси билан қабул қилиб олинган сана ва вақт ёзиб қўйилган ҳолда қабул қилинади. Рўйхатга олиш дафтари ип ўтказиб боғланган, тартиб рақами қўйилган ва буюртмачининг ёки ишчи орган (ихтисослаштирилган ташкилот)нинг гербли муҳри билан тасдиқланган бўлиши керак.


39. Хат жилдларни очиш тартиби, уларни кўриб чиқиш ва сақлаш тартиби махфийлик меъёрига риоя қилинган ҳолда тендер комиссияси томонидан белгиланади.


40. Тендер комиссияси тендер буюртманомаларини қабул қилишнинг охирги санасини, хат жилдларни очиш вақти ва жойини белгилайди.

Кўрсатиб ўтилган санадан кейин олинган таклифлар кўриб чиқилмайди ва хат жилдлар очилмасдан тендер қатнашчиларига қайтариб юборилади. Тендер қатнашчиси кўрсатиб ўтилган санадан сўнг ўзгартиришлар киритган ёки  ўз таклифини қайтариб олган ҳолларда закалат унга қайтариб берилмайди. Тендер қатнашчиси тендер буюртманомалари қабул қилиб олинадиган охирги санагача кечи билан 5 кун муддатда ўз таклифини қайтариб олиш ҳуқуқига эгадир.


41. Тендер комиссияси мажлисини ўтказиш учун кворум унинг таркибининг 70 фоизини ташкил этади. Тендер комиссиясининг барча мажлислари ва барча қабул қилинган қарорлари протоколлар билан расмийлаштирилиши керак.

Тендер қатнашчиларининг таклифлари солинган хат жилдлар бевосита тендер комиссияси мажлисида очилади. Бундай ҳолларда тендер комиссияси мажлисининг протоколида тендер қатнашчилари томонидан тақдим этилган таклифларнинг тендер ҳужжатларига мувофиқлиги ёзиб қўйилади.


42. Тендер таклифларини кўриб чиқиш муддати тендер комиссияси томонидан хат жилд очилган вақтдан бошлаб белгиланади. Бу муддат сотиб олинадиган товарнинг турига боғлиқ бўлиб уч ойдан ортиқ бўлиши мумкин эмас. Таклифларни кўриб чиқиш чоғида уларнинг тендер ҳужжатлари талабларига мувофиқлиги аниқланади, зарур ҳужжатларнинг мавжудлиги ва уларнинг тўғри расмийлаштирилиши текширилади.


43. Тендер комиссияси тушган таклифларнинг тендер шартларига мувофиқлигини текширади ва тендер шартларида белгиланган, шунингдек ушбу Низом X-I бўлимининг талабларига мувофиқ энг кўп рақобат нархлари, етказиб бериш шартлари, тўлов ва бошқа мезонлар бўйича ғолибларни аниқлайди.

Шароитлар тенг бўлган бошқа ҳолларда ғолибни аниқлашда мамлакатимиз ишлаб чиқарувчилари (етказиб берувчилари)га устунлик берилади.


44. Тендерни ташкил этиш ва ўтказиш харажатлари, шунингдек, эксперт ташкилотларининг хизматлари учун тўловлар қатнашчилар томонидан тендер ҳужжатларини сотиб олиш учун тўланган маблағлардан тўланади.


45. Тендер ўтказилгандан кейин буюртмачи ёки ишчи орган (ихтисослаштирилган ташкилот) қатнашчиларга (ғолиб бундан мустасно) уларнинг закалатларини банк операцияларини ўтказиш харажатларини чиқариб ташлаган ҳолда қайтаради. Закалат тендер ғолиби эълон қилинган вақтдан бошлаб  белгиланган муддат мобайнида, бироқ 11 банк кунидан кечиктирмай қайтарилади. Тендер ғолибининг закалати контракт шартлари бажарилиб бўлгунга қадар бундай контракт шартларининг тендер ғолиби томонидан керакли тарзда бажарилишига кафолат сифатида буюртмачининг ихтиёрида қолиши мумкин.


46. Тендерда қатнашиш ҳуқуқи бошқа юридик шахсларга берилишига йўл қўйилмайди.


47. Агар:

тендерни ёпиш муддати тугайдиган вақтгача бирорта ҳам тендер таклифи тушмаса;

тендерга камида учта қатнашчининг таклифи тақдим этилса;

тақдим этилган барча тендер таклифларида зарур ҳужжатларнинг пакети бўлмаганда;

кичик бизнес субъектлари учун ажратилган квоталар бўйича ўтказиладиган тендер қатнашчилари орасида ушбу тоифа ташкилотлар бўлмаса тендер комиссияси томонидан тендер ўтказилмаган деб эълон қилиниши мумкин.

48. Агар тушган тендер таклифларининг бирортаси тендер ҳужжатлари шартларига мувофиқ бўлмаган тақдирда, тендер ўтказилди, аммо салбий натижага эга деб ҳисобланади.



X. ТЕНДЕР ТАКЛИФЛАРИНИ

БАҲОЛАШ ТАРТИБИ


49. Тендер таклифларини баҳолаш тендер комиссияси томонидан белгиланган муддат мобайнида ўтказилади. Таклифларни баҳолаш тендер комиссияси томонидан белгиланган ҳар бир баҳолаш мезони бўйича балл қўйиш йўли билан амалга оширилади. Тендер қатнашчилари ёки уларнинг вакиллари тендер таклифларини баҳолаш чоғида қатнашиш ҳуқуқига эга эмас. Баҳолаш чоғида тендер комиссияси тушунтиришлар бериш, қўшимча маълумотлар ва тасдиқлашлар олиш учун даъвогарларни  чақириш ҳуқуқига эга. Тендер хулосаларини чиқаришда тендер қатнашчилари ва уларнинг ишончли вакиллари иштирок этиши мумкин.


50. Тендер комиссияси тендер таклифларини баҳолаш учун эксперт ва маслаҳат берувчи ташкилотларнинг вакилларини жалб қилиши мумкин.


51. Тендер қатнашчилари томонидан тақдим этилган таклифлар билан танишгандан кейин тендер комиссиясининг ҳар бир аъзоси асосланган ёзма хулоса бериш ҳуқуқига эга.


52. Тендер ғолиби тўғрисидаги расмий қарор тендер комиссияси томонидан қабул қилинади. Ушбу масала бўйича қарор тендер комиссияси аъзолари сонининг оддий кўпчилик овози билан қабул қилинади. Овозлар тенг бўлган тақдирда Тендер комиссияси раисининг овози ҳал қилувчи овоз ҳисобланади.


53. Тендер таклифларини кўриб чиқиш ва баҳолаш тўғрисидаги маълумотлар баҳолаш тартиботига расман алоқаси бўлмаган шахсларга маълум қилинмайди. Тендер комиссияси аъзолари ва жалб этилган экспертлар мазкур маълумотларнинг ошкор қилиниши учун жавоб берадилар.


54. Арифметик ёки бошқа хатолар мавжуд бўлган тақдирда тендер комиссияси тендер таклифларини  қайтариш ёки  тендер таклифларини бундан кейин тендерда кўриб чиқиш шартларини, бу ҳақда тендер қатнашчисини хабардор қилган ҳолда, белгилаш ҳуқуқига эга.


55. Тендер таклифларини баҳолаш ва тендер ғолибини аниқлаш:

тендер ҳужжатларида баён қилинган мезонларга;

таклиф этилган нархларнинг ўртача жаҳон ва консалтинг фирмаси, ёки "Ўзбекистон Республикаси Иқтисодиёт ва саноат вазирлиги ҳузуридаги Лойиҳалар ва импорт контрактларини комплекс экспертиза қилиш маркази" ДУК хулосалари бўйича бозор конъюнктурасида юзага келган нархларга мослигига асосан амалга оширилади.

Иштирокчиларнинг тижорат таклифларини тенг шартларга келтириш мақсадида қонун ҳужжатларига мувофиқ қўшимча қиймат солиғидан озод қилинадиган импорт қилувчилар, импорт товарлар етказиб бериш (ишларни бажариш, хизматлар кўрсатиш)даги тендер таклифлари иштирокчиларининг тендер таклифларини баҳолашда кўрсатилган солиқ суммасини қўшган ҳолда ҳисобланади.

Шунингдек, тақдим этилган тендер таклифларининг қўшимча техник, ташкилий ва тижорий устунликлари ҳамда тендер қатнашчисининг обрў-эътибори ҳам эътиборга олиниши мумкин.

Бунда, агар тендерда хорижий етказиб берувчилар билан бирга мамлакатимиз корхоналари-ишлаб чиқарувчилари иштирок этса, бу корхоналарга товарлар ва хизматлар давлат хариди (Давлат бюджети, Республика йўл жамғармаси, Ўзбекистон Республикаси Молия вазирлиги ҳузуридаги бюджетдан ташқари Таълим ва тиббиёт муассасаларини моддий-техника базасини ривожлантириш жамғармаси ва ижтимоий соҳа муассасаларининг бюджетдан ташқари маблағлари), шунингдек давлат улуши 50 фоиздан ортиқ бўлган корхоналар маблағлари ҳисобига харид қилиш доирасида амалга ошириладиган тендер савдоларида иштирок этганда 20 фоизгача миқдорда нарх имтиёзлари берилади.

Бошқа тенг шароитларда кичик бизнес субъектларига афзаллик берилади.

56. Тендер комиссиясининг тендер ғолиби тўғрисидаги протоколида қуйидаги маълумотлар бўлади:

тендер ғолиби ва тендер ғолибидан кейин энг юқори баллга эга бўлган захирадаги қатнашчиларнинг номлари;

тендер комиссиясининг таркиби;

овоз бериш натижалари;

тендер қатнашчиларининг тендер таклифлари жамлама жадвали;

тендер ғолиби билан контрактни имзолаш муддатлари.

Протокол тендер комиссиясининг қатнашаётган аъзолари томонидан имзоланиши ва тендер комиссиясининг раиси томонидан тасдиқланиши керак.


57. Агар тендер ғолиби контракт тузишдан бош тортган тақдирда, контракт тузиш ҳуқуқи захирадаги биринчи қатнашчига берилади.


58. Агар тендер бўлиб ўтмаган ёки салбий натижага эга бўлган тақдирда тендер қайтадан ўтказилиши мумкин.


59. Тендерни ўтказиш билан боғлиқ низолар Ўзбекистон Республикасининг амалдаги қонун ҳужжатларида белгиланган тартибда кўриб чиқилади.


60. Тендер натижалари 3 кун мобайнида ишчи орган томонидан оммавий ахборот воситаларида эълон қилинади.



X-I. МАМЛАКАТИМИЗ ТОВАР ИШЛАБ ЧИҚАРУВЧИЛАРИ

(ИШЛАРНИ БАЖАРУВЧИЛАР, ХИЗМАТЛАР КЎРСАТУВЧИЛАР)

УЧУН НАРХ ИМТИЁЗЛАРИ БЕРГАН ҲОЛДА ТЕНДЕР САВДОЛАРИ

ЎТКАЗИШДА ТЕНДЕР ТАКЛИФЛАРИНИ БАҲОЛАШ ХУСУСИЯТЛАРИ

60-1. Ушбу Низомнинг 55-банди олтинчи хатбошида назарда тутилган нарх имтиёзлари тендер савдоларига қўйилган ва улар бевосита товар ишлаб чиқарувчилар (ишлар бажарувчилар, хизматлар кўрсатувчилар) (кейинги ўринларда мамлакатимиз корхоналари-ишлаб чиқарувчилари деб аталади) эканлигини тасдиқлайдиган зарур ҳужжатларни тендер комиссиясига тақдим қилган мамлакатимиз корхоналари-ишлаб чиқарувчилари (ишларни бажарувчилар, хизматлар кўрсатувчилар)га берилади.


60-2. Тендер иштирокчиси томонидан импорт товарлари етказиб бериш (ишларни бажариш, хизматлар кўрсатиш) билан энг яхши нарх таклиф этилган тақдирда тендер комиссияси мамлакатимиз корхоналари-ишлаб чиқарувчилари таклифлари орасидан кўрсатилган энг яхши нархга камида 20 фоизга оширадиган ва тендер савдолари ва қонун ҳужжатлари шартларига мос келадиган учтагача энг яхши таклифларни танлаб олади. Бунда, қонун ҳужжатларига мувофиқ қўшимча қиймат солиғидан озод қилинадиган тендер иштирокчиси томонидан импорт товарлари етказиб бериш (ишларни бажариш, хизматлар кўрсатиш) билан энг яхши нарх таклиф этилган бўлса мамлакатимиз корхоналари-ишлаб чиқарувчилари таклифларини танлаб олиш учун қўшимча қиймат солиғи суммасига қўшиб ҳисоблаган ҳолда кўрсатиб ўтилган энг яхши нарх қўлланилади.

Тендер комиссияси бир кун мобайнида танлаб олинган мамлакатимиз корхоналари-ишлаб чиқарувчилари билан навбатма-навбат уларнинг тендер таклифлари нархларини камайтириш юзасидан тўғридан-тўғри музокаралар олиб боради ва музокаралар натижаларини тасдиқлайди. Бунда ҳар бир мамлакатимиз корхоналари-ишлаб чиқарувчилари билан музокаралар натижалари протокол билан расмийлаштирилади ва ғолиб аниқлангунга қадар конфеденциал ҳисобланади.


60-3. Мамлакатимиз корхоналари-ишлаб чиқарувчилари билан тўғридан-тўғри музокаралар натижалари бўйича қуйидагилар:

мамлакатимизнинг бошқа корхоналари-ишлаб чиқарувчиларига нисбатан олиб киришда қўшимча қиймат солиғи тўлаш бўйича имтиёз бериш қонун ҳужжатларида назарда тутилмаган товарлар (ишлар, хизматлар) турлари бўйича энг яхши нархни таклиф этган;

мамлакатимизнинг бошқа корхоналари-ишлаб чиқарувчиларига нисбатан, лекин қўшимча қиймат солиғи суммасига қўшиб ҳисоблаган ҳолда импорт товарлар етказиб бериш (ишларни бажариш, хизматлар кўрсатиш) бўйича энг яхши нархдан ошмайдиган олиб киришда қўшимча қиймат солиғи тўлашдан озод қилиш бўйича имтиёз қонун ҳужжатларида назарда тутилган товарлар (ишлар, хизматлар) бўйича энг яхши нархни таклиф этган мамлакатимиз корхонаси-ишлаб чиқарувчиси тендер ғолиби деб аниқланади.


60-4. Тендер иштирокчиси томонидан қонун ҳужжатларига мувофиқ қўшимча қиймат солиғи тўлашдан озод қилинадиган импорт товарлар етказиб бериш (ишларни бажариш, хизматлар кўрсатиш) бўйича энг яхши нарх таклиф этилган бўлса ва мамлакатимиз корхоналари-ишлаб чиқарувчилари билан тўғридан-тўғри музокаралар натижаларига кўра, қўшимча қиймат солиғи суммасига қўшиб ҳисоблаган ҳолда кўрсатилган энг яхши нархдан ошмайдиган нархни таклиф этиш мумкин бўлмаган тақдирда, импорт товарлар етказиб бериш (ишларни бажариш, хизматлар кўрсатиш) бўйича энг яхши нарх таклиф этган тендер иштирокчиси тендер ғолиби деб эълон қилинади.



XI. ТЕНДЕР НАТИЖАЛАРИ БЎЙИЧА ТУЗИЛГАН

КОНТРАКТЛАР БАЖАРИЛИШИНИНГ КАФОЛАТИ,

РЎЙХАТГА ОЛИНИШИ ВА ИЖРО ЭТИШ МОНИТОРИНГИ


61. Зарурият бўлганда тендер ғолиби контракт бажарилишининг кафолати сифатида контракт умумий суммасининг ўн фоизигача бўлган суммага буюрмачига хизмат кўрсатувчи банк билан вакиллик ҳисобварағига эга бўлган банкнинг кафолати сифатида мажбуриятлар бажарилишини ёки буюртмачининг ҳисобварағига пул депозити ўтказилишини таъминлайди.


62. Тендер натижалари бўйича тузилган импорт контрактларни экспертизадан ўтказиш юқорида кўрсатилган банк кафолатини олиш бўйича буюртмачининг тасдиғи бўлганда амалдаги қонун ҳужжатларига мувофиқ Ўзбекистон Республикаси Президенти ҳузуридаги Лойиҳаларни бошқариш миллий агентлиги қошидаги Лойиҳалар ва импорт контрактларини комплекс экспертиза қилиш марказида амалга оширилади.

Мамлакатимизнинг ишлаб чиқарувчилари (етказиб берувчилари) ғолиб деб топилганда тендер натижалари бўйича тузилган контрактлар Ўзбекистон Республикаси Президенти ҳузуридаги Лойиҳаларни бошқариш миллий агентлиги қошидаги Лойиҳалар ва импорт контрактларини комплекс экспертиза қилиш марказида экспертизадан ўтказилмайди.

63. Тендер контрактларини бажариш мониторинги буюртмачи томонидан контрактлар тўлиқ ва ўз вақтида бажарилгунга қадар буюртмачига хизмат кўрсатувчи банкка ахборот тақдим этиш билан амалга оширилади.



XII. ЯКУНЛОВЧИ ҚОИДАЛАР

63-1. Танлов (тендер) савдоларини ўтказишда рақобат тўғрисидаги қонун ҳужжатлари талабларига риоя қилиниши монополияга қарши орган томонидан назорат функцияларини амалга оширишда, ўрганишлар ўтказишда, шунингдек хўжалик юритувчи субъектлар, давлат бошқаруви органлари, маҳаллий давлат ҳокимияти органлари мурожаатлари ва тегишли органларнинг тақдимномаси асосида назорат қилинади. Ушбу назорат ва ўрганишни амалга ошириш тартиби монополияга қарши орган томонидан белгиланади.

64. Қуйидагилар:

ишчи орган  таркибига кирган шахслар тушган тендер таклифларининг ҳисобга олиниши, уларнинг сақланиши ва махфийлиги учун;

тендер комиссиясининг раиси ва аъзолари маълумотларнинг ошкор қилинмаслиги, тендер қатнашчилари, тендер комиссиясининг қолган аъзолари ва жалб қилинган экспертлар билан тил бириктирилишига йўл қўйилмаслиги, шунингдек бошқа ҳуқуққа зид ҳаракатларга йўл қўйилмаслиги учун қонун ҳужжатларида назарда тутилган тарзда жавоб берадилар.


65. Контрактни миқдор, сифат ва техник кўрсаткичлар бўйича бажармаган тендер ғолиби қонун ҳужжатларида ва ёки контрактда назарда тутилган тарзда жавоб беради.






















































Время: 0.1456
по регистрации МЮ строгое соответствие
  • Все
  • действующие
  • утратившие силу
  • Русский
  • Ўзбекча
  • Оба языка
  • любая дата
  • точная дата
  • период
  • -

Свернуть поиск