ВСЕ ЗАКОНОДАТЕЛЬСТВО УЗБЕКИСТАНА

ЎзР Конунчилиги / Иқтисодиётнинг айрим соҳалари / Саноат / Енгил саноат /

Ўзбекистон Республикаси Вазирлар Маҳкамасининг 21.12.1999 й. 539-сон "Кабул-Фарғона Ко.Лтд." Ўзбекистон-Корея қўшма корхонаси фаолиятини ташкил этиш тўғрисида"ги Қарори

Функция недоступна

Данная функция доступно только для клиентов (пользователей)

Полный текст документа доступен в платной версии. По вопросам звоните на короткий номер 1172

ЎЗБЕКИСТОН РЕСПУБЛИКАСИ

ВАЗИРЛАР МАҲКАМАСИНИНГ

ҚАРОРИ

21.12.1999 й.

N 539



"КАБУЛ-ФАРҒОНА КО.ЛТД." ЎЗБЕКИСТОН-КОРЕЯ

ҚЎШМА КОРХОНАСИ ФАОЛИЯТИНИ ТАШКИЛ

ЭТИШ ТЎҒРИСИДА



Пахта толасини чуқур қайта ишлаш ҳажмларини кўпайтириш ва ундан рақобатбардош маҳсулот ишлаб чиқарилишини таъминлаш ҳамда хорижий инвестицияларни жалб қилиш асосида республиканинг экспорт салоҳиятини кенгайтириш мақсадида Вазирлар Маҳкамаси ҚАРОР ҚИЛАДИ:


1. Қуйидагилар:

"Фарғона тўқимачилик комбинати" акциядорлик жамияти, "Кабул текстайлз" (Корея Республикаси) ва "Кабул-Ўзбек ко." (Ўзбекистон Республикаси) қўшма корхонаси томонидан ёпиқ турдаги акциядорлик жамияти шаклидаги "Кабул-Фарғона ко.Лтд." Ўзбекистон-Корея қўшма корхонаси ташкил этилганлиги, уни реконструкция қилиш ҳисобига қувватларни 2001 йилда пахта калаваси ишлаб чиқаришни йилига 21,6 минг тоннага ва хом газлама ишлаб чиқаришни 12,3 млн метрга етказиш назарда тутилганлиги;

"Кабул-Фарғона ко.Лтд." қўшма корхонасининг тўлиқ устав жамғармаси 38,57 млн АҚШ доллари миқдорида шакллантирилади, улушлар: "Фарғона тўқимачилик комбинати" акциядорлик жамияти  50,0 фоиз, "Кабул текстайлз"  компанияси  47,4 фоиз ва "Кабул-Ўзбек ко." қўшма корхонаси  2,6 фоиз миқдорида тақсимланади. Бунда "Фарғона тўқимачилик комбинати" акциядорлик жамияти қўшма корхонанинг тўлиқ устав жамғармасини шакллантиришда бинолар ва иншоотлар бериш, шунингдек комбинат томонидан дивидендлардан ва хўжалик фаолиятидан олинадиган даромаднинг бир қисмини икки йил мобайнида қайта молиялаштириш йўли билан қатнашиши;

умумий қиймати 118,1 млн АҚШ доллари миқдоридаги (14,524,3 млн Япония иенасига тенг миқдорда) лойиҳани маблағ билан таъминлаш 1-иловага мувофиқ схема бўйича амалга оширилиши;

"Кабул-Фарғона ко.Лтд." қўшма корхонаси томонидан тендер якунлари бўйича "Марубени корпорейшн" (Япония) фирмаси билан  янги технология асбоб-ускуналарини харид қилиш учун ва "Кабул текстайлз" компанияси билан - ишлаб чиқаришнинг техник даражасини ёмонлаштирмасдан лойиҳани арзонлаштириш мақсадида, илгари ишлатилган, худди шундай янги асбоб-ускуналарга нисбатан қиймати 55 фоизга арзон бўлган технология асбоб-ускуналарини, асосий деталлар ва узелларни  янгисига алмаштириш кафолатланган ҳолда, етказиб бериш юзасидан контрактлар тузилганлиги маълумот учун қабул қилинсин.


2. Белгилансинки:

Япония халқаро ҳамкорлик банкининг Ўзбекистон Республикаси Ташқи иқтисодий фаолият миллий банки томонидан қайта молиялаштирилган кредити ва у бўйича фоизлар 2-иловага мувофиқ "Кабул-Фарғона ко.Лтд." қўшма корхонасининг ўз валюта маблағлари ҳисобига қайтарилади;

қўшма корхона кредитни қайтараётган даврда "Кабул-Фарғона ко.Лтд." қўшма корхонаси томонидан ишлаб чиқариладиган пахта калавасининг камида 75 фоизи ва газламанинг 100 фоизи "Кабул текстайлз" компанияси томонидан, тегишли даврда юзага келган жаҳон нархларидан кам бўлмаган нархлар бўйича, эркин алмаштириладиган валютада экспортга етказиб берилади.


3. "Кабул-Фарғона ко.Лтд." қўшма корхонасида пахта калаваси ва газлама ишлаб чиқариш лойиҳасининг техник-иқтисодий кўрсаткичлари 3-иловага мувофиқ тасдиқлансин.


4. Ўзбекистон Республикаси Ташқи иқтисодий фаолият миллий банки:

Япония халқаро ҳамкорлик банки билан қарз олиш битимини белгиланган тартибда тузсин ва кредит ресурсларини "Кабул-Фарғона ко.Лтд." қўшма корхонасига қайта молиялаштирсин;

қўшма корхона объектларини реконструкция қилиш учун "Кабул-Фарғона ко.Лтд." қўшма корхонасига миллий валютада 10 млн АҚШ долларига тенг миқдордаги кредитни белгиланган тартибда ажратсин.


5. Ўзбекистон Республикаси Молия вазири Ташқи иқтисодий фаолият миллий банкининг Япония халқаро ҳамкорлик банки олдидаги тўлов мажбуриятлари бўйича ҳамда Ташқи иқтисодий фаолият миллий банкига "Кабул-Фарғона ко.Лтд." қўшма корхонасининг жалб қилинаётган кредит бўйича мажбуриятлари юзасидан Ўзбекистон Республикаси ҳукумати номидан кафолат беришга вакил қилинсин.


6. Ўзбекистон Республикаси Адлия вазирлиги Япония халқаро ҳамкорлик банкига Ўзбекистон Республикаси Ҳукуматининг кафолати юзасидан тузилган банклараро битимга мувофиқ шакл бўйича юридик хулосани белгиланган тартибда расмийлаштирсин.


7. Ўзбекистон Республикаси Макроиқтисодиёт ва статистика вазирлиги:

кўрсатиб ўтилган объектни реконструкция қилишни Ўзбекистон Республикасининг 2000 йилги инвестиция дастурига киритсин;

2001 йилдан бошлаб пахта толасидан фойдаланиш балансларини ишлаб чиқишда "Ўзбекенгилсаноат" уюшмасининг буюртманомасига мувофиқ "Кабул-Фарғона ко.Лтд." қўшма корхонасининг пахта толасига бўлган эҳтиёжини ҳисобга олсин, бу хом ашёга эркин алмаштириладиган валютада ҳақ тўланади.


8. "Кабул-Фарғона ко.Лтд." қўшма корхонаси реконструкция қилиш ва қурилиш даврида (2002 йилгача) Ўзбекистон Республикасида ишлаб чиқарилмайдиган, четдан келтириладиган умумзавод ускуналари, технология жиҳозлари, қурилиш материаллари ва конструкциялар, хом ашё ва материаллар учун божхона тўловлари тўлашдан озод қилинсин,  божхона тартиботидан ўтказилганлиги учун йиғимлар бундан мустасно.


9. Махфий.


10. "Кабул-Фарғона ко.Лтд." қўшма корхонасида ишлаш учун келаётган чет эллик мутахассисларга республика ҳудудида меҳмонхонада яшаганлик ва транспортнинг барча турларида юрганлик учун Ўзбекистон Республикаси фуқаролари учун назарда тутилган тарифлар бўйича ҳақ тўлаш ҳуқуқи берилсин.


11. Ўзбекистон Республикаси Ташқи ишлар вазирлиги "Кабул-Ўзбек ко." қўшма корхонасининг буюртманомалари бўйича "Кабул-Фарғона ко.Лтд." қўшма корхонасида ишлаш учун келаётган чет эллик мутахассисларга, уларни консуллик йиғимлари тўлашдан озод қилган ҳолда, кўп марталик визалар белгиланган тартибда расмийлаштирилишини таъминласин.


12. Ўзбекистон Республикаси Ички ишлар вазирлиги "Кабул-Ўзбек ко." қўшма корхонасининг буюртманомалари бўйича "Кабул-Фарғона ко.Лтд." қўшма корхонасида ишлаш учун келаётган чет эллик мутахассисларни давлат божи тўлашдан озод қилган ҳолда уларга кўп марталик визалар берилишини ва уларнинг муддати узайтирилишини, яшаш жойида вақтинча рўйхатдан ўтказилишини ва вақтинча рўйхатдан ўтказиш муддати узайтирилишини таъминласин.


13. Фарғона вилояти ҳокимлиги келаётган асбоб-ускуналар жойланган контейнерларни вақтинча сақлаш учун қурилиш даврида "Кабул-Фарғона ко.Лтд." қўшма корхонасига  белгиланган тартибда ер участкаси ажратсин, ушбу участкадан кейинчалик хом ашё ва тайёр маҳсулот омборлари қуриш учун фойдаланиш имкониятини назарда тутсин.


14. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари М.З. Усмонов зиммасига юклансин.



Вазирлар Маҳкамасининг Раиси                                             И. Каримов






Вазирлар Маҳкамасининг

1999 йил 21 декабрдаги

539-сон қарорига

2-ИЛОВА



Япония халқаро ҳамкорлик банки кредити

ҳисобига қайта молиялаштириладиган Ташқи

иқтисодий фаолият миллий банки

кредитини қайтаришнинг

ПРОГНОЗ ЖАДВАЛИ

     

Контракт қиймати


-

8831312041 Япония иенаси


Кредит суммаси ("МИТИ" суғурта мукофоти суммаси қўшилган)


-

7506615235 Япония иенаси


Кредитнинг фоиз ставкаси


-

3,5% (Ўзбекистон Миллий банкининг 0,5 фоизли йиллик маржасини ҳисобга олган ҳолда)


Кредитни қайтариш муддати


-

12 йил


шу жумладан, имтиёзли давр


-

2 йил

(минг Япония иенаси)

Йиллар


Тўлов номи


Асосий қарзни

қайтариш


Фоизлар


Воситачилик

ҳақи


Ҳаммаси


2000


-

46165,7

17398,9

63564,6

2001


-

219666,2

1254,5

220920,7

2002


750661,5

220788,3


971449,8

2003


750661,5

200364,1


951025,6

2004


750661,5

176999,7


927661,2

2005


750661,5

154167,1


904828,6

2006


750661,6

131334,5


881996,1

2007


750661,5

108783,4


859444,9

2008


750661,5

85669,3


836330,8

2009


750661,5

62836,6


813498,1

2010


750661,5

40004,0


790665,5

2011


750661,6

17202,7


767864,3

Жами*


7506615,2

1463981,6

18653,4

8989250,2

Изоҳ: - маблағ билан таъминлаш шартлари хорижий банк билан қарз олиш битими имзолангандан сўнг аниқлаштирилади;

*) - кўрсатиб ўтилган суммалар хорижий банк билан қарз олиш битими имзолангандан ва кредитни қайтариш муддатининг бошланиш санаси белгилангандан сўнг аниқлаштирилади.






Вазирлар Маҳкамасининг

1999 йил 21 декабрдаги

539-сон қарорига

3-ИЛОВА



"Кабул-Фарғона ко. Лтд." қўшма корхонасида

пахта калаваси ва газлама ишлаб чиқариш

лойиҳасининг техник-иқтисодий

КЎРСАТКИЧЛАРИ

      

Лойиҳанинг умумий қиймати


-

118084285 АҚШ доллари


шу жумладан:




қурилиш-монтаж ишлари


-

1421651 минг сўм


эркин алмаштириладиган валютадаги 

харажатлар


-

95084285 АҚШ доллари


улардан асбоб-ускуналар сотиб олиш учун


-

85274285 АҚШ доллари

Корхонанинг қуввати (ишлаб чиқариладиган маҳсулотнинг  йиллик ҳажми):


Пахта калаваси


-

21600 тонна


Хом  газлама


-

12,3 млн  метр


Иш ўринлари сони


-

2300 киши


Реконструкция қилиш муддати


-

24 ой


Янгидан ташкил этиладиган асосий ишлаб 

чиқариш фондлари қиймати


-

12756395 минг сўм

Харажатларнинг қопланиш муддати


-

4,5 йил


Япония Эксимбанки валюта кредитини 

қайтариш муддати


-

12 йил

шу жумладан, имтиёзли давр


-

2 йил

Изоҳ: Етказиб бериладиган технология асбоб-ускуналарининг тўлиқ қиймати Ташқи иқтисодий алоқалар вазирлиги ва юкни жўнатишдан олдин текширувчи ваколатли органлар томонидан экспертиза ўтказилгандан сўнг, қурилиш-монтаж ишлари учун харажатлар эса лойиҳа-смета ҳужжатлари  тасдиқлангандан сўнг қабул қилинади.



































Время: 0.1636
по регистрации МЮ строгое соответствие
  • Все
  • действующие
  • утратившие силу
  • Русский
  • Ўзбекча
  • Оба языка
  • любая дата
  • точная дата
  • период
  • -

Свернуть поиск