Адлия вазирлигининг 05-20-401-сон, Иқтисодиёт вазирлигининг 14-сон, Давлат мулкини бошқариш ва тадбиркорликни қўллаб-қувватлаш бўйича давлат қўмитасининг 01/23-55-сон "Шаҳар ва туман ҳокимликлари ҳузуридаги тадбиркорлик субъектларини рўйхатдан ўтказиш инспекциялари тўғрисида Намунавий низомни тасдиқлаш ҳақида"ги 27.09.2003 й. Қарори (АВ томонидан 27.09.2003 й. 1279-сон билан рўйхатга олинган)

Функция недоступна

ЎЗБЕКИСТОН РЕСПУБЛИКАСИ

АДЛИЯ ВАЗИРЛИГИ ТОМОНИДАН

РЎЙХАТГА ОЛИНГАН

27.09.2003 й.

N 1279

ҚАРОРИ

Шаҳар ва туман ҳокимликлари ҳузуридаги

тадбиркорлик субъектларини рўйхатдан

ўтказиш инспекциялари тўғрисида

Намунавий низомни тасдиқлаш

ҳақида

(2003 йил 7 октябрдан кучга киради)

Ўзбекистон Республикаси Вазирлар Маҳкамасининг 2003 йил 20 августдаги 357-сонли "Тадбиркорлик фаолиятини ташкил этиш учун рўйхатдан ўтказиш тартиботлари тизимини тубдан такомиллаштириш тўғрисида"ги қарорнинг 7-бандини бажарилиши бўйича тадбиркорлик субъектлари учун янада қулай шарт-шароитларни яратиш, расмийлаштиришнинг босқичма-босқич рўйхатдан ўтказиш принципига ўтиш ва хусусий тадбиркорликни ривожлантиришдаги бюрократик тўсиқларни олиб ташлаш мақсадида Ўзбекистон Республикаси Адлия вазирлиги, Ўзбекистон Республикаси иқтисодиёт вазирлиги ва Ўзбекистон Республикаси давлат мулкини бошқариш ва тадбиркорликни қўллаб-қувватлаш бўйича давлат қўмитаси ҚАРОР ҚИЛАДИЛАР:

1. "Шаҳар ва туман ҳокимликлари ҳузуридаги тадбиркорлик субъектларини рўйхатдан ўтказиш инспекциялари тўғрисида Намунавий низом" тасдиқлансин.

2. Белгилансинки, мазкур Намунавий низом тадбиркорлик субъектларини рўйхатга олиш бўйича инспекциялар фаолиятини ягона тартибини белгилайди ва Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари, шунингдек, туманлар (шаҳарлар) ҳокимликлари учун мажбурий кучга эгадир.

3. Туманлар (шаҳарлар) ҳокимликларига:

мазкур Намунавий низом асосида тегишли туманни (шаҳарни) тадбиркорлик субъектларини рўйхатдан ўтказиш инспекциялари тўғрисида Низом ишлаб чиқилсин ва тасдиқлансин;

адлия органлари билан биргаликда янгидан ташкил этилаётган тадбиркорлик субъектларини текширишларни рўйхатга олиш дафтарлари билан таъминласинлар.

4. Қорақалпоғистон Республикаси Адлия вазирлиги, вилоятлар ва Тошкент шаҳар адлия бошқармалари рўйхатдан ўтказиш ва рухсат бериш ҳужжатларини расмийлаштиришнинг белгиланган тартибига сўзсиз риоя қилиниши устидан назорат ўрнатсинлар.

5. Ўзбекистон Республикаси Адлия вазирлигининг 2001 йил 24 сентябрдаги 165-мҳ-сонли "Тадбиркорлик субъектларини давлат рўйхатидан ўтказиш бўлимлари тўғрисидаги Намунавий низомни тасдиқлаш тўғрисида"ги буйруғи (Ўзбекистон Республикаси Адлия вазирлиги томонидан 2001 йил 24 сентябрда 1069-сон билан рўйхатга олинган, Меъёрий ҳужжатлар Бюллетени, 2001 йил, 18-сон) ўз кучини йўқотган деб ҳисоблансин.

"Ўзбекистон Республикаси Молиявий қонунлари тўплами", 2003 й. 12-сон.