Қўшимча масъулиятли жамиятининг таъсис шартномаси (АВ томонидан 20.12.2016 й. 2848-сон билан рўйхатга олинган адлия вазирининг 20.12.2016 й. 294-мҳ-сонли буйруғига 5-илова)

Функция недоступна

Ўзбекистон Республикаси

Адлия вазирлигида

2016 йил 20 декабрда 2848-сон

билан рўйхатга олинган

Ўзбекистон Республикаси

адлия вазирининг

2016 йил 20 декабрдаги

294-мҳ-сонли буйруғига

5-ИЛОВА

"___________________________________"

QO`SНIMCНA MAS`ULIYATLI JAMIYATIНИНГ

ТАЪСИС ШАРТНОМАСИ

"_________________" қўшимча масъулиятли жамиятининг

ТАЪСИС ШАРТНОМАСИ

_____________ ш.                                              20___ йил "__" ____________

Бундан буён биргаликда "иштирокчилар", деб номланувчи қуйидаги иштирокчилар:

"______________";

"______________".

ушбу таъсис шартномасини (бундан буён матнда "шартнома" деб юритилади) қуйидагилар тўғрисида имзоладилар:

I. УМУМИЙ ҚОИДАЛАР

1.1. Қўшимча масъулиятли жамияти (бундан буён матнда "жамият" деб юритилади) Ўзбекистон Республикасининг "Масъулияти чекланган ҳамда қўшимча масъулиятли жамиятлар тўғрисида"ги Қонуни ва бошқа қонун ҳужжатлари асосида ташкил этилган.

1.2. Жамиятнинг фирма номи:

Давлат тилида - "___________" qo`shimcha mas`uliyatli jamiyati, қисқача номланиши - "____________" QMJ;

Рус тилида - общество с дополнительной ответственностью "__________", краткое наименование - ОДО "_________".

1.3. Жамиятнинг почта манзили: Ўзбекистон Республикаси, ___________

__________________________________________________________________.

1.4. Жамият чекланмаган муддатга ташкил этилади.

II. ЖАМИЯТНИ ТАШКИЛ ЭТИШДАН

МАҚСАД ВА ФАОЛИЯТ ТУРЛАРИ

2.1. Жамиятни ташкил этишдан асосий мақсад иштирокчилар манфаатлари учун фойда олиш.

2.2. Жамият фаолиятининг предмети бўлиб ___________________ ҳисобланади. Шу жумладан:

_________________________________________________________;

_________________________________________________________;

_________________________________________________________;

қонун ҳужжатлари билан тақиқланмаган бошқа ҳар қандай фаолият турлари.

III. ЖАМИЯТНИНГ УСТАВ ФОНДИ

3.1. Жамиятнинг ташкил этилиши ва фаолиятини амалга ошириши учун иштирокчилар ___________________ сўм миқдорида устав фонди шакллантиришади.

Иштирокчиларнинг устав фондидаги улушлари қуйидагича:

"_________________" - ____________ сўм, яъни %;

"_________________" - ______________ сўм, яъни %.

3.2. Иштирокчиларнинг жамият устав фондидаги улушлари сифатида пуллар, қимматли қоғозлар, бошқа ашёлар ёки мулкий ҳуқуқлар ёхуд пул қийматига эга бўлган ўзга бегоналаштириладиган ҳуқуқлар бўлиши мумкин. Учинчи шахслар томонидан иштирокчиларнинг жамият устав фондидаги пул кўринишида бўлмаган улушларини пул қийматида баҳолаш ва жамиятга қабул қилиш барча иштирокчилар томонидан бир овоздан қабул қилинадиган иштирокчиларнинг умумий йиғилиши қарори билан тасдиқланади.

3.3. Жамият давлат рўйхатидан ўтказилганидан кейин бир йил мобайнида иштирокчиларнинг ҳар бири устав фондидаги улушини тўлиқ киритади.

IV. ИШТИРОКЧИЛАРНИНГ ЖАВОБГАРЛИГИ

4.1. Жамиятнинг иштирокчилари жамият мажбуриятлари бўйича ўзига тегишли мол-мулклари билан ҳамма учун бир хил бўлган ва қўшган ҳиссалари қийматига нисбатан жамиятнинг таъсис ҳужжатларида белгиланадиган каррали миқдорда солидар тарзда субсидиар жавобгар бўладилар.

4.2. Иштирокчилар жавобгарлиги уларнинг жамият устав фондидаги улушлари қиймати, шунингдек жамият устав фондидаги улушлари номинал қийматининг ____% доирасидаги қўшимча жавобгарлик билан чегараланади.

V. ДАРОМАД ВА ЗИЁНЛАРНИ ТАҚСИМЛАШ

ШАРТЛАРИ ВА ТАРТИБИ

5.1. Жамиятнинг бюджетга ва бюджетдан ташқари жамғармаларга қонун билан белгиланган чекловларни ҳисобга олган ҳолда солиқлар ва бошқа мажбурий тўловларни тўлаганидан кейин олинган даромади иштирокчилар ўртасида уларнинг устав фондидаги улушларига мутаносиб равишда тақсимланади.

5.2. Даромад оралиқ давр якунлари бўйича ҳар чоракда, ярим йилда бир марта, йилига бир марта тақсимланиши мумкин. Даромадни тақсимлаш тўғрисидаги қарор иштирокчиларнинг умумий йиғилиши томонидан қабул қилинади.

5.3. Жамиятнинг молия-хўжалик фаолияти натижасида юзага келадиган зиёнлар ушбу мақсадлар учун ташкил этиладиган захира фонди ҳисобидан қопланади.

5.4. Захира фонди жамият устав фондининг 15% миқдорида шакллантирилади.

VI. ЖАМИЯТНИНГ БОШҚАРУВ ОРГАНЛАРИ

6.1. Жамиятнинг бошқарув органлари қуйидагилар:

иштирокчиларнинг умумий йиғилиши;

директор.

6.2. Иштирокчилар умумий йиғилишининг ваколатлари (шу жумладан мутлақ ваколатлари), умумий йиғилишни чақириш, кун тартибига масалаларни киритиш, қарорлар қабул қилиш тартиби ва муддатлари Ўзбекистон Республикаси қонун ҳужжатлари ва жамиятнинг устави билан белгиланади.

6.3. Директорнинг ваколатлари, муддати, жавобгарлиги ва фаолият юритиш тартиби Ўзбекистон Республикаси қонун ҳужжатлари, устав, директор ва жамият ўртасидаги меҳнат шартномаси, бошқа локал норматив ҳужжатлар билан белгиланади.

VII. ИШТИРОКЧИЛАРНИНГ ЖАМИЯТДАН

ЧИҚИШ ТАРТИБИ

7.1. Иштирокчи бошқа иштирокчиларнинг розилигидан қатъи назар, ҳар қандай вақтда жамиятдан чиқиб кетиши мумкин.

7.2. Жамиятдан чиқиб кетган ёки чиқариб юборилган иштирокчининг улуши жамиятга ўтади. Бундай ҳолда жамиятдан чиқариб юборилган ёки чиқиб кетган иштирокчига унинг улушининг ҳақиқий қийматини ёки иштирокчининг розилиги билан, шундай қийматдаги мол-мулкни натура ҳолида тўлаши шарт. Жамиятга ўтган улуш бир йил мобайнида иштирокчиларнинг қарори билан учинчи шахсларга берилиши ва (ёки) сотилиши лозим.

7.3. Иштирокчиларнинг жамият устав фондидаги улушининг меросхўрларга (қонун бўйича қонуний ворисларга) ўтиши фақатгина бошқа иштирокчиларнинг розилиги билан амалга оширилиши мумкин.

VIII. НИЗОЛАРНИ ҲАЛ ҚИЛИШ

8.1. Низо ва келишмовчиликлар иштирокчиларнинг ўзаро келишуви йўли билан амалдаги қонун ҳужжатлари, таъсис шартномаси ва уставга асосан ҳал қилинади.

8.2. Низо ва келишмовчиликларни музокаралар йўли билан ҳал қилиш имконияти бўлмаган тақдирда улар суд орқали, Ўзбекистон Республикасининг қонун ҳужжатларига мувофиқ ҳал қилинади.

IX. ЯКУНИЙ ҚОИДАЛАР

9.1. Мазкур шартнома жамият Ўзбекистон Республикасининг қонун ҳужжатларида белгиланган тартибда давлат рўйхатига олинган вақтдан бошлаб кучга киради.

9.2. Ўзбекистон Республикасининг амалдаги қонун ҳужжатлари билан тартибга солинмаган масалалар, қонунда бошқа ҳоллар назарда тутилмаган бўлса, жамият уставига мувофиқ тартибга солинади.

ИШТИРОКЧИЛАР:

_____________________

_____________________

"Ўзбекистон Республикаси қонун ҳужжатлари тўплами",

2016 йил 26 декабрь, 51-сон, 586-модда