Ўзбекистон Республикаси Вазирлар Маҳкамасининг 21.06.2017 й. 405-сон "Тиббий фаолиятни лицензиялаш тартибини янада такомиллаштириш чора-тадбирлари тўғрисида"ги Қарори

Функция недоступна

ЎЗБЕКИСТОН РЕСПУБЛИКАСИ

ВАЗИРЛАР МАҲКАМАСИНИНГ

ҚАРОРИ

21.06.2017 й.

N 405

ТИББИЙ ФАОЛИЯТНИ ЛИЦЕНЗИЯЛАШ

ТАРТИБИНИ ЯНАДА ТАКОМИЛЛАШТИРИШ

ЧОРА-ТАДБИРЛАРИ ТЎҒРИСИДА

Ўзбекистон Республикасининг "Фаолиятнинг айрим турларини лицензиялаш тўғрисида"ги Қонунига мувофиқ ҳамда Ўзбекистон Республикаси Президентининг "Соғлиқни сақлаш соҳасида хусусий секторни янада ривожлантириш чора-тадбирлари тўғрисида" 2017 йил 1 апрелдаги ПҚ-2863-сон қарорини бажариш мақсадида Вазирлар Маҳкамаси ҚАРОР ҚИЛАДИ:

2. Белгилаб қўйилсинки:

Лицензия талаблари ва шартлари лицензия олиш ёки лицензиянинг амал қилиш муддатини узайтириш учун янгидан ариза берган тиббий муассасаларга, шунингдек лицензияни қайта расмийлаштириш учун мурожаат қилган фаолият юритувчи лицензиатларга татбиқ этилади;

тиббий фаолиятни амалга ошириш учун аввал берилган лицензиялар уларнинг амал қилиш муддати тугагунгача амал қилади.

3. Ўзбекистон Республикаси Соғлиқни сақлаш вазирлиги бир ой муддатда қуйидагиларни тасдиқласин:

улар бўйича тиббий фаолият амалга оширилаётган тиббий ихтисосликлар турлари номенклатураси;

тиббий ихтисослашувнинг тегишли турини амалга ошириш учун зарур бўлган моддий-техник база, асбоб-ускуналар ва бошқа техник воситалар, шу жумладан тиббий техникага энг кам талаблар, шунингдек тиббий ташкилотнинг туридан келиб чиқиб аниқланадиган тиббий ускунанинг маънан эскирганлиги даражасини аниқловчи мезонлар;

тегишли мутахассисликка эга врачлар тиббий ихтисослашувининг лицензияланадиган турлари бўйича врачлар лавозимини эгаллаши мумкин бўлган тиббий мутахассисликлар рўйхати;

лицензияни олиш, узайтириш ва қайта расмийлаштириш бўйича аризалар шакллари;

лицензия бериш ёки лицензия беришни рад этиш тўғрисидаги эксперт хулосасининг шакли.

4. Ўзбекистон Республикаси Соғлиқни сақлаш вазирлиги:

манфаатдор вазирликлар ва идоралар билан биргаликда ўзлари қабул қилган норматив-ҳуқуқий ҳужжатларни бир ой муддатда ушбу қарорга мувофиқлаштирсин;

икки ой муддатда Ўзбекистон хусусий амалиёт врачлари уюшмаси билан биргаликда нодавлат тиббий ташкилотлар ўртасида ушбу қарор қоидаларини бажариш бўйича кенг тушунтириш ишларини амалга оширсин.

5. Ушбу қарор 2017 йил 1 июлдан бошлаб кучга киради.

6. Вазирлар Маҳкамасининг "Тиббий фаолиятни лицензиялаш тартиби тўғрисида" 2012 йил 29 мартдаги 92-сон қарорининг (Ўзбекистон Республикаси ҚТ, 2012 йил, 3-сон, 21-модда) 1-банди, шунингдек қарорга 1 ва 2-иловалар 2017 йил 1 июлдан бошлаб ўз кучини йўқотган деб ҳисоблансин.

7. Мазкур қарорнинг бажарилишини назорат қилиш Ўзбекистон Республикаси соғлиқни сақлаш вазири А.К. Шадманов зиммасига ва Ўзбекистон Республикаси Вазирлар Маҳкамасининг Соғлиқни сақлаш, экология, атроф муҳитни муҳофаза қилиш, жисмоний тарбия ва спорт масалалари ахборот-таҳлил департаментига юклансин.

Ўзбекистон Республикасининг Бош вазири                         А. Арипов

"Ўзбекистон Республикаси қонун ҳужжатлари тўплами",

2017 йил 27 июнь, 25-сон, 548-модда

"Ўзбекистон Республикаси Ҳукуматининг қарорлари тўплами",

2017 йил, 6-сон, 111-модда