ВСЕ ЗАКОНОДАТЕЛЬСТВО УЗБЕКИСТАНА

ЎзР Конунчилиги / Пул ва бюджет тизими. Бюджетдан ташқари фондлар / Бюджет тизими / Ғазначилик. Давлат бюджети ижроси /

Ўзбекистон Республикаси бюджет тизими бюджетларининг ғазна ижроси Қоидалари (АВ томонидан 22.12.2016 й. 2850-сон билан рўйхатга олинган молия вазирининг 22.11.2016 й. 88-сон буйруғи билан тасдиқланган)

Функция недоступна

Данная функция доступно только для клиентов (пользователей)

Полный текст документа доступен в платной версии. По вопросам звоните на короткий номер 1172

Ўзбекистон Республикаси

Адлия вазирлигида

2016 йил 22 декабрда 2850-сон

билан рўйхатга олинган

Ўзбекистон Республикаси

молия вазирининг

2016 йил 22 ноябрдаги

88-сон буйруғига

ИЛОВА



Ўзбекистон Республикаси бюджет тизими

бюджетларининг ғазна ижроси

ҚОИДАЛАРИ


Мазкур Қоидалар Ўзбекистон Республикасининг Бюджет кодекси, Ўзбекистон Республикаси Президентининг 2007 йил 28 февралдаги ПҚ-594-сон "Давлат бюджетининг ғазна ижроси тизимини янада ривожлантириш чора-тадбирлари тўғрисида"ги қарори ва Ўзбекистон Республикаси Вазирлар Маҳкамасининг 2007 йил 20 мартдаги 53-сон "Ўзбекистон Республикаси Молия вазирлигининг Ғазначилиги тўғрисидаги низомни тасдиқлаш ҳақида"ги қарорига мувофиқ Ягона ғазна ҳисобварағини (бундан буён матнда ЯҒҲ деб юритилади) қўллаш орқали Ўзбекистон Республикасининг бюджет тизими бюджетлари (бундан буён матнда бюджет тизими бюджетлари деб юритилади), шунингдек бошқа мақсадли жамғармалар бюджетларининг (бундан буён матнда БМЖ деб юритилади) махфий хусусиятга эга бўлмаган даромад ва харажатларининг ғазна ижросини амалга ошириш тартибини белгилайди.



1-БОБ. УМУМИЙ ҚОИДАЛАР


1. Ушбу Қоидаларда қуйидаги асосий тушунчалар қўлланилади:


БМЖ - Ўзбекистон Республикаси Молия вазирлиги (бундан буён матнда Молия вазирлиги деб юритилади) ҳузуридаги бюджетдан ташқари Республика мақсадли китоб жамғармаси, Ўзбекистон Республикаси Жисмоний тарбия ва спорт вазирлиги ҳузуридаги Жисмоний тарбия ва спортни ривожлантириш жамғармаси;

БМЖ бюджетидан маблағлар олувчи - қонун ҳужжатларига мувофиқ БМЖ бюджетидан маблағлар оладиган юридик ёки жисмоний шахс;


БМЖ тақсимловчи орган - қонун ҳужжатларига мувофиқ бюджет ва бошқа ваколатларни амалга оширувчи БМЖни бошқариш учун масъул бўлган орган;


ваколатли шахс - ғазначилик бўлинмасининг таркибий бўлинмаси, бюджет ташкилоти, бюджет маблағлари олувчи, БМЖ бюджетидан маблағ олувчи ва тақсимловчи орган раҳбари ёки уни ўрнини босувчи, тегишли раҳбарлик вазифалари ва функцияларини бажариш юклатилган шахс;


давлат харидлари - бюджет тизими бюджетларининг маблағлари ҳисобидан амалга ошириладиган товарлар (ишлар, хизматлар) харидлари;


Давлат мақсадли жамғармаларини (бундан буён матнда ДМЖ деб юритилади) тақсимловчи орган - қонун ҳужжатларига мувофиқ бюджет ва бошқа ваколатларни амалга оширувчи ДМЖ бошқариш учун масъул бўлган орган;


капитал қўйилма буюртмачиси - бюджет ташкилоти, бюджет маблағлари олувчи, ДМЖ ва БМЖ бюджетларидан маблағ олувчи ва тақсимловчи органнинг ягона буюртмачи хизмати;


масъул ходим - зиммасига тегишли хизмат вазифалари ва функцияларни бажариш юклатилган ходим;


молиявий мажбуриятлар - бюджет ташкилотларида ва бюджет маблағлари олувчиларда, шунингдек БМЖ бюджетидан маблағ олувчиларда уларга пул маблағларини ўтказиш мажбуриятини юкловчи ҳужжатлар, шу жумладан, ижро ҳужжатлари асосида юзага келадиган мажбуриятлар;


буюртмачи - бюджет ташкилоти, бюджет маблағлари олувчи ва БМЖ бюджетидан маблағ олувчи;


юридик мажбуриятлар - тузилган шартномалар, шунингдек тегишли давлат ҳокимияти ва бошқаруви органларининг қарорлари асосида бюджет ташкилотлари ва бюджет маблағлари олувчилар, шунингдек БМЖ бюджетидан маблағ олувчиларда юзага келадиган мажбуриятлар;


"ЎРМВ" АТ - тегишли бюджетларнинг бюджет жараёнини комплекс автоматлаштириш, шу жумладан бюджет тизими бюджетлари ва БМЖ бюджетлари ижроси билан боғлиқ операцияларни акс эттириш учун мўлжалланган ахборот тизими;


Ғазначилик амалиёт куни - ягона ғазна ҳисобварағига бюджет тизими бюджетларининг даромадларини қабул қилиш ва ундан харажатларни тўлаб бериш амалиётлари амалга ошириладиган вақт;

"UzASBO" ДМ - бюджет ташкилотлари томонидан бюджет ҳисоби ва ҳисоботининг юритилишини комплекс автоматлаштириш учун мўлжалланган дастурий мажмуа.


2. Мазкур Қоидаларнинг амал қилиши бюджет тизими бюджетлари ва БМЖ бюджетларининг ғазна ижроси жараёнида иштирок этувчи Молия вазирлиги ва ҳудудий молия органлари, ғазначилик бўлинмалари ва буюртмачиларга татбиқ этилади.


3. Ғазначилик бўлинмаларида рўйхатдан ўтказилиши лозим бўлган юридик мажбуриятлар, шунингдек уларга ўзгартириш ва қўшимчалар улар ғазначилик бўлинмаларида рўйхатдан ўтказилганидан сўнг кучга киради. Бунда юридик мажбуриятлар юзага келганлигини тасдиқловчи ҳужжатлар ғазначилик бўлинмаларида рўйхатдан ўтказиш учун жорий молия йилининг 25 декабридан кечиктирмай тақдим қилинади.


4. Буюртмачиларнинг I ва II гуруҳ бўйича харажатлар тўлови биринчи навбатда амалга оширилади. Бунда I гуруҳ харажатларини II гуруҳ харажатлари тўловисиз амалга ошириш тақиқланади (иш ҳақи учун олинган аванслардан ташқари). Тегишли бюджетда I ва II гуруҳ харажатлари тўлови учун зарур маблағларни қоплайдиган қолдиқлар мавжуд бўлганда, I ва II гуруҳ харажатларини тўлиқ амалга оширган ташкилотлар бўйича III ва IV гуруҳ харажатларини амалга оширишга рухсат этилади.


5. IV гуруҳ бўйича маблағларнинг сарфланиши белгиланган лимитлар доирасида қуйидаги навбатга риоя қилган ҳолда амалга оширилади:

озиқ-овқат ва дори-дармон;

коммунал хизматлар;

ёнилғи ва ёқилғи-мойлаш материаллари;

бошқа харажатлар.

Бунда IV гуруҳ ҳисобидан амалга ошириладиган қуйидаги харажатлар I гуруҳ тўловларга тенглаштирилади ва I гуруҳ харажатларига белгиланган муддатларда тўланиши мумкин:

пул шаклидаги ижтимоий ёрдам нафақалари;

етим болаларга ва ота-она қарамоғидан маҳрум бўлган болаларга нафақалар;

натура шаклидаги ижтимоий ёрдам нафақалари;

ёлғиз қариялар учун озиқ-овқат сотиб олиш харажатлари.

7. Ғазначилик бўлинмалари мазкур Қоидаларнинг 1 ва 2-иловаларига мувофиқ шаклдаги тўлов топшириқномалари ва ғазна мемориал ордерлари асосида тўловларни амалга оширади.

Бунда "UzASBO" ДМга уланган буюртмачилар тўлов топшириқномалари ва ғазна мемориал ордерларини "UzASBO" ДМда шакллантиради ва электрон ҳужжат шаклида электрон рақамли имзо билан тасдиқлаган ҳолда ғазначилик бўлинмаларига юборади. "UzASBO" ДМ орқали электрон ҳужжат шаклида электрон рақамли имзо билан тасдиқланган ҳолда ғазначилик бўлинмаларига юборилган электрон тўлов топшириқномалари ва ғазна мемориал ордерлари қоғоз шаклида расмийлаштирилмайди. Тўлов топшириқномалари ва ғазна мемориал ордерларининг электрон шаклда расмийлаштирилиши ва улардаги маълумотларнинг тўғрилиги учун буюртмачилар жавобгар ҳисобланади.

8. Харажатларни тўлашга тўлов топшириқномалари ва ғазна мемориал ордерлари ғазначилик бўлинмаларига тўлов амалга ошириладиган санадан кечи билан бир иш куни олдин тақдим этилади. Буюртмачилар электрон тўлов топшириқномалари ва ғазна мемориал ордерларини ғазначилик бўлинмаларига "UzASBO" ДМ орқали тўловни амалга ошириш кунида юбориши мумкин.

Бунда ғазначилик бўлинмаларига тақдим қилинган тўлов топшириқномалари ва ғазна мемориал ордерлари ўн кун муддатгача амал қилади.


9. Буюртмачилар ғазначилик бўлинмаларидан тегишли шахсий ғазна ҳисобварақларидан кўчирмалар ва уларга иловаларни олади.

Бунда "UzASBO" ДМга уланган буюртмачилар кўчирмаларни электрон ҳужжат кўринишида "UzASBO" ДМдан олади ва электрон тарзда тақдим қилинган кўчирмалар буюртмачиларга қоғоз кўринишида тақдим этилмайди.


10. ЯҒҲ билан қамраб олинмаган бюджет ташкилотлари ва бюджет маблағлари олувчиларни Ўзбекистон Республикаси республика бюджетидан молиялаштириш ғазначилик бўлинмалари томонидан уларнинг банк ҳисобварақларига мазкур Қоидаларнинг 3-иловасига мувофиқ шаклда Молия вазирлигининг соҳаларни молиялаштирувчи тегишли бошқармаси томонидан тақдим қилинадиган Бюджет маблағларини ўтказиш (сўзсиз ундириш) учун сўровномага асосан ЯҒҲдан амалга оширилади.


11. ЯҒҲ орқали хизмат кўрсатиладиган буюртмачилар молиявий ҳисоботларни юқори турувчи ташкилотларга, бюджет маблағлари тақсимловчиларига ва ҳудудий молия органларига тақдим қилишдан олдин молиявий ҳисоботлар кўрсаткичларини тегишли ҳисобот даврида ғазначилик бўлинмалари томонидан амалга оширилган касса харажатларига мувофиқлигини уларга хизмат кўрсатувчи ғазначилик бўлинмалари билан солиштиради. Буюртмачиларнинг ҳисоботлари тўғри бўлганда улар белгиланган шаклдаги штамп қўйилган ҳолда ғазначилик бўлинмаларининг бюджет ҳисоби бўйича ваколатли ходимлари томонидан имзоланади.

Бунда "UzASBO" ДМ орқали электрон рақамли имзо билан тасдиқланган ҳолда ғазначилик бўлинмаларига юборилган электрон молиявий ҳисоботларининг қоғоз кўринишдаги асли ғазначилик бўлинмаларига тақдим этилмайди ва ғазначилик бўлинмаларининг штампи ва имзоси билан тасдиқланмайди. Электрон молиявий ҳисоботларининг расмийлаштирилиши ва улардаги маълумотларнинг тўғрилиги учун буюртмачилар жавобгар ҳисобланади.


12. Буюртмачи раҳбарининг буйруғи билан ғазначилик бўлинмаси билан ишлаш учун буюртмачининг мазкур Қоидалар талаблари билан таништирилган масъул ходимлари белгиланади. Буюртмачининг ушбу буйруғининг нусхаси тегишли ғазначилик бўлинмасига буюртмачининг кузатув хати билан тақдим қилинади.


13. Бюджет ташкилотлари томонидан ташқи қарзларнинг жалб қилиниши, ссуда ва кредитлар олиниши, шунингдек бюджет ташкилотлари ва бюджет маблағлари олувчилар томонидан бюджетдан ажратиладиган маблағлар ҳисобига лизинг шартномаларини тузиш тақиқланади, қонун ҳужжатларида назарда тутилган ҳоллар бундан мустасно.


13-1. Ғазначилик бўлинмалари орқали тўловлар Ғазначилик амалиёт куни мобайнида амалга оширилади.

Бунда Ўзбекистон Республикаси Вазирлар Маҳкамасининг фармойишларига асосан Ғазначилик амалиёт куни Молия вазирлиги томонидан фақат даромадларнинг ғазна ижроси ёки фақат харажатларнинг ғазна ижроси учун белгиланиши мумкин.


2-БОБ. ЯҒҲ ВА БОШҚА ҒАЗНА ҲИСОБВАРАҚЛАРИ


14. ЯҒҲ Ўзбекистон Республикаси Марказий банкида очиладиган ва Молия вазирлиги томонидан бошқариладиган махсус банк ҳисобварағи ҳисобланади. Молия вазирлиги (ғазначилик бўлинмалари) Ўзбекистон Республикаси Марказий банкида ва бошқа банкларда ўзга банк ҳисобварақлари очиш ҳуқуқига эга.


15. Ўзбекистон Республикаси Давлат бюджети (бундан буён матнда Давлат бюджети деб юритилади), ДМЖ ва БМЖ бюджетларига тўланадиган солиқлар ва бошқа мажбурий тўловлар ЯҒҲга кирим қилинади ва қонун ҳужжатларига мувофиқ мос равишда Ўзбекистон Республикасининг республика бюджети, Қорақалпоғистон Республикаси бюджети, Тошкент шаҳар ва вилоятлар маҳаллий бюджетлари, ДМЖ ва БМЖ бюджетлари даромадларида акс эттирилади. Бюджет ташкилотларининг бюджетдан ташқари маблағлари ЯҒҲга кирим қилинади ва мазкур ташкилотларга тушумлар сифатида акс эттирилади.


16. Бюджет тизими ва БМЖ бюджетлари харажатлари ЯҒҲ ёки Молия вазирлигининг (ғазначилик бўлинмаларининг) бошқа банк ҳисобварақларидан Молия вазирлиги томонидан белгиланган муддатларда ҳамда:

Ўзбекистон Республикаси республика бюджети, Қорақалпоғистон Республикаси республика бюджети, вилоятлар ва Тошкент шаҳар бюджетлари, шунингдек туманлар ва шаҳарлар бюджетлари;

ДМЖ ва БМЖ бюджетлари;

бюджет ташкилотларининг бюджетдан ташқари жамғармалари маблағлари қолдиғи доирасида амалга оширилади.


17. Дебитор қарздорлик суммалари, шунингдек депонентланган маблағлар ЯҒҲга:

бюджет ташкилотлари ва бюджет маблағлари олувчиларининг бюджет маблағлари бўйича - жорий молия йилида ҳамда молия йилига қўшимча давр мобайнида;

бюджет ташкилотларининг бюджетдан ташқари маблағлари ва БМЖ маблағлари бўйича - жорий молия йилида тегишли касса харажатларини тиклаш орқали кирим қилинади.


18. Бюджет ташкилотлари ва бюджет маблағлари олувчиларга жорий молия йилида қайтарилган ўтган йилларнинг бюджет маблағлари бўйича дебитор қарздорликлари суммаларини кирим қилиш учун "ЎРМВ" АТда бюджетдан ташқари маблағлар бўйича (4004 маблағлар манбаси билан) шахсий ғазна ҳисобварақлари очилади.


19. Буюртмачиларнинг жорий молия йилида қайтарилган ўтган йилларнинг дебитор қарздорлик суммалари ЯҒҲга кирим қилинади ва:

бюджет маблағлари бўйича - бюджет ташкилотлари ва бюджет маблағлари олувчиларнинг ўтган йилларнинг дебиторлик қарздорлигини ҳисобга олиш бўйича бюджетдан ташқари шахсий ғазна ҳисобварақларида ушбу суммаларни кейинчалик тегишли бюджетларнинг жорий молия йили даромадига ўтказиш билан;

ДМЖ ва БМЖ маблағлари бўйича - ДМЖ ва БМЖ бюджетларининг тегишли шахсий ғазна ҳисобварақларида жорий молия йилининг даромадлари сифатида;

бюджет ташкилотларининг бюджетдан ташқари маблағлари бўйича - бюджетдан ташқари маблағлар бўйича тегишли шахсий ғазна ҳисобварақларида жорий молия йилининг даромадлари сифатида ҳисобга олинади.


20. Жорий молия йилида қайтарилган ўтган йилларнинг бюджет маблағлари бўйича дебитор қарздорликлари суммалари бюджет ташкилотлари ва бюджет маблағлари олувчиларнинг бюджетдан ташқари маблағлар бўйича шахсий ғазна ҳисобварағига келиб тушган кундан бошлаб уч иш кунидан кечиктирмай бюджет ташкилотлари ва бюджет маблағлари олувчилар томонидан тегишли бюджет даромадига ўтказилиши лозим.

Дебитор қарздорликлар суммалари қолдиқлари ўз вақтида ёки ҳисобот ойи тугагунга қадар ўтказилмаган ҳолларда маблағлар жорий ойнинг охирги иш кунида "ЎРМВ" АТда автоматлаштирилган тарзда тегишли бюджетлар даромадларига ўтказилади.

21. Бюджет ташкилотларининг товар-моддий қимматликларини ёки асосий воситаларини сотишдан, шунингдек инвентаризация (текширишлар) натижалари бўйича тушган маблағлар ЯҒҲга кирим қилинади ҳамда бюджет ташкилотларининг бюджетдан ташқари маблағлари бўйича тегишли шахсий ғазна ҳисобварақларида кейинчалик бюджет ташкилотлари томонидан қонун ҳужжатларига мувофиқ қайта тақсимлаш орқали ҳисобга олинади.


22. ДМЖ ёки БМЖ бюджетларидан маблағ олувчиларнинг жорий молия йилида қайтарилган ўтган йилларнинг дебитор қарздорлик суммалари, шунингдек товар-моддий қимматликларини ёки асосий воситаларни сотишдан ва инвентаризация (текширишлар) натижалари бўйича тушган маблағлари ЯҒҲга кирим қилинади ва тегишли ДМЖ ва БМЖ бюджетларида жорий молия йилининг даромади сифатида ҳисобга олинади.

Бунда ДМЖ ёки БМЖ бюджетларидан маблағ олувчиларнинг бюджет маблағлари ҳисобидан сотиб олинган товар-моддий қимматликларини ёки асосий воситаларини сотишдан тушган маблағлар тегишли бюджетлар даромадига ўтказилади.


23. Ўқувчиларнинг ота-оналари ёки уларнинг ўрнини босувчи шахслар томонидан тўланган дарсликлар ижара тўловлари ва дарсликлар ёки ўқув-методик қўлланмаларни йўқотилганлик ёки яроқсиз ҳолга келтирилганлик учун тўловлар бўйича тушумларнинг кирим қилиниши, шунингдек уларни кейинчалик Ўзбекистон Республикаси Молия вазирлиги ҳузуридаги бюджетдан ташқари Республика мақсадли китоб жамғармасининг шахсий ғазна ҳисобварағига ўтказилиши таълим муассасаларининг тегишли (4011 маблағлар манбаси билан) шахсий ғазна ҳисобварақларидан амалга оширилади.

Таълим муассасаларининг тегишли (4011 маблағлар манбаси билан) шахсий ғазна ҳисобварақларидан маблағларни Ўзбекистон Республикаси Молия вазирлиги ҳузуридаги бюджетдан ташқари Республика мақсадли китоб жамғармасининг шахсий ғазна ҳисобварағига ўтказилиши "ЎРМВ" АТда автоматлаштирилган равишда амалга оширилиши мумкин.


24. Нақд пул маблағларини олиш учун, шу жумладан буюртмачиларнинг ходимларига иш ҳақи тўлаш, шунингдек хизмат сафари ва қонун ҳужжатларида назарда тутилган бошқа нақд пул шаклидаги тўловлар учун ғазначилик бўлинмалари томонидан тижорат банкларида мос равишда 23212 "Молия вазирлиги Ғазначилиги маблағлари" ва 23214 "Ғазначиликнинг ҳудудий бўлинмалари маблағлари" ҳисобварақлари очилади.


25. Ғазначилик бўлинмаларининг 23212 "Молия вазирлиги Ғазначилиги маблағлари" ва 23214 "Ғазначиликнинг ҳудудий бўлинмалари маблағлари" ҳисобварақларидан кўчирмалар уларга иловалар билан хизмат кўрсатувчи банклардан ғазначилик бўлинмалари томонидан мазкур ҳисобварақларда маблағлар ҳаракатининг кейинги иш кунида олинади. Кўчирмалар ва уларга иловалар тегишли банклар томонидан электрон ҳужжат кўринишида - Ўзбекистон Республикаси Марказий банки ахборот тизими (тижорат банклари) ва "ЎРМВ" АТ маълумотлар базалари ўртасида маълумот алмашиш йўли билан тақдим қилиниши мумкин.

Бунда электрон тарзда тақдим қилинган кўчирмалар ва уларга иловалар қоғоз кўринишида ғазначилик бўлинмаларига тақдим этилмайди.


26. Бюджет тизими бюджетлари, шунингдек БМЖ бюджетлари даромадларига кирим қилиш учун асос бўлмаган ЯҒҲга келиб тушган маблағлар ғазначилик бўлинмалари томонидан аниқланмаган тушумлар сифатида қабул қилинади. Агар уч иш куни мобайнида ушбу тушумларни аниқлаш ҳамда уларни тегишли шахсий ғазна ҳисобварақларига кирим қилиш имкони бўлмаса, учинчи иш кунида, бироқ жорий йилнинг 31 декабридан кечиктирмасдан Ягона ғазна ҳисобварағидан тўланиши (қайтарилиши) лозим бўлган аниқланмаган тушумлар "ЎРМВ" АТда автоматлаштирилган тарзда маблағлар қайси банк ҳисобрақамларидан келиб тушган бўлса шу банк ҳисобрақамларига қайтарилади.

27. ЯҒҲдан тўловларни ўтказиш учун "Банк-Ғазначилик" дастурий мажмуаси орқали юборилган тўлов топшириқномаларининг асли Ўзбекистон Республикаси Марказий банкига тақдим этилмайди ва ғазначилик бўлинмаларида сақланади, бундан "UzASBO" ДМ орқали электрон рақамли имзо билан тасдиқланган ҳолда ғазначилик бўлинмаларига юборилган электрон тўлов топшириқномалари мустасно.



3-БОБ. "ЎРМВ" АТда ДАРОМАДЛАР

ВА ХАРАЖАТЛАР ЁЙИЛМАСИНИ ШАКЛЛАНТИРИШ

ВА РЎЙХАТГА ОЛИНГАН ХАРАЖАТЛАР СМЕТАЛАРИ

ВА КЕЛГУСИДА УЛАРГА ЎЗГАРТИРИШЛАР БЎЙИЧА

МАЪЛУМОТЛАРНИ КИРИТИШ


28. Даромадлар прогнозлари, тасдиқланган бюджетдан ажратиладиган маблағлар, ДМЖ ва БМЖ бюджетлари ҳисобини юритиш учун Молия вазирлигининг соҳаларни молиялаштирувчи тегишли бошқармалари, Қорақалпоғистон Республикаси Молия вазирлиги, вилоятлар ва Тошкент шаҳар молия бошқармалари ва туман (шаҳар) молия бўлимлари, ДМЖ ва БМЖ тақсимловчи органлари томонидан "ЎРМВ" АТда қуйидагилар шакллантирилади:

тегишли бюджетлар тасдиқлангунига қадар - биринчи чорак учун ойлар кесимида вақтинчалик харажатлар ёйилмалари;

бюджетлар тасдиқланганидан сўнг - ойлар кесимида даромадлар ва харажатларнинг йиллик ёйилмалари.


29. Молия вазирлиги ва ҳудудий молия органлари "ЎРМВ" АТга қуйидаги маълумотларни киритади:

а) бюджет маблағлари бўйича:

харажатлар сметалари Молия вазирлиги ва ҳудудий молия органларида рўйхатга олингунига қадар - биринчи чорак учун ойлар кесимида тегишли молия органларида рўйхатга олинган бюджет ташкилотлари ва бюджет маблағлари олувчиларнинг вақтинчалик харажатлар сметалари маълумотларини;

харажатлар сметалари Молия вазирлиги ва ҳудудий молия органларида рўйхатга олинганидан сўнг - ойлар кесимида тегишли молия органларида рўйхатга олинган харажатлар сметалари ва уларга ўзгартиришлар, шунингдек бюджет маблағларини тақсимловчилар томонидан тасарруфидаги бюджет ташкилотларининг рўйхатга олинган харажатлар сметалари ва уларга ўзгартиришлар бўйича маълумотларни;

б) бюджет ташкилотларининг тегишли бюджетдан ташқари жамғармалари бўйича - бюджет ташкилотларининг бюджетдан ташқари жамғармалари бўйича даромадлар ва харажатлар сметалари ҳамда уларга ўзгартиришлар бўйича маълумотларни.


30. ДМЖ ва БМЖ тақсимловчи органлар "ЎРМВ" АТга қуйидаги маълумотларни киритади:

харажатлар сметалари рўйхатга олингунига қадар - биринчи чорак учун ойлар кесимида тегишли ДМЖ ва БМЖ тақсимловчи органлари томонидан рўйхатга олинган вақтинчалик харажатлар сметалари маълумотларини;

харажатлар сметалари рўйхатга олинганидан сўнг - ойлар кесимида тегишли ДМЖ ва БМЖ тақсимловчи органлари томонидан рўйхатга олинган харажатлар сметалари ва уларга ўзгартиришлар бўйича маълумотларни.



4-БОБ. ИМЗОЛАР НАМУНАЛАРИ

ВА МУҲР ИЗИ КАРТОЧКАСИ


31. Имзолар намуналари ва муҳр изи карточкаси буюртмачилар ва капитал қўйилма буюртмачилари томонидан, дастлаб уларга шахсий ғазна ҳисобварақлари очилганида ҳамда кейинчалик доимий равишда молия йили бошланишидан камида беш иш куни олдин ҳар молия йили учун мазкур Қоидаларнинг 5-иловасига мувофиқ шаклда уч асл нусхада тузилади ва тегишли ғазначилик бўлинмаларига икки асли тақдим қилинади. Карточканинг бир асли юридик мажбуриятларни рўйхатга олувчи масъул ходимда, иккинчи асли эса молиявий мажбуриятларни рўйхатга олувчи ва харажатлар тўловини амалга оширувчи масъул ходимда сақланади. Карточканинг учинчи асли буюртмачи ёки капитал қўйилма буюртмачисида қолади.

Имзолар намуналари ва муҳр изи карточкаси буюртмачилар ва капитал қўйилма буюртмачиларининг юқори турувчи ташкилотлари томонидан тасдиқланади.

Агар буюртмачилар ва капитал қўйилма буюртмачиларининг юқори турувчи ташкилоти бўлмаса, унда имзолар намуналари ва муҳр изи карточкаси мазкур буюртмачилар ва капитал қўйилма буюртмачиларининг раҳбари томонидан тасдиқланади.


32. Имзолар намуналари ва муҳр изи карточкасининг орқа томонида буюртмачилар ва капитал қўйилма буюртмачиларининг шахсий ғазна ҳисобварақлари рақамлари ва номлари кўрсатилади.


33. Имзолар намуналари ва муҳр изи карточкасига буюртмачилар ва капитал қўйилма буюртмачиларининг раҳбари, бош бухгалтери ва унинг ўринбосари, шунингдек юрисконсульт (юрист) ёки раҳбар томонидан ваколат берилган шахсларнинг имзолари намуналари киритилади ва буюртмачилар ва капитал қўйилма буюртмачиларининг муҳр изи билан тасдиқланади. Агар буюртмачилар ва капитал қўйилма буюртмачиларида юрисконсульт (юрист) штати мавжуд бўлмаса, унинг имзоси бўлиши талаб қилинмайди.


34. Имзолар намуналари ва муҳр изи карточкасидаги имзолар намуналари тегишли ходимларнинг ўз қўллари билан қўйилган бўлиши лозим. Имзолар намуналари факсимиле орқали қўйилишига йўл қўйилмайди.


35. Биринчи имзо ҳуқуқи бош бухгалтерга ёки иккинчи имзо ҳуқуқига эга бошқа шахсларга берилиши мумкин эмас.

Буюртмачиларда бухгалтер лавозими бўлмаганда имзолар намуналари ва муҳр изи карточкасининг иккинчи имзо қаторида "Назарда тутилмаган" ёзуви кўрсатилади.


36. Шахсларга вақтинчалик биринчи ёки иккинчи имзо ҳуқуқи берилганда, шунингдек раҳбар томонидан ваколат берилган шахслардан бири вақтинчалик алмаштирилганда вақтинча ваколатга эга бўлган шахснинг имзо намунаси бўлган карточка, амал қилиш муддати кўрсатилган ҳолда мазкур Қоидаларнинг 5-иловасига мувофиқ шаклда уч асл нусхада тузилади ва тегишли ғазначилик бўлинмаларига икки асли тақдим қилинади. Вақтинчалик карточка мазкур Қоидаларнинг 31-бандида белгиланган тартибда тасдиқланади. Вақтинчалик карточканинг биринчи асли юридик мажбуриятларни рўйхатга олувчи масъул ходимда, иккинчи асли эса молиявий мажбуриятларни рўйхатга олувчи ва харажатлар тўловини амалга оширувчи масъул ходимда сақланади. Карточканинг учинчи асли буюртмачи ёки капитал қўйилма буюртмачисида қолади.


37. Буюртмачи ёки капитал қўйилма буюртмачисининг имзолар намуналари ва муҳр изи карточкасида акс эттирилган муҳр ўзгарганда, имзолардан бири алмашганда ёки тўлдирилганда, мазкур буюртмачи ёки капитал қўйилма буюртмачиси тасдиқланган янги имзолар намуналари ва муҳр изи карточкасини тақдим этади. Амал қилиш муддати тугаган имзолар намуналари ва муҳр изи карточкалари ғазначилик бўлинмасида сақланади.


38. Ғазначилик бўлинмалари имзолар намуналари ва муҳр изи карточкасидан буюртмачилар ва капитал қўйилма буюртмачиларининг юридик ва молиявий мажбуриятларини рўйхатдан ўтказишда ва ҳисобга олишда, шунингдек тўловларни амалга оширишда улардаги имзолар ва муҳр изини имзолар намуналари ва муҳр изи карточкасида кўрсатилган имзолар ва муҳр изи намуналарига солиштиришда фойдаланади.

Бунда буюртмачилар ва капитал қўйилма буюртмачиларининг ғазначилик бўлинмаларига тақдим қилинган юридик ва молиявий мажбуриятларини тасдиқловчи ҳужжатлардаги имзолар ва муҳр изининг ҳақиқийлигига буюртмачилар ва капитал қўйилма буюртмачилари раҳбарлари ва бош бухгалтерлари жавобгардир.


38-1. Ғазначилик бўлинмаларида юридик ва молиявий мажбуриятларни рўйхатдан ўтказиш ва ҳисобга олиш учун барча ҳужжатларни фақат электрон шаклда тақдим этадиган "UzASBO" ДМга уланган буюртмачилар ва капитал қўйилма буюртмачилари томонидан имзолар намуналари ва муҳр изи карточкаси ғазначилик бўлинмаларига тақдим этилмайди.


5-БОБ. БЮДЖЕТ ТИЗИМИ БЮДЖЕТЛАРИ

ДАРОМАДЛАРИНИНГ ҒАЗНА ИЖРОСИ


39. Ўзбекистон Республикасининг давлат бюджети ва ДМЖ бюджетлари даромадларининг ғазна ижроси Бюджет тизими бюджетлари даромадларининг касса ижроси тўғрисидаги йўриқномага (рўйхат рақами 2771, 2016 йил 30 март) мувофиқ амалга оширилади.


40. Бюджет ташкилотларининг бюджетдан ташқари маблағлари ЯҒҲга кирим қилинади ва мазкур бюджет ташкилотларига тушумлар ёки бюджетдан ташқари маблағлар ҳисобидан аввал амалга оширилган касса харажатларининг тикланиш суммалари сифатида уларнинг бюджетдан ташқари маблағлар бўйича шахсий ғазна ҳисобварақларида ҳисобга олинади.


41. Бюджет ташкилотларининг бюджетдан ташқари шахсий ғазна ҳисобварақларига келиб тушган маблағларни тўғри акс эттирилишини таъминлаш учун банклар томонидан шакллантириладиган электрон тўлов ҳужжатларининг "тўлов мақсади" графасида мазкур Қоидаларнинг 6-иловасига мувофиқ Тўлов турлари бўйича маълумотномада кўрсатилган тегишли тўлов кодлари, шунингдек бюджет ташкилотларининг бюджетдан ташқари жамғармалари бўйича тегишли бюджетдан ташқари шахсий ғазна ҳисобварақлари кўрсатилиши лозим.


42. Бюджет ташкилотларининг бюджетдан ташқари маблағлар бўйича шахсий ғазна ҳисобварақларига нотўғри ёки ортиқча келиб тушган маблағларни, шунингдек ДМЖ ва БМЖ шахсий ғазна ҳисобварақларига нотўғри ёки ортиқча келиб тушган маблағларнинг қайтарилиши ғазначилик бўлинмалари томонидан бюджет ташкилотлари, ДМЖ ва БМЖ тақсимловчи органларнинг ёзма мурожаатлари ва мазкур Қоидалар талабларига мувофиқ расмийлаштирилган тўлов ҳужжатлари асосида амалга оширилади, бундан давлат солиқ хизмати органлари томонидан ундириладиган тўловлар мустасно.

"UzASBO" ДМ уланган бюджет ташкилотлари, ДМЖ ва БМЖлар нотўғри ёки ортиқча келиб тушган маблағларни шахсий ғазна ҳисобварақларидан "UzASBO" ДМда электрон рақамли имзо билан тасдиқланган электрон тўлов топшириқномаларни ғазначилик бўлинмаларига юбориш орқали қайтаради.

Божхона органларининг депозит ғазна ҳисобварақларидан маблағларни тўловчиларга қайтариш фақат тўлов ҳужжатлари асосида, давлат солиқ хизмати органларининг тегишли бюджетдан ташқари шахсий ғазна ҳисобварақларидан маблағларни тўловчиларга қайтариш эса солиқ органларининг тегишли хулосалари ва тўлов ҳужжатлари асосида амалга оширилади.



6-БОБ. ЮРИДИК МАЖБУРИЯТЛАРНИ

РЎЙХАТДАН ЎТКАЗИШ ВА ҲИСОБГА ОЛИШ


1-§. I ва II гуруҳ харажатлари бўйича юридик мажбуриятларни

рўйхатдан ўтказиш ва ҳисобга олиш


43. I ва II гуруҳ харажатлари бўйича юридик мажбуриятлар ғазначилик бўлинмалари томонидан шартномалар ва мазкур Қоидаларнинг 7-иловасига мувофиқ шаклдаги I ва II гуруҳ харажатлари бўйича юридик ва молиявий мажбуриятларни рўйхатдан ўтказишга (ҳисобга олишга) буюртмалар (бундан буён матнда ЮММР буюртмалари деб юритилади) асосида рўйхатдан ўтказилади ёки ҳисобга олинади.

Бунда "UzASBO" ДМга уланган буюртмачилар ЮММР буюртмасини "UzASBO" ДМда шакллантиради ва электрон рақамли имзо билан тасдиқлаган ҳолда ғазначилик бўлинмаларига электрон ҳужжат шаклида юборади. "UzASBO" ДМ орқали электрон ҳужжат шаклида электрон рақамли имзо билан тасдиқланган ҳолда ғазначилик бўлинмаларига юборилган ЮММР буюртмалари қоғоз шаклида расмийлаштирилмайди. ЮММР буюртмаларининг электрон шаклда расмийлаштирилиши ва улардаги маълумотларнинг тўғрилиги учун буюртмачилар жавобгар ҳисобланади.

44. Иш берувчининг фуқаролик жавобгарлигини мажбурий суғурта қилиш шартномасини рўйхатдан ўтказиш ёки ҳисобга олиш учун буюртмачилар ғазначилик бўлинмаларига мазкур шартноманинг иккита асли ва битта нусхасини, шунингдек мазкур Қоидаларнинг 8-иловасига мувофиқ шаклда икки асл нусхада Тўловлар жадвали тақдим этади.

Бунда "UzASBO" ДМга уланган буюртмачилар иш берувчининг фуқаролик жавобгарлигини мажбурий суғурта қилиш шартномаси маълумотларини "UzASBO" ДМга киритади ва электрон ҳужжат шаклида электрон рақамли имзо билан тасдиқлаган ҳолда ғазначилик бўлинмаларига юборади. "UzASBO" ДМ орқали электрон ҳужжат шаклида электрон рақамли имзо билан тасдиқланган ҳолда ғазначилик бўлинмаларига юборилган иш берувчининг фуқаролик жавобгарлигини мажбурий суғурта қилиш шартномасининг қоғоз шаклидаги асл нусхаси ғазначилик бўлинмаларига тақдим этилмайди ва буюртмачиларда сақланади. Иш берувчининг фуқаролик жавобгарлигини мажбурий суғурта қилиш шартномасининг қоғоз ва электрон шаклда расмийлаштирилиши, улардаги маълумотларнинг тўғрилиги, ўзаро мувофиқлиги ва аслининг сақланиши учун буюртмачилар жавобгар ҳисобланади.

45. Буюртмачиларнинг "UzASBO" ДМ орқали электрон ҳужжат шаклида ғазначилик бўлинмаларига юборилган ЮММР буюртмалари ва иш берувчининг фуқаролик жавобгарлигини мажбурий суғурта қилиш шартномаси ғазначилик бўлинмалари томонидан харажатлар сметасида кўрсатилган суммалар ва мақсадларга мувофиқ равишда тузилиши устидан назорат ўрнатиш асосида бир иш куни ичида масъул ходимнинг электрон рақамли имзоси билан тасдиқланган ҳолда "ЎРМВ" АТда электрон тарзда рўйхатдан ўтказилади ёки ҳисобга олинади, камчиликлар аниқланганида эса тегишли камчиликлари кўрсатилган ҳолда электрон тарзда буюртмачиларга қайтарилади.

46. "UzASBO" ДМга уланмаган буюртмачилар ЮММР буюртмаларини қоғоз шаклида икки асл нусхада, унда кўрсатилган суммаларни тўлашга тўлов ҳужжатлари илова қилинган ҳолда ғазначилик бўлинмаларига тақдим қилади.

Бунда мазкур ЮММР буюртмаларини рўйхатдан ўтказиш ёки ҳисобга олишда ғазначилик бўлинмаларининг масъул ходимлари мазкур Қоидаларнинг 47 - 51-бандларига мувофиқ иш юритади.


47. Ғазначилик бўлинмаларининг масъул ходимлари ЮММР буюртмаларини қабул қилганларидан сўнг ЮММР буюртмаларига қабул қилиб олган санасини кўрсатган ҳолда ўз имзоларини қўяди.


48. Ғазначилик бўлинмаларининг масъул ходимлари бир иш куни мобайнида ЮММР буюртмаларида кўрсатилган суммаларни харажатларни қоплашга тегишли манбаларнинг (бюджетдан ажратиладиган маблағлар, вазирликлар ва идораларнинг бюджетдан ташқари жамғармалари маблағлари ва БМЖ маблағлари) мавжудлигига, шунингдек уларга илова қилинган тўлов ҳужжатларидаги суммаларни ЮММР буюртмаларида кўрсатилган суммаларга мувофиқлиги юзасидан текширади.

Камчиликлар бўлмаганида ғазначилик бўлинмаларининг масъул ходимлари томонидан ЮММР буюртмалари:

бюджетдан ажратиладиган маблағлар ва БМЖ маблағлари бўйича - ЮММР буюртмаларининг икки аслига рўйхатдан ўтказиш рақами ва санасини кўрсатган ҳолда "Рўйхатдан ўтказилди" штампини ва шахсий имзосини қўйиш йўли билан рўйхатдан ўтказилади;

вазирликлар ва идораларнинг бюджетдан ташқари жамғармалари маблағлари бўйича - ЮММР буюртмаларининг икки аслига ҳисобга олиш рақами ва санасини кўрсатган ҳолда "Буюртма бўйича тўловлар шахсий ғазна ҳисобварағи қолдиғи доирасида амалга оширилади" ёзуви билан "Ҳисобга олинди" штампини ва шахсий имзосини қўйиш йўли билан ҳисобга олинади.

49. ЮММР буюртмаларида камчиликлар аниқланганида, ғазначилик бўлинмаларининг масъул ходимлари ЮММР буюртмасида камчиликларини кўрсатган ҳолда уни буюртмачининг масъул ходимига қайтаради.


50. Камчиликлари кўрсатиб қайтарилган ЮММР буюртмалари тўғрисидаги маълумот ҳисоби ғазначилик бўлинмалари томонидан "ЎРМВ" АТда электрон шаклда амалга оширилади.


51. ЮММР буюртмаси ғазначилик бўлинмалари томонидан рўйхатдан ўтказилганидан ёки ҳисобга олинганидан сўнг буюртмачиларнинг масъул ходимлари ЮММР буюртмасининг икки аслига қабул қилиб олган санасини кўрсатган ҳолда ўз имзосини қўяди ва ЮММР буюртмасининг бир асли буюртмачиларнинг масъул ходимларига қайтарилади. ЮММР буюртмасининг иккинчи асли ғазначилик бўлинмаларида сақлаш учун қолади.



2-§. III гуруҳ харажатлари бўйича юридик мажбуриятларни

рўйхатдан ўтказиш ва ҳисобга олиш


52. III гуруҳ харажатлари бўйича юридик мажбуриятлар капитал қўйилма буюртмачилари томонидан товарлар (ишлар, хизматлар) етказиб берувчилар (пудратчилар) билан тузган шартномалари (уларга қўшимча ва ўзгартиришларни ҳам инобатга олган ҳолда) (бундан буён матнда шартномалар деб юритилади) асосида ғазначилик бўлинмаларида рўйхатдан ўтказилиши ёки ҳисобга олиниши шарт.

Бунда шартномаларда қурилишнинг дастлабки икки ойи мобайнида аванс тўловлари қурилишнинг прогноз қилинаётган йили учун танлов савдолари натижалари бўйича белгиланган ишлар қийматининг 30 фоизигача миқдорда тенг улушларда ажратилиши назарда тутилади.


53. III гуруҳ харажатлари бўйича шартномалар амал қилиш муддати тегишли молия йилининг 31 декабридан кечикмасдан тузилиши лозим, капитал қўйилмалар бўйича шартномалар ҳамда қонун ҳужжатларида назарда тутилган амал қилиш муддати бир неча йилни ташкил этиши мумкин бўлган ҳоллар бундан мустасно.


54. Шартномалар аниқ ва равшан сиёҳ ёки шарикли ручка ёки ёзув машинасида ёзилган ҳолда тўлдирилиши лозим. Бунда тузатишлар, ўчириб ёзишлар ёки тўғрилашларга йўл қўйилмайди.


55. Агар шартномада иккинчи томоннинг хабарномасига кўра шартнома қўшимча келишувсиз бекор қилиниши мумкинлиги назарда тутилган бўлса ушбу шартнома бўйича юридик мажбуриятни бекор қилиш капитал қўйилма буюртмачиларининг мазкур Қоидаларнинг 9-иловасига мувофиқ шакл бўйича икки асл нусхада Юридик мажбуриятларни рўйхатдан ўтказишга (ҳисобга олишга) буюртмаси ва товарлар (ишлар, хизматлар) етказиб берувчиларнинг (пудратчиларнинг) мазкур шартнома шартларига мувофиқ шартнома бекор қилинишига қаршилиги йўқлиги тўғрисидаги ёзма хабарномаси асосида амалга оширилади.

Бунда ушбу юридик мажбуриятни бекор қилишни рўйхатдан ўтказиш ёки ҳисобга олишда ғазначилик бўлинмаларининг масъул ходимлари мазкур қоидаларнинг 59 - 61-бандларига мувофиқ иш юритади.


56. Капитал қўйилма буюртмачиларининг товарлар (ишлар, хизматлар) етказиб берувчилар (пудратчилар) билан шартномаларида томонларнинг юридик манзиллари ва реквизитлари мазкур Қоидаларнинг 10-иловасига мувофиқ расмийлаштирилади.


57. Капитал қўйилма буюртмачилари юридик мажбуриятларни рўйхатдан ўтказиш ёки ҳисобга олиш учун ғазначилик бўлинмаларига шартноманинг иккита асли ва битта нусхаси билан бирга қуйидаги ҳужжатларни тақдим этади:

икки асл нусхада Тўловлар жадвали;

товарнинг қиймати бир шартнома бўйича энг кам иш ҳақининг икки минг беш юз бараваридан олти минг бараваригача бўлган миқдорни ташкил этганда танлов иштирокчиларининг таклифларини кўриб чиқиш ва баҳолаш баённомаси нусхаси;

ишларнинг, хизматларнинг қиймати энг кам иш ҳақининг йигирма беш бараваридан олти минг бараваригача бўлган миқдорни ташкил этганда танлов иштирокчиларининг таклифларини кўриб чиқиш ва баҳолаш баённомаси нусхаси;

товарларнинг (ишларнинг, хизматларнинг) қиймати бир шартнома бўйича энг кам иш ҳақининг олти минг бараваридан ортиқ суммани ташкил этганда тендер иштирокчиларининг таклифларини кўриб чиқиш ва баҳолаш баённомаси нусхаси;

агар инвестиция лойиҳалари доирасида Ўзбекистон Республикаси Президентининг фармонлари, қарорлари ва фармойишлари билан буюртмачиларга тендер ўтказмасдан товарларни (ишларни, хизматларни) етказиб берувчилар билан шартномалар тузиш ҳуқуқи берилган тақдирда, харид қилиш тартиб-таомили давлат харидининг суммасидан қатьи назар танлов ўтказиш орқали амалга оширилганда таклифалрни кўриб чиқиш ва баҳолаш баённомаси нусхаси;

танлов савдолари натижалари ҳисоботининг Ўзбекистон Республикаси Қурилиш вазирлиги билан келишилган нусхаси;

Ўзбекистон Республикаси Қурилиш вазирлигининг қурилиш-монтаж ишларини бажаришга (қурилишнинг бутун даври учун берилган) рухсати нусхаси;

манзилли рўйхат (лойиҳа-тадқиқот ишларининг манзилли рўйхати) нусхаси;

қурилиш объекти титул рўйхати нусхаси;

пудрат ташкилотининг қурилиш таваккалчиликларини суғурталаш юзасидан шартномаси нусхаси;

давлат экология экспертизаси хулосаси нусхаси (зарур бўлганда);

Бунда шартномаларда томонлар юридик хизматларининг ёки жалб қилинган адвокатларнинг имзоси бўлиши шарт.

58. Капитал қўйилмага харажатлар турли манбалар ҳисобидан, инвестиция дастурига киритилган лойиҳалар доирасида, Давлат бюджети маблағлари, кредит маблағлари, давлатлар, давлатлар ҳукуматлари, халқаро молиявий институтлар, шунингдек халқаро ва чет эл ҳукумат ва ноҳукумат ташкилотлари ва бошқалар қарзлари ҳамда грантлари ҳисобидан молиялаштириладиган ҳолларда шартномалар, ишлар бажарилганлигини тасдиқловчи бирламчи ва бошқа ҳужжатларни расмийлаштириш тегишли халқаро шартномалар талабларига мувофиқ амалга оширилади.


59. Ғазначилик бўлинмаларининг масъул ходимлари шартномани мазкур Қоидаларнинг 57-бандида кўрсатилган ҳужжатлар илова қилинган ҳолда қабул қилиб олишда Тўловлар жадвалининг икки аслига мазкур ҳужжатларни қабул қилиб олган санасини кўрсатган ҳолда ўз имзосини қўяди, шартномалар мазкур Қоидалар талабларига мувофиқ рўйхатдан ўтказилганидан ёки ҳисобга олинганидан сўнг эса капитал қўйилма буюртмачиларининг масъул ходимлари Тўловлар жадвалининг икки аслига шартномани қабул қилиб олган санасини кўрсатган ҳолда ўз имзосини қўяди.


60. Ғазначилик бўлинмаларининг масъул ходимлари капитал қўйилма буюртмачилари томонидан шартнома тақдим этилган кундан бошлаб уч иш куни мобайнида шартномада кўрсатилган суммани шартномада кўрсатилган харажатларни қоплашга тегишли манбанинг (бюджетдан ажратиладиган маблағлар, вазирликлар ва идораларнинг бюджетдан ташқари жамғармалари маблағлари ва БМЖ маблағлари) мавжудлигини, томонларнинг зарур реквизитлари, муҳрлари ва имзолари, муҳрлар ва имзоларнинг капитал қўйилма буюртмачиси томонидан тақдим этилган имзолар намуналари ва муҳр изи карточкасида кўрсатилган имзолар ва муҳр изига мослигини, шунингдек мазкур Қоидаларнинг 57-бандида кўрсатилган ҳужжатларнинг мавжудлигини текширади.

61. Шартномаларни мазкур Қоидалар талабларига мувофиқлиги юзасидан текширишда камчиликлар бўлмаган ҳолларда шартномалар тақдим этилганидан сўнг тўртинчи иш кунидан кечиктирмай ғазначилик бўлинмалари томонидан:

бюджетдан ажратилган маблағлар ва БМЖ маблағлари бўйича - рўйхатдан ўтказилади;

вазирликлар ва идораларнинг бюджетдан ташқари жамғармалари маблағлари бўйича - ҳисобга олинади.

62. Мазкур Қоидалар талабларига номувофиқ ҳолда тақдим этилган шартномалар рўйхатдан ўтказилмасдан ёки ҳисобга олинмасдан, мазкур Қоидаларнинг 11-иловасига мувофиқ шаклда Шартномаларни қайтариш варақасида уни рўйхатдан ўтказмасдан ёки ҳисобга олмасдан қайтаришнинг асосли сабабларини ёзма кўрсатган ҳолда қайтарилади.


63. Қайтарилган шартномалар тўғрисидаги маълумот ҳисоби ғазначилик бўлинмалари томонидан "ЎРМВ" АТда электрон кўринишда мазкур Қоидаларнинг 12-иловасига мувофиқ шаклда Қайтарилган шартномаларни рўйхатдан ўтказиш китобида юритилади.


64. Шартномаларни қайтариш варақаларида кўрсатилган барча камчиликлар тўлиқ бартараф этилган ҳолларда, шунингдек қайта тақдим этилган шартномаларда аввал Шартномаларни қайтариш варақаларида кўрсатилмаган бошқа камчиликлар бўлмаганда ғазначилик бўлинмалари томонидан шартномани капитал қўйилма буюртмачиларига такроран қайтарилишига йўл қўйилмайди.


65. Ғазначилик бўлинмалари томонидан шартномаларни рўйхатдан ўтказиш ва ҳисобга олиш қуйидаги тартибда амалга оширилади:

бюджетдан ажратиладиган маблағлар ва БМЖ маблағлари бўйича - масъул ходим томонидан шартноманинг биринчи ва иккинчи асли, шунингдек нусхасининг барча варақларига рўйхатдан ўтказиш рақами ва санасини кўрсатиб "Рўйхатдан ўтказилди" штампини ва шахсий имзосини қўйиш, шунингдек ғазначилик бўлинмасининг ваколатли шахси томонидан шахсий имзосини ва "Юридик мажбуриятларни рўйхатдан ўтказиш" муҳрини қўйиш йўли билан рўйхатдан ўтказилади;

вазирликлар ва идораларнинг бюджетдан ташқари жамғармалари маблағлари бўйича - масъул ходим томонидан шартноманинг биринчи ва иккинчи асли, шунингдек нусхасининг барча варақларига ҳисобга олиш рақами ва санасини кўрсатган ҳолда "Шартнома бўйича тўловлар шахсий ғазна ҳисобварағи қолдиғи доирасида амалга оширилади" ёзуви билан "Ҳисобга олинди" штампини ва шахсий имзосини қўйиш ҳамда ваколатли шахс томонидан шахсий имзосини қўйиш йўли билан ҳисобга олинади.

66. Шартномалар рўйхатдан ўтказилганидан ёки ҳисобга олинганидан сўнг шартноманинг иккита асли ва Тўловлар жадвалининг битта асли капитал қўйилма буюртмачисига қайтарилади, рўйхатга олинган ёки ҳисобга олинган шартноманинг нусхаси, Тўловлар жадвалининг иккинчи асли ва мазкур Қоидалар талабларига мувофиқ шартнома билан тақдим этилган ҳужжатлар нусхалари эса ғазначилик бўлинмаларида сақлаш учун қолади.


67. Манзилли рўйхатлар асосида бир неча йил амалга ошириладиган шартномалар бўйича жорий молия йилининг юридик мажбуриятлари ғазначилик бўлинмалари томонидан капитал қўйилмаларнинг жорий молия йили учун тасдиқланган манзилли рўйхатида назарда тутилган маблағлар доирасида рўйхатдан ўтказилади ёки ҳисобга олинади.


68. Бажариш муддати бир йилдан ортиқ муддатни ташкил этадиган шартномалар бўйича юридик мажбуриятларни кейинги молия йилида рўйхатдан ўтказиш ёки ҳисобга олиш капитал қўйилма буюртмачилари томонидан ғазначилик бўлинмаларига тақдим этиладиган қуйидаги ҳужжатлар асосида амалга оширилади:

илгари ғазначилик бўлинмаларида рўйхатдан ўтказилган ёки ҳисобга олинган шартноманинг нусхаси;

қўшимча келишувнинг иккита асли ва битта нусхаси (асосий шартнома шартларига ўзгартиришлар киритилган ҳолларда);

икки асл нусхада Тўловлар жадвали;

манзилли рўйхат (лойиҳа-тадқиқот ишларининг манзилли рўйхати) нусхаси;

қурилиш объекти титул рўйхати нусхаси.


69. Кафолат муддати тугаганидан сўнг тўланадиган объект қийматидан 5 фоиз кафолат суммаси бўйича юридик мажбуриятларни рўйхатдан ўтказиш ёки ҳисобга олиш капитал қўйилма буюртмачилари томонидан ғазначилик бўлинмаларига тақдим этиладиган қуйидаги ҳужжатлар асосида амалга оширилади:

илгари ғазначилик бўлинмаларида рўйхатдан ўтказилган ёки ҳисобга олинган асосий шартнома (барча қўшимча келишувлари билан) нусхаси;

икки асл нусхада Тўловлар жадвали;

қурилиш объектини қабул қилиш бўйича тегишли давлат комиссиясининг далолатномаси нусхаси ва объектдан фойдаланувчи ташкилот маълумотномаси (хати) нусхаси;

капитал қўйилма буюртмачиси ва товарлар (ишлар, хизматлар) етказиб берувчилар (пудратчилар) ўртасида тузилган солиштириш далолатномаси;

манзилли рўйхат нусхаси.


70. Ғазначилик бўлинмалари томонидан шартномаларга мувофиқ юридик мажбуриятларни кейинги молия йилида рўйхатдан ўтказиш ёки ҳисобга олиш қуйидаги тартибда амалга оширилади:

бюджетдан ажратиладиган маблағлар ва БМЖ маблағлари бўйича - масъул ходим томонидан Тўловлар жадвалининг барча асл нусхаларига (қўшимча келишувнинг барча варақларига) рўйхатдан ўтказиш рақами ва санасини кўрсатиб "Рўйхатдан ўтказилди" штампини ва шахсий имзосини қўйиш, шунингдек ғазначилик бўлинмасининг ваколатли шахси томонидан шахсий имзосини ва "Юридик мажбуриятларни рўйхатдан ўтказиш" муҳрини қўйиш йўли билан рўйхатдан ўтказилади;

вазирликлар ва идораларнинг бюджетдан ташқари жамғармалари маблағлари бўйича - масъул ходим томонидан Тўловлар жадвалининг барча асл нусхаларига (қўшимча келишувнинг барча варақларига) ҳисобга олиш рақами ва санасини кўрсатган ҳолда "Шартнома бўйича тўловлар шахсий ғазна ҳисобварағи қолдиғи доирасида амалга оширилади" ёзуви билан "Ҳисобга олинди" штампини ва шахсий имзосини қўйиш ҳамда ваколатли шахс томонидан шахсий имзосини қўйиш йўли билан ҳисобга олинади.

71. Капитал қўйилма буюртмачиларининг буюртмачи хизматини сақлаб туришга маблағларни ўтказиш бўйича юридик мажбуриятларни рўйхатдан ўтказиш ёки ҳисобга олиш ҳар бир объект бўйича тасдиқланган манзилли ва титул рўйхатларида мазкур мақсадлар учун назарда тутилган маблағлар доирасида капитал қўйилма буюртмачиси томонидан ғазначилик бўлинмаларига тақдим этиладиган:

икки асл нусхада Тўловлар жадвали;

икки асл нусхада Юридик мажбуриятларни рўйхатдан ўтказишга (ҳисобга олишга) буюртма асосида амалга оширилади.


71-1. "UzASBO" ДМга уланган капитал қўйилма буюртмачилари етказиб берувчилар (пудратчилар) билан тузган шартномаларини ва унга тегишли иловаларни мазкур Қоидаларнинг 71-2 ва 71-4-бандларида белгиланган тартибда "UzASBO" ДМ орқали ғазначилик бўлинмаларига юборишлари мумкин.

71-2. "UzASBO" ДМга уланган капитал қўйилма буюртмачилари қонун ҳужжатларида белгиланган тартибда етказиб берувчини танлаб шартнома тузганидан сўнг танлов (тендер) иштирокчиларининг таклифларини кўриб чиқиш ва баҳолаш баённомаси ҳамда шартнома (қонун ҳужжатларига мувофиқ бажариш муддати бир йилдан ортиқ муддатни ташкил этадиган шартномалар бўйича шартномага қўшимча келишув) маълумотларини "UzASBO" ДМга киритади ва электрон ҳужжат шаклида электрон рақамли имзо билан тасдиқлаган ҳолда ғазначилик бўлинмаларига юборади.

"UzASBO" ДМ орқали электрон рақамли имзо билан тасдиқланган ҳолда электрон ҳужжат шаклида ғазначилик бўлинмаларига юборилган танлов (тендер) иштирокчиларнинг таклифларини кўриб чиқиш ва баҳолаш баённомаси ҳамда шартноманинг қоғоз шаклидаги асл нусхаси, шунингдек шартнома тузиш учун асос бўлган ҳужжатлар ғазначилик бўлинмаларига тақдим этилмайди ва капитал қўйилма буюртмачиларида сақланади.

Бунда бюджет тизими бюджетлари маблағлари ҳисобидан шартнома тузишда етказиб берувчиларни танлаш тартиботларини тўғри ўтказилиши, шартномани расмийлаштиришда қонун ҳужжатларида белгиланган барча талабларга риоя этилиши, шартнома бўйича ишларни бажаришга ваколатли органлар хулосалари ва рухсатларининг мавжудлиги, шунингдек танлов (тендер) иштирокчиларнинг таклифларини кўриб чиқиш ва баҳолаш баённомаси ва шартноманинг қоғоз ва электрон шаклининг ўзаро мувофиқлиги, улардаги маълумотларнинг тўғрилиги, шартноманинг асли ва шартнома тузиш учун асос бўлган барча ҳужжатларнинг сақланиши учун капитал қўйилма буюртмачилари жавобгар ҳисобланади.

71-3. "UzASBO" ДМга уланган капитал қўйилма буюртмачилари буюртмачи хизматини сақлаб туришга харажатлари ва қонун ҳужжатларида назарда тутилган йиғимлар, бадаллар, солиқлар ва бошқа тўловлар бўйича "UzASBO" ДМда буюртма шакллантиради ва электрон ҳужжат шаклида электрон рақамли имзо билан тасдиқлаган ҳолда ғазначилик бўлинмаларига юборади. "UzASBO" ДМ орқали электрон ҳужжат шаклида электрон рақамли имзо билан тасдиқланган ҳолда ғазначилик бўлинмаларига юборилган буюртма қоғоз шаклида расмийлаштирилмайди. Буюртма учун асос бўлган ҳужжатлар ғазначилик бўлинмаларига тақдим этилмайди ва капитал қўйилма буюртмачиларида сақланади.

Бунда буюртманинг асослилиги ва унга асос бўлган барча ҳужжатларнинг сақланиши учун капитал қўйилма буюртмачилари жавобгар ҳисобланади.

71-4. Капитал қўйилма буюртмачиларининг "UzASBO" ДМ орқали электрон ҳужжат шаклида ғазначилик бўлинмаларига юборилган шартномалари ва буюртмалари ғазначилик бўлинмалари томонидан харажатлар сметасида кўрсатилган суммалар ва мақсадларга мувофиқ равишда тузилиши устидан назорат ўрнатиш асосида бир иш куни ичида масъул ходимнинг электрон рақамли имзоси билан тасдиқланган ҳолда "ЎРМВ" АТда электрон тарзда рўйхатдан ўтказилади ёки ҳисобга олинади, камчиликлар аниқланганида эса тегишли камчиликлари кўрсатилган ҳолда электрон тарзда капитал қўйилма буюртмачиларига қайтарилади.

72. Ғазначилик бўлинмалари томонидан рўйхатдан ўтказилган ва ҳисобга олинган шартномалар ва Юридик мажбуриятларни рўйхатдан ўтказишга (ҳисобга олишга) буюртмалар тўғрисидаги маълумотлар ҳисоби "ЎРМВ" АТда мазкур Қоидаларнинг 13-иловасига мувофиқ шаклда Шартномаларни рўйхатдан ўтказиш (ҳисобга олиш) китобида электрон кўринишда юритилади.



3-§. IV гуруҳ харажатлари бўйича юридик мажбуриятларни

рўйхатдан ўтказиш ва ҳисобга олиш


73. IV гуруҳ харажатлари бўйича юридик мажбуриятлар буюртмачилар томонидан товарлар (ишлар, хизматлар) етказиб берувчилар (пудратчилар) билан тузган шартномалари ва қонун ҳужжатларида назарда тутилган ҳолатлар (йиғимлар, бадаллар, солиқлар ва бошқа тўловлар бўйича юридик мажбуриятлар) асосида ғазначилик бўлинмаларида рўйхатдан ўтказилиши ёки ҳисобга олиниши шарт.

Бунда буюртмачиларнинг товарларни (ишларни, хизматларни) етказиб бериш тўғрисида тузиладиган шартномаларида 15 фоиз миқдорида олдиндан тўловни амалга ошириш назарда тутилади, Ўзбекистон Республикаси Вазирлар Маҳкамаси томонидан белгиланган ҳоллар ва электрон давлат харидлар орқали тузилган шартномалар бундан мустасно.

74. IV гуруҳ харажатлари бўйича шартномалар амал қилиш муддати тегишли молия йилининг 31 декабридан кечикмаган муддатга тузилиши лозим, манзилли рўйхатлар асосида муддати бир неча йилни ташкил қилиши мумкин бўлган капитал таъмирлаш харажатлари бўйича шартномалар ҳамда қонун ҳужжатларида назарда тутилган амал қилиш муддати бир неча йилни ташкил этиши мумкин бўлган ҳоллар бундан мустасно.


75. Шартномалар аниқ ва равшан сиёҳ ёки шарикли ручка ёки ёзув машинасида ёзилган ҳолда тўлдирилиши лозим. Бунда тузатишлар, ўчириб ёзишлар ёки тўғрилашларга йўл қўйилмайди.


76. Агар шартномада иккинчи томоннинг хабарномасига кўра шартнома қўшимча келишувсиз бекор қилиниши мумкинлиги назарда тутилган бўлса, ушбу шартнома бўйича юридик мажбуриятни бекор қилиш буюртмачиларнинг икки асл нусхада Юридик мажбуриятларни рўйхатдан ўтказишга (ҳисобга олишга) буюртмаси ва товарлар (ишлар, хизматлар) етказиб берувчиларнинг (пудратчиларнинг) мазкур шартнома шартларига мувофиқ шартномани бекор қилинишига қаршилиги йўқлиги тўғрисидаги ёзма хабарномаси асосида амалга оширилади.

Бунда мазкур юридик мажбуриятни бекор қилишни рўйхатдан ўтказиш ёки ҳисобга олишда ғазначилик бўлинмаларининг масъул ходимлари мазкур Қоидаларнинг 98 - 100-бандларига мувофиқ иш юритади.


77. Буюртмачиларнинг товарларни (ишларни, хизматларни) етказиб берувчилар (пудратчилар) билан шартномаларида томонларнинг юридик манзиллари ва реквизитлари мазкур Қоидаларнинг 10-иловасига мувофиқ расмийлаштирилади.


78. Буюртмачилар товарларни (ишларни, хизматларни) сотиб олишда товарларни (ишларни, хизматларни) етказиб берувчилардан (пудратчилардан) тегишли лицензиянинг ёки рухсатнома тусидаги ҳужжатнинг нусхасини (товарларни етказиш, ишларни бажариш ва хизматлар кўрсатиш қонун ҳужжатларига мувофиқ лицензиялашни ёки рухсатнома тусидаги ҳужжат олишни талаб қилса) сўраб олади. Ушбу ҳужжатлар нусхаси ғазначилик бўлинмаларига рўйхатдан ўтказиш ёки ҳисобга олиш учун тақдим этиладиган шартномалар билан бирга тақдим қилинади.

Бунда шартномаларни рўйхатдан ўтказиш ва ҳисобга олиш учун барча ҳужжатларни ғазначилик бўлинмаларига "UzASBO" ДМ орқали фақат электрон шаклда тақдим этадиган буюртмачилар етказиб берувчиларнинг (пудратчиларнинг) тегишли лицензиянинг ёки рухсатнома тусидаги ҳужжатнинг нусхасини ўзларида сақлайдилар ва ушбу ҳужжатлар ғазначилик бўлинмаларига тақдим этилмайди.

79. Буюртмачилар томонидан қабул қилинадиган юридик мажбуриятлар ҳажми, мос равишда, бюджетдан ажратиладиган маблағлар, вазирликлар ва идораларнинг бюджетдан ташқари жамғармалари маблағлари ва БМЖ маблағлари ҳажми билан чегараланади.

80. Вақтинчалик харажатлар сметаси доирасида тузилган асосий шартномага қўшимча келишув танлов (тендер) савдолари ўтказилиши талаб қилинмайдиган ҳолларда мазкур қўшимча келишув бўйича Тўловлар жадвалида биринчи чорак учун назарда тутилган сумма асосий шартнома бўйича амалга оширилган касса харажатларидан кам бўлмаслик шарти билан тузилиши мумкин.


81. Даврий босма нашрларнинг обунаси ва етказиб бериш учун шартномаларни буюртмачилар жорий молия йилида кейинги молия йили учун тузиши мумкин. Бунда мазкур шартномаларда уларнинг амал қилиш муддати келгуси молия йилининг 31 декабри сифатида белгиланади, шартномаларни рўйхатдан ўтказиш ёки ҳисобга олишда эса "ЎРМВ" АТда ушбу шартномалар амал қилиш муддати жорий йилнинг 31 декабри сифатида киритилади.


82. Буюртмачилар томонидан товарларни (ишларни, хизматларни) сотиб олишга битта товарларни (ишларни, хизматларни) етказиб берувчи (пудратчи) билан харажатларнинг вазифа жиҳатидан таснифининг бир нечта коди бўйича шартномалар тузишда шартномаларда ҳар бир шахсий ғазна ҳисобварағи ва улардан тўлов суммаси мажбурий тартибда алоҳида кўрсатилади. Мазкур шартномалар ғазначилик бўлинмаларига вазифа жиҳатидан таснифининг ҳар бир бўлими ва кичик бўлими алоҳида кўрсатилган ҳолда икки асл нусхада Тўловлар жадвали билан бирга тақдим этилади. Бунда мазкур Қоидаларнинг 87-бандида санаб ўтилган ва рўйхатдан ўтказиш ёки ҳисобга олиш учун шартномаларга илова қилинадиган ҳужжатлар буюртмачилар томонидан бир нусхада тақдим этилади.


83. IV гуруҳ бўйича харажатларни турли манбалар ҳисобидан, Давлат бюджети маблағлари, кредит маблағлари, давлатлар, давлатлар ҳукуматлари, халқаро молиявий институтлар, шунингдек халқаро ва чет эл ҳукумат ҳамда ноҳукумат ташкилотлари ва бошқалар қарзлари ҳамда грантлари ҳисобидан молиялаштириладиган ҳолларда шартномалар товарлар (ишлар, хизматлар) етказиб берилганлигини тасдиқловчи бирламчи ва бошқа ҳужжатларни расмийлаштириш тегишли халқаро шартномаларга мувофиқ амалга оширилади.


84. Шартномаларда ёки уларга иловаларда товарлар миқдори (ишлар ва хизматлар ҳажми), товарлар (ишлар ва хизматлар) бирлигининг нархи ва умумий суммаси ёки иш ҳажми суммаси кўрсатилган бўлиши лозим.


85. Буюртмачиларнинг шартномалар тузмасдан қонун ҳужжатларига мувофиқ юридик мажбуриятлар юзага келишини тасдиқловчи ҳужжатлари (счётлар, квитанциялар, хабарномалар ва бошқа ҳужжатлар) асосида қабул қилинадиган юридик мажбуриятларининг рўйхатдан ўтказиш ёки ҳисобга олиш қуйидаги ҳолларда амалга оширилади:

солиқлар ва бошқа мажбурий тўловларни тўлаш;

иқтисод қилинган маблағларни Бюджет ташкилотларининг ривожлантириш жамғармасига (Тиббиёт ташкилотларининг моддий рағбатлантириш ва ривожлантириш жамғармасига) ўтказиш;

тиббиёт ташкилотига ажратиладиган бюджет маблағлари умумий ҳажмининг 5 фоизигача бўлган миқдорда бюджетдан ажратиладиган маблағларни Тиббиёт ташкилотларининг моддий рағбатлантириш ва ривожлантириш жамғармаларига ўтказиш;

қонун ҳужжатларига мувофиқ бошқа тўловларни тўлаш.


86. Мазкур Қоидаларнинг 85-бандида назарда тутилган маблағларни ўтказиш учун буюртмачилар ғазначилик бўлинмаларига қуйидаги ҳужжатларни тақдим этади:

икки асл нусхада Тўловлар жадвали;

икки асл нусхада Юридик мажбуриятларни рўйхатдан ўтказишга (ҳисобга олишга) буюртма;

қонун ҳужжатларига мувофиқ бошқа тўловларни тўлашда юридик мажбурият мавжудлигини тасдиқловчи ҳужжатнинг нусхаси.


87. Шартномаларни рўйхатдан ўтказиш ёки ҳисобга олиш учун буюртмачилар ғазначилик бўлинмаларига шартноманинг икки асли ва бир нусхаси билан бирга қуйидаги ҳужжатларни тақдим этади:

икки асл нусхада Тўловлар жадвали (агар шартнома вазифа жиҳатидан таснифнинг бир нечта кодлари бўйича тузилган бўлса, унда бюджет таснифининг тегишли кодлари алоҳида кўрсатилади);

товарнинг қиймати бир шартнома бўйича энг кам иш ҳақининг икки минг беш юз бараваридан олти минг бараваригача бўлган миқдорни ташкил этганда танлов иштирокчиларининг таклифларини кўриб чиқиш ва баҳолаш баённомаси нусхаси;

ишларнинг, хизматларнинг қиймати энг кам иш ҳақининг йигирма беш бараваридан олти минг бараваригача бўлган миқдорни ташкил этганда танлов иштирокчиларининг таклифларини кўриб чиқиш ва баҳолаш баённомаси нусхаси;

товарларнинг (ишларнинг, хизматларнинг) қиймати бир шартнома бўйича энг кам иш ҳақининг олти минг бараваридан ортиқ суммани ташкил этганда тендер иштирокчиларининг таклифларини кўриб чиқиш ва баҳолаш баённомаси нусхаси;

тегишли фаолият тури учун лицензиянинг ёки рухсатнома тусидаги ҳужжатнинг нусхаси (товарларни етказиш, ишларни бажариш ва хизматлар кўрсатиш қонун ҳужжатларига мувофиқ лицензиялашни ёки рухсатнома тусидаги ҳужжат олишни талаб қилса).

Бунда шартномаларда томонлар юридик хизматининг ёки жалб қилинган адвокатнинг имзоси бўлиши шарт.


88. Қуйидаги ҳолларда шартномаларни рўйхатдан ўтказиш ёки ҳисобга олиш учун мазкур Қоидаларнинг 87-бандида кўрсатилган ҳужжатларга қўшимча равишда қуйидаги ҳужжатлар тақдим этилади:

а) автотранспорт, машина, техника ва ускуналарни жорий, ўрта ва мукаммал таъмирлашда - нуқсон далолатномаси;

б) бино ва иншоотларни жорий ва ўрта таъмирлашда - лойиҳа-смета ҳужжатларини (бажариладиган ишлар суммаси Ўзбекистон Республикаси ҳудудида белгиланган энг кам иш ҳақи миқдорининг юз бараваридан ошган ҳолларда) экспертизадан ўтказилганлиги тўғрисида хулоса нусхаси, қонун ҳужжатларида назарда тутилган ҳоллар бундан мустасно;

в) бинолар, иншоотлар ва ички хўжалик йўлларини мукаммал таъмирлашда:

бинолар, иншоотлар ва ички хўжалик йўлларини мукаммал таъмирлаш манзилли рўйхати нусхаси;

лойиҳа-смета ҳужжатларининг экспертизадан ўтказилганлиги бўйича хулоса нусхаси.

91. Буюртмачилар юридик ёки жисмоний шахслардан бино ёки иншоот сотиб олишда шартноманинг икки асли ва бир нусхаси билан бирга ғазначилик бўлинмаларига қуйидаги ҳужжатларни тақдим этадилар:

икки асл нусхада Тўловлар жадвали;

товарнинг қиймати бир шартнома бўйича энг кам иш ҳақининг икки минг беш юз бараваридан олти минг бараваригача бўлган миқдорни ташкил этганда танлов иштирокчиларининг таклифларни кўриб чиқиш ва баҳолаш баённомаси нусхаси;

ишларнинг, хизматларнинг қиймати энг кам иш ҳақининг йигирма беш бараваридан олти минг бараваригача бўлган миқдорни ташкил этганда танлов иштирокчиларининг таклифларини кўриб чиқиш ва баҳолаш баённомаси нусхаси;

товарларнинг (ишларнинг, хизматларнинг) қиймати бир шартнома бўйича энг кам иш ҳақининг олти минг бараваридан ортиқ суммани ташкил этганда тендер иштирокчиларининг таклифларини кўриб чиқиш ва баҳолаш баённомаси нусхаси.

Бунда шартномаларда томонлар юридик хизматларининг ёки жалб қилинган адвокатларнинг имзоси бўлиши шарт.


92. Бажариш муддати бир йилдан ортиқ муддатни ташкил этадиган шартномалар бўйича юридик мажбуриятларни кейинги молия йилида рўйхатдан ўтказиш ёки ҳисобга олиш буюртмачилар томонидан ғазначилик бўлинмаларига тақдим этиладиган қуйидаги ҳужжатлар асосида амалга оширилади:

илгари ғазначилик бўлинмасида рўйхатдан ўтказилган ёки ҳисобга олинган шартноманинг нусхаси;

қўшимча келишувнинг икки асли ва бир нусхаси (асосий шартнома шартларига ўзгартиришлар киритилган ҳолларда);

икки асл нусхада Тўловлар жадвали.

Бунда қўшимча келишувда томонлар юридик хизматларининг ёки жалб қилинган адвокатларнинг имзоси бўлиши шарт.

94. IV гуруҳ харажатлари ҳисобига нақд пул маблағлари тўлаш фақат қонун ҳужжатларида назарда тутилган ҳолларда амалга оширилади.


95. Буюртмачиларнинг қонун ҳужжатларида назарда тутилган ҳолларда "Ўқитиш харажатлари", "Озиқ-овқат маҳсулотларини сотиб олиш харажатлари", "Бошқа харажатлар" ва харажатлар сметасининг бошқа харажат моддаларидан нақд пул олиш бўйича юридик мажбуриятлари ғазначилик бўлинмаларида буюртмачилар томонидан тақдим этиладиган қуйидаги ҳужжатлар асосида I ва II гуруҳ харажатлари бўйича юридик мажбуриятларни рўйхатдан ўтказиш ёки ҳисобга олиш тартиби бўйича рўйхатдан ўтказилади ёки ҳисобга олинади:

икки асл нусхада ЮММР буюртмаси;

буюртмачиларнинг (ходимни хизмат сафарига юбориш, тадбирни ўтказиш ва бошқалар тўғрисидаги) буйруғи нусхаси.

Бунда давлат илмий-техник дастурларини бажаришга иқтисодий харажатлар таснифининг бир сатрида маблағлар олувчи буюртмачиларнинг иш ҳақи ва унга тенглаштирилган харажатлари бўйича юридик мажбуриятлари ЮММР буюртмаси асосида рўйхатдан ўтказилади ёки ҳисобга олинади.


96. Буюртмачилар томонидан мазкур Қоидаларнинг 95-бандида белгиланган харажатларни нақд пул маблағлари орқали амалга ошириш мазкур буюртмачиларнинг раҳбарлари томонидан тегишли буйруқ қабул қилиш йўли билан амалга оширилади. Буйруқда тадбир тури, муддати ва ўтказилиш жойи, иштирокчилар сони ва харажатларнинг умумий суммаси, иштирокчиларга нақд пул маблағлари кўринишида тўланиши лозим бўлган сумма алоҳида кўрсатилиши лозим.


97. Вояга етмаган болаларга (вояга етмаган болаларнинг туғилганлик тўғрисидаги гувоҳномаси ёки фуқаролик паспорти нусхаси асосида) тўланиши лозим бўлган нақд пул маблағлари қонун ҳужжатларида белгиланган тартибда тўлаб берилади.


98. Буюртмачилар томонидан мазкур Қоидаларнинг 86 - 92-бандларида кўрсатилган ҳужжатлар ғазначилик бўлинмаларига тақдим этилганидан сўнг ғазначилик бўлинмаларининг масъул ходимлари Тўловлар жадвалининг икки аслига мазкур ҳужжатларни қабул қилиб олган санани кўрсатган ҳолда ўз имзоларини қўяди, шартнома ёки Юридик мажбуриятларни рўйхатдан ўтказишга (ҳисобга олишга) буюртма мазкур Қоидалар талабларига мувофиқ рўйхатдан ўтказилганидан ёки ҳисобга олинганидан сўнг буюртмачиларнинг масъул ходимлари Тўловлар жадвалининг икки аслига рўйхатдан ўтказилган ёки ҳисобга олинган шартномани ёки Юридик мажбуриятларни рўйхатдан ўтказишга (ҳисобга олишга) буюртмани қабул қилиб олган санасини кўрсатган ҳолда ўз имзосини қўяди.


99. Ғазначилик бўлинмалари буюртмачилар томонидан шартнома ёки Юридик мажбуриятларни рўйхатдан ўтказишга (ҳисобга олишга) буюртма тақдим этилган кундан бошлаб уч иш куни мобайнида:

мазкур Қоидаларнинг 86 - 92-бандларида кўрсатилган ҳужжатларнинг мавжудлигини;

шартномаларда ёки Юридик мажбуриятларни рўйхатдан ўтказишга (ҳисобга олишга) буюртмаларда томонларнинг зарур реквизитлари, муҳр ва имзолари мавжудлигини;

муҳр изи ва имзоларнинг буюртмачилар томонидан тақдим этилган имзолар намуналари ва муҳр изи карточкасида кўрсатилган имзолар ва муҳр изига мослигини;

шартномаларда ёки Юридик мажбуриятларни рўйхатдан ўтказишга (ҳисобга олишга) буюртмаларда кўрсатилган суммани шартномада ёки Юридик мажбуриятларни рўйхатдан ўтказишга (ҳисобга олишга) буюртмаларда кўрсатилган харажатларни қоплашга тегишли манбанинг (бюджетдан ажратилган маблағлар, вазирликлар ва идораларнинг бюджетдан ташқари жамғармалари маблағлари ва БМЖ маблағлари) мавжудлигини текширади.

100. Буюртмачиларнинг шартномалари ва Юридик мажбуриятларни рўйхатдан ўтказишга (ҳисобга олишга) буюртмалари мазкур Қоидалар талабларига мувофиқлиги юзасидан текширишда камчиликлар бўлмаган ҳолларда шартномалар ёки Юридик мажбуриятларни рўйхатдан ўтказишга (ҳисобга олишга) буюртмалар тақдим этилганидан сўнг тўртинчи иш кунидан кечикмасдан ғазначилик бўлинмалари томонидан:

бюджетдан ажратилган маблағлар ва БМЖ маблағлари бўйича - рўйхатдан ўтказилади;

вазирликлар ва идораларнинг бюджетдан ташқари жамғармалари маблағлари бўйича - ҳисобга олинади.

101. Мазкур Қоидалар талабларига номувофиқ ҳолда тақдим этилган шартномалар ва Юридик мажбуриятларни рўйхатдан ўтказишга (ҳисобга олишга) буюртмалар рўйхатдан ўтказилмасдан ёки ҳисобга олинмасдан Шартномаларни қайтариш варақасида уни рўйхатдан ўтказмасдан ёки ҳисобга олмасдан қайтаришнинг асосли сабабларини ёзма кўрсатган ҳолда қайтарилади.


102. Қайтарилган шартномалар ва Юридик мажбуриятларни рўйхатдан ўтказишга (ҳисобга олишга) буюртмалар тўғрисидаги маълумот ҳисоби ғазначилик бўлинмалари томонидан "ЎРМВ" АТда электрон кўринишда Қайтарилган шартномаларни рўйхатдан ўтказиш китобида юритилади.


103. Шартномаларни қайтариш варақаларида кўрсатилган барча камчиликлар тўлиқ бартараф этилган ҳолларда, шунингдек қайта тақдим этилган шартномаларда ёки Юридик мажбуриятларни рўйхатдан ўтказишга (ҳисобга олишга) буюртмаларда аввал Шартномаларни қайтариш варақаларида кўрсатилмаган бошқа камчиликлар бўлмаганда ғазначилик бўлинмалари томонидан буюртмачиларга шартномаларни ва Юридик мажбуриятларни рўйхатдан ўтказишга (ҳисобга олишга) буюртмаларни такроран қайтарилишига йўл қўйилмайди.


104. Ғазначилик бўлинмалари томонидан шартномаларни рўйхатдан ўтказиш ва ҳисобга олиш қуйидаги тартибда амалга оширилади:

бюджетдан ажратиладиган маблағлар ва БМЖ маблағлари бўйича - масъул ходим томонидан шартноманинг биринчи ва иккинчи асли, шунингдек нусхасининг барча варақларига, шунингдек мазкур Қоидаларнинг 85-бандида кўрсатилган юридик мажбуриятларни Тўловлар жадвали ва Юридик мажбуриятларни рўйхатдан ўтказишга (ҳисобга олишга) буюртманинг икки аслига рўйхатдан ўтказиш рақами ва санасини кўрсатиб "Рўйхатдан ўтказилди" штампини ва шахсий имзосини қўйиш, шунингдек ғазначилик бўлинмасининг ваколатли шахси имзоси билан тасдиқлаш ва "Юридик мажбуриятларни рўйхатдан ўтказиш" муҳрини қўйиш йўли билан рўйхатдан ўтказилади;

вазирликлар ва идораларнинг бюджетдан ташқари жамғармалари маблағлари бўйича - масъул ходим томонидан шартноманинг биринчи ва иккинчи асли, шунингдек нусхасининг барча варақларига, шунингдек мазкур Қоидаларнинг 85-бандида кўрсатилган юридик мажбуриятларни Тўловлар жадвали ва Юридик мажбуриятларни рўйхатдан ўтказишга (ҳисобга олишга) буюртманинг асли ҳисобга олиш рақами ҳамда санасини кўрсатган ҳолда "Шартнома бўйича тўловлар шахсий ғазна ҳисобварағи қолдиғи доирасида амалга оширилади" ёзуви билан "Ҳисобга олинди" штампини ва шахсий имзосини қўйиш ҳамда ваколатли шахс имзоси билан тасдиқлаш йўли билан ҳисобга олинади.

105. Ғазначилик бўлинмалари томонидан юридик мажбуриятлар рўйхатдан ўтказилганидан ёки ҳисобга олингандан сўнг:

шартномаларнинг икки асли ва Тўловлар жадвалларининг биринчи асли буюртмачиларга қайтарилади, рўйхатдан ўтказилган ёки ҳисобга олинган шартномаларнинг нусхаси, Тўловлар жадвалининг иккинчи асли ва буюртмачилар томонидан шартномалар билан бирга тақдим этилган ҳужжатлар нусхалари эса ғазначилик бўлинмаларида сақлаш учун қолади;

Юридик мажбуриятларни рўйхатдан ўтказишга (ҳисобга олишга) буюртманинг ва Тўловлар жадвалининг биринчи асли буюртмачиларга қайтарилади, иккинчи асли ҳамда Юридик мажбуриятларни рўйхатдан ўтказишга (ҳисобга олишга) буюртмалар билан бирга тақдим этилган ҳужжатлар нусхалари эса ғазначилик бўлинмаларида сақлаш учун қолади.


106. Ғазначилик бўлинмалари томонидан рўйхатдан ўтказилган ва ҳисобга олинган шартномалар ва Юридик мажбуриятларни рўйхатдан ўтказишга (ҳисобга олишга) буюртмалар тўғрисидаги маълумотлар ҳисоби "ЎРМВ" АТда Шартномаларни рўйхатдан ўтказиш (ҳисобга олиш) китобида электрон кўринишда юритилади.


107. Рўйхатдан ўтказилган ёки ҳисобга олинган шартномалар суммасига нисбатан молиявий мажбуриятларни кам миқдорда рўйхатдан ўтказилиши ёки ҳисобга олиниши натижасида юзага келган харажатларни қоплашга тегишли манба (бюджетдан ажратилган маблағлар, вазирликлар ва идораларнинг бюджетдан ташқари жамғармалари маблағлари ва БМЖ маблағлари) бўйича ишлатилмаган қолдиқ мавжуд бўлганида буюртмачилар амал қилиш муддати:

тугамаган шартномалар бўйича - тегишли ҳисобот даври учун шартнома суммасини камайтиришни ва уни мазкур шартнома бўйича қабул қилинган молиявий мажбуриятлар суммасига мувофиқлаштиришни назарда тутувчи қўшимча келишув тузиши ва ғазначилик бўлинмаларига тақдим этиши;

тугаган шартномалар бўйича - ғазначилик бўлинмалари томонидан шартнома суммасини камайтирилиши ва уни мазкур шартнома бўйича қабул қилинган молиявий мажбуриятлар суммасига мувофиқлаштирилиши учун асос бўлувчи мазкур шартнома бўйича товарлар (ишлар, хизматлар) етказиб берувчилар (пудратчилар) билан солиштириш далолатномасини тузиши ва ғазначилик бўлинмаларига тақдим этиши зарур.


108. Агар шартномалар бўйича товарлар (ишлар, хизматлар) етказиб берилиши асосли сабабларга кўра кейинги молия йилига ўтса, буюртмачилар мазкур шартнома муддати тугагунига қадар, товарлар (ишлар, хизматлар) етказиб берувчилар (пудратчилар) билан тузилган солиштириш далолатномалари асосида шартномалар муддатини узайтириш, жорий молия йилида қабул қилинган юридик мажбуриятлар суммасини етказиб берилган товарлар (ишлар, хизматлар) суммасига камайтириш, шунингдек етказиб берилмаган товарлар (ишлар, хизматлар) бўйича юридик мажбуриятларни кейинги молия йилига ўтказишни назарда тутувчи қўшимча келишувлар тузиши мумкин. Бунда мазкур қўшимча келишувлар товарлар (ишлар, хизматлар) бирлиги нархининг ошишини назарда тутмаслиги ва уларнинг умумий суммаси товарларнинг (ишларнинг, хизматларнинг) етказиб берилмаган қисми бўйича юридик мажбуриятлар суммасидан ошмаслиги шарт.

Бунда мазкур қўшимча келишувни рўйхатдан ўтказиш ёки ҳисобга олишда "ЎРМВ" АТда уларнинг амал қилиш муддати жорий йилнинг 31 декабри сифатида киритилади.


109. Ғазначилик бўлинмалари мазкур Қоидаларнинг 108-бандида кўрсатилган буюртмачилар ва товарлар (ишлар, хизматлар) етказиб берувчилар (пудратчилар) ўртасида тузилган қўшимча келишувни кейинги молия йилида қуйидаги тартибда:

бюджетдан ажратиладиган маблағлар ва БМЖ маблағлари бўйича - бюджет маблағларини тақсимловчилар (Ўзбекистон Республикасининг республика бюджетидан маблағ оладиган ташкилотлар бўйича), ҳудудий молия органлари, ДМЖ ва БМЖ тақсимловчи органларининг кейинги молия йилининг харажатлар сметасида улар томонидан мазкур қўшимча келишув бўйича юридик ва молиявий мажбуриятларни рўйхатдан ўтказиш ва тўловларни амалга ошириш учун етарли маблағлар режалаштирилганлигини тасдиқловчи хулосаси асосида рўйхатдан ўтказади;

вазирликлар ва идораларнинг бюджетдан ташқари жамғармалари маблағлари бўйича - вазирликлар ва идораларнинг бюджетдан ташқари жамғармалари маблағлари бўйича кейинги молия йилининг харажатлар сметасида мазкур қўшимча келишув бўйича юридик ва молиявий мажбуриятларни ҳисобга олиш ва тўловларни амалга ошириш учун етарли маблағлар режалаштирилганлигини тасдиқловчи бюджет ташкилотларининг кафолат хати асосида ҳисобга олади.

109-1. "UzASBO" ДМга уланган буюртмачилар қонун ҳужжатларида белгиланган тартибда етказиб берувчини танлаб шартнома тузганидан сўнг танлов (тендер) баённомаси ҳамда шартнома (қонун ҳужжатларига мувофиқ бажариш муддати бир йилдан ортиқ муддатни ташкил этадиган шартномалар бўйича шартномага қўшимча келишув) маълумотларини "UzASBO" ДМга киритади ва электрон ҳужжат шаклида электрон рақамли имзо билан тасдиқлаган ҳолда ғазначилик бўлинмаларига юборади. "UzASBO" ДМ орқали электрон ҳужжат шаклида электрон рақамли имзо билан тасдиқланган ҳолда ғазначилик бўлинмаларига юборилган танлов (тендер) иштирокчиларининг таклифларини кўриб чиқиш ва баҳолаш баённомаси ҳамда шартноманинг қоғоз шаклидаги асл нусхаси ва шартнома тузиш учун асос бўлган ҳужжатлар ғазначилик бўлинмаларига тақдим этилмайди ва буюртмачиларда сақланади.

Бунда бюджет тизими бюджетлари маблағлари ҳисобидан шартнома тузишда етказиб берувчиларни танлаш тартиботларини тўғри ўтказилиши, шартномани расмийлаштиришда қонун ҳужжатларида белгиланган барча талабларга риоя этилиши, шартнома бўйича ишларни бажаришга ваколатли органлар хулосалари ва рухсатларининг мавжудлиги, шунингдек танлов (тендер) иштирокчиларининг таклифларини кўриб чиқиш ва баҳолаш баённомаси ва шартноманинг қоғоз ва электрон шаклининг ўзаро мувофиқлиги, улардаги маълумотларнинг тўғрилиги, шартноманинг асли ва шартнома тузиш учун асос бўлган барча ҳужжатларнинг сақланиши учун буюртмачилар жавобгар ҳисобланади.

109-2. "UzASBO" ДМга уланган буюртмачилар қонун ҳужжатларида назарда тутилган йиғимлар, бадаллар, солиқлар ва бошқа тўловлар бўйича "UzASBO" ДМда буюртма шакллантиради ва электрон ҳужжат шаклида электрон рақамли имзо билан тасдиқлаган ҳолда ғазначилик бўлинмаларига юборади. "UzASBO" ДМ орқали электрон ҳужжат шаклида электрон рақамли имзо билан тасдиқланган ҳолда ғазначилик бўлинмаларига юборилган буюртма қоғоз шаклида расмийлаштирилмайди. Буюртма учун асос бўлган ҳужжатлар ғазначилик бўлинмаларига тақдим этилмайди ва буюртмачиларда сақланади.

Бунда буюртманинг асослилиги ва унга асос бўлган барча ҳужжатларнинг сақланиши учун буюртмачилар жавобгар ҳисобланади.

109-3. Буюртмачиларнинг "UzASBO" ДМ орқали электрон ҳужжат шаклида ғазначилик бўлинмаларига юборилган шартномалари ва буюртмалари ғазначилик бўлинмалари томонидан харажатлар сметасида кўрсатилган суммалар ва мақсадларга мувофиқ равишда тузилиши устидан назорат ўрнатиш асосида бир иш куни ичида масъул ходимнинг электрон рақамли имзоси билан тасдиқланган ҳолда "ЎРМВ" АТда электрон тарзда рўйхатдан ўтказилади ёки ҳисобга олинади, камчиликлар аниқланганида эса тегишли камчиликлари кўрсатилган ҳолда электрон тарзда буюртмачиларга қайтарилади.


4-§. Буюртмачиларнинг лизинг шартномаларини

рўйхатдан ўтказиш ва ҳисобга олиш


110. Буюртмачилар бюджетдан ажратиладиган маблағлар ҳисобидан фақат қонун ҳужжатларида назарда тутилган ҳолларда лизинг шартномалари тузиш ҳуқуқига эгадирлар.


111. Ғазначилик бўлинмалари томонидан буюртмачиларнинг лизинг шартномалари бўйича рўйхатдан ўтказиладиган ёки ҳисобга олинадиган юридик мажбуриятлари ҳажми, мос равишда, бюджетдан ажратиладиган маблағлар, вазирликлар ва идораларнинг бюджетдан ташқари жамғармалари маблағлари ва БМЖ маблағлари ҳажми билан чегараланади.

112. Лизинг шартномаларини рўйхатдан ўтказиш ёки ҳисобга олиш учун буюртмачилар ғазначилик бўлинмаларига шартноманинг икки асли ва бир нусхаси билан бирга икки асл нусхада Тўловлар жадвали тақдим этади.

Бунда шартномаларда томонлар юридик хизматларининг ёки жалб қилинган адвокатларнинг имзоси бўлиши шарт.


113. Лизинг шартномалари бўйича жорий молия йилида юридик мажбуриятларни рўйхатдан ўтказилиши ёки ҳисобга олиниши лизинг тўловлари бўйича тасдиқланган тўловлар жадвали асосида жорий молия йилида тўланиши назарда тутилган сумма доирасида амалга оширилади.

Лизинг шартномалари бўйича юридик мажбуриятларни кейинги молия йилларида рўйхатдан ўтказилиши ёки ҳисобга олиниши лизинг бўйича тасдиқланган тўловлар жадвалида назарда тутилган мос равишда кейинги молия йилларида тўланиши лозим бўлган суммалардан келиб чиқиб икки асл нусхада Тўловлар жадвали асосида амалга оширилади.


114. Лизинг шартномаларини ғазначилик бўлинмалари томонидан рўйхатдан ўтказиш ёки ҳисобга олиш мазкур Қоидаларнинг 98 - 106-бандларида белгиланган тартибда амалга оширилади.


114-1. "UzASBO" ДМга уланган буюртмачиларнинг лизинг шартномаларини рўйхатдан ўтказиш ёки ҳисобга олиш мазкур Қоидаларнинг 109-1 - 109-3-бандларида белгиланган тартибга мувофиқ амалга оширилади.


5-§. Товарларни (ишларни, хизматларни) импорт қилиш бўйича

шартномаларни рўйхатдан ўтказиш ва ҳисобга олиш


115. Буюртмачиларнинг товарларни (ишларни, хизматларни) импорт қилиш бўйича шартномалари, уларга киритилган ўзгартиш ва қўшимчалар ушбу шартномалар қонун ҳужжатларида назарда тутилган тартибда ваколатли органларда тегишли экспертизадан ўтганидан ва ҳисобга қўйилганидан сўнг ғазначилик бўлинмалари томонидан рўйхатдан ўтказилади ёки ҳисобга олинади. Бунда шартномаларда кўрсатилган суммалар ғазначилик бўлинмалари томонидан Ўзбекистон Республикасининг миллий валютасида ҳисобга олинади.


116. Ғазначилик бўлинмалари томонидан товарларни (ишларни, хизматларни) импорт қилиш бўйича шартномаларни (унга ўзгартириш ва қўшимчаларни ҳам инобатга олиб) рўйхатдан ўтказиш ёки ҳисобга олиш учун буюртмачилар ғазначилик бўлинмаларига шартноманинг бир асли ва нусхаси билан бирга қуйидаги ҳужжатларни тақдим этади:

икки асл нусхада Тўловлар жадвали;

миллий валютани хорижий валютага конвертация қилишга сўровнома нусхаси.

Бунда шартномаларда томонлар юридик хизматларининг ёки жалб қилинган адвокатларнинг имзоси бўлиши шарт.


117. Бажариш муддати бир молия йилидан ортиқ муддатни ташкил этадиган импорт шартномалари бўйича юридик мажбуриятларни ғазначилик бўлинмалари томонидан кейинги молия йилларида рўйхатдан ўтказиш ёки ҳисобга олиш қуйидаги ҳужжатлар асосида амалга оширилади:

илгари ғазначилик бўлинмаларида рўйхатга олинган шартноманинг нусхаси;

қўшимча келишувнинг бир асли ва нусхаси (асосий шартнома шартларига ўзгартиришлар киритилган ҳолларда);

икки асл нусхада Тўловлар жадвали;

миллий валютани хорижий валютага конвертация қилишга сўровнома нусхаси.


118. Буюртмачиларнинг импорт шартномаларини ғазначилик бўлинмалари томонидан рўйхатдан ўтказиш ёки ҳисобга олиш мазкур Қоидаларнинг 98 - 106-бандларида белгиланган тартибда амалга оширилади.

Бунда қонун ҳужжатларига мувофиқ тегишли ваколатли органларда экспертизадан ўтказилган ва ҳисобга қўйилган импорт шартномалари бўйича буюртмачилар ғазначилик бўлинмаларига танлов (тендер) савдолари ўтказилганлигини тасдиқловчи ҳужжатларни тақдим этмайди.


119. Импорт шартномалари ташқи кредит маблағлари, давлатлар, давлатлар ҳукуматлари, халқаро молиявий институтлар, шунингдек халқаро ва чет эл ҳукумат ва ноҳукумат ташкилотлари ва бошқалар қарзлари ҳамда грантлари ҳисобидан молиялаштириладиган ҳолларда импорт шартномаларини рўйхатдан ўтказиш ёки ҳисобга олиш тегишли халқаро шартномалар билан ўрнатилган қоидаларга риоя қилган ҳолда амалга оширилади.


120. Конвертация ва белгиланган тартибда тўлов учун маблағлар буюртмачилар томонидан тақдим этиладиган миллий валютани хорижий валютага конвертация қилишга сўровнома асосида қонун ҳужжатларида белгиланган тартибда очилган тегишли банк ҳисобварағига ўтказилади. Хорижий валюта курсининг кўтарилиш томонга ўзгариши ҳолларида миллий валютани хорижий валютага конвертация қилишга қўшимча сўровнома тақдим этилади.


121. Буюртмачилар импорт шартномалари тузишда ва уларни хорижий валютада тўлаш шарти билан мажбуриятларни қабул қилишда юзага келиши мумкин бўлган валюталар курси фарқларини қоплаш учун харажатларни қоплашга тегишли манбалар (бюджетдан ажратилган маблағлар, вазирликлар ва идораларнинг бюджетдан ташқари жамғармалари маблағлари ва БМЖ маблағлари) захирасини назарда тутишлари лозим.

122. Юзага келиши мумкин бўлган валюта курси фарқларини қоплаш учун ажратиладиган бюджет маблағларининг зарур захираси ҳар бир аниқ импорт шартномаси бўйича индивидуал тарзда буюртмачилар томонидан Молия вазирлигининг соҳаларни молиялаштирувчи тегишли бошқармалари ёки ҳудудий молия органлари иштирокида шартнома тузилган сана, назарда тутилаётган муддат ва валюта курсининг кутилаётган ўзгаришлари билан боғлиқ ҳолда аниқланади.


123. Импорт шартномалари бўйича кўрсатилган хизматлар (аккредитив очиш, конвертация ва бошқа хизматлар) учун тўловлар буюртмачилар томонидан тақдим этиладиган икки нусхада Юридик мажбуриятларни рўйхатдан ўтказишга (ҳисобга олишга) буюртма ва Тўловлар жадвали ҳамда тўлов ҳужжатлари асосида амалга оширилади.


123-1. "UzASBO" ДМга уланган буюртмачиларнинг импорт шартномаларини, шунингдек импорт шартномалари бўйича кўрсатилган хизматлар (аккредитив очиш, конвертация ва бошқа хизматлар) учун тўловлар бўйича буюртмаларини рўйхатдан ўтказиш ёки ҳисобга олиш мазкур Қоидаларнинг 109-1 - 109-3-бандларида белгиланган тартибга мувофиқ амалга оширилади.

Бунда қонун ҳужжатларига мувофиқ импорт шартномалари, уларга киритилган ўзгартиш ва қўшимчалар ваколатли органларда тегишли экспертизадан ўтказилиши лозим бўлганида мазкур шартномалар, уларга киритилган ўзгартиш ва қўшимчалар дастлаб ваколатли органларда тегишли экспертизадан ўтказилиши ва ҳисобга қўйилиши лозим.


7-БОБ. БУЮРТМАЧИЛАРИНИНГ ТОВАРЛАР

(ИШЛАР, ХИЗМАТЛАР) ЕТКАЗИБ БЕРУВЧИЛАР

(ПУДРАТЧИЛАР) БИЛАН ШАРТНОМАЛАРИНИ

РЎЙХАТДАН ЎТКАЗИШДА ВА ҲИСОБГА ОЛИШДА

НАРХ ЕЧИМИ ҲАМДА НАРХЛАР МОНИТОРИНГИНИ

АМАЛГА ОШИРИШ


124. Ғазначилик бўлинмалари буюртмачилар томонидан товарлар (ишлар, хизматлар) етказиб берувчилар (пудратчилар) билан тузилаётган шартномаларнинг сифатли таъминланишини ва нарх-наво ечимини назарда тутувчи бюджет маблағларидан фойдаланишни мақбуллаштириш устидан мониторингни танлов (тендер) савдолари ўтказилганлиги натижаларини тасдиқловчи танлов (тендер) иштирокчиларининг таклифларини кўриб чиқиш ва баҳолаш баённомаси нусхаси олиш йўли билан амалга оширади.

Бунда "UzASBO" ДМга уланган буюртмачилар танлов (тендер) савдолари ўтказилганлиги натижаларини тасдиқловчи танлов (тендер) иштирокчиларининг таклифларини кўриб чиқиш ва баҳолаш баённомаларини "UzASBO" ДМга киритиб электрон рақамли имзо билан тасдиқланган ҳолда электрон шаклини шартнома билан бирга ғазначилик бўлинмаларига юборади.

125. Буюртмачилар товарлар (ишлар, хизматлар) етказиб берувчилар (пудратчилар) билан тузиладиган шартномалардаги нарх-наво ечими ҳамда уларнинг қонун ҳужжатларига мувофиқ тузилганлигига жавобгардир.



8-БОБ. ҚАБУЛ ҚИЛИНГАН МОЛИЯВИЙ

МАЖБУРИЯТЛАРНИ РЎЙХАТДАН ЎТКАЗИШ

ВА ҲИСОБГА ОЛИШ ҲАМДА ХАРАЖАТЛАР ТЎЛОВИ


1-§. I ва II гуруҳ харажатлари бўйича молиявий мажбуриятларни

рўйхатдан ўтказиш ва ҳисобга олиш ҳамда харажатлар тўлови


126. Буюртмачиларнинг I ва II гуруҳ харажатлари бўйича молиявий мажбуриятлари ЮММР буюртмалари, шунингдек ушбу гуруҳлар харажатлари бўйича тўлов топшириқномалари ва ғазна мемориал ордерлари асосида рўйхатдан ўтказилади ва ҳисобга олинади.


127. Буюртмачилар бюджетга мажбурий тўловларни тўлаш, нақд пул маблағларини олиш ёки ходимларнинг пластик карталарига маблағларни ўтказиш учун ЮММР буюртмаларида кўрсатилган суммалар доирасида ғазначилик бўлинмаларига тўлов топшириқномалари ва ғазна мемориал ордерлари тақдим этади.

Бунда "UzASBO" ДМга уланган буюртмачилар тўлов топшириқномалари ва ғазна мемориал ордерларини мазкур Қоидаларнинг 7-бандида белгиланган тартибда электрон ҳужжат шаклида электрон рақамли имзо билан тасдиқлаган ҳолда ғазначилик бўлинмаларига юборади.

128. Буюртмачиларнинг "UzASBO" ДМ орқали электрон шаклда ғазначилик бўлинмаларига юборилган тўлов топшириқномалари ва ғазна мемориал ордерлари ғазначилик бўлинмалари томонидан бир иш куни ичида ғазначилик бўлинмаси масъул ходимнинг электрон рақамли имзоси билан тасдиқланган ҳолда "ЎРМВ" АТда тўловга қабул қилинади, камчиликлар аниқланганида эса тегишли камчиликлари кўрсатилган ҳолда электрон тарзда буюртмачиларга қайтарилади.


129. "UzASBO" ДМга уланмаган буюртмачилар тўлов топшириқномалари ва ғазна мемориал ордерларини ғазначилик бўлинмаларига қоғоз шаклда тақдим қиладилар ва уларни рўйхатдан ўтказиш ёки ҳисобга олишда ғазначилик бўлинмаларининг масъул ходимлари мазкур Қоидаларнинг 130 - 135-бандларига мувофиқ иш юритади.


130. Тўлов топшириқномалари ғазначилик бўлинмаларига уч нусхада тақдим қилинади. Буюртмачиларнинг тегишли ваколатли шахслари томонидан имзоланган ва муҳр изи билан тасдиқланган тўлов топшириқномаларининг биринчи нусхаси буюртмачиларнинг ғазначилик бўлинмаларига шахсий ғазна ҳисобварағи бўйича касса харажатларини амалга ошириш учун топшириғи бўлиб хизмат қилади. Тўлов топшириқномаларининг иккинчи нусхаси ғазначилик бўлинмаларининг ваколатли ва масъул шахслари томонидан имзоланади, ғазначилик бўлинмаларининг муҳр изи билан тасдиқланади ва ЯҒҲдан харажатлар тўловини амалга ошириш учун асос бўлади. Ғазначилик бўлинмаларининг "ТЎЛАНДИ" белгиси билан ва тўланган сана қўйилган тўлов топшириқномаларининг учинчи нусхаси шахсий ғазна ҳисобварағидан кўчирма билан бирга буюртмачиларнинг масъул ходимларига қайтарилади.

Бунда тўлов топшириқномаларининг "Маблағларни тўловчининг номи" устунида ғазначилик бўлинмасининг номи, "Маблағларни тўловчининг ҳисобварағи" устунида - ЯҒҲ, "Тўлов мақсади" устунида - буюртмачининг шахсий ғазна ҳисобварағи рақами, СТИРи ва номи, бюджет таснифининг тегишли кодлари, тўловни ўтказишга асос бўладиган ҳужжат, шунингдек тўлов мақсади кўрсатилади.


131. Буюртмачилар томонидан тақдим қилинган тўлов топшириқномалари мазкур Қоидалар талабларига мувофиқ бўлганда, ғазначилик бўлинмаларининг масъул ходимлари тўлов топшириқномаларининг иккинчи нусхасига "ТЕКШИРИЛДИ" белгисини, тўлов топшириқномалари қабул қилинган санани ва ўзининг имзосини қўяди. Тўлов топшириқномалар мазкур Қоидалар талабларига номувофиқ бўлган ҳолларда ғазначилик бўлинмаларининг масъул ходимлари тўлов топшириқномаларининг орқа томонида қайтариш сабабларини кўрсатган ҳолда уларни буюртмачиларнинг масъул ходимларига қайтаради. Тўлов топшириқномаларининг иккинчи нусхасини ғазначилик бўлинмаларининг ваколатли ва масъул шахслари имзолари ва ғазначилик бўлинмаларининг муҳр изи билан расмийлаштириш текширувлар тугаганидан сўнг амалга оширилади.


132. Бир шахсий ғазна ҳисобварағидан бошқа шахсий ғазна ҳисобварағига маблағлар ўтказиш учун буюртмачилар томонидан ғазначилик бўлинмаларига уч нусхада ғазначилик мемориал ордерлари тақдим қилинади. Буюртмачиларнинг тегишли ваколатли шахслари томонидан имзоланган ва муҳр изи билан тасдиқланган ғазначилик мемориал ордерларининг биринчи нусхаси ғазначилик бўлинмаларига буюртмачиларнинг ғазначилик бўлинмаларига шахсий ғазна ҳисобварағи бўйича касса харажатларини амалга ошириш учун топшириғи бўлиб хизмат қилади. Ғазначилик мемориал ордерларининг иккинчи нусхаси ғазначилик бўлинмаларининг ваколатли ва масъул шахслари томонидан имзоланади, ғазначилик бўлинмаларининг муҳр изи билан тасдиқланади ва буюртмачиларнинг шахсий ғазна ҳисобварақларидан маблағларни ўтказиш учун асос бўлади. Ғазначилик бўлинмаларининг "ТЎЛАНДИ" белгиси билан ва тўланган сана қўйилган ғазначилик мемориал ордерларининг учинчи нусхаси шахсий ғазна ҳисобварақлардан кўчирма билан биргаликда буюртмачиларнинг масъул ходимларига қайтарилади.

Бунда ғазначилик мемориал ордерларининг "Тўлов мақсади" устунида Тўлов турлари бўйича маълумотномага асосан тегишли тўлов коди, буюртмачиларнинг шахсий ғазна ҳисобварағи рақами, СТИРи ва номи, бюджет таснифининг тегишли кодлари, тўловни ўтказишга асос бўладиган ҳужжат, шунингдек тўлов мақсади кўрсатилади.


133. Буюртмачилар томонидан тақдим қилинган ғазначилик мемориал ордерлари мазкур Қоидалар талабларига мувофиқ бўлганда ғазначилик бўлинмаларининг масъул ходими ғазначилик мемориал ордерларининг иккинчи нусхасига "ТЕКШИРИЛДИ" белгисини, ғазначилик мемориал ордери қабул қилинган санани ва ўзининг имзосини қўяди. Ғазначилик мемориал ордерлари мазкур Қоидалар талабларига номувофиқ бўлган ҳолларда ғазначилик бўлинмаларининг масъул ходимлари ғазначилик мемориал ордерларининг орқа томонида қайтариш сабабларини кўрсатган ҳолда уни буюртмачиларнинг масъул ходимларига қайтаради. Ғазначилик мемориал ордерларининг иккинчи нусхасини ғазначилик бўлинмаларининг ваколатли ва масъул шахсларининг имзолари ва ғазначилик бўлинмаларининг муҳр изи билан расмийлаштириш текширувлар тугаганидан сўнг амалга оширилади.


134. Маблағларни бир шахсий ғазна ҳисобварағидан бошқасига ўтказишда ғазначилик мемориал ордерларига қуйидаги ҳужжатлар илова қилинади:

иқтисод қилинган бюджет маблағларини ўтказишда - мазкур Қоидаларнинг 225-бандида белгиланган тартибда расмийлаштирилган ҳужжатлар;

нотўғри тушган маблағларни қайтаришда буюртмачиларнинг хати илова қилинади.

Бунда ота-оналарнинг мактабгача ва мактабдан ташқари таълим муассасаларида болаларни сақлаш учун тўловлари, мусиқа ва санъат мактабларида болаларни ўқитиш учун тўловлари, ходимлардан улар ишлаётган жойида овқатланганлиги бўйича ҳисоб-китоблардан тушадиган тушумларни ўтказишда ва бошқа шунга ўхшаш тўловларни амалга оширишда қўшимча ҳужжатлар илова қилинмайди (талаб қилинмайди), бироқ тўлов мақсадида ойи, йили ва кимга тўлаётганлиги кўрсатилиши шарт (ғазначилик мемориал ордери ҳар бир тўловчи бўйича алоҳида расмийлаштирилади), шунингдек қонун ҳужжатларига мувофиқ бир шахсий ғазна ҳисобварағидан бошқасига маблағларни ўтказишда ҳам ғазна мемориал ордерига қўшимча ҳужжатлар талаб қилинмайди ва тўлов мақсадида тегишли қонун ҳужжати ва нима мақсадда ўтказилаётганлиги кўрсатилиши шарт.


135. Ғазначилик бўлинмаларининг масъул ходимлари I ва II гуруҳ харажатлари бўйича ЮММР буюртмалари асосида "ЎРМВ" АТга буюртмачилари томонидан тақдим қилинган тўлов топшириқномалари ва ғазна мемориал ордерларини киритади ҳамда улар бўйича тўловларни амалга оширади.


136. Нақд пул маблағлари олиш учун чек - бу ғазначилик бўлинмасининг маълум нақд пул суммасини буюртмачига бериш учун ёзма топшириғидир. Чеклар буюртмачи томонидан сиёҳ ёки шарикли ручка билан қўлда ёзилади. Чекларда ўчириб ёзиш, тузатиш, тўғрилашларга ҳамда факсимиле ишлатилишига йўл қўйилмайди. Чеклар ўн кун давомида (улар ёзиб берилган кунни ҳисобга олган ҳолда) ҳақиқий ҳисобланади.


137. Ғазначилик бўлинмалари чек дафтарчаларини уларга хизмат кўрсатувчи банклардан уларни кейинчалик буюртмачиларга тарқатиш учун олади. Бунда буюртмачилар ғазначилик бўлинмаларига чек дафтарчаларини олиш учун мазкур буюртмачи раҳбари ва бош бухгалтери имзоси қўйилган ишончнома ва сўровномаларни тақдим қилади. Ишончнома бўйича бир буюртмачига берилган чек дафтарчасидан бошқа буюртмачи томонидан фойдаланилишига йўл қўйилмайди. Олинган чек дафтарчалари буюртмачиларда сақланади.


138. Чеклар 23212 ва 23214 баланс ҳисобварақларида очилган ҳисобварақларга ўтказилган маблағлар доирасида ёзилади.


139. Буюртмачилар 23212 ва 23214 баланс ҳисобварақларига маблағлар ўтказилганидан сўнг ғазначилик бўлинмаларига тўлдирилган чек тақдим қиладилар. Бунда буюртмачилар нақд пул тўловлари бўйича 23212 ва 23214 баланс ҳисобварақларга пул тушганидан сўнг ўн кун ичида (улар ёзиб берилган кунни ҳисобга олган ҳолда) нақд пул маблағларини умумий сумма доирасида ёзилган бир нечта чек билан олиш ҳуқуқига эга. Бунинг учун буюртмачилар ғазначилик бўлинмаларига тегишли суммага ЮММР буюртмаси ёки пул оладиган саналар ва суммаларини аниқ ва алоҳида кўрсатган ҳолда ЮММР буюртмасини тақдим этади.

Бунда банкнинг масъул ходимлари ғазначилик бўлинмалари томонидан имзоланган ва муҳр изи билан тасдиқланган буюртмачиларнинг масъул ходими томонидан тақдим қилинган нақд пул маблағларини олиш учун чекларни улар тақдим қилинган кунда қабул қилиши шарт.


140. Ғазначилик бўлинмаларининг масъул ходимлари тўлдирилган чекларни қабул қилганидан сўнг чек ва ЮММР буюртмаси суммалари мувофиқлигини текширади, имзо ва муҳр қўяди ҳамда текширишдан сўнг чекнинг назорат маркасини буюртмачиларнинг масъул ходимларига беради. Бунда ёзилган чеклар икки нусхада чоп этилган қоғоз шаклидаги ёзилган чеклар реестри билан бирга ғазначилик бўлинмаларининг масъул ходимлари томонидан буюртмачиларнинг масъул ходимларига, хизмат кўрсатувчи банкка тақдим қилиш учун берилади.


141. Молия йили мобайнида ишлатилган чек дафтарчалари милклари буюртмачилар томонидан "UzASBO" ДМда шакллантирилган, ишлатилган ва бузилган чеклар реестри билан бирга охирги чек варағи тўлдирилган куннинг кейинги кунида ғазначилик бўлинмаларига қайтарилиши шарт.


142. Ишлатилган ва бузилган чеклар реестри ғазначилик бўлинмаларининг масъул ходимларига икки нусхада тақдим қилинади. Буюртмачиларнинг масъул ходимлари имзолари тўлиқлиги ғазначилик бўлинмалари ходимлари томонидан текширилади. Бунда ишлатилган ва бузилган чеклар реестрининг биринчи нусхаси ғазначилик бўлинмаларининг масъул ходимлари томонидан имзоланади ва буюртмачиларнинг масъул ходимларига текширилган санасини кўрсатган ҳолда қайтарилади, иккинчи нусхаси чек билан бирга ғазначилик бўлинмаларида қолади.


143. Буюртмачилар ишлатилган ва бузилган чеклар реестрини ғазначилик бўлинмаларининг масъул ходимларига топширилгандан сўнг буюртмачиларга янги чек дафтарчаси берилади. Бунда бузилган чеклар мавжуд бўлган ҳолларда буюртмачилар уларни ишлатилган чек дафтарчалари билан бирга қайтаради, улар мавжуд бўлмаганда эса уларнинг йўқлиги сабаблари ҳамда кўрилган чоралар тўғрисида ғазначилик бўлинмаларини ёзма хабардор қилади.


144. Ғазначилик бўлинмаларининг масъул ходимлари ишлатилган чек дафтарчаларини олганларидан сўнг улардаги маълумотларни "ЎРМВ" АТдаги тўланган суммалар ва чеклар сони тўғрисидаги маълумотлар билан солиштиради.


145. Ишлатилган чеклар бўйича маълумотларда фарқлар мавжуд бўлган ҳолларда ғазначилик бўлинмалари томонидан етишмаётган чекларнинг рақами ва суммаларини кўрсатган ҳолда чек дафтарчалари рўйхати ва унга иловалар тузилади ҳамда буюртмачиларга фарқлар сабабларини аниқлаштириш учун тақдим қилинади.


146. Банклар томонидан чекда кўрсатилган суммани бериш унда ғазначилик бўлинмаларининг имзо қўйиш ҳуқуқига эга ваколатли шахсларининг ғазначилик бўлинмаларининг муҳри билан тасдиқланган ҳамда имзо намуналари ва муҳр изи карточкасида кўрсатилган имзолари бўлганда амалга оширилади.

Бунда нотўғри расмийлаштирилган чеклар банклар томонидан ғазначилик бўлинмаларига чек тақдим қилинган куни ёки кейинги банк кунидан кечикмаган муддатда қайтарилади.


147. Нақд пул маблағлари берилганидан сўнг ёзилган чеклар реестрининг иккинчи нусхаси чек ижро этилганлиги тўғрисидаги белги қўйилган ҳолда кўчирма билан бирга банклар томонидан ғазначилик бўлинмаларига қайтарилади. Ғазначилик бўлинмалари кўчирма асосида тегишли шахсий ғазна ҳисобварағига нақд пул маблағлари берилганлиги тўғрисида маълумот киритади ва буюртмачиларга шахсий ғазна ҳисобварағидан ғазначилик бўлинмаларининг белгиси қўйилган кўчирма беради.


148. Банклардан нақд пул маблағларини олиш учун буюртмачилар томонидан мазкур Қоидаларнинг 14-иловасига мувофиқ шаклдаги моддий жавобгар шахсга (кассирга) берилган Ишончнома асосида тегишли ғазначилик бўлинмаларига тақдим қилинади.


149. Буюртмачиларнинг ишончли шахслари томонидан чек йўқотилган тақдирда чек йўқотилганлиги аниқланган куни тегишли ғазначилик бўлинмасига буюртмачилар раҳбари ва бош бухгалтери томонидан имзоланган билдиришнома-хат йўлланади. Ғазначилик бўлинмаси буюртмачининг билдиришнома-хати асосида мурожаат қилинган куннинг кейинги кунидан кечикмаган муддатда йўқотилган чекнинг серияси ва рақамини кўрсатган ҳолда мазкур чек тўловини тўхтатиш мақсадида банкка хат юборади. Бунда чеклар реестри чақириб олинган чек суммасини айирган ҳолда ижро қилинади.


150. Ғазначилик бўлинмаларининг масъул ходимлари берилган ва ишлатилган чекларни рўйхатдан ўтказишни мазкур Қоидаларнинг 15-иловасидаги шаклга мувофиқ Берилган ва ишлатилган чекларни ҳисобга олиш журналида олиб борадилар.


151. Буюртмачиларнинг ходимлари учун пластик карточкалар бир вақтнинг ўзида икки ёки бир неча банкда очилган ҳолда буюртмачилар ғазначилик бўлинмасига тегишли миқдорда тўлов топшириқномалари тақдим қилади.


152. Ходимларининг иш ҳақи суммаларини пластик карточкаларга ўтказиш учун буюртмачилар хизмат кўрсатувчи банкка икки асл нусхада қоғоз ҳамда электрон кўринишда ходимлар рўйхатини тақдим қилади. Бунда:

ходимлар рўйхатида ходимларнинг фамилияси, исми, отасининг исми, табель рақами, пластик карточкаларининг реквизитлари ҳамда ходимларга ўтказиб берилаётган суммалар кўрсатилади;

ходимлар рўйхатининг ҳар бир варағи ташкилот раҳбари, бош бухгалтери ва ходимлар бўлимининг масъул ходими ёки уни ўрнини босувчи ходим томонидан имзоланади, ташкилот ва ходимлар бўлимининг муҳри билан тасдиқланади.


153. "UzASBO" ДМга уланган буюртмачилар ходимларининг иш ҳақи суммаларини пластик карточкаларга ўтказиш учун ходимлар рўйхатини электрон рақамли имзо билан тасдиқлаган ҳолда банкларга фақат электрон шаклда юборади.


154. Банклар буюртмачилар томонидан тақдим қилинган ходимлар рўйхатини синчковлик билан текширади ва хатолик ёки камчиликлар аниқланган ҳолларда хатолик ёки камчиликлар аниқланган кундан кейинги кундан кечиктирмасдан, электрон шаклда юборилган ҳолларда эса шу куннинг ўзида хатолик ва камчиликларни тўғрилаш учун буюртмачиларга қайтаради.


155. Хизмат кўрсатувчи банклар ходимлар рўйхатининг иккинчи нусхасини маблағлар ўтказилганлигини тасдиқловчи штамп босган ҳолда буюртмачиларга ходимлар рўйхатида кўрсатилган маблағлар тўлиқ ўтказилган кундан кейинги кундан кечикмасдан беради.


156. Ходимларнинг пластик карточкаларига маблағларни ўтказилганлигини тасдиқловчи банк штампи босилган ходимлар рўйхати буюртмачиларнинг бухгалтериясида буюртмачиларнинг ўз ходимлари олдидаги иш ҳақи тўлаш бўйича мажбуриятлари бажарилганлигини тасдиқловчи хужжат сифатида сақланади.


157. Ғазначилик бўлинмаларининг масъул ходимлари буюртмачиларнинг шахсий ғазна ҳисобварақларида операциялар амалга оширилиши бўйича шахсий ғазна ҳисобварақларидан кўчирмалар беради ҳамда уларни мазкур Қоидаларнинг 16-иловасига мувофиқ шакл бўйича Шахсий ғазна ҳисобварақларидан берилган кўчирмаларни рўйхатдан ўтказиш журналида рўйхатдан ўтказади. Буюртмачиларнинг масъул ходимлари Шахсий ғазна ҳисобварақларидан кўчирма олишда Шахсий ғазна ҳисобварақларидан берилган кўчирмаларни рўйхатдан ўтказиш журналига кўчирмани олганлиги тўғрисида тегишли белги қўяди.

Бунда Шахсий ғазна ҳисобварақларидан берилган кўчирмаларни рўйхатдан ўтказиш журнали ҳар бир буюртмачи бўйича алоҳида очилади ва юритилади. Буюртмачилар кўчирмаларни "UzASBO" ДМдан электрон тарзда олган ҳолларда Шахсий ғазна ҳисобварақларидан берилган кўчирмаларни рўйхатдан ўтказиш журнали юритилмайди.



2-§. III гуруҳ харажатлари бўйича молиявий мажбуриятларни

рўйхатдан ўтказиш ва ҳисобга олиш ҳамда харажатлар тўлови


158. III гуруҳ харажатлари бўйича молиявий мажбуриятлар капитал қўйилма буюртмачилари томонидан товарлар (ишлар, хизматлар) етказиб берувчиларнинг (пудратчиларнинг) ишлар бажарилганлигини (товарлар етказиб берилганлигини) тасдиқловчи ҳисобварақ-фактуралари ва қонун ҳужжатларига мувофиқ ҳисобварақ-фактура ўрнини босувчи ҳужжатлар (бундан буён матнда ҳисобварақ-фактура деб юритилади) асосида қабул қилинади.


159. III гуруҳ харажатлари бўйича молиявий мажбуриятлар ғазначилик бўлинмалари томонидан ҳисобварақ-фактуралар ҳамда молиявий мажбуриятлар мавжудлигини тасдиқловчи ҳужжатлар асосида юридик мажбуриятлар ва харажатларни тўлаш учун рухсатнома доирасида рўйхатдан ўтказилади ва ҳисобга олинади.


160. Капитал қўйилма буюртмачилари товарлар (ишлар, хизматлар) етказиб берувчилардан (пудратчилардан) ишлар бажарилганлигини (товарлар етказиб берилганлигини) тасдиқловчи ҳисобварақ-фактуралар олганларидан сўнг рўйхатдан ўтказиш ёки ҳисобга олиш учун уларнинг асли ва нусхасини мазкур Қоидаларнинг 17-иловасига мувофиқ шаклдаги икки асл нусхада Молиявий мажбуриятларни рўйхатдан ўтказишга (ҳисобга олишга) буюртма билан бирга тегишли ғазначилик бўлинмаларига тақдим қилиши лозим.

161. Ғазначилик бўлинмалари капитал қўйилма буюртмачилари томонидан тақдим қилинган Молиявий мажбуриятларни рўйхатдан ўтказишга (ҳисобга олишга) буюртма ва ишлар бажарилганлигини (товарлар етказиб берилганлигини) тасдиқловчи ҳисобварақ-фактуралар асосида улар тақдим қилинганидан кейинги кундан кечикмасдан молиявий мажбуриятларни:

бюджетдан ажратиладиган маблағлар ва БМЖ маблағлари бўйича - масъул ходим томонидан Молиявий мажбуриятларни рўйхатдан ўтказишга (ҳисобга олишга) буюртманинг икки аслига рўйхатдан ўтказиш рақами ва санасини кўрсатиб "Рўйхатдан ўтказилди" штампи ва шахсий имзосини қўйиш ҳамда ғазначилик бўлинмасининг ваколатли шахси томонидан шахсий имзоси ва "Молиявий мажбуриятларни рўйхатдан ўтказиш" муҳрини қўйиш йўли билан рўйхатдан ўтказади;

вазирликлар ва идораларнинг бюджетдан ташқари жамғармалари маблағлари бўйича - масъул ходим томонидан Молиявий мажбуриятларни рўйхатдан ўтказишга (ҳисобга олишга) буюртманинг икки аслига ҳисобга олиш рақами ва санасини кўрсатган ҳолда "Ҳисобга олинди" штампи ва шахсий имзосини қўйиш ҳамда ғазначилик бўлинмасининг ваколатли шахси томонидан шахсий имзосини қўйиш йўли билан ҳисобга олади.

162. Рўйхатдан ўтказилган ёки ҳисобга олинган Молиявий мажбуриятларни рўйхатдан ўтказишга (ҳисобга олишга) буюртманинг бир асли ва ишлар бажарилганлигини (товарлар етказиб берилганлигини) тасдиқловчи ҳисобварақ-фактураларнинг асли капитал қўйилма буюртмачиларига қайтарилади, Молиявий мажбуриятларни рўйхатдан ўтказишга (ҳисобга олишга) буюртманинг иккинчи асли ва ишлар бажарилганлигини (товарлар етказиб берилганлигини) тасдиқловчи ҳисобварақ-фактураларнинг нусхаси ғазначилик бўлинмаларида сақлаш учун қолади.


163. Агар ҳисобварақ-фактуралар бўйича бажарилган ишлар ҳажми ишларни бажариш жадвалидан илгарилаб кетиш натижасида юзага келган ҳамда рўйхатдан ўтказиладиган ёки ҳисобга олинадиган молиявий мажбуриятлар тегишли йил учун режалаштирилган маблағлардан ошса, капитал қўйилма буюртмачилари ғазначилик бўлинмаларига мазкур Қоидаларнинг 160-бандида кўрсатилган ҳужжатлар билан бирга бош бухгалтерлари томонидан имзоланган маълумотнома тақдим этади. Ушбу маълумотномада тегишли ҳисобварақ-фактура реквизитлари ҳамда смета доирасида жорий йил учун қабул қилиниши лозим бўлган молиявий мажбурият суммаси кўрсатилади. Бунда молиявий мажбуриятлар ғазначилик бўлинмалари томонидан капитал қўйилма буюртмачиларининг маълумотномасида кўрсатилган сумма доирасида рўйхатдан ўтказилади ёки ҳисобга олинади.


163-1. "UzASBO" ДМга уланган капитал қўйилма буюртмачилари товарлар (ишлар, хизматлар) етказиб берувчилардан (пудратчилардан) ишлар бажарилганлигини (товарлар етказиб берилганлигини) тасдиқловчи ҳисобварақ-фактура олганларидан сўнг ҳисобварақ-фактура маълумотларини "UzASBO" ДМга киритади ва электрон ҳужжат шаклида электрон рақамли имзо билан тасдиқлаган ҳолда ғазначилик бўлинмаларига юборади. "UzASBO" ДМ орқали электрон ҳужжат шаклида электрон рақамли имзо билан тасдиқланган ҳолда ғазначилик бўлинмаларига юборилган ҳисобварақ-фактуранинг қоғоз шаклидаги асл нусхаси ғазначилик бўлинмаларига тақдим этилмайди ва Қоидаларнинг 17-иловасига мувофиқ шаклдаги Молиявий мажбуриятларни рўйхатдан ўтказишга (ҳисобга олишга) буюртма расмийлаштирилмайди.

Бунда ҳисобварақ-фактура аслининг капитал қўйилма буюртмачиларида мавжудлиги, ҳисобварақ-фактуранинг қоғоз ва электрон шаклининг ўзаро мувофиқлиги, улардаги маълумотларнинг тўғрилиги ҳамда аслининг сақланиши учун капитал қўйилма буюртмачилари жавобгар ҳисобланади.

163-2. Капитал қўйилма буюртмачиларининг "UzASBO" ДМ орқали электрон ҳужжат шаклида ғазначилик бўлинмаларига юборилган ҳисобварақ-фактуралари ғазначилик бўлинмалари томонидан ушбу ҳисобварақ-фактуранинг тегишли шартномага мувофиқлиги устидан назорат ўрнатиш асосида бир иш куни ичида масъул ходимнинг электрон рақамли имзоси билан тасдиқланган ҳолда "ЎРМВ" АТда электрон тарзда рўйхатдан ўтказилади ёки ҳисобга олинади, камчиликлар аниқланганида эса тегишли камчиликлари кўрсатилган ҳолда электрон тарзда капитал қўйилма буюртмачиларига қайтарилади.

164. Капитал қўйилма буюртмачиларининг "UzASBO" ДМ орқали электрон ҳужжат шаклида ғазначилик бўлинмаларига юборилган тўлов топшириқномалари ва ғазна мемориал ордерлари ғазначилик бўлинмалари томонидан бир иш куни ичида масъул ходимнинг электрон рақамли имзоси билан тасдиқланган ҳолда "ЎРМВ" АТда электрон тарзда рўйхатдан ўтказилади ёки ҳисобга олинади, камчиликлар аниқланганида эса тегишли камчиликлари кўрсатилган ҳолда электрон тарзда капитал қўйилма буюртмачиларига қайтарилади.

165. "UzASBO" ДМга уланмаган капитал қўйилма буюртмачилари тўлов топшириқномалари ва ғазна мемориал ордерларини ғазначилик бўлинмаларига қоғоз шаклда тақдим қилади ва уларни рўйхатдан ўтказиш ёки ҳисобга олишда ғазначилик бўлинмаларининг масъул ходимлари мазкур Қоидаларнинг 167 - 171-бандларига мувофиқ иш юритади.


166. Капитал қўйилма буюртмачиларининг харажатлар тўлови қуйидаги талабларга риоя қилган ҳолда амалга оширилади:

тўлов ҳужжатида шахсий ғазна ҳисобварағи рақами, капитал қўйилма буюртмачисининг номи ва СТИРи, бюджет таснифининг тегишли кодлари, юридик мажбурият юзага келишига асос бўлган ҳужжат ва ҳисобварақ-фактура рақами ва санаси, аванс (тўлов) миқдори ва тўлов мақсади тўғри кўрсатилганида;

қурилишларнинг тасдиқланган манзилли ва титул рўйхатлари асосида ва тегишли объектлар бўйича шахсий ғазна ҳисобварақлардаги мавжуд ажратилган бюджет ва бюджетдан ташқари маблағлари қолдиғи доирасида;

агар тўлов топшириқномасида ёки ғазна мемориал ордерида кўрсатилган сумма ғазначилик бўлинмасида рўйхатдан ўтказилган ёки ҳисобга олинган юридик мажбуриятга асосан олдин ўтказилган маблағларни ҳисобга олган ҳолда тўланиши лозим бўлган пул маблағларидан ошмаса;

ҳисобварақ-фактуралар, капитал қўйилма буюртмачисининг товарлар (ишлар, хизматлар) етказиб берувчиларга (пудратчиларга) олдидаги қарздорлигини тасдиқловчи солиштириш далолатномаси, шунингдек аванс тўловларини ўтказиши лозимлигини тасдиқловчи ҳужжатлар мавжуд бўлганда;

тўлов топшириқномасида ёки ғазна мемориал ордерида товарлар (ишлар, хизматлар) етказиб берувчининг (пудратчининг) номи ва реквизитлари юридик ва молиявий мажбуриятлар юзага келганлигини тасдиқловчи ҳужжатларда кўрсатилган товарлар (ишлар, хизматлар) етказиб берувчининг (пудратчининг) номи ва реквизитларига мувофиқ бўлганида.


167. Тўлов топшириқномалари ғазначилик бўлинмаларига уч нусхада тақдим қилинади. Капитал қўйилма буюртмачиларининг тегишли ваколатли шахслари томонидан имзоланган ва муҳр изи билан тасдиқланган тўлов топшириқномаларининг биринчи нусхаси капитал қўйилма буюртмачиларининг ғазначилик бўлинмаларига шахсий ғазна ҳисобварағи бўйича касса харажатларини амалга ошириш учун топшириғи бўлиб хизмат қилади. Тўлов топшириқномаларининг иккинчи нусхаси ғазначилик бўлинмаларининг ваколатли ва масъул шахслари томонидан имзоланади, ғазначилик бўлинмаларининг муҳр изи билан тасдиқланади ва ЯҒҲдан харажатлар тўловини амалга ошириш учун асос бўлади. Тўлов топшириқномаларининг учинчи нусхаси ғазначилик бўлинмаларининг "ТЎЛАНДИ" белгиси билан ва тўланган сана қўйилган ҳолда шахсий ғазна ҳисобварағидан кўчирма билан бирга капитал қўйилма буюртмачиларининг масъул ходимларига қайтарилади.

Бунда тўлов топшириқномаларининг "Маблағларни тўловчининг номи" устунида ғазначилик бўлинмасининг номи, "Маблағларни тўловчининг ҳисобварағи" устунида - ЯҒҲ, "Тўлов мақсади" устунида - капитал қўйилма буюртмачисининг шахсий ғазна ҳисобварақ рақами, СТИРи ва номи, бюджет таснифининг тегишли кодлари, тўловни ўтказишга асос бўладиган юридик ва молиявий мажбурият юзага келганлигини тасдиқловчи ҳужжат, шунингдек тўлов мақсади кўрсатилади.


168. Капитал қўйилма буюртмачилари томонидан тақдим қилинган тўлов топшириқномалари мазкур Қоидалар талабларига мувофиқ бўлганда, ғазначилик бўлинмаларининг масъул ходимлари тўлов топшириқномаларининг иккинчи нусхасига "ТЕКШИРИЛДИ" белгисини, тўлов топшириқномалари қабул қилинган санани ва ўзининг имзосини қўяди. Тўлов топшириқномалари мазкур Қоидалар талабларига номувофиқ бўлган ҳолларда ғазначилик бўлинмаларининг масъул ходимлари тўлов топшириқномаларининг орқа томонида қайтариш сабабларини кўрсатган ҳолда уларни капитал қўйилма буюртмачиларининг масъул ходимларига қайтаради. Тўлов топшириқномаларининг иккинчи нусхасини ғазначилик бўлинмаларининг ваколатли ва масъул шахслари имзолари ва ғазначилик бўлинмаларининг муҳр изи билан расмийлаштириш текширувлар тугаганидан сўнг амалга оширилади.


169. Бир шахсий ғазна ҳисобварағидан бошқа шахсий ғазна ҳисобварағига маблағлар ўтказиш учун капитал қўйилма буюртмачилари томонидан ғазначилик бўлинмаларига уч нусхада ғазначилик мемориал ордерлари тақдим қилинади. Капитал қўйилма буюртмачиларининг тегишли ваколатли шахслари томонидан имзоланган ва муҳр изи билан тасдиқланган ғазначилик мемориал ордерларининг биринчи нусхаси ғазначилик бўлинмаларига капитал қўйилма буюртмачиларининг ғазначилик бўлинмаларига шахсий ғазна ҳисобварағи бўйича касса харажатларини амалга ошириш учун топшириғи бўлиб хизмат қилади. Ғазначилик мемориал ордерларининг иккинчи нусхаси ғазначилик бўлинмаларининг ваколатли ва масъул шахслари томонидан имзоланади, ғазначилик бўлинмаларининг муҳр изи билан тасдиқланади ва капитал қўйилма буюртмачиларининг шахсий ғазна ҳисобварақларидан маблағларни ўтказиш учун асос бўлади. Ғазначилик бўлинмаларининг "ТЎЛАНДИ" белгиси билан ва тўланган сана қўйилган ғазначилик мемориал ордерларининг учинчи нусхаси шахсий ғазна ҳисобварақлардан кўчирма билан биргаликда капитал қўйилма буюртмачиларининг масъул ходимларига қайтарилади.

Бунда ғазначилик мемориал ордерларининг "Тўлов мақсади" устунида Тўлов турлари бўйича маълумотномага асосан тегишли тўлов коди, капитал қўйилма буюртмачиларининг шахсий ғазна ҳисобварағи рақами, СТИРи ва номи, бюджет таснифининг тегишли кодлари, тўловни ўтказишга асос бўладиган ҳужжат, шунингдек тўлов мақсади кўрсатилади.


170. Капитал қўйилма буюртмачилари томонидан тақдим қилинган ғазначилик мемориал ордерлари мазкур Қоидалар талабларига мувофиқ бўлганда ғазначилик бўлинмаларининг масъул ходимлари ғазначилик мемориал ордерларининг иккинчи нусхасига "ТЕКШИРИЛДИ" белгисини, ғазначилик мемориал ордери қабул қилинган санани ва ўзининг имзосини қўяди. Ғазначилик мемориал ордерлари мазкур Қоидалар талабларига номувофиқ бўлган ҳолларда ғазначилик бўлинмаларининг масъул ходимлари ғазначилик мемориал ордерларининг орқа томонида қайтариш сабабларини кўрсатган ҳолда уни капитал қўйилма буюртмачиларининг масъул ходимларига қайтаради. Ғазначилик мемориал ордерларининг иккинчи нусхасини ғазначилик бўлинмаларининг ваколатли ва масъул шахсларининг имзолари ва ғазначилик бўлинмаларининг муҳр изи билан расмийлаштириш текширувлар тугаганидан сўнг амалга оширилади.


171. Маблағларни бир шахсий ғазна ҳисобварағидан бошқасига ўтказишда ғазначилик мемориал ордерларига маблағларни ўтказишга асос бўлувчи юридик ва молиявий мажбуриятлар юзага келганлигини тасдиқловчи ҳужжат нусхаси илова қилинади.


172. Ғазначилик бўлинмаларида рўйхатдан ўтказилган ёки ҳисобга олинган юридик мажбуриятларда назарда тутилган, белгиланган тартибда ҳар бир ҳисобварақ-фактурадан чегириб қолинадиган, кафолат муддати тамом бўлганидан сўнг тўланадиган кафолат суммаси тўғрисидаги маълумот "ЎРМВ" АТга киритилмайди.


173. Кафолат муддати тугаганидан сўнг тўланадиган объект қийматидан 5 фоиз кафолат суммасини тўлаш бўйича молиявий мажбуриятларни қабул қилиш ва рўйхатдан ўтказиш ёки ҳисобга олиш бажарилган ишлар қиймати тўғрисидаги ҳисобварақ-фактура ва капитал қўйилма буюртмачиси ва товарлар (ишлар, хизматлар) етказиб берувчи (пудратчи) ўртасида тузиладиган солиштириш далолатномаси асосида амалга оширилади.


174. Ғазначилик бўлинмаларининг масъул ходимлари капитал қўйилма буюртмачиларининг шахсий ғазна ҳисобварақларида операциялар амалга оширилиши бўйича шахсий ғазна ҳисобварақларидан кўчирмалар беради ҳамда уларни Шахсий ғазна ҳисобварақларидан берилган кўчирмаларни рўйхатдан ўтказиш журналида рўйхатдан ўтказади. Шахсий ғазна ҳисобварақларидан кўчирма олишда капитал қўйилма буюртмачиларининг масъул ходимлари журналга кўчирмани олганлиги тўғрисида тегишли белги қўяди.

Бунда ғазначилик бўлинмаларида Шахсий ғазна ҳисобварақларидан берилган кўчирмаларни рўйхатдан ўтказиш журнали ҳар бир капитал қўйилма буюртмачиси бўйича алоҳида очилади ва юритилади.

Капитал қўйилма буюртмачилари кўчирмаларни "UzASBO" ДМдан электрон тарзда олган ҳолларда Шахсий ғазна ҳисобварақларидан берилган кўчирмаларни рўйхатдан ўтказиш журнали юритилмайди.



3-§. IV гуруҳ харажатлари бўйича молиявий мажбуриятларни

рўйхатдан ўтказиш ва ҳисобга олиш ҳамда харажатлар тўлови


175. IV гуруҳ харажатлари бўйича молиявий мажбуриятлар буюртмачилар томонидан товарлар (ишлар, хизматлар) етказиб берувчиларнинг (пудратчиларнинг) товарлар етказиб берилганлигини (ишлар бажарилганлигини, хизматлар кўрсатилганлигини) тасдиқловчи ҳисобварақ-фактуралари асосида қабул қилинади.


176. IV гуруҳ харажатлари бўйича молиявий мажбуриятлар ғазначилик бўлинмалари томонидан ҳисобварақ-фактуралар ҳамда молиявий мажбуриятлар мавжудлигини тасдиқловчи ҳужжатлар асосида юридик мажбуриятлар ва харажатларни тўлаш учун рухсатнома доирасида рўйхатдан ўтказилади ва ҳисобга олинади.


177. Буюртмачилар товарлар (ишлар, хизматлар) етказиб берувчилардан (пудратчилардан) товарлар етказиб берилганлигини (ишлар бажарилганлигини, хизматлар кўрсатилганлигини) тасдиқловчи ҳисобварақ-фактуралар олганидан сўнг уларни рўйхатдан ўтказиш ёки ҳисобга олиш учун уларни асли ва нусхасини икки асл нусхада Молиявий мажбуриятларни рўйхатдан ўтказишга (ҳисобга олишга) буюртма билан бирга тегишли ғазначилик бўлинмаларига тақдим қилиши лозим.

178. Ғазначилик бўлинмалари буюртмачилар томонидан тақдим қилинган Молиявий мажбуриятларни рўйхатдан ўтказишга (ҳисобга олишга) буюртма ва ҳисобварақ-фактуралар асосида улар тақдим қилинганидан кейинги кундан кечикмасдан молиявий мажбуриятларни:

бюджетдан ажратиладиган маблағлар ва БМЖ маблағлари бўйича - масъул ходим томонидан Молиявий мажбуриятларни рўйхатдан ўтказишга (ҳисобга олишга) буюртманинг икки аслига рўйхатдан ўтказиш рақами ва санасини кўрсатиб "Рўйхатдан ўтказилди" штампини ва шахсий имзосини қўйиш, шунингдек ғазначилик бўлинмасининг ваколатли шахси томонидан шахсий имзосини ва "Молиявий мажбуриятларни рўйхатдан ўтказиш" муҳрини қўйиш йўли билан рўйхатдан ўтказади;

вазирликлар ва идораларнинг бюджетдан ташқари жамғармалари маблағлари бўйича - масъул ходим томонидан Молиявий мажбуриятларни рўйхатдан ўтказишга (ҳисобга олишга) буюртманинг икки аслига ҳисобга олиш рақами ва санасини кўрсатган ҳолда "Ҳисобга олинди" штампини ва шахсий имзосини қўйиш ҳамда ваколатли шахс томонидан шахсий имзосини қўйиш йўли билан ҳисобга олади.

179. Рўйхатдан ўтказилган ёки ҳисобга олинган Молиявий мажбуриятларни рўйхатдан ўтказишга (ҳисобга олишга) буюртманинг бир асли ва товарлар етказиб берилганлигини (ишлар бажарилганлигини, хизматлар кўрсатилганлигини) тасдиқловчи ҳисобварақ-фактураларнинг асли буюртмачиларга қайтарилади, Молиявий мажбуриятларни рўйхатдан ўтказишга (ҳисобга олишга) буюртманинг иккинчи асли ва товарлар етказиб берилганлигини (ишлар бажарилганлигини, хизматлар кўрсатилганлигини) тасдиқловчи ҳисобварақ-фактураларнинг нусхаси ғазначилик бўлинмаларида сақлаш учун қолади.


179-1. "UzASBO" ДМга уланган буюртмачилар товарлар (ишлар, хизматлар) етказиб берувчилардан (пудратчилардан) ишлар бажарилганлигини (товарлар етказиб берилганлигини) тасдиқловчи ҳисобварақ-фактура олганларидан сўнг ҳисобварақ-фактура маълумотларини "UzASBO" ДМга киритади ва электрон ҳужжат шаклида электрон рақамли имзо билан тасдиқлаган ҳолда ғазначилик бўлинмаларига юборади. "UzASBO" ДМ орқали электрон ҳужжат шаклида электрон рақамли имзо билан тасдиқланган ҳолда ғазначилик бўлинмаларига юборилган ҳисобварақ-фактуранинг қоғоз шаклидаги асл нусхаси ғазначилик бўлинмаларига тақдим этилмайди ва Қоидаларнинг 17-иловасига мувофиқ шаклдаги Молиявий мажбуриятларни рўйхатдан ўтказишга (ҳисобга олишга) буюртма расмийлаштирилмайди.

Бунда ҳисобварақ-фактура аслининг буюртмачиларда мавжудлиги, ҳисобварақ-фактуранинг қоғоз ва электрон шаклининг ўзаро мувофиқлиги, улардаги маълумотларнинг тўғрилиги ҳамда аслининг сақланиши учун буюртмачилар жавобгар ҳисобланади.

179-2. Буюртмачиларнинг "UzASBO" ДМ орқали электрон ҳужжат шаклида ғазначилик бўлинмаларига юборилган ҳисобварақ-фактуралари ғазначилик бўлинмалари томонидан ушбу ҳисобварақ-фактуранинг тегишли шартномага мувофиқлиги устидан назорат ўрнатиш асосида бир иш куни ичида масъул ходимнинг электрон рақамли имзоси билан тасдиқланган ҳолда "ЎРМВ" АТда электрон тарзда рўйхатдан ўтказилади ёки ҳисобга олинади, камчиликлар аниқланганида эса тегишли камчиликлари кўрсатилган ҳолда электрон тарзда буюртмачиларга қайтарилади.

179-3. Буюртмачилар электрон давлат харидлари орқали товарларни (ишларни, хизматларни) қабул қилиб олганларидан сўнг уч иш куни муддатида бу ҳақдаги маълумотларни "UzASBO" ДМга киритишлари ва электрон рақамли имзо билан тасдиқланган ҳолда "ЎРМВ" АТга юборишлари лозим.

180. Буюртмачиларнинг "UzASBO" ДМ орқали электрон ҳужжат шаклида ғазначилик бўлинмаларига юборилган тўлов топшириқномалари ва ғазна мемориал ордерлари ғазначилик бўлинмалари томонидан бир иш куни ичида масъул ходимнинг электрон рақамли имзоси билан тасдиқланган ҳолда "ЎРМВ" АТда электрон тарзда рўйхатдан ўтказилади ёки ҳисобга олинади, камчиликлар аниқланганида эса тегишли камчиликлари кўрсатилган ҳолда электрон тарзда буюртмачиларга қайтарилади.

181. "UzASBO" ДМга уланмаган буюртмачилар тўлов топшириқномалари ва ғазна мемориал ордерларини ғазначилик бўлинмаларига қоғоз шаклда тақдим қилади ва уларни рўйхатдан ўтказиш ёки ҳисобга олишда ғазначилик бўлинмаларининг масъул ходимлари мазкур Қоидаларнинг 183 - 187-бандларига мувофиқ иш юритади.


182. Буюртмачиларнинг харажатлар тўлови қуйидаги талабларга риоя қилган ҳолда амалга оширилади:

тўлов ҳужжатида шахсий ғазна ҳисобварағи рақами, капитал қўйилма буюртмачисининг номи ва СТИРи, бюджет таснифининг тегишли кодлари, юридик мажбурият юзага келишига асос бўлган ҳужжат ва ҳисобварақ-фактура рақами ва санаси, аванс (тўлов) миқдори ва тўлов мақсади тўғри кўрсатилганида;

буюртмачиларнинг харажатлар сметасининг IV гуруҳи тегишли моддалари бўйича режали маблағлар, шунингдек бюджетдан ташқари маблағлар бўйича шахсий ғазна ҳисобварақлари қолдиқлари суммалари доирасида;

агар тўлов топшириқномасида ёки ғазна мемориал ордерида кўрсатилган сумма ғазначилик бўлинмасида рўйхатдан ўтказилган ёки ҳисобга олинган юридик мажбуриятга асосан олдин ўтказилган маблағларни ҳисобга олган ҳолда тўланиши лозим бўлган пул маблағларидан ошмаса;

ҳисобварақ-фактуралар, буюртмачининг товарлар (ишлар, хизматлар) етказиб берувчилар (пудратчилар) олдидаги қарздорлигини тасдиқловчи солиштириш далолатномаси, шунингдек аванс тўловларини ўтказиши лозимлигини тасдиқловчи ҳужжатлар мавжуд бўлганда;

тўлов топшириқномасида ёки ғазна мемориал ордерида товарлар (ишлар, хизматлар) етказиб берувчининг (пудратчининг) номи ва реквизитлари юридик ва молиявий мажбуриятлар юзага келганлигини тасдиқловчи ҳужжатларда кўрсатилган товарлар (ишлар, хизматлар) етказиб берувчининг (пудратчининг) номи ва реквизитларига мувофиқ бўлганида.


183. Тўлов топшириқномалари ғазначилик бўлинмаларига уч нусхада тақдим қилинади. Буюртмачиларнинг тегишли ваколатли шахслари томонидан имзоланган ва муҳр изи билан тасдиқланган тўлов топшириқномаларининг биринчи нусхаси, буюртмачиларнинг ғазначилик бўлинмаларига шахсий ғазна ҳисобварағи бўйича касса харажатларини амалга ошириш учун топшириғи бўлиб хизмат қилади. Тўлов топшириқномаларининг иккинчи нусхаси ғазначилик бўлинмаларининг ваколатли ва масъул шахслари томонидан имзоланади, ғазначилик бўлинмаларининг муҳр изи билан тасдиқланади ва ЯҒҲдан харажатлар тўловини амалга ошириш учун асос бўлади. Ғазначилик бўлинмаларининг "ТЎЛАНДИ" белгиси билан ва тўланган сана қўйилган тўлов топшириқномаларининг учинчи нусхаси шахсий ғазна ҳисобварағидан кўчирма билан бирга буюртмачиларнинг масъул ходимларига қайтарилади.

Бунда тўлов топшириқномаларининг "Маблағларни тўловчининг номи" устунида ғазначилик бўлинмасининг номи, "Маблағларни тўловчининг ҳисобварағи" устунида - ЯҒҲ, "Тўлов мақсади" устунида - буюртмачининг шахсий ғазна ҳисобварағи рақами, СТИРи ва номи, бюджет таснифининг тегишли кодлари, тўловни ўтказишга асос бўладиган юридик ва молиявий мажбурият юзага келганлигини тасдиқловчи ҳужжат, шунингдек тўлов мақсади кўрсатилади.


184. Буюртмачилар томонидан тақдим қилинган тўлов топшириқномалари мазкур Қоидалар талабларига мувофиқ бўлганда, ғазначилик бўлинмаларининг масъул ходимлари тўлов топшириқномаларининг иккинчи нусхасига "ТЕКШИРИЛДИ" белгисини, тўлов топшириқномалари қабул қилинган санани ва ўзининг имзосини қўяди. Тўлов топшириқномалари мазкур Қоидалар талабларига номувофиқ бўлган ҳолларда ғазначилик бўлинмаларининг масъул ходимлари тўлов топшириқномаларининг орқа томонида қайтариш сабабларини кўрсатган ҳолда уларни буюртмачиларнинг масъул ходимларига қайтарадилар. Тўлов топшириқномаларининг иккинчи нусхасини ғазначилик бўлинмаларининг ваколатли ва масъул шахслари имзолари ва ғазначилик бўлинмаларининг муҳр изи билан расмийлаштириш текширувлар тугаганидан сўнг амалга оширилади.


185. Бир шахсий ғазна ҳисобварағидан бошқа шахсий ғазна ҳисобварағига маблағлар ўтказиш учун буюртмачилар томонидан ғазначилик бўлинмаларига уч нусхада ғазначилик мемориал ордерлари тақдим қилинади. Буюртмачиларнинг тегишли ваколатли шахслари томонидан имзоланган ва муҳр изи билан тасдиқланган ғазначилик мемориал ордерларининг биринчи нусхаси, ғазначилик бўлинмаларига буюртмачиларнинг ғазначилик бўлинмаларига шахсий ғазна ҳисобварағи бўйича касса харажатларини амалга ошириш учун топшириғи бўлиб хизмат қилади. Ғазначилик мемориал ордерларининг иккинчи нусхаси ғазначилик бўлинмаларининг ваколатли ва масъул шахслари томонидан имзоланади, ғазначилик бўлинмаларининг муҳр изи билан тасдиқланади ва буюртмачиларнинг шахсий ғазна ҳисобварақларидан маблағларни ўтказиш учун асос бўлади. Ғазначилик бўлинмаларининг "ТЎЛАНДИ" белгиси билан ва тўланган сана қўйилган ғазначилик мемориал ордерларининг учинчи нусхаси шахсий ғазна ҳисобварақларидан кўчирма билан биргаликда буюртмачиларнинг масъул ходимларига қайтарилади.

Бунда ғазначилик мемориал ордерларининг "Тўлов мақсади" устунида Тўлов турлари бўйича маълумотномага асосан тегишли тўлов коди, буюртмачиларнинг шахсий ғазна ҳисобварағи рақами, СТИРи ва номи, бюджет таснифининг тегишли кодлари, тўловни ўтказишга асос бўладиган ҳужжат, шунингдек тўлов мақсади кўрсатилади.


186. Буюртмачилар томонидан тақдим қилинган ғазначилик мемориал ордерлари мазкур Қоидалар талабларига мувофиқ бўлганда ғазначилик бўлинмаларининг масъул ходимлари ғазначилик мемориал ордерларининг иккинчи нусхасига "ТЕКШИРИЛДИ" белгисини, ғазначилик мемориал ордери қабул қилинган санани ва ўзининг имзосини қўяди. Ғазначилик мемориал ордерлари мазкур Қоидалар талабларига номувофиқ бўлган ҳолларда ғазначилик бўлинмаларининг масъул ходимлари ғазначилик мемориал ордерларининг орқа томонида қайтариш сабабларини кўрсатган ҳолда уни буюртмачиларнинг масъул ходимларига қайтаради. Ғазначилик мемориал ордерларининг иккинчи нусхасини ғазначилик бўлинмаларининг ваколатли ва масъул шахсларининг имзолари ва ғазначилик бўлинмаларининг муҳр изи билан расмийлаштириш текширувлар тугаганидан сўнг амалга оширилади.


187. Маблағларни бир шахсий ғазна ҳисобварағидан бошқасига ўтказишда ғазначилик мемориал ордерларига қуйидаги ҳужжатлар илова қилинади:

иқтисод қилинган бюджет маблағларини ўтказишда - мазкур Қоидаларнинг 225-бандида белгиланган тартибда расмийлаштирилган ҳужжатлар;

ҳисобварақ-фактуралар ёки буюртмачининг товарлар (ишлар, хизматлар) етказиб берувчилар (пудратчилар) олдидаги қарздорлигини тасдиқловчи ҳужжатлар ва товарлар етказиб берилганлигини (ишлар бажарилганлигини, хизматлар кўрсатилганлигини) тасдиқловчи ҳужжатлар.


188. Бюджет ташкилотларининг шахсий ғазна ҳисобварақларида чорак (йил) охирида қолган, иқтисод қилинган бюджет маблағлари (капитал қўйилмалар бўйича тўловлар учун назарда тутилган маблағлардан ташқари) Бюджет ташкилотининг ривожлантириш жамғармаси ва Тиббиёт ташкилотларининг моддий рағбатлантириш ва ривожлантириш жамғармасига ўтказилади ва сарфланади. Йил охирида шахсий ғазна ҳисобварақларида қолган иқтисод қилинган бюджет маблағларини Бюджет ташкилотининг ривожлантириш жамғармаси ва Тиббиёт ташкилотларининг моддий рағбатлантириш ва ривожлантириш жамғармасига ўтказилиши молия йилига қўшимча давр мобайнида амалга оширилади.


189. Харажатлар сметасининг тегишли моддасида назарда тутилган режали ажратилган бюджет маблағлари белгиланган муддатларда Тиббиёт ташкилотларининг моддий рағбатлантириш ва ривожлантириш жамғармасига шартномалар тузилмасдан Юридик мажбуриятларни рўйхатдан ўтказишга (ҳисобга олишга) буюртма ва белгиланган тартибда расмийлаштирилган ғазначилик мемориал ордери асосида ўтказилади.


190. Ғазначилик бўлинмаларининг масъул ходимлари буюртмачиларнинг шахсий ғазна ҳисобварақларида операциялар амалга оширилиши бўйича шахсий ғазна ҳисобварақларидан кўчирмалар беради ҳамда уларни Шахсий ғазна ҳисобварақларидан берилган кўчирмаларни рўйхатдан ўтказиш журналида рўйхатдан ўтказади. Буюртмачиларнинг масъул ходимлари Шахсий ғазна ҳисобварақларидан кўчирма олишда журналга кўчирмани олганлиги тўғрисида тегишли белги қўяди.

Бунда ғазначилик бўлинмаларида Шахсий ғазна ҳисобварақларидан берилган кўчирмаларни рўйхатдан ўтказиш журнали ҳар бир буюртмачи бўйича алоҳида очилади ва юритилади.

Буюртмачилар кўчирмаларни "UzASBO" ДМдан электрон тарзда олган ҳолларда Шахсий ғазна ҳисобварақларидан берилган кўчирмаларни рўйхатдан ўтказиш журнали юритилмайди.



9-БОБ. БУЮРТМАЧИЛАРНИНГ ЯҒҲга МАБЛАҒ УНДИРИШ

БЎЙИЧА ИНКАССО ТОПШИРИҚНОМАЛАРИ ВА ТЎЛОВ

ТАЛАБНОМАЛАРИНИ ИЖРО ЭТИШ


191. Буюртмачиларнинг инкассо топшириқномалари ва тўлов талабномалари Ўзбекистон Республикасида нақд пулсиз ҳисоб-китоблар тўғрисидаги низом (рўйхат рақами 2465, 2013 йил 3 июнь) талаблари доирасида расмийлаштирилади ва ғазначилик бўлинмасига тақдим этилади.

Бунда инкассо топшириқномаси ва тўлов талабномасининг "Маблағларни олувчининг номи" устунида "Ўзбекистон Республикаси Молия вазирлиги Ғазначилиги", "Маблағларни олувчининг ҳисобварағи" устунида - ЯҒҲ, "Тўлов мақсадида" устунида - тўлов коди, буюртмачининг тегишли шахсий ғазна ҳисобварағи ҳамда инкассо топшириқномасини ёки тўлов талабномасини қўйиш учун асос бўлган ҳужжатлар реквизити кўрсатилади.


192. Буюртмачилар томонидан инкассо топшириқномаси тегишли ҳужжатлар билан биргаликда хизмат кўрсатувчи ғазначилик бўлинмаларига қуйидагича тақдим этилади:

тўловчига Ўзбекистон Республикаси Марказий банкининг Тошкент шаҳар Бош бошқармаси Ҳисоб-китоб-касса-марказида хизмат кўрсатилганида беш нусхада. Бунда буюртмачининг тегишли ваколатли шахслари томонидан имзоланган ва муҳр изи билан тасдиқланган инкассо топшириқномасининг биринчи нусхаси буюртмачининг ғазначилик бўлинмасига инкассо топшириқномасини қўйиш учун топшириғи бўлиб хизмат қилади. Инкассо топшириқномасининг иккинчи, учинчи, тўртинчи ва бешинчи нусхалари ғазначилик бўлинмасининг ваколатли ва масъул ходими томонидан имзоланади, ғазначилик бўлинмасининг муҳр изи билан тасдиқланади ҳамда Ўзбекистон Республикаси Марказий банкининг Тошкент шаҳар Бош бошқармаси Ҳисоб-китоб-касса-марказига тақдим этилади. Инкассо топшириқномасининг бешинчи нусхаси қабул қилинган сана кўрсатилиб, ЯҒҲга хизмат кўрсатувчи банк бухгалтери имзоси ва мазкур бухгалтерга бириктирилган муҳр билан тасдиқланган ҳолда ғазначилик бўлинмасига қайтарилади;

бир ҳудуд ичида ҳисоб-китобларни амалга оширишда (ғазначилик бўлинмаси тўловчига хизмат кўрсатувчи банк билан битта ҳудудда (шаҳар ёки туманда) жойлашган бўлса) тўрт нусхада. Бунда буюртмачининг тегишли ваколатли шахслари томонидан имзоланган ва муҳр изи билан тасдиқланган инкассо топшириқномасининг биринчи нусхаси буюртмачининг ғазначилик бўлинмасига инкассо топшириқномасини қўйиш учун топшириғи бўлиб хизмат қилади. Инкассо топшириқномасининг иккинчи, учинчи ва тўртинчи нусхалари ғазначилик бўлинмасининг ваколатли ва масъул ходими томонидан имзоланади, ғазначилик бўлинмасининг муҳр изи билан тасдиқланади ҳамда бевосита тўловчига хизмат кўрсатувчи банкка тақдим этилади. Инкассо топшириқномасининг тўртинчи нусхаси қабул қилинган сана кўрсатилиб, тўловчига хизмат кўрсатувчи банк бухгалтери имзоси ва мазкур бухгалтерга бириктирилган муҳр билан тасдиқланган ҳолда ғазначилик бўлинмасига қайтарилади;

ҳудудлараро ҳисоб-китобларни амалга оширишда (ғазначилик бўлинмаси тўловчига хизмат кўрсатувчи банк билан турли ҳудудда (шаҳар ёки туманда) жойлашган бўлса) тўрт нусхада. Бунда буюртмачининг тегишли ваколатли шахслари томонидан имзоланган ва муҳр изи билан тасдиқланган инкассо топшириқномасининг биринчи нусхаси буюртмачининг ғазначилик бўлинмасига инкассо топшириқномасини қўйиш учун топшириғи бўлиб хизмат қилади. Инкассо топшириқномасининг иккинчи, учинчи ва тўртинчи нусхалари ғазначилик бўлинмасининг ваколатли ва масъул ходими томонидан имзоланади, ғазначилик бўлинмасининг муҳр изи билан тасдиқланади ҳамда бевосита тўловчига хизмат кўрсатувчи банкка тақдим этилади. Инкассо топшириқномасининг тўртинчи нусхаси қабул қилинган сана кўрсатилиб, тўловчига хизмат кўрсатувчи банк бухгалтери имзоси ва мазкур бухгалтерга бириктирилган муҳр билан тасдиқланган ҳолда ғазначилик бўлинмасига қайтарилади.


193. Буюртмачилар томонидан тўлов талабномаси тегишли ҳужжатлар билан биргаликда хизмат кўрсатувчи ғазначилик бўлинмаларига қуйидагича тақдим этилади:

тўловчига Ўзбекистон Республикаси Марказий банкининг Тошкент шаҳар Бош бошқармаси Ҳисоб-китоб-касса-марказида хизмат кўрсатилганида тўрт нусхада. Бунда буюртмачининг тегишли ваколатли шахслари томонидан имзоланган ва муҳр изи билан тасдиқланган тўлов талабномасининг биринчи нусхаси буюртмачининг ғазначилик бўлинмасига тўлов талабномасини қўйиш учун топшириғи бўлиб хизмат қилади. Тўлов талабномасининг иккинчи, учинчи ва тўртинчи нусхалари ғазначилик бўлинмасининг ваколатли ва масъул ходими томонидан имзоланади, ғазначилик бўлинмасининг муҳр изи билан тасдиқланади ҳамда Ўзбекистон Республикаси Марказий банкининг Тошкент шаҳар Бош бошқармаси Ҳисоб-китоб-касса-марказига тақдим этилади. Тўлов талабномасининг тўртинчи нусхаси қабул қилинган сана кўрсатилиб, тўловчига хизмат кўрсатувчи банк бухгалтери имзоси ва мазкур бухгалтерга бириктирилган муҳр билан тасдиқланган ҳолда ғазначилик бўлинмасига қайтарилади.

олувчи ва тўловчига турли банкларда хизмат кўрсатилганида тўрт нусхада. Бунда буюртмачининг тегишли ваколатли шахслари томонидан имзоланган ва муҳр изи билан тасдиқланган тўлов талабномасининг биринчи нусхаси буюртмачининг ғазначилик бўлинмасига тўлов талабномасини қўйиш учун топшириғи бўлиб хизмат қилади. Тўлов талабномасининг иккинчи, учинчи ва тўртинчи нусхалари ғазначилик бўлинмасининг ваколатли ва масъул ходими томонидан имзоланади, ғазначилик бўлинмасининг муҳр изи билан тасдиқланади ҳамда бевосита тўловчига хизмат кўрсатувчи банкка тақдим этилади. Тўлов талабномасининг тўртинчи нусхаси қабул қилинган сана кўрсатилиб, тўловчига хизмат кўрсатувчи банк бухгалтери имзоси ва мазкур бухгалтерга бириктирилган муҳр билан тасдиқланган ҳолда ғазначилик бўлинмасига қайтарилади.


194. Ғазначилик бўлинмаси томонидан инкассо топшириқномаси ва тўлов талабномаси "Банк-мижоз" дастурий мажмуидан фойдаланган ҳолда электрон тарзда ижро этилганида буюртмачи томонидан инкассо топшириқномаси ва тўлов талабномаси икки нусхада тақдим қилинади.

Бунда буюртмачининг тегишли мансабдор шахслари томонидан имзоланган ва муҳр изи билан тасдиқланган инкассо топшириқномаси ва тўлов талабномасининг биринчи нусхаси буюртмачининг ғазначилик бўлинмасига инкассо топшириқномасини ва тўлов талабномасини қўйиш учун топшириғи бўлиб хизмат қилади. Иккинчи нусхаси буюртмачининг шахсий ғазна ҳисобварағидан кўчирма билан биргаликда буюртмачининг масъул ходимига берилади.



10-БОБ. УНДИРУВНИ ДАВЛАТ БЮДЖЕТИ

МАБЛАҒЛАРИГА ҚАРАТИШНИ НАЗАРДА ТУТУВЧИ

ИЖРО ҲУЖЖАТЛАРИНИ ИЖРО ЭТИШ БЎЙИЧА ЮРИДИК

ВА МОЛИЯВИЙ МАЖБУРИЯТЛАРНИ РЎЙХАТДАН ЎТКАЗИШ

ВА ТЎЛОВЛАРНИ АМАЛГА ОШИРИШ


195. Ижро ҳужжатида фойдасига давлат бюджети маблағлари ўтказилиши назарда тутилган шахслар ёхуд уларнинг вакилларининг молия органларига мурожаатини молия органлари томонидан кўриб чиқиш ва ижро ҳужжатининг ижроси юзасидан тегишли чораларни кўриш Ўзбекистон Республикаси Вазирлар Маҳкамасининг 2014 йил 13 майдаги 120-сон қарори билан тасдиқланган Ижро ҳужжатлари бўйича ундирувни Ўзбекистон Республикасининг Давлат бюджети маблағларига ва бюджет ташкилотларининг молиявий мажбуриятларига қаратиш тартиби тўғрисида низомга мувофиқ (бундан буён матнда Низом деб юритилади) амалга оширилади.


196. Молия органлари ижро ҳужжатини Низомга мувофиқ кўриб чиққанларидан сўнг агар ижро ҳужжатини ижро этмасдан қайтаришга асослар бўлмаса, ариза келиб тушган кундан бошлаб 27 кун ичида:

пул маблағлари ундирувчининг банк ҳисобварағига ўтказиб бериладиган тегишли шахсий ғазна ҳисобварағини очади;

ижро ҳужжатига мувофиқ маблағни тўлаб бериш учун "ЎРМВ" АТда юридик мажбуриятни шакллантиради ва тасдиқлайди, шунинг билан биргаликда ушбу юридик мажбурият асосида тўлов ҳужжатини шакллантиради ва маъқуллайди;

ижро ҳужжатининг аслини ғазначилик бўлинмаларига тақдим этади.

Агар ижро варақаси ёки суд буйруғи судьянинг электрон рақамли имзоси билан тасдиқланган электрон ҳужжат тарзида ахборот тизими орқали юборилган бўлса, унинг асл нусхасини тақдим этиш талаб этилмайди.

197. Ғазначилик бўлинмаларининг масъул ходимлари молия органлари томонидан ижро ҳужжатининг асли тақдим этилганидан сўнг икки иш куни муддатида молия органлари томонидан "ЎРМВ" АТда маъқулланган тўлов ҳужжатини тасдиқлаш ва тўловни амалга ошириш йўли билан ижро ҳужжати ижросини таъминлайди ва ижро ҳужжатининг аслини тегишли молия органига қайтаради.

Ундирувчининг аризаси ва ижро ҳужжатининг асли молия органида сақланади.

200. Тўловни амалга ошириш учун тегишли бюджетнинг шахсий ғазна ҳисобварағида маблағлар йўқ ёки етарли бўлмаганда ғазначилик бўлинмалари ижро ҳужжатининг ижросини тўхтатиб туриш, кечиктириш, бўлиб-бўлиб ижро этиш, ижро этиш усули ва тартибини ўзгартиришни "Суд ҳужжатлари ва бошқа органлар ҳужжатларини ижро этиш тўғрисида"ги Қонунда белгиланган тартибда амалга ошириш бўйича тегишли чораларни кўриш учун ёзма равишда тегишли молия органини хабардор қилади.



11-БОБ. БЮДЖЕТ ТАШКИЛОТЛАРИНИНГ

МОЛИЯВИЙ МАЖБУРИЯТЛАРИ БЎЙИЧА УНДИРУВНИ

НАЗАРДА ТУТУВЧИ ИЖРО ҲУЖЖАТЛАРИНИ ИЖРО ЭТИШ

БЎЙИЧА ЮРИДИК ВА МОЛИЯВИЙ МАЖБУРИЯТЛАРНИ

РЎЙХАТДАН ЎТКАЗИШ ВА ҲИСОБГА ОЛИШ ҲАМДА

ТЎЛОВЛАРНИ АМАЛГА ОШИРИШ


201. Бюджет ташкилотларининг молиявий мажбуриятлари бўйича ундирувни назарда тутувчи ижро ҳужжатларини ижро этиш Низомга мувофиқ амалга оширилади.


202. Ижро ҳужжатларида қарздор-бюджет ташкилотининг тўғри реквизитлари (ЯҒҲ, шахсий ғазна ҳисобварағи ёки банк ҳисобварағи) кўрсатилиши лозим. Қарздорнинг реквизитлари нотўғри кўрсатилган ижро ҳужжатлари ғазначилик бўлинмалари томонидан реквизитларни аниқлаштириш учун қайтарилади.


203. Бюджет ташкилотларининг молиявий мажбуриятлари бўйича ундирувни назарда тутувчи ижро ҳужжатларини ижро этиш:

биринчи навбатда бюджет ташкилотининг бюджетдан ташқари жамғармаси маблағлари ҳисобига;

тўланиши лозим бўлган қарз бюджет ташкилотининг харажатлар сметаси бўйича харажатлар моддасига мувофиқ бўлганда - бюджетдан ажратиладиган маблағлар ҳажми доирасида амалга оширилади.


204. Ғазначилик бўлинмалари ижро ҳужжатлари ҳисобини алоҳида Ижро ҳужжатлари ва суд ҳужжатларини рўйхатдан ўтказиш журналида "ЎРМВ" АТда электрон кўринишда юритади.


205. Ғазначилик бўлинмалари ижро ҳужжатини олганидан сўнг ўн кунлик муддатда унинг ижросини қуйидаги йўл билан таъминлайди:

бюджет маблағлари бўйича харажатлар сметасининг тегишли моддаси ва бюджет ташкилотининг барча бюджетдан ташқари шахсий ғазна ҳисобварақлари бўйича тўловларни ва шартномаларни рўйхатдан ўтказишни ёки ҳисобга олишни вақтинчалик тўхтатиш, шунингдек бюджет ташкилотининг маблағларидан фойдаланиш бўйича ижро ҳужжатида назарда тутилган чекловларни таъминлаш;

ижро ҳужжатини илова қилган ҳолда тегишли харажатлари вақтинчалик тўхтатилганлиги тўғрисида бюджет ташкилотини ёзма хабардор қилиш;

бюджет ташкилотининг шахсий ғазна ҳисобварағидан бюджет ташкилотининг бюджетдан ташқари жамғармаси маблағлари қолдиғи доирасида маблағларни ўтказиш, бюджет ташкилотининг бюджетдан ташқари жамғармасида маблағлар йўқ ёки етарли бўлмаганида ҳамда қарздорлик бюджет ташкилотининг харажатлар сметаси бўйича харажатлар моддасига мувофиқ бўлганда - бюджетдан ажратиладиган маблағлар ҳажми доирасида амалга ошириш.


206. Бюджет ташкилотлари ижро ҳужжатини ёки ғазначилик бўлинмасининг тегишли хабарномасини олганидан сўнг маблағларни ўтказиб бериш учун икки иш куни ичида "UzASBO" ДМда буюртма шакллантиради ва электрон ҳужжат шаклида электрон рақамли имзо билан тасдиқлаган ҳолда ғазначилик бўлинмаларига юборади.

Ғазначилик бўлинмасининг масъул ходими буюртмани икки иш куни ичида электрон рақамли имзо билан тасдиқлаган ҳолда "ЎРМВ" АТда электрон тарзда рўйхатдан ўтказади ёки ҳисобга олади, камчиликлар аниқланганида эса тегишли камчиликларини кўрсатган ҳолда электрон тарзда бюджет ташкилотига қайтаради.

206-1. Ғазначилик бўлинмасида буюртма рўйхатдан ўтказилганидан сўнг бюджет ташкилотлари бир иш куни ичида "UzASBO" ДМда тўлов ҳужжати шакллантиради ва электрон ҳужжат шаклида электрон рақамли имзо билан тасдиқлаган ҳолда ғазначилик бўлинмаларига электрон шаклини юборади.

Ғазначилик бўлинмасининг масъул ходими тўлов ҳужжатини "ЎРМВ" АТда электрон рақамли имзо билан тасдиқлаган ҳолда тўловни амалга оширади, тўлов ҳужжатида камчиликлар аниқланганида эса тегишли камчиликларини кўрсатган ҳолда электрон тарзда бюджет ташкилотига қайтаради.

207. Бюджет ташкилотлари томонидан мазкур Қоидаларнинг 206 ва 206-1-бандларида кўрсатилган ҳужжатлар тақдим этилмаганида ёки муддатида тақдим этилмаганида ғазначилик бўлинмалари мазкур Қоидаларнинг 205-бандида кўрсатилган тартибда ва муддатларда ижро ҳужжати бўйича тўловни мустақил амалга оширади.

208. Бюджет ташкилотларининг тегишли шахсий ғазна ҳисобварақларида бюджетдан ташқари маблағлар йўқ ёки етарли бўлмаганида ижро ҳужжати бўйича тўлов бюджет маблағлари бўйича харажатлар сметасининг тегишли моддасидан амалга оширилади.

Бунда харажатлар сметасининг тегишли моддасида юридик мажбуриятлар билан банд қилинмаган маблағлар мавжуд бўлмаса, бюджет ташкилотлари тегишли модда бўйича қабул қилинган юридик мажбуриятлар суммасини камайтириш бўйича тегишли чораларни кўришлари шарт.


209. Бюджет ташкилотининг бюджетдан ташқари маблағлари ва харажатлар сметасининг тегишли моддаси бўйича бюджетдан ажратилган маблағлар қолдиғи йўқ ёки етарли бўлмаган тақдирда, ғазначилик бўлинмаси бюджет ташкилотига харажатлар сметасига тегишли ўзгартиришлар киритиш тўғрисида талабнома юборади.


210. Бюджет ташкилотларининг бюджетдан ташқари жамғармаси бўйича шахсий ғазна ҳисобварағида ёки бюджет маблағлари бўйича харажатлар сметасининг тегишли моддаларида маблағлар йўқ ёки етарли бўлмаган ҳолда бюджет ташкилотлари тегишли молия органига ижро ҳужжатига асосан тўлаш учун бюджет маблағлари бўйича харажатлар сметасига тегишли ўзгартириш киритиш йўли билан маблағларни тўлиқ тўлаши бўйича уч иш куни ичида тегишли чораларни кўриш юзасидан мурожаат қилади.


211. Бюджетдан ташқари шахсий ғазна ҳисобварағида бюджетдан ташқари маблағлар ёки бюджет маблағлари бўйича харажатлар сметасининг тегишли моддасида режалаштирилган маблағлар етарли бўлмаганлиги сабабли ижро ҳужжати асосида маблағлар тўлиқ ўтказилмаган ҳолларда кейинчалик бюджет ташкилотининг бюджетдан ташқари шахсий ғазна ҳисобварағидан, шунингдек бюджет ташкилотининг бюджет маблағлари бўйича харажатлар сметасининг тегишли моддалари бўйича юридик мажбуриятларни қабул қилиш ижро ҳужжатида кўрсатилган маблағлар тўлиқ тўланганидан сўнг амалга оширилади.


12-БОБ. БЮДЖЕТЛАРАРО ТРАНСФЕРТЛАР

БЎЙИЧА ТЎЛОВЛАРНИ АМАЛГА ОШИРИШ


212. Ўзбекистон Республикаси республика бюджетидан бюджетлараро трансфертлар Ўзбекистон Республикаси республика бюджетининг шахсий ғазна ҳисобварағидан Қорақалпоғистон Республикаси республика бюджети, вилоятларнинг вилоят бюджетлари ҳамда Тошкент шаҳри шаҳар бюджети, шунингдек ДМЖ бюджетларининг шахсий ғазна ҳисобварақларига ҳамда бунинг аксича ўтказилади.


213. Қорақалпоғистон Республикаси республика бюджети, вилоятлар вилоят бюджетлари ҳамда Тошкент шаҳри шаҳар бюджетидан бюджетлараро трансфертлар уларнинг шахсий ғазна ҳисобварақларидан туманлар ва шаҳарлар бюджетларининг шахсий ғазна ҳисобварақларига ҳамда бунинг аксича ўтказилади.


214. ДМЖ бюджетларидан бюджетлараро трансфертлар уларнинг шахсий ғазна ҳисобварақларидан Ўзбекистон Республикаси республика бюджетининг шахсий ғазна ҳисобварағига ҳамда бунинг аксича ўтказилади.


215. Бюджетлараро транфертларни ўтказиш Ўзбекистон Республикаси республика бюджетидан бюджет маблағларини ўтказиш учун сўровнома ва ғазначилик мемориал ордерлари асосида амалга оширилади.


216. Бюжетлараро трансфертлар бўйича ҳисоб-китоблар жорий молия йилида қўшимча вақт даврини ҳисобга олган ҳолда якунланиши лозим.


217. Маҳаллий бюджетдан ўз муддатида қайтарилмаган бюджет ссудалари ва ўзаро ҳисоб-китоблар бўйича юқори бюджет олдидаги қарздорликларни сўзсиз ундириш учун маблағларни Қорақалпоғистон Республикаси, вилоятлар ва Тошкент шаҳри, шунингдек ДМЖ бюджетларидан Ўзбекистон Республикаси республика бюджетига ундиришда Молия вазирлигининг тегишли бошқармалари томонидан Молия вазирлиги Ғазначилигига, Қорақалпоғистон Республикаси, вилоятлар ва Тошкент шаҳри бюджетларига туман ва шаҳар бюджетларидан ундиришда Қорақалпоғистон Республикаси, вилоятлар ва Тошкент шаҳри молия бошқармалари томонидан Қорақалпоғистон Республикаси, вилоятлар ва Тошкент шаҳри бўйича ғазначилик бошқармаларига тегишли мазмундаги хат билан биргаликда икки нусхада Бюджет маблағларини ўтказиш (сўзсиз ундириш) учун сўровнома тақдим этади.


218. Ғазначилик бўлинмаларининг масъул ходимлари Бюджет маблағларини ўтказиш (сўзсиз ундириш) учун сўровномаларини қабул қилганларидан сўнг сўровномада камчиликлар аниқланмаса сўровномаларининг иккала нусхасига қабул қилиб олган санасини кўрсатган ҳолда ўз имзоларини қўяди ҳамда бир нусхасини Бюджет маблағларини ўтказиш (сўзсиз ундириш) учун сўровномани юборган молия органига қайтаради. Бюджет маблағларини ўтказиш (сўзсиз ундириш) учун сўровномада камчиликлар аниқланганида камчиликларни бартараф этиш учун сўровноманинг иккала нусхасини молия органига қайтаради.


219. Ғазначилик бўлинмалари молия органларининг Бюджет маблағларини ўтказиш (сўзсиз ундириш) учун сўровномани қабул қилиб олганидан сўнг шу иш кунининг ўзида "ЎРМВ" АТда маблағларни сўзсиз ундириш учун ғаначилик мемориал ордери шакллантиради ва ғазначилик мемориал ордери "ЎРМВ" АТда автоматик тарзда бажарилади.



13-БОБ. ҚЎШИМЧА ВАҚТ ДАВРИДА БЮДЖЕТ

ТИЗИМИ БЮДЖЕТЛАРИНИНГ ҒАЗНА ИЖРОСИ


220. Кейинги йилнинг январь ойи молия йилига қўшимча вақт даври бўлиб, бу давр мобайнида ўтган йил учун бюджет тизими бюджетларининг ижроси амалга оширилади. Молия вазирлиги бюджет тизими бюджетларининг қўшимча вақт давридаги ижроси бўйича операцияларни ўтказиш тартибини ва охирги муддатларини белгилайди.


221. Қўшимча вақт даврида молия органлари, ғазначилик бўлинмалари, шунингдек бюджет ташкилотлари ва бюджет маблағлари олувчилари томонидан жорий молия йили учун Давлат бюджети ва ДМЖ бюджетларини ижро этиш бўйича операциялар, шу жумладан:

бюджетлараро муносабатларни тартибга солиш;

бюджет ташкилотлари ва бюджет маблағлари олувчиларнинг кредиторлик қарзларини тўлаш;

бюджет ташкилотлари томонидан иқтисод қилинган маблағлар суммаларини Бюджет ташкилотларининг ривожлантириш жамғармаларига (Тиббиёт ташкилотларининг моддий рағбатлантириш ва ривожлантириш жамғармаларига) ўтказиш;

Давлат бюджети ва ДМЖ бюджетлари маблағлари ҳисобидан бошқа рухсат этилган тўловлар амалга оширилади.

Бунда молия йили учун қўшимча вақт даври бюджет ташкилотларининг бюджетдан ташқари жамғармаларига татбиқ этилмайди, иқтисод қилинган маблағларни Бюджет ташкилотларининг ривожлантириш жамғармаларига (Тиббиёт ташкилотларининг моддий рағбатлантириш ва ривожлантириш жамғармаларига) ўтказиш бундан мустасно.


222. Қўшимча вақт даврида кредитор қарздорликлар ўтган йилги харажатлар сметасининг қайси харажатлар моддаси бўйича юзага келган бўлса, шу харажатлар моддаси бўйича тўланади.


223. Кредитор қарздорликларни тўлаб бериш учун буюртмачилар томонидан ғазначилик бўлинмаларига қуйидаги ҳужжатлар тақдим этилади:

буюртмачи ва товарлар (ишлар, хизматлар) етказиб берувчи (пудратчи) ўртасида ўтган йил якуни бўйича тузилган солиштириш далолатномаси нусхаси;

Молиявий мажбуриятларни рўйхатдан ўтказишга (ҳисобга олишга) буюртма ва товарлар (ишлар, хизматлар)ни етказиб берилганлигини тасдиқловчи ҳисобварақ-фактуралар нусхалари;

тўлов топшириқномалари (бунда тўлов мақсадида қўшимча равишда "ўтган йилги кредитор қарздорликни тўлаш" кўрсатилади);

ўтган йилнинг декабрь ойи учун ўтувчи кредитор қарздорликни тўлаш жорий молия йилининг харажатлар сметасида (вақтинчалик харажатлар сметасини ҳисобга олган ҳолда) назарда тутилган бюджетдан ажратиладиган маблағлар ҳисобидан амалга оширилади.


223-1. "UzASBO" ДМга уланган буюртмачилар кредитор қарздорликларни тўлаб бериш учун буюртма шакллантиради ва электрон ҳужжат шаклида электрон рақамли имзо билан тасдиқлаган ҳолда ғазначилик бўлинмаларига юборади. "UzASBO" ДМ орқали электрон ҳужжат шаклида электрон рақамли имзо билан тасдиқланган ҳолда ғазначилик бўлинмаларига юборилган буюртма қоғоз шаклида расмийлаштирилмайди. Буюртма учун асос бўлган ҳужжатлар, жумладан буюртмачи ва товарлар (ишлар, хизматлар) етказиб берувчи (пудратчи) ўртасида ўтган йил якуни бўйича тузилган солиштириш далолатномаси ва товарлар (ишлар, хизматлар)ни етказиб берилганлигини тасдиқловчи ҳисобварақ-фактуралар ғазначилик бўлинмаларига тақдим этилмайди ва буюртмачиларда сақланади.

223-2. Ғазначилик бўлинмасининг масъул ходими буюртмада кўрсатилган кредиторлик қарздорликни "ЎРМВ" АТда ўтган молия йилида рўйхатдан ўтказилган шартнома билан солиштиради. Маълумотлар мувофиқ бўлганида ва буюртмада кредиторлик қарздорликни тўлаш учун кўрсатилган маблағ мазкур шартнома бўйича тўланмаган маблағ миқдоридан ошмаса буюртмани икки иш куни ичида электрон рақамли имзо билан тасдиқлаган ҳолда "ЎРМВ" АТда электрон тарзда рўйхатдан ўтказади ёки ҳисобга олади, камчиликлар аниқланганида эса тегишли камчиликларини кўрсатган ҳолда электрон тарзда бюджет ташкилотига қайтаради.

223-3. Ғазначилик бўлинмасида буюртма рўйхатдан ўтказилганидан сўнг бюджет ташкилотлари "UzASBO" ДМда тўлов ҳужжати шакллантиради ва электрон ҳужжат шаклида электрон рақамли имзо билан тасдиқлаган ҳолда ғазначилик бўлинмаларига юборади.

Ғазначилик бўлинмасининг масъул ходими тўлов ҳужжатини "ЎРМВ" АТда электрон рақамли имзо билан тасдиқлаган ҳолда тўловни амалга оширади, тўлов ҳужжатида камчиликлар аниқланганида эса тегишли камчиликларини кўрсатган ҳолда электрон тарзда бюджет ташкилотига қайтаради.

224. Қўшимча вақт даврида кредитор қарздорликни қоплаш ёки маблағларни Бюджет ташкилотларининг ривожлантириш жамғармаларига ва Тиббиёт ташкилотларининг моддий рағбатлантириш ва ривожлантириш жамғармаларига ўтказиш бўйича тўлов топшириқномалари ва ғаначилик мемориал ордерларини тўлдиришда тўлов топшириқномалари ва ғаначилик мемориал ордерларининг тўлов мақсадида мос равишда "20__ йил учун кредитор қарздорликни қоплаш" ёки "20__ йил учун иқтисод қилинган маблағларни Бюджет ташкилотининг ривожлантириш жамғармаларига (Тиббиёт ташкилотларининг моддий рағбатлантириш ва ривожлантириш жамғармаларига) ўтказиш" ёзуви ёзилади.


225. Иқтисод қилинган маблағларни Бюджет ташкилотларининг ривожлантириш жамғармаси ва Тиббиёт ташкилотларининг моддий рағбатлантириш ва ривожлантириш жамғармасига ўтказиш учун бюджет ташкилотлари "UzASBO" ДМда тўлов ҳужжати шакллантиради ва электрон ҳужжат шаклида электрон рақамли имзо билан тасдиқлаган ҳолда "ЎРМВ" АТга юборади.

Иқтисод қилинган маблағларни Бюджет ташкилотларининг ривожлантириш жамғармаси ва Тиббиёт ташкилотларининг моддий рағбатлантириш ва ривожлантириш жамғармасига ўтказиш тўлов ҳужжати молия органлари томонидан "ЎРМВ" АТда маъқулланганидан сўнг ғазначилик бўлинмалари томонидан амалга оширилади.

226. Ўтган йилги кредитор қарздорликни қоплаш, шунингдек Бюджет ташкилотларининг ривожлантириш жамғармаси ва Тиббиёт ташкилотларининг моддий рағбатлантириш ва ривожлантириш жамғармасига иқтисод қилинган маблағларни ўтказиш бўйича тўлов топшириқномалар ёки ғазначилик мемориал ордерлари ғазначилик бўлинмаларига молия йилига қўшимча вақт даври тугашидан икки иш куни олдин тақдим қилиниши лозим.

227. Кредитор қарздорликни тўлаш ҳамда шахсий ғазна ҳисобварақларида қолган иқтисод қилинган маблағларни ўтказиш учун тўлов топшириқномалар ва ғазначилик мемориал ордерлари молия йилига қўшимча вақт даври тугашидан икки иш куни олдин тақдим этилмаган ҳолларда бюджетдан ажратилган маблағлар белгиланган мақсадни йўқотади ва тегишли бюджетларнинг қолдиқлари бўлиб ҳисобланади.

228. Қўшимча вақт даврида Ўзбекистон Республикасининг республика бюджети, Қорақалпоғистон Республикасининг республика бюджети, вилоятларнинг вилоят бюджетлари ва Тошкент шаҳрининг шаҳар бюджети, туманлар ва шаҳарлар бюджетларининг тегишли шахсий ғазна ҳисобварақларига тегишлилиги бўчиа ўтган йил мобайнида ишлатилмаган:

Ўзбекистон Республикаси Вазирлар Маҳкамасининг, Қорақалпоғистон Республикаси республика бюджетининг, вилоятлар вилоят бюджетларининг ва Тошкент шаҳри шаҳар бюджетининг, туманлар ва шаҳарлар бюджетининг захира жамғармаларидан ажратилган;

ўтган йил учун давлат ташқи қарзини тўлаш учун ажратилган маблағларнинг тикланиши амалга оширилади.


229. Ўзбекистон Республикаси Вазирлар Маҳкамасининг, Қорақалпоғистон Республикаси республика бюджетининг, вилоятлар вилоят бюджетларининг ва Тошкент шаҳри шаҳар бюджетининг, туманлар ва шаҳарлар бюджетининг захира жамғармаларидан ажратилган, шунингдек ўтган молия йили учун давлат ташқи қарзини тўланишига олдин ажратилган ва ўтказилган маблағларнинг ўтган молия йили мобайнида фойдаланилмаган қисмининг мажбурий равишда тегишлилиги бўйича Ўзбекистон Республикасининг республика бюджети, Қорақалпоғистон Республикасининг республика бюджети, вилоятларнинг вилоят бюджетлари ва Тошкент шаҳрининг шаҳар бюджети, туманлар ва шаҳарлар бюджетларига қайтариб ўтказилиши молия йили якунлангандан кейин кейинги йилнинг 10 январидан кечикмаган муддатда амалга оширилади.

230. Агар захира жамғармасидан маблағлар ажратилган тадбирлар муайян муддатга эга бўлса, фойдаланилмай қолган маблағлар олувчи томонидан тадбирлар ўтказиш муддати тугаши билан ўн иш куни мобайнида белгиланган шаклдаги ҳисоботни тақдим этиш билан бирга қайтарилади.



14-БОБ. ҚЎШИМЧА ВАҚТ ДАВРИ ЯКУНЛАНГАНИДАН

СЎНГ КРЕДИТОР ҚАРЗДОРЛИКНИНГ ТЎЛАНИШИ


231. Қўшимча вақт даври якунланганидан сўнг бюджет ташкилотларининг кредитор қарздорлиги биринчи навбатда бюджет ташкилотларининг бюджетдан ташқари жамғармалари маблағлари ҳисобидан тўланади.


232. Бюджет ташкилотларининг бюджетдан ташқари жамғармаларида маблағлар мавжуд бўлмаганда ёки етарли бўлмаган ҳолларда ўтган йилнинг кредитор қарздорлигини жорий молия йили харажатлар сметаларида (вақтинчалик сметаларни ҳисобга олган ҳолда) назарда тутилган маблағлар ҳисобидан тўлаб берилади. Бунда жорий молия йилининг харажатлар сметасида кредитор қарздорликни (бюджет ташкилотлари томонидан тақдим қилинган тасдиқланган сметалар ва юзага келган кредитор қарздорлик бўйича тегишли ҳисоб-китоблар асосида) тўлаш учун зарур маблағлар назарда тутилганлиги тўғрисидаги бюджет маблағларини тақсимловчилар (Ўзбекистон Республикасининг республика бюджетидан маблағ оладиган ташкилотлар бўйича), ҳудудий молия органлари, ДМЖ ва БМЖ тақсимловчи органларнинг ёзма хулосаси мавжуд бўлгандагина тўловлар амалга оширилади.

Бунда бюджет маблағлари бўйича жорий молия йили учун харажатлар сметасининг тегишли моддаси бўйича қабул қилинадиган юридик мажбуриятлар суммаси ўтган йилнинг кредитор қарздорлигини тўлаш учун йўналтирилган суммага камайтирилади. Буюртмачиларнинг етказиб берувчилар билан даврий асосда тузиладиган шартномалари бўйича кредитор қарздорлик суммаси шартномада жорий молия йили учун қабул қилинадиган юридик мажбуриятлар суммалари ва кредитор қарздорлик суммалари алоҳида кўрсатилади.


233. Буюртмачилар ўтган молия йилининг кредиторлик қарздорлигини тўлаш учун тегишли ғазначилик бўлинмаларига қуйидаги ҳужжатларни тақдим этади:

икки асл нусхада Тўловлар жадвали ва Юридик мажбуриятларни рўйхатдан ўтказишга (ҳисобга олишга) буюртма;

кредитор қарздорлик тўланиши назарда тутилган маблағлар манбаси, тегишли шахсий ғазна ҳисобварағи ва бошқа реквизитлар кўрсатилган хат;

ушбу қарздорлик юзага келган ўтган молия йилидаги шартнома нусхаси;

Молиявий мажбуриятларни рўйхатдан ўтказишга (ҳисобга олишга) буюртма ва товарлар (ишлар, хизматлар) етказиб берилганлигини тасдиқловчи ҳисоб-фактуралар нусхаси;

буюртмачининг товарлар (ишлар, хизматлар) етказиб берувчи (пудратчи) билан тузилган солиштириш далолатномаси (қўшимча вақт даврида амалга оширилган ҳисоб-китобларни инобатга олган ҳолда);

жорий молия йилининг харажатлар сметасида кредитор қарздорликни (кредитор қарздорлик бюджетдан ажратилган маблағлар ҳисобидан тўланган ҳолларда) тўлаш учун зарур маблағлар назарда тутилганлиги тўғрисидаги мазкур Қоидаларнинг 232-бандида кўрсатилган ёзма хулоса;

белгиланган тартибда расмийлаштирилган тўлов топшириқномаси ва ғазначилик мемориал ордери (бунда тўлов мақсадида қўшимча равишда "ўтган йилги кредитор қарздорликни тўлаш" кўрсатилади).


233-1. "UzASBO" ДМга уланган буюртмачилар кредитор қарздорликларни тўлаб бериш учун "UzASBO" ДМда буюртма шакллантиради ва электрон ҳужжат шаклида электрон рақамли имзо билан тасдиқлаган ҳолда ғазначилик бўлинмаларига юборади. "UzASBO" ДМ орқали электрон ҳужжат шаклида электрон рақамли имзо билан тасдиқланган ҳолда ғазначилик бўлинмаларига юборилган буюртма қоғоз шаклида расмийлаштирилмайди. Буюртма учун асос бўлган ҳужжатлар, жумладан буюртмачи ва товарлар (ишлар, хизматлар) етказиб берувчи (пудратчи) ўртасида ўтган йил якуни бўйича тузилган солиштириш далолатномаси ва товарлар (ишлар, хизматлар)ни етказиб берилганлигини тасдиқловчи ҳисобварақ-фактуралар ғазначилик бўлинмаларига тақдим этилмайди ва буюртмачиларда сақланади.

233-2. Ғазначилик бўлинмасининг масъул ходими буюртмада кўрсатилган кредиторлик қарздорликни "ЎРМВ" АТда ўтган молия йилида рўйхатдан ўтказилган шартнома билан солиштиради. Маълумотлар мувофиқ бўлганида ва буюртмада кредиторлик қарздорликни тўлаш учун кўрсатилган маблағ мазкур шартнома бўйича тўланмаган маблағ миқдоридан ошмаса буюртмани икки иш куни ичида электрон рақамли имзо билан тасдиқлаган ҳолда "ЎРМВ" АТда электрон тарзда рўйхатдан ўтказади ёки ҳисобга олади, камчиликлар аниқланганида эса тегишли камчиликларини кўрсатган ҳолда электрон тарзда бюджет ташкилотига қайтарилади.

233-3. Ғазначилик бўлинмасида буюртма рўйхатдан ўтказилганидан сўнг бюджет ташкилотлари "UzASBO" ДМда тўлов ҳужжати шакллантиради ва электрон ҳужжат шаклида электрон рақамли имзо билан тасдиқлаган ҳолда ғазначилик бўлинмаларига юборади.

Ғазначилик бўлинмасининг масъул ходими тўлов ҳужжатини "ЎРМВ" АТда электрон рақамли имзо билан тасдиқлаган ҳолда тўловни амалга оширади, тўлов ҳужжатида камчиликлар аниқланганида эса тегишли камчиликларини кўрсатган ҳолда электрон тарзда бюджет ташкилотига қайтаради.

234. Буюртмачиларнинг тегишли ғазначилик бўлинмаларида рўйхатдан ўтказилмаган ҳамда ҳисобга олинмаган шартномалари бўйича юзага келган товарлар (ишлар, хизматлар) етказиб берувчилар (пудратчилар) олдидаги кредитор қарздорликлари тўлаб берилмайди.



15-БОБ. ЯКУНИЙ ҚОИДАЛАР


235. Бюджет тизими бюджетлари ва БМЖ бюджетларининг ғазна ижросини амалга ошириш жараёнида буюртмачилар ҳамда капитал қўйилма буюртмачилари қонун ҳужжатларига мувофиқ бюджет маблағларидан мақсадли фойдаланилишига, молия органлари ва ғазначилик бўлинмаларига тақдим этилган ҳужжатларнинг ҳаққонийлигига ва бюджет қонунчилиги талабларига риоя этилишга қонун ҳужжатларига мувофиқ жавобгардир.

Бунда "UzASBO" ДМ орқали ғазначилик бўлинмаларига электрон рақамли имзо билан тасдиқлаб юборилган электрон ҳужжатлардаги маълумотларнинг тўғрилиги, ҳужжатларнинг қоғоз ва электрон шаклининг ўзаро мувофиқлиги, электрон ҳужжатларга асос бўлган ҳужжатларнинг асли, шунингдек шартнома тузиш учун асос бўлган барча ҳужжатларнинг сақланиши учун буюртмачилар жавобгар ҳисобланади.

236. Ғазначилик бўлинмалари юридик ва молиявий мажбуриятларни ўз муддатида ва тўғри рўйхатдан ўтказилиши ва ҳисобга олинишига, тўловларнинг амалга оширилиши ҳамда талаб қилинадиган ҳужжатларнинг тўлиқлилигига, шунингдек ўз зиммасига юклатилган бошқа вазифаларни мазкур Қоидаларга мувофиқ бажаришга жавобгардир.


237. Мазкур Қоидалар талабларини бузилишида айбдор бўлган шахслар қонун ҳужжатларида белгиланган тартибда жавобгарликка тортилади.


238. Мазкур Қоидалар Ўзбекистон Республикаси Марказий банки билан келишилган.






Қоидаларга

1-ИЛОВА

Тўлов топшириқномаси



-сонли



Сана


кк.оо.йййй





          






Маблағларни тўловчининг номи



ДЕБЕТ







Маблағларни тўловчининг ҳисобварағи



Маблағларни тўловчининг СТИРи


      




Маблағларни тўловчига хизмат кўрсатувчи банк номи

       


Маблағларни тўловчига хизмат кўрсатувчи банк коди


       




Сумма



    




Маблағларни олувчининг номи



КРЕДИТ







Маблағларни олувчининг ҳисобварағи



          




Маблағларни олувчига хизмат кўрсатувчи банк номи



Маблағларни олувчига хизмат кўрсатувчи банк коди


Сумма (сўз билан)







          






Тўлов мақсади


           

ШҒҲ ХХХХХХХХХХХХХХХХХХХХХХХХХХХ,

ташкилот номи, СТИР ХХХХХХХХХ, мақсади

             

       






Буюртмачи раҳбари

      


Буюртмачи бош бухгалтер



(Ф.И.О., имзо)



(Ф.И.О., имзо)

М.Ў.







Тўлов топшириқномаси



-сонли



Сана


кк.оо.йййй





     






Маблағларни тўловчининг номи



ДЕБЕТ







Маблағларни тўловчининг ҳисобварағи

  


Маблағларни тўловчининг СТИРи


        




Маблағларни тўловчига хизмат кўрсатувчи банк номи



Маблағларни тўловчига хизмат кўрсатувчи банк коди


     




Сумма

       


       




Маблағларни олувчининг номи



КРЕДИТ







Маблағларни олувчининг ҳисобварағи



          




Маблағларни олувчига хизмат кўрсатувчи банк номи

     


Маблағларни олувчига хизмат кўрсатувчи банк коди


Сумма (сўз билан)







           

      





Тўлов мақсади


        

ШҒҲ ХХХХХХХХХХХХХХХХХХХХХХХХХХХ,

ташкилот номи, СТИР ХХХХХХХХХ, мақсади

         

             

      





Ғазначилик бўлинмаси раҳбари ёки ваколатли шахси



Масъул ходим



(Ф.И.О., имзо)



(Ф.И.О., имзо)

М.Ў.

          






      





Қоидаларга

2-ИЛОВА

    

      

______ -сонли ғазна мемориал ордери


Сана


КК.ОО.ЙЙЙЙ



Тўловчи


Тўловчининг номи





Тўловчинг ш.ғ.ҳ.



СТИР


Суммаси





          

        




Олувчи


Олувчининг номи





Олувчининг ш.ғ.ҳ.



СТИР


Суммаси сўз билан





Тўлов мақсади


ХХХХХ (тўлов коди), ШҒҲ ХХХХХХХХХХХХХХХХХХХХХХХХХХХ,

ташкилот номи, СТИР ХХХХХХХХХ, мақсади

       

         

        




Буюртмачи раҳбари


Имзо

Ф.И.О.

М.Ў.





Буюртмачи бош бухгалтери


Имзо

Ф.И.О.

           




      

      




______ -сонли ғазна мемориал ордери


Сана


КК.ОО.ЙЙЙЙ



Тўловчи


Тўловчининг номи





Тўловчининг ш.ғ.ҳ.



СТИР


Суммаси





     

     




Олувчи


Олувчининг номи





Олувчининг ш.ғ.ҳ.



СТИР


Суммаси сўз билан





Тўлов мақсади


ХХХХХ (тўлов коди), ШҒҲ ХХХХХХХХХХХХХХХХХХХХХХХХХХХ,

ташкилот номи, СТИР ХХХХХХХХХ, мақсади


    

         




Ғазначилик бўлинмаси раҳбари ёки ваколатли шахси


Имзо

Ф.И.О.

М.Ў.





Масъул ходим


Имзо

Ф.И.О.

              

    



        





Қоидаларга

3-ИЛОВА



Бюджет маблағларини ўтказиш (сўзсиз ундириш) учун

СЎРОВНОМА


_____ -сон


"___" ___________ 20__ й.

Бошқарма (Бош бошқарма) номи




Бўлим ва кичик бўлим




Боб




Харажат моддаси




Шахсий ғазна ҳисобварақ рақами




       

Буюртмачининг

(ҳудуднинг*) номи


Буюртмачининг

(ҳудуднинг*)

шахсий ғазна

ҳисобварағи


Мақсадли

маблағ номи


Мақсадли

маблағни

ажратиш

учун асос


Суммаси

(сўмда)


      

     

   

    




Бошқарма

(Бош бошқарма) бошлиғи





(имзо)


Ф.И.О.

Бўлим бошлиғи





(имзо)


Ф.И.О.

** Келишилди:

Давлат бюджети Бош

бошқармаси бошлиғи





(имзо)


Ф.И.О.

Ғазначилик бўлинмасининг масъул ходими 20__й. "___" ____________ соат ____дан ____ минут ўтганда қабул қилди.

       

         




(имзо)


Ф.И.О.

*) - Бюджетлараро мақсадли маблағларни ажратишда ва мақсадли маблағларни сўзсиз ундиришда тўлдирилади.

**) - Ўзбекистон Республикаси республика бюджетидан қуйи бюджетлар ва мақсадли жамғармаларга мақсадли бюджет маблағлари ажратишда ва қуйи бюджетлар ва мақсадли жамғармалардан мақсадли маблағларни сўзсиз ундиришда келишилади.





Қоидаларга

5-ИЛОВА



20__ молия йили учун имзолар намуналари ва муҳр изи

___________ сонли карточкаси


20__ й. "___" ___________

Буюртмачи номи



(таъсис ҳужжатларига мувофиқ тўлиқ ёки қисқа номи)

Юридик манзил


Телефон


Ғазначилик бўлинмаси номи


Шахсий ғазна ҳисобварағи бўйича операцияларни амалга

оширишда молиявий ҳужжатларга имзо қўйиш ҳуқуқига

эга бўлган мансабдор шахсларнинг имзолари намуналари

ва ташкилотнинг муҳр изи намунаси

Имзо қўйиш

ҳуқуқи


Мансаби


Фамилияси,

исми,

отасининг

исми


Имзо

намунаси


Муҳр

намунаси


Алоҳида

белгилар

(паспорт

маълумот-

лари, уй

манзили

ва ҳ. к.)


1

2


3

4

5

6

Биринчи








Иккинчи






Юрист (штатда мавжуд бўлган ҳолларда)






Буюртмачи раҳбари





(имзо)


Ф.И.О.

Буюртмачи бош бухгалтери





(имзо)


Ф.И.О.

           

(Ваколат ва имзоларни тасдиқланганлиги тўғрисида юқори турувчи ташкилотнинг белгиси)

Юқори турувчи ташкилот раҳбари





(имзо)


Ф.И.О.

                   М.Ў.


20__ й. "___" ____________

         

(Имзоларни ҳақиқийлиги ҳақида тасдиқловчи ёзув)

           

(сана (кун, ой, йил) ёзма ҳолда)

Юқори турувчи ташкилот бош бухгалтери





(имзо)


Ф.И.О.

Юқори турувчи ташкилот

ижрочиси (юристи)







(лавозим)


(имзо)


Ф.И.О.

20__ й. "___" ____________

Имзолар намунаси ва муҳр изи

карточкасининг орқа томони

Т/р


Шахсий ғазна ҳисобварағи


Шахсий ғазна ҳисобварағининг номи


1.




2.













      





Қоидаларга

6-ИЛОВА



Тўлов турлари бўйича

МАЪЛУМОТНОМА

Т/р

Тўлов

коди

Тўлов турлари

       

1.

09510

Бюджет ташкилотларининг бюджетдан ташқари жамғармаларига тўловлар:


1. Етказиб берилган товарлар, кўрсатилган хизматлар ва бажарилган ишлар учун юридик ва жисмоний шахслар томонидан бюджет ташкилотларига тўловлар;


2. Бюджет ташкилотлари томонидан вақтинча фойдаланилмаётган биноларни ва давлатнинг бошқа мол-мулкини бошқа ташкилотларга ижарага бериш натижасида ижарага олувчиларнинг тўловлари;


3. Мактабгача ва мактабдан ташқари муассасаларда, мактаб-интернатлар ва лицейларда фарзандининг ўқиши ва овқатланиши учун ота-оналар тўловлари;


4. Ходимлардан, улар ишлаётган жойида овқатланганлиги учун ҳисоб-китоблар бўйича тўловлар;


5. Таълим муассасаларида ўқиш учун тўловлар;


6. Ажратмалар ҳисобига тўловлар;


7. Умумтаълим муассасаларида дарсликлар ижараси учун тўловлар;


8. Пенсия жамғармаси бўлинмалари томонидан ишловчи пенсионерлар учун ўтказилган маблағлар;


9. Товарлар (ишлар, хизматлар) етказиб берувчилар томонидан олдинги йиллар шартномалари бўйича дебиторлик қарзлари тўловлари;


10. Юридик ва жисмоний шахслар томонидан бюджет ташкилотларига кўрсатиладиган ҳомийлик (беғараз) ёрдамлари;


11. Юқоридагилардан ташқари бошқа тўловлар.


2.

09520

Ортиқча ёки нотўғри ўтказилган маблағларнинг бюджет ташкилотларига қайтарилиши:


1. 23212 ва 23214 баланс ҳисобварақларида очилган ҳисобварақлардан маблағларнинг қайтиши;


2. Ишлатилмаган депонентларнинг қайтиши;


3. Ғазначилик бўлинмалари томонидан илгари ўтказилган маблағларни етказиб берувчининг банкдаги ҳисобварағи ўзгарганлиги, ёпилганлиги ва бошқа сабабларга кўра банклар томонидан қайтариш;


4. Товарлар (ишлар, хизматлар) етказиб берувчилар (пудратчилар) томонидан амалдаги шартномалар бўйича бюджет ташкилотларига маблағларни қайтариш;


5. Биржага ўтказиб берилган молиявий закалат суммаларининг бюджет ташкилотига қайтариш;


6. Бошқа ҳолатларда маблағларни қайтариш.


3.

09570

Божхона органларининг депозит ғазна ҳисобварақларига маблағларнинг ўтказилиши


4.

09580

Давлат солиқ хизмати органларининг бюджетдан ташқари ғазна ҳисобварақларига маблағларнинг ўтказилиши


       





Қоидаларга

7-ИЛОВА



I ва II гуруҳ харажатлари бўйича юридик ва молиявий

мажбуриятларни рўйхатдан ўтказишга (ҳисобга олишга)

_____-сонли буюртма

      

      


Сана


(туман, шаҳар, вилоят)

Ғазначилик бўлинмаси




бўйича


ойи учун юридик ва

туман (шаҳар, вилоят)


(буюртмачи номи)


(ой)


молиявий мажбуриятларни рўйхатдан ўтказишга

          

Шахсий ғазна ҳисобварағи

(сўм)

Т/р


Иқтисодий

тасниф коди


Ҳисобланган

иш ҳақи


Ҳисобланган иш ҳақидан ушланмалар


жами


шу жумладан:

имтиёзли

(мод. ёрдам

ва бошқалар)


жисмоний

шахслар

даромад

солиғи


фуқаролар-

нинг суғурта

бадаллари

(____%)


касаба

уюшмаси

бадали


шахсий

жамғариб

бориладиган

пенсия ҳисоб-

варағига бадал


аванс


алиментлар


1

2


3

4

5

6

7

8

9

10



























Жами










Жадвалнинг давоми

Жами

ушланди


Пластик

карточ-

каларга

ўтказиш


23212 ёки

23214 баланс

ҳисобварақ-

ларига

ўтказиш


Олдинги

ойлар

қарз-

дорлиги


Жами

тўлаш

учун


Ягона

ижтимоий

тўлов

(___%)








...


...

..

...

...

...

...

...

...

...

...

...

...













































Изоҳ: ушбу сўровномада берилган маълумотларнинг тўғрилигини тасдиқлаймиз.

Ушбу шакл буюртмачи томонидан хизмат кўрсатувчи банк белгилаган графикдаги нақд пул маблағларини олиш муддатидан ___ иш куни олдин тақдим қилинади.



*) Ушбу буюртманинг "Ҳисобланган иш ҳақидан ушланмалар" қисмида кўрсатилган ходимларнинг иш ҳақидан ихтиёрий ушланмалар қонун ҳужжатларига мувофиқ ва ходимларнинг ёзма розилиги асосида ушланмоқда. Иш ҳақидан ихтиёрий ушланмалар масаласи бўйича қонун ҳужжатлари талаблари бузилиши ҳолатлари ёки юқоридаги ходимларнинг розилигининг ишончсизлиги аниқланганида тўлиқ жавобгарликни ўз зиммамизга оламиз.

Буюртмачи

раҳбари




Ғазначилик бўлинмасининг ходими қабул қилди


20__ й "__" _______


(имзо)


(Ф.И.О.)


(имзо)


Буюртмачи бош бухгалтери




Буюртмачи ходими қабул қилди


20__ й "__" _______


(имзо)


(Ф.И.О.)


(имзо)


     





Қоидаларга

8-ИЛОВА



20__ й. "__" _______ даги ________ ва ________

ўртасида ________ сўм умумий суммага

тузилган _______- сонли шартномага

ТЎЛОВЛАР ЖАДВАЛИ*

Боб


        


Шахсий ғазна ҳисобварақ


(сўмда)

20__ й. ойлар номи.


Харажатлар тури** (бюджет

таснифининг тегишли коди)


Жами



Январь






Февраль






Март






Апрель






Май






Июнь






Июль






Август






Сентябрь






Октябрь






Ноябрь






Декабрь






Жами йил бўйича






    

Жами ___________ сўм

(


)



сумма сўз билан


Юқоридаги кўрсатилган суммадан _________ сўм ёки шартноманинг умумий суммасидан ______%*** 20___ ______________ ойида тўланиши лозим.


(*) - бюджет ташкилоти, бюджет маблағи олувчи ва БМЖ маблағи олувчи томонидан ғазначилик бўлинмасига икки нусхада тақдим этилади;

(**) - бўлим, кичик бўлим ва харажат моддаси кўрсатилади;

(***) - Юқоридаги кўрсатилган суммадан ойига ______% жорий ойнинг _____ санасигача ҳар ойда олдиндан тўланиши лозим (ушбу сатр бюджет ташкилоти, бюджет маблағи олувчи ва БМЖ маблағи олувчи томонидан коммунал хизматлар кўрсатиш, алоқа хизматлари ва қонун ҳужжатларида назарда тутилган ҳар ой доимий равишда товарлар (ишлар, хизматлар) етказиб бериш шартномалари бўйича олдиндан тўловни амалга ошириш ҳолларида тўлдирилади).

Буюртмачи раҳбари





(имзо)


Ф.И.О.

М.Ў.

Буюртмачи бош бухгалтери





(имзо)


Ф.И.О.

Ғазначилик бўлинмасининг

ходими қабул қилди



Буюртмачи ходими

қабул қилди



(имзо)



(имзо)

                    

   




20___ й. "___" ________________


20___ й. "___" ________________

           





Қоидаларга

9-ИЛОВА



Юридик мажбуриятларни рўйхатдан

ўтказишга (ҳисобга олишга)

БУЮРТМА


20__ й. "___" ___________ -сон


20__ й. ________________ учун


Буюртмачи номи _________________________________________

Бюджет таснифининг коди _________________________________________

Шахсий ғазна ҳисобварағи _________________________________________


(сўмда)

Ҳужжат

рақами


Ҳужжат

санаси


Тўловни олувчининг

номи


Тўловни олувчининг банк

реквизитлари (шахсий

ғазна ҳисобварағи)


Суммаси





Тақдим қилинган сана 20___ й. "___" _________________

Буюртмачи раҳбари





(имзо)


Ф.И.О.

М.Ў.

Буюртмачи бош бухгалтери





(имзо)


Ф.И.О.

       





Қоидаларга

10-ИЛОВА



Томонларнинг юридик манзили ва реквизитлари:

                          "Ижрочи"


                    "Буюртмачи"

________________________________


_________________________________

(етказиб берувчининг (пудратчининг) номи)


                    (буюртмачи номи)




Манзил: ___________________________


Манзил: ___________________________

___________________________________


___________________________________

Тел./факс __________________________


Тел./факс __________________________

(ҳ/в ёки шғҳ) _______________________


шғҳ*_______________________________

___________________________________


Банк номи _________________________


Ташкилотнинг СТИРи ______________

МФО _________ СТИР ______________

ИФУТ ____________________________


ИФУТ ____________________________



Ғазначилик бўлинмасининг номи

__________________________________



ЯҒҲ23 402 000 300 100 001 010



Банк номи: Марказий банкнинг

Тошкент шаҳар Бош бошқармаси

Ҳисоб-китоб-касса маркази (ҲККМ)



МФО:00014

Ғазначилик бўлинмасининг

СТИРи ___________________________

          

Раҳбар ____________________________

                             (лавозими) (Ф.И.О.)

                       ___________


Буюртмачи

раҳбари ___________________________

                                (лавозими) (Ф.И.О.)

                        __________

                                    (имзо)


                                   (имзо)

      


     

                              М.Ў.


                             М.Ў.

      


    

          

Изоҳ:

*) - Буюртмачилар ёки капитал қўйилма буюртмачиларининг тегишли шахсий ғазна ҳисобварағи (ёки шахсий ғазна ҳисобварақлари) кўрсатилади.






Қоидаларга

11-ИЛОВА



Шартномаларни қайтариш

ВАРАҚАСИ

Буюртмачи номи


      

Шахсий ғазна ҳисобварағи


      

Шартнома рақами ва санаси


       

Етказиб берувчининг номи


       

Шартномани тақдим этиш санаси

20___ й. "___" _____________

         

Шартномани қайтариш санаси

20___ й. "___" _____________

Т/р


Қайтарилиш сабаблари


1.



2.





Масъул ходим





(имзо)


Ф.И.О.

Бўлим бошлиғи





(имзо)


Ф.И.О.

Буюртмачи ёки капитал

қўйилма буюртмачиси ходими



Ф.И.О.

қайтариш варақасини олиш санаси





(кк.оо.йййй)


(имзо)

        





Қоидаларга

12-ИЛОВА



Қайтарилган шартномаларни рўйхатдан ўтказиш

КИТОБИ*

       

Т/р

Шартнома,

Юридик

мажбурият-

ларни рўйхат-

дан ўтказишга

буюртма рақами


Шартнома,

Юридик

мажбурият-

ларни рўйхат-

дан ўтказишга

буюртма санаси


Номи ва

реквизитлари


Шартнома,

Юридик

мажбурият-

ларни рўйхат-

дан ўтказишга

буюртма қабул

қилиш санаси


Шартнома,

Юридик

мажбурият-

ларни рўйхат-

дан ўтказишга

буюртма

қайтарилиш

сабаби


Шартнома,

Юридик мажбурият-

ларни рўй-

хатдан

ўтказишга

буюртма

қайтарилиш

санаси


Суммаси


буюрт-

мачи


товарлар

(ишлар,

хизматлар)

етказиб

берувчи

(пудратчи)


1.










2.










3.



















*) - "ЎРМВ" АТ да электрон кўринишда юритилади.






Қоидаларга

13-ИЛОВА



Шартномаларни рўйхатдан ўтказиш (ҳисобга олиш)

КИТОБИ*

Т/р

Шартнома, Юридик

мажбуриятларни

рўйхатдан ўтказишга

Сўровнома


Номи ва реквизитлари


Рўйхатдан ўтказиш

(ҳисобга олиш)

санаси


Ғазначилик

бўлинмасининг

масъул ходими


буюртмачи


товарлар (ишлар,

хизматлар) етказиб

берувчи (пудратчи)


рақами


санаси


суммаси


1.









2.



































*) - "ЎРМВ" АТ да электрон кўринишда юритилади.






Қоидаларга

14-ИЛОВА



Штамп*


ИШОНЧНОМА

  

      


(Буюртмачи номи)

моддий жавобгар шахсга (кассирга) ишонч билдиради

          

(Ф.И.О.)

           

(паспорт рақами, серияси, берилган сана ва ким томонидан берилган)

           

қуйидаги шахсий ғазна ҳисобварақларидан нақд пул олишга:

     

     

        

     

       

    

   

   

        

Моддий жавобгар шахснинг имзосини _______________ тасдиқлаймиз

         

(Ф.И.О.)

Мазкур ишончнома 20___ йил _____________ гача ҳақиқий.

Буюртмачи раҳбари





(имзо)


Ф.И.О.

Буюртмачи бош бухгалтери





(имзо)


Ф.И.О.

20___ йил "___" ____________.


М.Ў.


Раҳбар




(ғазначилик бўлинмаси номи)





(имзо)


М.Ў. _____________________________

                                         (Ф.И.О.)


20___ й. "____" ________________


*) Изоҳ: Буюртмачи ғазначилик бўлинмасига ишончномани гербли бланкда тақдим этади, гербли бланк мавжуд бўлмаганда эса ташкилотнинг бурчакли штампи қўйилган ҳолда тоза варақда тақдим этилади.






Қоидаларга

15-ИЛОВА



Берилган ва ишлатилган чекларни ҳисобга олиш

ЖУРНАЛИ

Т/р


Чек дафтар-

часини берган

банк муассаса-

сининг номи


Чек

дафтар-

часини-

нг ра-

қами


Чек-

лар

сони


Берилган


Қайтарилган (ишлатилган чек дафтарчалари)

сана


буюртма-

чининг

номи


ишонч-

ли шахс

Ф.И.О.


буюрт-

мачи

ишончли

шахси

имзоси


сана


буюртма-

чининг

номи


ишонч-

ли шахс

Ф.И.О.


буюрт-

мачи

ишончли

шахси

имзоси





























      





Қоидаларга

16-ИЛОВА



Шахсий ғазна ҳисобварақларидан берилган

кўчирмаларни рўйхатдан ўтказиш

ЖУРНАЛИ

    

Т/р

Буюртмачининг

номи


Бюджет

таснифининг

кодлари (бўлим,

боб, кичик бўлим)


Кўчирма

санаси


Олинган

сана


Буюртмачи

вакилининг

имзоси




















      





Қоидаларга

17-ИЛОВА



Молиявий мажбуриятларни рўйхатдан

ўтказишга (ҳисобга олишга)

БУЮРТМА


20__ й. "___" ___________        _____-сон

Буюртмачи номи


        


Шахсий ғазна ҳисобварағи


(сўмда)

Ҳужжат

рақами


Ҳужжат

санаси


Тўловни

олувчининг

номи


Тўловни олувчининг

банк реквизитлари

(шахсий ғазна

ҳисобварақ)


Суммаси





        

Мазкур ҳисобварақ-фактура(лар) (бажарилган ишлар далолатнома(лари) бўйича ҳақиқатда товарлар етказиб берилганлигини, ишлар бажарилганлигини ва хизматлар кўрсатилганлигини ҳамда мазкур товарлар (ишлар, хиз-матлар) белгиланган тартибда қабул қилиб олинганлигини тасдиқлаймиз.

Буюртмачи раҳбари





(имзо)


Ф.И.О.

М.Ў.

Буюртмачи бош бухгалтери





(имзо)


Ф.И.О.

Буюртмачи моддий жавобгар шахси





(имзо)


Ф.И.О.

Ғазначилик бўлинмасининг

ходими қабул қилди



Буюртмачи ходими

қабул қилди



(имзо)



(имзо)

                    

   




20___ й. "___" ________________


20___ й. "___" ________________

         





Қоидаларга

18-ИЛОВА



Ижро ҳужжатлари ва суд ҳужжатларини

рўйхатдан ўтказиш

ЖУРНАЛИ*

Т/р

Тақдим

этилган сана


Ижро ҳужжати

ёки буйруқнинг

санаси ва рақами


Даъвогар, товарлар

(ишлар, хизматлар)

етказиб берувчининг

номи


Буюртмачи -

жавобгарнинг

номи

Даъво

суммаси,

сўм

Маблағ

манбаси

(бюджет,

бюджетдан

ташқари

жамғармалар)


1

2


3

4

5

6

7
















*) - "ЎРМВ" АТ да электрон кўринишда юритилади.



"Ўзбекистон Республикаси қонун ҳужжатлари тўплами",

2016 йил 26 декабрь, 51-сон, 593-модда








































Время: 0.2128
по регистрации МЮ строгое соответствие
  • Все
  • действующие
  • утратившие силу
  • Русский
  • Ўзбекча
  • Оба языка
  • любая дата
  • точная дата
  • период
  • -

Свернуть поиск