Олий ва ўрта махсус таълим вазирлигининг Ўрта махсус, касб-ҳунар таълими марказининг 26/ққ, Меҳнат вазирлигининг 9-қ/қ, Молия вазирлигининг 39-сон "Ўрта махсус, касб-ҳунар таълими муассасалари бошқарув, техник, хизмат кўрсатувчи ва ўқув-ёрдамчи ходимларининг намунавий штатларини тасдиқлаш тўғрисида"ги 17.04.2017 й. қарори (АВ томонидан 21.04.2017 й. 2875-сон билан рўйхатга олинган)

Функция недоступна

ЎЗБЕКИСТОН РЕСПУБЛИКАСИ

АДЛИЯ ВАЗИРЛИГИ ТОМОНИДАН

РЎЙХАТГА ОЛИНГАН

21.04.2017 й.

N 2875

ҚАРОРИ

Ўрта махсус, касб-ҳунар таълими муассасалари

бошқарув, техник, хизмат кўрсатувчи ва

ўқув-ёрдамчи ходимларининг намунавий

штатларини тасдиқлаш тўғрисида

Ўзбекистон Республикаси Президентининг 2010 йил 24 декабрдаги ПҚ-1449-сон "Ўзбекистон Республикасининг 2011 йилги асосий макроиқтисодий кўрсаткичлари прогнози ва Давлат бюджети параметрлари тўғрисида"ги қарорига мувофиқ Ўзбекистон Республикаси Олий ва ўрта махсус таълим вазирлигининг Ўрта махсус, касб-ҳунар таълими маркази, Меҳнат вазирлиги ҳамда Молия вазирлиги ҚАРОР ҚИЛАДИ:

1. Ўрта махсус, касб-ҳунар таълими муассасалари бошқарув, техник, хизмат кўрсатувчи ва ўқув-ёрдамчи ходимларининг намунавий штатлари иловага мувофиқ тасдиқлансин.

2. Белгилансинки:

Намунавий штатлар Ўзбекистон Республикаси Давлат бюджети маблағлари ҳисобидан молиялаштирилмайдиган ўрта махсус, касб-ҳунар таълими муассасаларига, ҳарбий-академик лицейларга, олимпия захиралари коллежларига, ихтисослаштирилган касб-ҳунар коллежларига, шу жумладан имкониятлари чекланган шахслар учун ихтисослаштирилган касб-ҳунар коллежларига нисбатан татбиқ этилмайди;

Намунавий штат меъёрлари ўрта махсус, касб-ҳунар таълими муассасаларининг бюджет маблағлари ва ўқитишнинг тўлов контракт шаклидан тушадиган маблағлар ҳисобидан жорий қилинади;

Намунавий штат меъёрлари жорий қилиниши муносабати билан бошқарув, техник, хизмат кўрсатувчи ва ўқув-ёрдамчи ходимлар сонининг қисқариши қонун ҳужжатларида белгиланган тартибда амалга оширилади;

айрим таълим муассасаларининг штатлар жадвалларини тузишда, улар фаолиятининг ўзига хос хусусиятларидан келиб чиқиб, Ўзбекистон Республикаси Олий ва ўрта махсус таълим вазирлигининг Ўрта махсус, касб-ҳунар таълими маркази, Меҳнат вазирлиги ва Молия вазирлиги билан келишилган ҳолда Намунавий штатларида кўзда тутилмаган лавозимлар ва ходимлар сони белгиланиши мумкин.

3. Ўрта махсус, касб-ҳунар таълими муассасаларининг директорлари штат жадвалларини тасдиқланган Намунавий штат меъёрларига қатъий амал қилган ҳолда мослаштиришини таъминласин.

4. Мазкур қарор расмий эълон қилинган кундан эътиборан кучга киради.

"Ўзбекистон Республикаси қонун ҳужжатлари тўплами",

2017 йил 24 апрель, 16-сон, 284-модда