Ўзбекистон Республикаси Вазирлар Маҳкамасининг 11.09.2017 й. 707-сон "Автомототранспорт воситаларини давлат даромадига ўтказиш тартибини такомиллаштириш чора-тадбирлари тўғрисида"ги Қарори

Функция недоступна

ЎЗБЕКИСТОН РЕСПУБЛИКАСИ

ВАЗИРЛАР МАҲКАМАСИНИНГ

ҚАРОРИ

11.09.2017 й.

N 707

АВТОМОТОТРАНСПОРТ ВОСИТАЛАРИНИ

ДАВЛАТ     ДАРОМАДИГА     ЎТКАЗИШ

ТАРТИБИНИ ТАКОМИЛЛАШТИРИШ

ЧОРА-ТАДБИРЛАРИ ТЎҒРИСИДА

Мол-мулкни давлат даромадига ўтказиш тартибини янада такомиллаштириш мақсадида Вазирлар Маҳкамаси ҚАРОР ҚИЛАДИ:

1. Белгилаб қўйилсинки, давлат даромадига ўтказилган, 20 ва ундан кўп йил муддатда фойдаланилган ҳамда яроқсиз автомототранспорт воситалари ҳақ тўлаш эвазига утилизация ташкилотларига ёки иккиламчи хом ашёни қайта ишлаш ташкилотларига ҳақ тўлаш эвазига (металл парчалари нархида) топширилади.

2. Ўзбекистон Республикаси Бош прокуратураси ҳузуридаги Мажбурий ижро бюроси Ички ишлар вазирлиги билан биргаликда уч ой муддатда:

автомобилларга техника хизмати кўрсатиш бўйича ихтисослаштирилган ташкилотларни жалб этган ҳолда, 20 ва ундан кўп йил муддатда фойдаланилган ва суд қарори асосида давлат даромадига ўтказилган ҳамда фойдаланишга яроқсизлигини аниқлаш учун давлат суд ижрочилари юритишида бўлган автомототранспорт воситаларини хатловдан ўтказсин;

ўтказилган хатлов натижаларига кўра, 20 ва ундан кўп йил муддат фойдаланилган ҳамда яроқсиз автомотранспорт воситаларини белгиланган тартибда иккиламчи хом ашёни қайта ишлаш ташкилотларига металл парчалари нархида топшириш чораларини кўрсин.

3. Вазирлар Маҳкамасининг 2009 йил 15 июлдаги 200-сон қарори (Ўзбекистон Республикаси ҚТ, 2009 й., 7-сон, 56-модда) билан тасдиқланган Давлат даромадига ўтказиладиган мол-мулкни олиб қўйиш, сотиш ёки йўқ қилиб ташлаш тартиби тўғрисидаги низомга иловага мувофиқ ўзгартиришлар ва қўшимчалар киритилсин.

4. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари Ғ.И. Ибрагимов зиммасига юклансин.

Ўзбекистон Республикасининг Бош вазири                     А. Арипов

Вазирлар Маҳкамасининг

2017 йил 11 сентябрдаги

707-сон қарорига

ИЛОВА

Давлат даромадига ўтказиладиган

мол-мулкни олиб қўйиш, сотиш ёки йўқ қилиб

ташлаш тартиби тўғрисидаги низомга

киритиладиган ўзгартириш

ва қўшимчалар

1. 5-бандда:

а) иккинчи хатбошидаги "Ўзбекистон Республикаси Адлия вазирлиги ҳузуридаги Суд қарорларини ижро этиш, судлар фаолиятини моддий-техника жиҳатидан ва молиявий таъминлаш департаменти (кейинги ўринларда Суд департаменти деб аталади)" сўзлари "Ўзбекистон Республикаси Бош прокуратураси ҳузуридаги Мажбурий ижро бюроси (кейинги ўринларда Бюро деб аталади)" сўзлари билан алмаштирилсин;

б) олтинчи хатбошидаги "суд ижрочилари" сўзлари "Туман (шаҳар) бюроси" сўзлари билан алмаштирилсин.

2. 12-банднинг тўртинчи хатбошига қуйидаги мазмундаги жумла қўшилсин;

"20 ва ундан кўп йил фойдаланилган автомототранспорт воситасини кўздан кечириш далолатномасига Ўзбекистон Республикаси Ички ишлар вазирлиги Йўл ҳаракати хавфсизлиги давлат хизмати органининг автомототранспорт воситасининг фойдаланишга яроқлилиги тўғрисидаги хулосаси илова қилинади".

3. 13-бандга қуйидаги мазмундаги хатбоши қўшилсин:

"20 ва ундан кўп йил фойдаланилган, Ўзбекистон Республикаси Ички ишлар вазирлигининг Йўл ҳаракати хавфсизлиги давлат хизмати органлари томонидан фойдаланиш учун яроқсиз деб топилган автомототранспорт воситалари ҳақ тўлаш эвазига утилизация ташкилотларига ёки иккиламчи хомашёни қайта ишлаш ташкилотларига (металл парчалари нархида) топширилади. Бир вақтнинг ўзида, ушбу автомототранспорт воситаларининг давлат рўйхатига олинган рақам белгилари ва рўйхатга олингани тўғрисидаги гувоҳномаларини белгиланган тартибда йўқ қилиш учун Ўзбекистон Республикаси Ички ишлар вазирлигининг Йўл ҳаракати хавфсизлиги давлат хизмати органларига топшириш ҳақида қарор қабул қилинади".

4. 14-банднинг иккинчи хатбошидаги "Суд департаментининг туман (шаҳар) бўлимига (кейинги ўринларда суд ижрочилари деб аталади)" сўзлари "Туман (шаҳар) бюросининг" сўзлари билан алмаштирилсин.

5. 15-бандда:

а) биринчи - тўртинчи хатбошилардаги "суд ижрочиси" сўзлари "давлат ижрочиси" сўзлари билан алмаштирилсин;

б) бешинчи хатбошидаги "суд ижрочиси" сўзлари "давлат ижрочиси" сўзлари билан алмаштирилсин;

в) олтинчи ва еттинчи хатбошилар қуйидаги таҳрирда баён қилинсин:

"Рўйхатга олиш давомида мол-мулкни ўзлаштириш, унинг камомади, уни яшириш, йўқ қилиш, унга шикаст етказиш ҳолатлари, мол-мулк номи, миқдори, сифати, қиймат кўрсаткичларида, шунингдек олиб қўйиш тўғрисидаги далолатномада, экспертнинг хулосасида, баҳолаш тўғрисидаги хулосада ва мол-мулкни баҳолаш тўғрисидаги далолатномада ва сақлаш учун қабул қилиш-топшириш далолатномасида кўрсатилган фарқлар аниқланган тақдирда давлат ижрочиси бу ҳақда гувоҳлар иштирокида уч нусхада далолатнома тузади ва кейинги кундан кечикмай, далолатноманинг бир нусхаси илова қилинган ижро ҳужжати нусхасини аниқланган камчиликларни кўрсатган ҳолда судга ёки уни берган ваколатли органга юборади. Бир вақтнинг ўзида, давлат ижрочиси давлат ижрочиси жойлашган жойдаги тегишли туман (шаҳар) прокурорига айбдор шахсларга нисбатан тегишли чоралар кўриш учун далолатноманинг иккинчи нусхаси илова қилинган махсус билдиришномани юборади.

Давлат ижрочиси тасарруфига ўтадиган қимматбаҳо металлар ва тошларнинг рўйхатини тузишда, қимматбаҳо металлар ва тошларни давлат ижрочисига топшириш санасида уларнинг қиймати қайта баҳоланади. Қайта баҳолаш Ўзбекистон Республикаси Молия вазирлиги билан келишган ҳолда Қимматбаҳо металлар агентлиги томонидан ишлаб чиқиладиган ва тасдиқланадиган шкала бўйича ички бозорда олиб қўйилган ва давлат даромадига ўтказилган қимматбаҳо металлар ва тошлар қиймати ҳисобга олинган ҳолда амалга оширилади. Қайта баҳолаш давлат ижрочилари, Ўзбекистон Республикаси Марказий банки ҳузуридаги Қимматбаҳо металлар агентлигининг Давлат асиллик даражасини белгилаш палатаси, солиқ ва молия органлари вакилларининг мажбурий иштирокида қимматбаҳо буюмлар қийматини қайта баҳолаш далолатномасини тузган ҳолда ўн кун муддатда амалга оширилади. Давлат ижрочиси қайта баҳоланган қийматдан қимматбаҳо металлар ва тошларни сотиш юзасидан шартномалар тузиш учун фойдаланади".

6. 16-банд қуйидаги таҳрирда баён қилинсин:

"16. Давлат ижрочиси ижро ҳужжати бажарилгунга қадар мол-мулк (қимматбаҳо металлар ва тошлардан ташқари) сақланадиган жойни ўзгартиришга ҳақлидир. Бунда қабул қилиш-топшириш далолатномаси тузилади, далолатнома суд ижрочиси, мол-мулкни олиб қўйган органнинг мансабдор шахси, мол-мулк сақланиши учун жавобгар бўлган шахс, шунингдек мол-мулк сақланиши учун жавобгар этиб янгидан тайинланган шахс томонидан имзоланади".

7. 18-банднинг тўртинчи ва бешинчи хатбошилардаги "Суд департаментининг" сўзлари "Бюронинг" сўзи билан алмаштирилсин.

8. 19-бандда:

а) биринчи хатбошидаги "суд ижрочилари" сўзлари "давлат ижрочилари" сўзлари билан алмаштирилсин;

б) учинчи хатбоши қуйидаги таҳрирда баён қилинсин:

"Шартнома шартларига риоя этиш, шунингдек мол-мулкни сотиш тартибини назорат қилиш тегишли давлат ижрочилари томонидан амалга оширилади. Шартнома шартлари ва мол-мулкни сотиш тартиби бузилган тақдирда тегишли давлат ижрочиси мол-мулкни уни сотиш юзасидан хизматлар кўрсатиш бўйича шартнома тузилган бошқа савдо ташкилотига беришга ҳақлидир";

в) тўртинчи хатбошидаги "суд ижрочиси" сўзлари "давлат ижрочиси" сўзлари билан алмаштирилсин.

9. 21-бандда:

а) биринчи хатбошидаги "суд ижрочиси" сўзлари "давлат ижрочиси" сўзлари билан алмаштирилсин;

б) учинчи хатбоши қуйидаги таҳрирда баён қилинсин:

"Давлат даромадига ўтказилган сотувдаги мол-мулкнинг яроқлилик муддати тамом бўлгандан кейин савдо ташкилоти давлат ижрочисига тегишли билдиришнома юборади. Давлат ижрочиси яроқлилик муддати тамом бўлган мол-мулкни йўқ қилиб ташлаш тўғрисида қарор қабул қилиш учун уч кун мобайнида судга ёки ижро ҳужжатини берган бошқа органга мурожаат қилади. Суд ёки ижро ҳужжатини берган бошқа орган давлат ижрочисининг мурожаатини ижро ҳужжатини бажариш усули ва тартибини ўзгартириш тартибида кўриб чиқади".

10. 25-бандда:

а) биринчи ва учинчи хатбошилардаги "Суд департаментининг" сўзлари "Бюронинг" сўзи билан алмаштирилсин;

б) бешинчи ва олтинчи хатбошилардаги "суд ижрочилари" сўзлари "Туман (шаҳар) бюроси" сўзлари билан алмаштирилсин.

11. 36, 47 ва 58-бандлардаги "суд ижрочиси" сўзлари "давлат ижрочиси" сўзлари билан алмаштирилсин.

12. 37-банддаги "суд ижрочилари, Суд департаменти ходимлари" сўзлари "Бюро ходимлари" сўзлари билан алмаштирилсин.

13. 38 ва 51-бандлардаги "суд ижрочилари" сўзлари "давлат ижрочилари" сўзлари билан алмаштирилсин.

14. 39-бандда:

а) биринчи ва учинчи хатбошилардаги "суд ижрочиси" сўзлари "давлат ижрочиси" сўзлари билан алмаштирилсин.

б) иккинчи хатбошидаги "суд ижрочиларининг" сўзлари "Туман (шаҳар) бюросининг" сўзлари билан алмаштирилсин;

15. 42-банднинг иккинчи хатбошидаги, 45-банднинг биринчи ва иккинчи хатбошидаги "суд ижрочиси" сўзлари "давлат ижрочиси" сўзлари билан алмаштирилсин.

16. 44-бандга қуйидаги мазмундаги хатбоши қўшилсин:

"Ўзбекистон Республикаси Ички ишлар вазирлигининг Йўл ҳаракати хавфсизлиги давлат хизмати органининг мутахассиси 20 ва ундан кўп йил муддат фойдаланилган автомототранспорт воситасини кўздан кечириш билан бир вақтнинг ўзида Ўзбекистон Республикаси Ички ишлар вазирлиги томонидан белгиланган тартибда автомототранспорт воситасининг яроқлилиги тўғрисида хулоса тузади ва ушбу хулоса Ўзбекистон Республикаси Ички ишлар вазирлиги Йўл ҳаракати хавфсизлиги давлат хизматининг тегишли органи раҳбари томонидан тасдиқланади".

17. Қуйидаги мазмундаги 45-1-банд қўшилсин:

"45-1. Утилизацияга ёки иккиламчи хом ашёни қайта ишлаш ташкилотларига топшириш тўғрисида қарор қабул қилинган автомототранспорт воситалари давлат ижрочиси томонидан Ўзбекистон Республикаси Ички ишлар вазирлиги Йўл ҳаракати хавфсизлиги давлат хизмати вакилининг мажбурий иштирокида утилизацияга ёхуд иккиламчи хом ашёни қайта ишлаш ташкилотларига топширилади ҳамда қабул қилиш-топшириш далолатномасида бу ҳақда тегишли ёзув қайд этилади.

Давлат ижрочиси автомототранспорт воситасини ҳисобдан чиқариш тўғрисида қарор чиқаради ва уни автомототранспорт воситаси ҳисобга олинган жойдаги Йўл ҳаракати хавфсизлиги давлат хизмати органига ижро этиш учун юборади. Бир вақтнинг ўзида Йўл ҳаракати хавфсизлиги давлат хизмати органига ушбу автомототранспорт воситасининг давлат рўйхатига олинган рақам белгилари ва рўйхатга олингани тўғрисидаги гувоҳнома ҳам (мавжуд бўлса) топширилади".

18. 46-бандда:

а) биринчи ва иккинчи хатбошилардаги "суд ижрочиси" сўзлари "давлат ижрочиси" сўзлари билан алмаштирилсин;

б) учинчи хатбошидаги "суд ижрочиси" сўзлари "давлат ижрочиси" сўзлари билан алмаштирилсин.

19. 49-банднинг иккинчи хатбошидаги "суд ижрочиси" сўзлари "давлат ижрочиси" сўзлари билан алмаштирилсин.

20. 52-банддаги, 53-банднинг биринчи, иккинчи ва учинчи хатбошилардаги, 62-банддаги "суд ижрочилари" сўзлари "Туман (шаҳар) бюроси" сўзлари билан алмаштирилсин.

21. 54-бандда:

а) биринчи хатбошидаги "Суд ижрочиларига" сўзлари "Давлат ижрочиларига" сўзлари билан алмаштирилсин;

б) учинчи хатбошидаги "Суд департаменти" сўзлари "Бюро" сўзи билан алмаштирилсин;

в) тўртинчи хатбошидаги "суд ижрочилари" сўзлари "Туман (шаҳар) бюроси" сўзлари билан алмаштирилсин.

22. 55-банднинг иккинчи ва учинчи хатбошидаги ҳамда 56-банднинг учинчи хатбошидаги "суд ижрочиларига" сўзлари "давлат ижрочиларига" сўзлари билан алмаштирилсин.

23. 2-иловадаги "суд ижрочиси" сўзлари "давлат ижрочиси" сўзлари билан алмаштирилсин.

24. 3-иловадаги "Суд ижрочиси" сўзлари "Давлат ижрочиси" сўзлари билан алмаштирилсин.

25. 4-иловадаги "суд ижрочиси" сўзлари "давлат ижрочиси" сўзлари билан алмаштирилсин.

"Ўзбекистон Республикаси қонун ҳужжатлари тўплами",

2017 йил 18 сентябрь, 37-сон, 993-модда