Вазирлар Маҳкамаси ҳузуридаги Олий аттестация комиссияси Раёсатининг 09.09.2016 й. 227/5-сон "Илмий унвонлар бериш тартиби тўғрисидаги низомга ўзгартириш ва қўшимчалар киритиш ҳақида"ги Қарори (АВ томонидан 27.09.2016 й. 2793-1-сон билан рўйхатга олинган)

Функция недоступна

ЎЗБЕКИСТОН РЕСПУБЛИКАСИ

АДЛИЯ ВАЗИРЛИГИ ТОМОНИДАН

РЎЙХАТГА ОЛИНГАН

27.09.2016 й.

N 2793-1

ЎЗБЕКИСТОН РЕСПУБЛИКАСИ

ВАЗИРЛАР МАҲКАМАСИ ҲУЗУРИДАГИ

ОЛИЙ АТТЕСТАЦИЯ КОМИССИЯСИ

РАЁСАТИНИНГ

09.09.2016 й.

N 227/5

ҚАРОРИ

Илмий унвонлар бериш тартиби тўғрисидаги

низомга ўзгартириш ва қўшимчалар

киритиш ҳақида

Ўзбекистон Республикаси Вазирлар Маҳкамасининг 2012 йил 28 декабрдаги 365-сон "Олий ўқув юртидан кейинги таълим ҳамда олий малакали илмий ва илмий-педагог кадрларни аттестациядан ўтказиш тизимини такомиллаштириш чора-тадбирлари тўғрисида"ги қарорига мувофиқ Ўзбекистон Республикаси Вазирлар Маҳкамаси ҳузуридаги Олий аттестация комиссияси Раёсати ҚАРОР ҚИЛАДИ:

1. Ўзбекистон Республикаси Вазирлар Маҳкамаси ҳузуридаги Олий аттестация комиссияси Раёсатининг 2016 йил 28 апрелдаги 224/8-сон қарори (рўйхат рақами 2793, 2016 йил 3 июль) (Ўзбекистон Республикаси қонун ҳужжатлари тўплами, 2016 й., 22-сон, 260-модда) билан тасдиқланган Илмий унвонлар бериш тартиби тўғрисидаги низомга иловага мувофиқ ўзгартириш ва қўшимчалар киритилсин.

2. Мазкур қарор расмий эълон қилинган кундан эътиборан кучга киради.

Олий аттестация комиссияси раиси                                А. Юсупов

Қарорга

ИЛОВА

Илмий унвонлар бериш тартиби тўғрисидаги

низомга киритилаётган ўзгартириш

ва қўшимчалар

1. 12-бандда:

"г" кичик банддан "асосий" деган сўз чиқариб ташлансин;

"д" кичик банд "(тиббиёт соҳасидаги талабгорлар учун илмий даража олган 3 нафар олий малакали мутахассисни тайёрлаган ва 5 нафар магистратура талабаси ёхуд давлат (номли) стипендиялар танловлари ёки халқаро, республика олимпиадалари ёки танловлари ғолибларини тайёрлаган)" деган сўзлар билан тўлдирилсин;

"е" кичик банд "(тиббиёт соҳасидаги талабгорлар учун диссертация ҳимоясидан кейин илмий ишлар, жумладан илмий журналларда 10 та мақола, шундан нуфузли хорижий илмий журналларда 2 та мақола чоп эттирган)" деган сўзлар билан тўлдирилсин;

"ж" кичик банд ", шунингдек тиббиёт соҳасидаги талабгорлар учун қўшимча равишда 1 та монография чоп эттирган" деган сўзлар билан тўлдирилсин.

2. 13-банднинг "д" кичик банди "(тиббиёт соҳасидаги талабгорлар учун илмий даража олган 3 нафар олий малакали мутахассисни тайёрлаган ва 5 нафар магистратура талабаси ёхуд давлат (номли) стипендиялар танловлари ёки халқаро, республика олимпиадалари ёки танловлари ғолибларини тайёрлаган)" деган сўзлар билан тўлдирилсин.

3. 16-бандда:

"г" кичик банддаги "бир йил давомида ИТМнинг асосий штатида" деган сўзлар "бир йил "(тиббиёт соҳасидаги талабгорлар учун 3 йил) давомида ИТМнинг штатида" деган сўзлар билан алмаштирилсин;

"д" кичик банд "(тиббиёт соҳасидаги талабгорлар учун камида 3 нафар илмий даража олган олий малакали мутахассис тайёрлаган ва 5 нафар магистратура талабаси ёхуд клиник ординатура битирувчисига илмий раҳбарлик қилган ёки давлат (номли) стипендиялар танловлари ёхуд халқаро ёки республика олимпиадалари ёхуд танловлари ғолибларини тайёрлаган)" деган сўзлар билан тўлдирилсин.

4. 17-банднинг "д" кичик банди "(тиббиёт соҳасидаги талабгорлар учун камида 3 нафар илмий даража олган олий малакали мутахассис тайёрлаган ва 5 нафар магистратура талабаси ёхуд клиник ординатура битирувчисига илмий раҳбарлик қилган ёки давлат (номли) стипендиялар танловлари ёхуд халқаро ёки республика олимпиадалари ёхуд танловлари ғолибларини тайёрлаган)" деган сўзлар билан тўлдирилсин.

5. 18-банднинг биринчи хатбошиси "(мазкур банд тиббиёт соҳасидаги талабгорларга нисбатан татбиқ этилмайди)" деган сўзлар билан тўлдирилсин.

6. 19-бандда:

"в" кичик банддан "асосий" деган сўз чиқариб ташлансин;

"г" кичик банд "(тиббиёт соҳасидаги талабгорлар учун диссертация ҳимоясидан кейин илмий ишлар, жумладан илмий журналларда 5 та илмий мақола, шундан нуфузли хорижий илмий журналларда 1 та мақола чоп эттирган)" деган сўзлар билан тўлдирилсин;

"д" кичик банд ", шунингдек тиббиёт соҳасидаги талабгорлар учун қўшимча равишда 1 та монография нашр эттирган" деган сўзлар билан тўлдирилсин;

"ж" кичик банд "талабасига" деган сўздан кейин "(тиббиёт соҳасидаги талабгорлар учун 5 нафар магистратура талабасига)" деган сўзлар билан тўлдирилсин.

7. 20-бандда:

"г" кичик банд "(тиббиёт соҳасидаги талабгорлар учун мазкур рўйхатдаги илмий журналларда камида 5 та илмий мақола, шундан нуфузли хорижий илмий журналларда 1 та мақола чоп эттирган)" деган сўзлар билан тўлдирилсин;

"д" кичик банд ", шунингдек тиббиёт соҳасидаги талабгорлар учун қўшимча равишда 1 та монография чоп эттирган" деган сўзлар билан тўлдирилсин.

8. 21-бандда:

"б" кичик банд "3 йиллик" деган сўзлардан кейин "(тиббиёт соҳасидаги талабгорлар учун 5 йиллик)" деган сўзлар билан тўлдирилсин;

"в" кичик банддаги "бир йил давомида ИТМнинг асосий штатида" деган сўзлар "бир йил "(тиббиёт соҳасидаги талабгорлар учун 3 йил) давомида ИТМнинг штатида" деган сўзлар билан алмаштирилсин;

"г" кичик банд "(тиббиёт соҳасидаги талабгорлар учун 1 та монография ва камида 5 та илмий мақола, шундан нуфузли хорижий илмий журналларда 1 та илмий мақола чоп эттирган)" деган сўзлар билан тўлдирилсин.

9. Мазкур ўзгартириш ва қўшимчалар Ўзбекистон Республикаси Маданият ва спорт ишлари вазирлиги, Олий ва ўрта махсус таълим вазирлиги, Соғлиқни сақлаш вазирлиги, Халқ таълими вазирлиги, Қишлоқ ва сув хўжалиги вазирлиги, Ташқи ишлар вазирлиги, Фанлар академияси, Вазирлар Маҳкамаси ҳузуридаги Фан ва технологияларни ривожлантиришни мувофиқлаштириш қўмитаси билан келишилган.

"Ўзбекистон Республикаси қонун ҳужжатлари тўплами",

2016 йил 3 октябрь, 39-сон, 465-модда