Молия вазирининг 08.08.2017 й. 119-сон "Аудитор малака сертификатини бериш тартиби тўғрисидаги низомга ўзгартириш ва қўшимчалар киритиш ҳақида"ги Буйруғи (АВ томонидан 15.09.2017 й. 977-7-сон билан рўйхатга олинган)

Функция недоступна

ЎЗБЕКИСТОН РЕСПУБЛИКАСИ

АДЛИЯ ВАЗИРЛИГИ ТОМОНИДАН

РЎЙХАТГА ОЛИНГАН

15.09.2017 й.

N 977-7

ЎЗБЕКИСТОН РЕСПУБЛИКАСИ

МОЛИЯ ВАЗИРИНИНГ

08.08.2017 й.

N 119

БУЙРУҒИ

Мазкур Буйруқ рус тилида тасдиқланган.

Ҳужжатнинг матни Норма газетаси  ва  ахборот-қидирув

тизими   экспертлари  томонидан  ўзбек  тилига  таржима

қилинган  ва ахборот  тусига  эга.   Ноаниқликлар   келиб

чиққанида  меъёрий-ҳуқуқий  ҳужжатнинг  рус   тилидаги

матнига қаранг.

Аудитор малака сертификатини бериш тартиби

тўғрисидаги низомга ўзгартириш ва

қўшимчалар киритиш ҳақида

"Аудиторлик фаолияти тўғрисида"ги Ўзбекистон Республикасининг Қонунига, Ўзбекистон Республикаси Президентининг 2017 йил 18 мартдаги ПҚ-2847-сон қарори билан тасдиқланган Молия вазирлиги тўғрисидаги низомга ва Ўзбекистон Республикаси Вазирлар Маҳкамасининг 2017 йил 12 майдаги 274-сон "Аудиторлик ташкилотлари фаолиятининг ҳуқуқий асосларини янада такомиллаштиришни таъмилашга доир чора-тадбирлар тўғрисида"ги қарорига мувофиқ БУЮРАМАН:

1. Ўзбекистон Республикаси Молия вазирлиги томонидан 2000 йил 25 сентябрда 68-сон билан тасдиқланган (рўйхат рақами 977, 2000 йил 13 октябрь) (Ўзбекистон Республикаси вазирликлари, давлат қўмиталари ва идораларининг меъёрий ҳужжатлари ахборотномаси, 2000 й., 19-сон), Аудитор малака сертификатини бериш тартиби тўғрисидаги низомга иловага мувофиқ ўзгартириш ва қўшимчалар киритилсин.

2. Мазкур буйруқ расмий эълон қилинган кундан эътиборан уч ойдан кейин кучга киради.

Вазир                                                          Б. Ходжаев

Буйруққа

ИЛОВА

Аудитор малака сертификатини бериш тартиби

тўғрисидаги низомга киритилаётган

ўзгартириш ва қўшимчалар

1. 1.1-банддан "(Ўзбекистон Республикаси Олий Мажлиси Ахборотномаси, 2000 й., 5-6-сон, 149-модда)" деган сўзлар чиқариб ташлансин.

2. 1.2-банд қуйидаги мазмундаги хатбоши билан тўлдирилсин:

"Бухгалтернинг халқаро сертификатига ("Сертификатланган халқаро малакали бухгалтер (CIPA)", "Сертификатланган қасамёд қилган бухгалтер (АССА)", "Сертификатланган жамоатчи бухгалтер (СРА)" ёки бошқалар) ва (ёки) малакали бухгалтер миллий сертификатига ("Сертификатланган малакали бухгалтер") эга бўлган аудитор танловга кўра қуйидаги малака ошириш курсларининг биридан ўтиши мумкин: аудиторлар малакасини ошириш ёки малакали бухгалтерларни халқаро ёки миллий сертификатлаш доирасида малака ошириш.".

3. 2.1-бандда:

1-кичик банднинг учинчи хатбошисида "иқтисод фанлари номзоди (доктори) илмий даражасига" сўзлари "иқтисодий фанлар соҳасида илмий даражага" сўзлари билан алмаштирилсин;

2-кичик банд қуйидаги таҳрирда баён этилсин:

"2) белгиланган тартибда аккредитациядан ўтган, Ўзбекистон Республикаси Молия вазирлиги томонидан республика аудиторлар жамоат бирлашмаси билан келишган ҳолда тасдиқланадиган ўқитиш дастури асосида аудиторларни тайёрлаш бўйича нодавлат таълим муассасаларида (кейинги ўринларда  НТМ) махсус ўқитишдан ўтиш ва малакали бухгалтерларни халқаро ёки миллий сертификатлаш ("Сертификатланган халқаро малакали бухгалтер (CIPA)", "Сертификатланган қасамёд қилган бухгалтер (АССА)", "Сертификатланган жамоатчи бухгалтер (СРА)", "Сертификатланган малакали бухгалтер" ёки бошқалар) доирасида Молиявий ҳисобот халқаро стандартлари (бундан кейин - МҲХС) бўйича "Молиявий ҳисоб" предметини муваффақиятли топширганлик тўғрисида ҳужжатнинг ёхуд халқаро молия ҳисоботи бўйича АССА дипломининг (бундан кейин - ДипИФР) мавжудлиги.

Бухгалтер халқаро сертификатига ёки малакали бухгалтер миллий сертификатига эга бўлган ва Ўзбекистон Республикаси ҳудудида аудиторлик ташкилотида сўнгги беш йил ичида камида икки йиллик иш стажига эга бўлган талабгорлар малака имтиҳонини топширишга аудиторларни тайёрлаш НТМда махсус ўқитишдан ўтмасдан киритиладилар.".

4. 3.1-бандда:

2-кичик банднинг биринчи хатбошисида "иқтисодиёт фанлари номзоди (доктори) илмий даражасини" сўзлари "иқтисодий фанлар соҳасида илмий даражани" сўзлари билан алмаштирилсин;

5-кичик бандда:

биринчи хатбоши қуйидаги таҳрирда баён этилсин:

"5) аудиторларни тайёрлаш бўйича НТМда махсус ўқитишдан ўтганлик тўғрисида ҳужжатнинг асл нусхаси (агар ўқитиш тугаган санадан бошлаб ҳужжатларни топшириш санасига қадар бир йилдан