Олий ва ўрта махсус таълим вазирлигининг 2-2016-сон, Меҳнат вазирлигининг 15-Қ/Қ-сон, Молия вазирлигининг 41-сон "Олий таълим муассасалари бошқарув, техник, хизмат кўрсатувчи ва ўқув-ёрдамчи ходимларининг намунавий штатларини тасдиқлаш тўғрисида"ги қарорга ўзгартиришлар киритиш ҳақида"ги 30.05.2016 й. Қарори (АВ томонидан 20.06.2016 й. 2182-2-сон билан рўйхатга олинган)

Функция недоступна

ЎЗБЕКИСТОН РЕСПУБЛИКАСИ

АДЛИЯ ВАЗИРЛИГИ ТОМОНИДАН

РЎЙХАТГА ОЛИНГАН

20.06.2016 й.

N 2182-2

ҚАРОРИ

"Олий таълим муассасалари бошқарув, техник,

хизмат кўрсатувчи ва ўқув-ёрдамчи ходимларининг

намунавий штатларини тасдиқлаш тўғрисида"ги

қарорга ўзгартиришлар киритиш ҳақида

Ўзбекистон Республикаси Президентининг 2012 йил 24 июлдаги ПФ-4456-сон "Олий малакали илмий ва илмий-педагог кадрлар тайёрлаш ва аттестациядан ўтказиш тизимини янада такомиллаштириш тўғрисида"ги, 2016 йил 22 февралдаги ПФ-4782-сон "Аҳолининг ҳожатманд қатламларини ижтимоий қўллаб-қувватлаш ҳамда тиббий-ижтимоий ёрдам кўрсатиш тизимини янада такомиллаштириш чора-тадбирлари тўғрисида"ги фармонларига ҳамда Ўзбекистон Республикаси Вазирлар Маҳкамасининг 2015 йил 19 июндаги 164-сон "Хизматчиларнинг асосий лавозимлари ва ишчилар касбларининг янгиланган классификаторини тасдиқлаш тўғрисида"ги қарорига мувофиқ, Ўзбекистон Республикаси Олий ва ўрта махсус таълим вазирлиги, Меҳнат вазирлиги ва Молия вазирлиги ҚАРОР ҚИЛАДИ:

1. Ўзбекистон Республикаси Олий ва ўрта махсус таълим вазирлиги, Меҳнат ва аҳолини ижтимоий муҳофаза қилиш вазирлиги ва Молия вазирлигининг 2010 йил 15 декабрдаги 485/1, 200-КК, 107-сон "Олий таълим муассасалари бошқарув, техник, хизмат кўрсатувчи ва ўқув-ёрдамчи ходимларининг намунавий штатларини тасдиқлаш тўғрисида"ги қарорига (рўйхат рақами 2182, 2011 йил 14 январь) (Ўзбекистон Республикаси қонун ҳужжатлари тўплами, 2011 й., 3-сон, 25-модда) иловага мувофиқ ўзгартиришлар киритилсин.

2. Мазкур қарор расмий эълон қилинган кундан эътиборан кучга киради.

Қарорга

ИЛОВА

"Олий таълим муассасалари бошқарув, техник,

хизмат кўрсатувчи ва ўқув-ёрдамчи ходимларининг

намунавий штатларини тасдиқлаш тўғрисида"ги

қарорга киритилаётган ўзгартиришлар

1. Қарорнинг 2-бандида:

а) иккинчи хатбошидаги "бўйича 2010 йил учун тасдиқланган штатлар жадвалларида кўзда тутилган ходимлар сони доирасида, бошқарув ходимларининг белгиланган чекланган сонига риоя қилган ҳолда" деган сўзлар "ҳисобидан" деган сўз билан алмаштирилсин;

б) тўртинчи хатбошидаги "Меҳнат ва аҳолини ижтимоий муҳофаза қилиш вазирлиги" деган сўзлар "Меҳнат вазирлиги" деган сўзлар билан алмаштирилсин.

2. Олий таълим муассасалари бошқарув, техник, хизмат кўрсатувчи ва ўқув-ёрдамчи ходимларининг намунавий штатларида:

а) I бобнинг 12 - 15-позициялари қуйидаги таҳрирда баён этилсин:

"

";

б) иловада:

2 - 4, 16, 52 ва 54-бандлардаги "Меҳнат ва аҳолини ижтимоий муҳофаза қилиш вазирлиги" деган сўзлар "Меҳнат вазирлиги" деган сўзлар билан алмаштирилсин;

5-бандда:

учинчи хатбошидан "стажёр-тадқиқотчи-изланувчи ва" деган сўзлар чиқариб ташлансин;

тўртинчи хатбоши қуйидаги таҳрирда баён этилсин:

"ОТМда фан доктори илмий даражасини берувчи илмий кенгашларнинг мавжудлиги.";

9-банд қуйидаги таҳрирда баён этилсин:

"9. Илмий кенгашнинг илмий котиби лавозими фан доктори илмий даражасини берувчи илмий кенгаш ташкил этилган ОТМ учун 1 бирлик сонида киритилади.";

10-банд ўз кучини йўқотган деб топилсин;

14-банддан "стажёр-тадқиқотчи-изланувчи ва" деган сўзлар чиқариб ташлансин;

55-банддаги "Меҳнат ва аҳолини ижтимоий муҳофаза қилиш вазирлигининг" деган сўзлар "Меҳнат вазирлигининг" деган сўзлар билан алмаштирилсин.

"Ўзбекистон Республикаси қонун ҳужжатлари тўплами",

2016 йил 27 июнь, 25-сон, 312-модда