ВСЕ ЗАКОНОДАТЕЛЬСТВО УЗБЕКИСТАНА

ЎзР Конунчилиги / Ер ва бошқа табиий ресурслар. Атроф-муҳит муҳофазаси / Сув, сувдан фойдаланиш ва сув хўжалиги / Сув хўжалиги. Сув хўжалиги иншоотлари ва гидротехник объектлар /

Ўзбекистон Республикаси Вазирлар Маҳкамасининг 16.11.1999 й. 499-сон "Гидротехника иншоотларининг хавфсизлиги тўғрисида"ги Ўзбекистон Республикаси Қонунини амалга ошириш чора-тадбирлари тўғрисида"ги Қарори

Функция недоступна

Данная функция доступно только для клиентов (пользователей)

Полный текст документа доступен в платной версии. По вопросам звоните на короткий номер 1172

ЎЗБЕКИСТОН РЕСПУБЛИКАСИ

ВАЗИРЛАР МАҲКАМАСИНИНГ

ҚАРОРИ

16.11.1999 й.

N 499


"ГИДРОТЕХНИКА ИНШООТЛАРИНИНГ

ХАВФСИЗЛИГИ ТЎҒРИСИДА"ГИ ЎЗБЕКИСТОН

РЕСПУБЛИКАСИ ҚОНУНИНИ АМАЛГА ОШИРИШ

ЧОРА-ТАДБИРЛАРИ ТЎҒРИСИДА


"Гидротехника иншоотларининг хавфсизлиги тўғрисида"ги Ўзбекистон Республикаси Қонуни қабул қилинганлиги муносабати билан Вазирлар Маҳкамаси ҚАРОР ҚИЛАДИ:


1. Қуйидагилар:

Гидротехника иншоотларининг хавфсизлиги декларацияси ва хавфсизлик декларациясининг давлат экспертизаси тўғрисидаги Низом 1-иловага мувофиқ;

Гидротехника иншоотларининг давлат кадастрини юритиш тартиби 2-иловага мувофиқ тасдиқлансин.

2. Белгилансинки, I, II ва III синфга мансуб ўта муҳим гидротехника иншоотларининг техник ҳолати ва бехатар ишлаши устидан назорат Ўзбекистон Республикаси Сув хўжалиги вазирлиги ҳузуридаги Сув хўжалиги обектлари хавфсизлигини ва сувдан фойдаланишни назорат қилиш инспекцияси (кейинги ўринларда - "Сувхўжаликназорат" инспекцияси) томонидан, III синфдан паст бўлган гидротехника иншоотлари бўйича эса - иншоотларнинг мансублигига кўра Ўзбекистон Республикаси Сув хўжалиги вазирлиги, "Иссиқлик электр станциялари" АЖ, "Ўзбекгидроэнерго" АЖ ва бошқа ташкилотлар томонидан амалга оширилади.

3. Ўзбекистон Республикаси Қишлоқ хўжалиги вазирлиги, Сув хўжалиги вазирлиги, "Ўзбекгидроэнерго" АЖ, "Сувхўжаликназорат" инспекцияси манфаатдор вазирликлар ва идоралар билан биргаликда мукаммаллик класслари бўйича гидротехника иншоотлари рўйхатини, шунингдек гидротехника иншоотларининг бехатар ишлашини таъминлаш бўйича авария моддий-техника захираларини яратиш ҳамда улардан фойдаланиш тартибини тасдиқлаш учун икки ой муддатда ЎзбекистонРеспубликаси Вазирлар Маҳкамасига киритсинлар.

4. Ўзбекистон Республикаси Давлат архитектура ва қурилиш қўмитаси Қишлоқ ва сув хўжалиги вазирлиги, "Ўзбекэнерго" давлат-акциядорлик компанияси, Фавқулодда вазиятлар вазирлиги, Ички ишлар вазирлиги, "Давсувхўжаликназорат" инспекцияси билан биргаликда 2000 йил мобайнида, "Гидротехника иншоотларининг хавфсизлиги тўғрисида"ги Ўзбекистон Республикаси Қонуни ва ушбу қарор талабларини ҳисобга олган ҳолда, қурилиш нормалари ва қоидаларига ўзгартиришлар киритсин.


5. Ўзбекистон Республикаси Сув хўжалиги вазирлиги, "Иссиқлик электр станциялари" АЖ, "Ўзбекгидроэнерго" АЖ, тизимида гидротехника иншоотлари бўлган ташкилотлар:

гидротехника иншоотларини лойиҳалаш, қуриш, фойдаланишга топшириш, фойдаланиш, реконструкция қилиш, тузатиш, консервациялаш, фойдаланишдан чиқариш ва тугатиш чоғида уларнинг хавфсизлиги норма ва қоидаларига риоя қилинишини таъминласинлар;

хабар қилиш маҳаллий тизимларини доимий тайёр ҳолда тутсинлар ва жойлардаги давлат ҳокимияти органларини, "Давсувхўжаликназорат" инспекциясини, Ўзбекистон Республикаси Фавқулодда вазиятлар вазирлигини гидротехника иншооти аварияси хавфи тўғрисида зудлик билан хабардор қилсинлар;

гидротехника иншоотларидан фойдаланиш, уларнинг хавфсизлигини таъминлаш, шунингдек гидротехника иншоотлари авариялари оқибатларининг олдини олиш ва тугатиш бўйича тадбирларни маблағ билан таъминласинлар;

гидротехника иншоотлари хавфсизлигини таъминлаш учун авария моддий-техника захираларини яратсинлар;

гидротехника иншоотлари хавфсизлиги декларациясини тасдиқлаш учун "Давсувхўжаликназорат" инспекциясига тақдим этсинлар;

гидротехника иншоотларининг техник ҳолати ҳамда уларга табиий ва техноген омиллар таъсири устидан назорат (мониторинг)ни таъминласинлар, олинган маълумотлар асосида иншоотлардаги аварияларнинг олдини олиш чора-тадбирларини ўз вақтида ишлаб чиқсинлар ва амалга оширсинлар.

7. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари Б.М. Олимжонов зиммасига юклансин.



Вазирлар Маҳкамасининг Раиси                                                       И. Каримов


"Ўзбекистон Республикаси Ҳукумати қарорлари тўплами", 1999 й., N 11, 66-модда.
































Время: 0.2176
по регистрации МЮ строгое соответствие
  • Все
  • действующие
  • утратившие силу
  • Русский
  • Ўзбекча
  • Оба языка
  • любая дата
  • точная дата
  • период
  • -

Свернуть поиск