ВСЕ ЗАКОНОДАТЕЛЬСТВО УЗБЕКИСТАНА

ЎзР Конунчилиги / Иқтисодиётнинг айрим соҳалари / Транспорт / Темирйўл транспорти /

Ўзбекистон Республикаси Президентининг 13.03.2017 й. ПҚ-2827-сон "Бухоро - Мискин темир йўл линиясини қуриш чора-тадбирлари тўғрисида"ги Қарори

Функция недоступна

Данная функция доступно только для клиентов (пользователей)

Полный текст документа доступен в платной версии. По вопросам звоните на короткий номер 1172

ЎЗБЕКИСТОН РЕСПУБЛИКАСИ

ПРЕЗИДЕНТИНИНГ

ҚАРОРИ

13.03.2017 й.

N ПҚ-2827



БУХОРО - МИСКИН ТЕМИР ЙЎЛ ЛИНИЯСИНИ

ҚУРИШ ЧОРА-ТАДБИРЛАРИ ТЎҒРИСИДА



Амалга оширилаётган "Навоий - Конимех - Мискин темир йўл линияси қурилиши" лойиҳасининг иқтисодий самарадорлигини ошириш, Тошкент, Самарқанд, Бухоро ва Хива шаҳарларини ягона транспорт йўналишига бирлаштирувчи туристик йўналишларни шакллантириш асосида Хоразм минтақаси ва Хиванинг туристик салоҳиятидан амалий фойдаланиш, шунингдек, Қорақалпоғистон Республикаси, Бухоро ва Хоразм вилоятларининг транспорт инфратузилмасини янада ривожлантириш мақсадида:


1. "Ўзбекистон темир йўллари" АЖ, Ўзбекистон Республикаси Иқтисодиёт вазирлиги ва Молия вазирлигининг:

Қурилаётган Навоий - Конимех - Мискин темир йўл трассаси йўналишини Бухоро - Мискин йўналишига ўзгартирилишини назарда тутган ҳолда, "Навоий - Конимех - Мискин темир йўл қурилиши" инвестиция лойиҳасини оптималлаштириш тўғрисидаги;

"Навоий - Конимех - Мискин темир йўл қурилиши" лойиҳасини "Бухоро - Мискин темир йўл қурилиши" лойиҳасига ўзгартириш тўғрисидаги таклифи маъқуллансин.


2. "Ўзбекистон темир йўллари" АЖга 2017 йил 1 сентябргача Бухоро - Мискин темир йўл линияси қурилишини истисно тариқасида лойиҳалаштириш, ишчи ва лойиҳа-смета ҳужжатларини ишлаб чиқиш билан биргаликда амалга оширишга рухсат этилсин.


3. "Ўзбекистон темир йўллари" АЖ ва ваколатли экспертиза органлари билан биргаликда темир йўл қурилишининг янгиланган техник-иқтисодий асосини, трассада вужудга келадиган ўзгаришларни ҳисобга олган ҳолда "Бухоро - Мискин темир йўл қурилиши" лойиҳасини 2017 йил 1 июлгача Ўзбекистон Республикаси Вазирлар Маҳкамасига тасдиқлашга киритсин.


4. Ўзбекистон Республикаси Молия вазирлиги, Ўзбекистон Республикаси тикланиш ва тараққиёт Жамғармаси, Ўзбекистон Республикаси Ташқи иқтисодий фаолият миллий банки, "Ўзбекистон темир йўллари" АЖ ушбу қарордан келиб чиққан ҳолда аввал берилган Ўзбекистон Республикаси Давлат кафолатига ва кредит битимларига ўзгартиришлар киритсин.


5. Ўзбекистон Республикаси Президентининг "Навоий - Конимех - Мискин темир йўли қуриш линияси лойиҳасини амалга ошириш" чора-тадбирлари тўғрисида" 2015 йил 27 июлдаги ПҚ-2376-сонли қарорига иловага* мувофиқ ўзгартиришлар киритилсин.


6. Мазкур қарорнинг ижросини назорат қилиш Ўзбекистон Республикаси Бош вазирининг биринчи ўринбосари - "Ўзбекистон темир йўллари" АЖ бошқаруви раиси А. Раматов зиммасига юклатилсин.



Ўзбекистон Республикаси Президенти                             Ш. Мирзиёев



*) Илова рус тилидаги матнда берилган.



"Ўзбекистон Республикаси қонун ҳужжатлари тўплами",

2017 йил 22 март, 11-сон, 155-модда


























































Время: 0.2188
по регистрации МЮ строгое соответствие
  • Все
  • действующие
  • утратившие силу
  • Русский
  • Ўзбекча
  • Оба языка
  • любая дата
  • точная дата
  • период
  • -

Свернуть поиск