Внимание!

Документ утратил силу.
Смотрите подробности в начале документа.


ВСЕ ЗАКОНОДАТЕЛЬСТВО УЗБЕКИСТАНА

ЎзР Конунчилиги / Соғлиқни сақлаш. Жисмоний тарбия ва спорт. Туризм / Ўз кучини йўқотган ҳужжатлар / Жисмоний тарбия ва спорт /

Ўзбекистон Республикаси Вазирлар Маҳкамасининг 17.08.2001 й. 345-сон "От спортини янада ривожлантириш чора-тадбирлари тўғрисида"ги Қарори

Функция недоступна

Данная функция доступно только для клиентов (пользователей)

Полный текст документа доступен в платной версии. По вопросам звоните на короткий номер 1172

ЎЗБЕКИСТОН РЕСПУБЛИКАСИ

ВАЗИРЛАР МАҲКАМАСИНИНГ

ҚАРОРИ

17.08.2001 й.

N 345



ОТ СПОРТИНИ ЯНАДА РИВОЖЛАНТИРИШ

ЧОРА-ТАДБИРЛАРИ ТЎҒРИСИДА


Республикада от спортини ривожлантириш ва унинг моддий базасини мустаҳкамлаш, спортнинг миллий турлари ва халқ ўйинларини оммавийлаштириш, шахснинг ҳар томонлама ва уйғун камол топишида жисмоний тарбия ва спортнинг ролини ошириш, соғлом авлодни тарбиялаш мақсадида Вазирлар Маҳкамаси ҚАРОР ҚИЛАДИ:


1. Ўзбекистон Республикаси Давлат жисмоний тарбия ва спорт қўмитаси, Тошкент шаҳар ҳокимлиги, Ўзбекистон Республикаси От спорти федерациясининг "Toshkent-Otchopari" республика давлат от спорти комплексини Тошкент шаҳар ҳокимлиги ихтиёрига бериш тўғрисидаги  таклифига розилик берилсин.


2. Тошкент шаҳар ҳокимлиги Ўзбекистон Республикаси Давлат мулки қўмитаси билан биргаликда 2001 йил  1 ноябргача бўлган муддатда "Toshkent-Otchopari" республика давлат от спорти комплексини очиқ акциядорлик жамиятига айлантирсин.

"Toshkent-Otchopari" очиқ акциядорлик жамияти акциялари пакетларини жойлаштиришнинг қуйидаги тартиби белгилансин:

давлат мулки  51 фоиз;

эркин сотишга, шу жумладан хорижий инвесторга сотишга  49 фоиз.


3. Белгилансинки, "Toshkent-Otchopari" очиқ акциядорлик жамияти акцияларини сотишдан тушган маблағлар қурилишни тугаллашга ва жамият балансидаги бинолар ва иншоотларни реконструкция қилишга мақсадли йўналтирилган ҳолда истисно тариқасида жамият ихтиёрида қолдирилади.

Ўзбекистон Республикаси Молия вазирлиги кўрсатиб ўтилган маблағлардан мақсадли фойдаланилиши устидан қатъий назорат ўрнатсин.


4. Ўзбекистон Республикаси Давлат мулки қўмитаси Тошкент шаҳар ҳокимлиги билан биргаликда "Toshkent-Otchopari" очиқ акциядорлик жамиятининг таъсис йиғилиши ўтказилишини, белгиланган тартибда унинг раҳбар органлари шакллантирилиши ва устави тасдиқланишини таъминласин.


5. Мазкур қарорнинг бажарилишини назорат қилиш Бош вазирнинг ўринбосари Ҳ.С. Кароматов ва Тошкент шаҳар ҳокими К.Н. Тўлаганов зиммасига юклансин.



Вазирлар Маҳкамасининг Раиси                                             И. Каримов

























Время: 0.1558
по регистрации МЮ строгое соответствие
  • Все
  • действующие
  • утратившие силу
  • Русский
  • Ўзбекча
  • Оба языка
  • любая дата
  • точная дата
  • период
  • -

Свернуть поиск