Олий ва ўрта махсус таълим вазирининг 03.11.2017 й. 20-2017-сон "Абитуриентлар томонидан олий таълим муассасаси қабул комиссиясига топшириладиган аризалар шаклини тасдиқлаш тўғрисида"ги буйруққа ўзгартиришлар киритиш ҳақида"ги Буйруғи (АВ томонидан 15.11.2017 й. 2686-1-сон билан рўйхатга олинган)

Функция недоступна

ЎЗБЕКИСТОН РЕСПУБЛИКАСИ

АДЛИЯ ВАЗИРЛИГИ ТОМОНИДАН

РЎЙХАТГА ОЛИНГАН

15.11.2017 й.

N 2686-1

ЎЗБЕКИСТОН РЕСПУБЛИКАСИ

ОЛИЙ ВА ЎРТА МАХСУС

ТАЪЛИМ ВАЗИРИНИНГ

03.11.2017 й.

N 20-2017

БУЙРУҒИ

"Абитуриентлар томонидан олий таълим

муассасаси қабул комиссиясига топшириладиган

аризалар шаклини тасдиқлаш тўғрисида"ги

буйруққа ўзгартиришлар киритиш ҳақида

Ўзбекистон Республикаси Вазирлар Маҳкамасининг 2017 йил 20 июндаги 393-сон "Олий таълим муассасаларига ўқишга қабул қилиш, талабалар ўқишини кўчириш, қайта тиклаш ва ўқишдан четлаштириш тартиби тўғрисидаги низомларни тасдиқлаш ҳақида"ги қарорига мувофиқ БУЮРАМАН:

1. Ўзбекистон Республикаси олий ва ўрта махсус таълим вазирининг 2015 йил 11 июндаги 1-2015-сон "Абитуриентлар томонидан олий таълим муассасаси қабул комиссиясига топшириладиган аризалар шаклини тасдиқлаш тўғрисида"ги буйруғига (рўйхат рақами 2686, 2015 йил 19 июнь) (Ўзбекистон Республикаси қонун ҳужжатлари тўплами, 2015 й., 24-сон, 325-модда) иловага мувофиқ ўзгартиришлар киритилсин.

2. Мазкур буйруқ расмий эълон қилинган кундан эътиборан кучга киради.

Вазир                                                                     И. Маджидов

Буйруққа

ИЛОВА

"Абитуриентлар томонидан олий таълим

муассасаси қабул комиссиясига топшириладиган

аризалар шаклини тасдиқлаш тўғрисида"ги

буйруққа киритилаётган ўзгартиришлар

1. Муқаддимадаги "Вазирлар Маҳкамасининг 2010 йил 18 июндаги 118-сонли қарори билан тасдиқланган Олий таълим муассасаларининг бакалавриатига талабаларни қабул қилиш тартиби тўғрисидаги" деган сўзлар "Вазирлар Маҳкамасининг 2017 йил 20 июндаги 393-сонли қарори билан тасдиқланган Олий таълим муассасаларининг бакалавриатига талабаларни ўқишга қабул қилиш тартиби тўғрисидаги" деган сўзлар билан алмаштирилсин.

2. 1 ва 4-иловалардаги "испан, араб, форс, дари, ҳинд, урду, хитой, корейс, уйғур тилларидан бири танланади" деган сўзлар "испан, араб, форс, дари, ҳинд, урду, хитой, корейс, уйғур, итальян, япон тилларидан бири танланади" деган сўзлар билан алмаштирилсин.

3. 2 ва 5-иловалардаги "ispan, arab, fors, dari, hind, urdu, xitoy, koreys, uyg`ur tillaridan biri tanlanadi" деган сўзлар "ispan, arab, fors, dari, hind, urdu, xitoy, koreys, uyg`ur, ital`yan, yapon tillaridan biri tanlanadi" деган сўзлар билан алмаштирилсин.

4. 3 ва 6-иловалардаги "испанский, арабский, персидский, дари, хинди, урду, китайский, корейский, уйгурский" деган сўзлар "испанский, арабский, персидский, дари, хинди, урду, китайский, корейский, уйгурский, итальянский, японский" деган сўзлар билан алмаштирилсин.

5. Мазкур ўзгартиришлар Ўзбекистон Республикаси Вазирлар Маҳкамаси ҳузуридаги Давлат тест маркази билан келишилган.

Қонун ҳужжатлари маълумотлари миллий базаси (www.lex.uz),

2017 йил 15 ноябрь

"Ўзбекистон Республикаси қонун ҳужжатлари тўплами",

2017 йил 20 ноябрь, 46-сон, 1139-модда