ВСЕ ЗАКОНОДАТЕЛЬСТВО УЗБЕКИСТАНА

ЎзР Конунчилиги / Давлат ҳуқуқий тизими асослари / Ҳудуд / Маъмурий-ҳудудий бўлиниш /

Ўзбекистон Республикаси Вазирлар Маҳкамасининг 31.05.2016 й. 179-сон "Ўзбекистон Республикаси Олий Мажлиси Қонунчилик палатаси ҳамда Сенатининг Наманган вилоятининг Наманган шаҳри, Наманган, Уйчи, Тўрақўрғон, Янгиқўрғон, Косонсой ва Чортоқ туманлари чегараларини ўзгартириш тўғрисидаги қарорларини амалга ошириш чора-тадбирлари тўғрисида"ги Қарори

Функция недоступна

Данная функция доступно только для клиентов (пользователей)

Полный текст документа доступен в платной версии. По вопросам звоните на короткий номер 1172

ЎЗБЕКИСТОН РЕСПУБЛИКАСИ

ВАЗИРЛАР МАҲКАМАСИНИНГ

ҚАРОРИ

31.05.2016 й.

N 179



ЎЗБЕКИСТОН РЕСПУБЛИКАСИ

ОЛИЙ МАЖЛИСИ ҚОНУНЧИЛИК ПАЛАТАСИ

ҲАМДА СЕНАТИНИНГ НАМАНГАН ВИЛОЯТИНИНГ

НАМАНГАН ШАҲРИ, НАМАНГАН, УЙЧИ, ТЎРАҚЎРҒОН,

ЯНГИҚЎРҒОН, КОСОНСОЙ ВА ЧОРТОҚ ТУМАНЛАРИ

ЧЕГАРАЛАРИНИ ЎЗГАРТИРИШ ТЎҒРИСИДАГИ

ҚАРОРЛАРИНИ АМАЛГА ОШИРИШ

ЧОРА-ТАДБИРЛАРИ ТЎҒРИСИДА


Ўзбекистон Республикаси Олий Мажлиси Қонунчилик палатасининг "Наманган вилоятининг Наманган шаҳри, Наманган, Уйчи, Тўрақўрғон, Янгиқўрғон, Косонсой ва Чортоқ туманлари чегараларини ўзгартириш тўғрисида" 2015 йил 4 ноябрдаги 267-III-сон ҳамда Ўзбекистон Республикаси Олий Мажлиси Сенатининг "Наманган вилоятининг Наманган шаҳри, Наманган, Уйчи, Тўрақўрғон, Янгиқўрғон, Косонсой ва Чортоқ туманлари чегараларини ўзгартириш тўғрисида" 2015 йил 4 декабрдаги СҚ-73-III-сон қарорлари амалга оширилишини таъминлаш мақсадида Вазирлар Маҳкамаси ҚАРОР ҚИЛАДИ:


1. Наманган вилоятининг Наманган шаҳри, Наманган, Уйчи, Тўрақўрғон, Янгиқўрғон, Косонсой ва Чортоқ туманлари чегараларини ўзгартириш билан боғлиқ ташкилий-техник масалаларни ҳал этиш бўйича Республика комиссияси иловага мувофиқ таркибда ташкил этилсин.


2. Республика комиссияси (А.И. Икрамов):

икки ой муддатда - Наманган вилоятининг Наманган шаҳри, Наманган, Уйчи, Тўрақўрғон, Янгиқўрғон, Косонсой ва Чортоқ туманлари чегараларини ўзгартириш билан боғлиқ барча зарур ташкилий-техник тадбирлар амалга оширилишини;

чегаралар ўзгариши муносабати билан икки ҳафта муддатда, Наманган вилояти ҳокимлиги, Ўзбекистон Республикаси Хусусийлаштириш, монополиядан чиқариш ва рақобатни ривожлантириш давлат қўмитаси, бошқа манфаатдор вазирликлар ва идоралар билан биргаликда - ўзгартирилаётган чегаралар доирасидаги ҳудудда жойлашган ишлаб чиқариш ва ижтимоий инфратузилма объектларини Наманган шаҳри, Наманган, Уйчи, Тўрақўрғон, Янгиқўрғон, Косонсой ва Чортоқ туманларидаги тегишли тузилмаларга белгиланган тартибда топшириш-қабул қилиш бўйича ташкилий масалалар ҳал этилишини;

икки ҳафта муддатда - Наманган вилояти ҳокимлиги, Молия вазирлиги, Иқтисодиёт вазирлиги, бошқа манфаатдор вазирликлар ва идоралар билан биргаликда 2016 йилда Наманган шаҳри, Наманган, Уйчи, Тўрақўрғон, Янгиқўрғон, Косонсой ва Чортоқ туманлари бюджетининг ҳамда ижтимоий-иқтисодий ривожлантириш прогноз параметрларининг аниқлаштирилишини таъминласин.


3. Ўзбекистон Республикаси "Ергеодезкадастр" давлат қўмитаси Наманган вилоятининг Наманган шаҳри, Наманган, Уйчи, Тўрақўрғон, Янгиқўрғон, Косонсой ва Чортоқ туманлари чегаралари ўзгариши муносабати билан давлат ер кадастри маълумотларига зарур ўзгартиришлар киритилишини таъминласин.


4. Ўзбекистон Республикаси Давлат статистика қўмитаси Наманган вилояти ҳокимлиги билан биргаликда Наманган вилоятининг Наманган шаҳри, Наманган, Уйчи, Тўрақўрғон, Янгиқўрғон, Косонсой ва Чортоқ туманлари чегаралари ўзгаришини ҳисобга олган ҳолда статистика кўрсаткичларига тегишли ўзгартиришлар киритсин.


5. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари А.И. Икрамов ҳамда Наманган вилояти ҳокими Х.Х. Бозаров зиммасига юклансин.



Ўзбекистон Республикасининг Бош вазири                          Ш. Мирзиёев






Вазирлар Маҳкамасининг

2016 йил 31 майдаги

179-сон қарорига

ИЛОВА



Наманган вилоятининг Наманган шаҳри,

Наманган, Уйчи, Тўрақўрғон, Янгиқўрғон, Косонсой

ва Чортоқ туманлари чегараларини ўзгартириш билан

боғлиқ ташкилий-техник масалаларни ҳал этиш

бўйича Республика комиссияси

ТАРКИБИ

1.

Икрамов А.

-

Ўзбекистон Республикаси Бош вазирининг ўринбосари, комиссия раиси


2.

Бозаров Х.

-

Наманган вилояти ҳокими


3.

Алимов А.

-

Соғлиқни сақлаш вазири


4.

Тўраев Б.

-

Давлат статистика қўмитаси раиси


5.

Арабов С.

-

"Ергеодезкадастр" давлат қўмитаси раиси


6.

Кудбиев Ш.

-

Вазирлар Маҳкамаси Макроиқтисодий ривожлантириш, таркибий ўзгартиришлар, хорижий инвестицияларни жалб этиш ва ҳудудларни комплекс ривожлантириш ЙАТД мудирининг ўринбосари


7.

Низомов Б.

-

Меҳнат вазирининг ўринбосари


8.

Усмонов А.

-

Адлия вазирининг ўринбосари


9.

Хўжаев Б.

-

Иқтисодиёт вазирининг биринчи ўринбосари


10.

Мирзаев М.

-

Молия вазирининг ўринбосари


11.

Гаффаров С.

-

Давлат рақобат қўмитаси раисининг биринчи ўринбосари


12.

Махкамов И.

-

"Ўзкоммунхизмат" агентлигининг бош директори


13.

Бекходжаев Б.

-

Наманган шаҳри ҳокими


14.

Абдураззаков Ш.

-

Наманган тумани ҳокими


15.

Исомиддинов М.

-

Уйчи тумани ҳокими


16.

Каимов Н.

-

Тўрақўрғон тумани ҳокими


17.

Рапиков Т.

-

Янгиқўрғон тумани ҳокими


18.

Абдулкаримов А.

-

Косонсой тумани ҳокими


19.

Хайдаров О.

-

Чортоқ тумани ҳокими


20.

Мамадалиев О.

-

Наманган вилояти ҳокимлигининг ҳудудларни комплекс ривожлантириш йиғма бошқармаси бошлиғи, комиссия котиби.


"Ўзбекистон Республикаси қонун ҳужжатлари тўплами",

2016 йил 6 июнь, 22-сон, 249-модда
































Время: 0.2357
по регистрации МЮ строгое соответствие
  • Все
  • действующие
  • утратившие силу
  • Русский
  • Ўзбекча
  • Оба языка
  • любая дата
  • точная дата
  • период
  • -

Свернуть поиск