Ўзбекистон Республикаси Вазирлар Маҳкамасининг 18.06.2008 й. 134-сон "Тошкент давлат техника университетида кадрлар тайёрлаш таркибини такомиллаштириш тўғрисида"ги Қарори

Функция недоступна

ЎЗБЕКИСТОН РЕСПУБЛИКАСИ

ВАЗИРЛАР МАҲКАМАСИНИНГ

ҚАРОРИ

18.06.2008 й.

N 134

ТОШКЕНТ ДАВЛАТ ТЕХНИКА

УНИВЕРСИТЕТИДА КАДРЛАР ТАЙЁРЛАШ

ТАРКИБИНИ ТАКОМИЛЛАШТИРИШ ТЎҒРИСИДА

Авиация техникаси ишлаб чиқариш ва ундан фойдаланиш соҳасида юқори малакали мутахассислар тайёрлашни ташкил этишни такомиллаштириш ва унинг сифатини ошириш, бунинг учун замонавий талабларга жавоб берадиган зарур ўқув ва моддий-техник базани яратиш, умумтехник ва махсус предметлар ўртасидаги предметлараро узвий алоқаларни таъминлаш, бўлажак мутахассисларни ўқитиш жараёнини уларнинг касб малакаларини эгаллаши билан боғланишини кучайтириш мақсадида Вазирлар Маҳкамаси ҚАРОР ҚИЛАДИ:

1. Ўзбекистон Республикаси Олий ва ўрта махсус таълим вазирлиги, "Ўзбекистон ҳаво йўллари" миллий авиакомпанияси, "Чкалов номидаги Тошкент авиация ишлаб чиқариш бирлашмаси" давлат-акциядорлик жамиятининг Тошкент давлат авиация институтини тугатиш ва унинг негизида Тошкент давлат техника университетининг Авиация факультетини ташкил этиш тўғрисидаги таклифи қабул қилинсин.

4. Тошкент давлат техника университетининг Авиация факультетига 2008/2009 ўқув йили учун "Самолётсозлик", "Авиация ва ракета-космик техникадан фойдаланиш", "Учиш аппаратлари ва аэропортларнинг радиоэлектрон асбоб-ускуналаридан фойдаланиш" ҳамда "Ҳаводаги ҳаракатларни бошқариш" йўналишлари бўйича қабул қилиш умумий квотаси бакалаврлар тайёрлаш бўйича 100 киши, шу жумладан, давлат грантлари бўйича 40 киши ва пулли-контракт асосида 60 киши этиб белгилансин, бунда ҳар бир йўналиш бўйича умумий квотанинг 25 кишидан, шу жумладан, давлат грантлари бўйича 10 киши ва пулли-контракт асосида 15 киши бўлиши назарда тутилсин.

Ўзбекистон Республикаси Олий ва ўрта махсус таълим вазирлиги, Иқтисодиёт вазирлиги, Молия вазирлиги манфаатдор тузилмалар билан биргаликда келгуси йилларда Тошкент давлат техника университетининг Авиация факультетига таълимнинг аниқ йўналишлари бўйича ўқишга қабул қилиш квотасини белгилашда республика корхоналари ва иқтисодиёти соҳалари учун тайёрланаётган мутахассисларга бўлган аниқ эҳтиёждан келиб чиқсинлар.

5. Ўзбекистон Республикаси Олий ва ўрта махсус таълим вазирлиги, Давлат мулки қўмитаси тугатилаётган Тошкент давлат авиация институтининг 2-иловага мувофиқ бинолари ва иншоотларини, бошқа мол-мулки ҳамда активларини Тошкент давлат техника университети балансига бепул ўтказсинлар.

Тошкент давлат техника университети Тошкент шаҳар ҳокимлиги билан биргаликда 2008 йил 20 августгача бўлган муддатда 2-иловага мувофиқ берилган биноларни, уларга ўзга тузилмаларнинг жойлаштирилишига йўл қўймасдан, улардан фақат ўқув жараёнида фойдаланиш учун тайёрлашни таъминласин.

6. Тошкент давлат авиация институти тугатилиши ва унинг негизида Тошкент давлат техника университети Авиация факультетининг ташкил этилиши билан боғлиқ ишларни мувофиқлаштириш учун 3-иловага мувофиқ таркибда Комиссия тузилсин.

Комиссия (А.П.Парпиев):

Тошкент давлат авиация институтининг тугатилиши билан боғлиқ чора-тадбирлар комплексини қонун ҳужжатларида белгиланган тартибда амалга оширсин;

Тошкент давлат авиация институти ва унинг таркибий бўлинмалари мол-мулкининг сақланиши, Тошкент давлат техника университети балансига берилгандан сўнг улардан мақсадли фойдаланилиши устидан назоратни таъминласин;

Ўзбекистон Республикаси Давлат мулки қўмитаси билан биргаликда, тугатилаётган Тошкент давлат авиация институти бинолари, мол-мулки ва активларининг Тошкент давлат техника университети балансига белгиланган тартибда берилишини таъминласин.

7. Ўзбекистон Республикаси Олий ва ўрта махсус таълим вазирлиги бир ой муддатда:

Тошкент давлат техника университети тузилмасини ушбу қарор билан тасдиқланган 1-иловага мувофиқ тузилма билан тўлиқ мувофиқлаштирсин;

Тошкент давлат техника университетининг янгиланган уставини тасдиқласин;

тугатилаётган Тошкент давлат авиация институтининг ўқиётган талабалар контингентини Тошкент давлат техника университети таркибига ўтказсин;

Тошкент давлат техника университетининг маъмурий-бошқарув ва ўқув-ёрдамчи ходимлари сонини қонун ҳужжатларида белгиланган нормаларга мувофиқлаштирсин;

тугатилаётган Тошкент давлат авиация институтининг профессор-ўқитувчилар таркибини аттестациядан ўтказсин ва Тошкент давлат техника университетининг Авиация факультети кафедраларини юқори малакали кадрлар билан таъминласин;

Тошкент давлат авиация институти ҳузуридаги академик лицейни Тошкент давлат техника университети ҳузуридаги 5-сон академик лицей деб қайта номласин;

ўқув, лаборатория ва ёрдамчи бўлинмалар таркиби ва тузилмасини қайта кўриб чиқсин, бунда университет фаолиятида, шу жумладан, унинг бинолари ва хоналаридан фойдаланиш масалаларида бир-бирини такрорлаш ва параллелизмга йўл қўймасликни назарда тутсин.

9. Ўзбекистон Республикаси Молия вазирлиги Тошкент давлат техника университетининг 2008 йил учун харажатлар сметасига ушбу қарор қоидаларини ҳисобга олган ҳолда зарур ўзгартиришлар киритсин.

10. Ўзбекистон Республикаси Меҳнат ва аҳолини ижтимоий муҳофаза қилиш вазирлиги Олий ва ўрта махсус таълим вазирлиги билан биргаликда Тошкент давлат авиация институтининг тугатилиши муносабати билан бўшаб қоладиган ходимларни белгиланган тартибда ишга жойлаштириш чора-тадбирларини кўрсин.

11. Ўзбекистон Республикаси Олий ва ўрта махсус таълим вазирлиги Адлия вазирлиги ҳамда бошқа манфаатдор вазирликлар ва идоралар билан биргаликда бир ой муддатда қонун ҳужжатларига ушбу қарордан келиб чиқадиган ўзгартириш ва қўшимчалар тўғрисида Вазирлар Маҳкамасига таклифлар киритсин.

12. Мазкур қарорнинг бажарилишини назорат қилиш Ўзбекистон Республикаси Бош вазирининг биринчи ўринбосари Р.С. Азимов ва Ўзбекистон Республикаси Бош вазирининг ўринбосари Р.С. Қосимов зиммасига юклансин.

Ўзбекистон Республикасининг Бош вазири                           Ш. Мирзиёев