ВСЕ ЗАКОНОДАТЕЛЬСТВО УЗБЕКИСТАНА
ЎзР Конунчилиги / Иқтисодиётнинг айрим соҳалари / Саноат / Маҳаллий саноат. Ҳунармандчилик /Ўзбекистон Республикаси Президентининг 17.11.2017 й. ПФ-5242-сон "Ҳунармандчиликни янада ривожлантириш ва ҳунармандларни ҳар томонлама қўллаб-қувватлаш чора-тадбирлари тўғрисида"ги Фармони
Полный текст документа доступен в платной версии. По вопросам звоните на короткий номер 1172
ЎЗБЕКИСТОН РЕСПУБЛИКАСИ
ПРЕЗИДЕНТИНИНГ
ФАРМОНИ
17.11.2017 й.
N ПФ-5242
ҲУНАРМАНДЧИЛИКНИ ЯНАДА
РИВОЖЛАНТИРИШ ВА ҲУНАРМАНДЛАРНИ
ҲАР ТОМОНЛАМА ҚЎЛЛАБ-ҚУВВАТЛАШ
ЧОРА-ТАДБИРЛАРИ ТЎҒРИСИДА*
Ўзбекистон халқларининг бой маданий мероси ва тарихий анъаналарини тўлиқ сақлаб қолиш ва кўпайтириш, миллий ҳунармандчилик, ҳалқ бадиий ва амалий санъатини янада ривожлантириш, ҳунармандчилик фаолияти билан шуғулланувчи фуқароларни ҳар томонлама кўллаб-қувватлаш бўйича мақсадли ва комплекс чора тадбирларни амалга ошириш, шу асосда аҳоли, айниқса ёшлар, аёллар ва кам таъминланган оилалар бандлигини таъминлаш мақсадида:
1. Қуйидагилар республикамизда миллий ҳунармандчилик, халқ бадиий ва амалий санъатини (кейинги ўринларда ҳунармандчилик деб аталади) янада ривожлантиришнинг асосий йўналишлари этиб белгилансин:
биринчидан, ҳунармандчилик фаолияти билан шуғулланаётган фуқаролар ва оилалар, айниқса янгитдан ўз фаолиятини бошлаган ҳунармандларни ҳар томонлама қўллаб-қувватлаш, "Уста-шогирд" мактаблари фаолиятини такомиллаштириш ва самарадорлигини ошириш, ва шу асосда янги иш ўринлари ташкил этиш;
иккинчидан, ҳунармандчилик субъектларига давлат рўйхатидан ўтишда кўмаклашиш, уларга ер майдонлари ва бинолар ажратиш, муҳандислик коммуникация тармоқларига уланиш, уларни асбоб-ускуналар, жиҳозлар, хомашё ва материаллар билан узлуксиз таъминлаш, уларга имтиёзли кредитлар бериш бўйича самарали чора-тадбирларни амалга ошириш;
учинчидан, халқ ҳунармандчилиги ва ижодий анъаналари кенг ривожланган шаҳар ва туманларда ҳунармандчиликни ривожлантириш марказлари ташкил этиш, ҳунармандчиликнинг ноёб турларини қайта тиклаш ва янада ривожлантириш, истеъмолчиларга ҳунармандчилик маҳсулотлари етказиб бериш учун бозор инфратузилмасини шакллантириш;
тўртинчидан, ҳунармандчилик маҳсулотларини экспорт қилишни рағбатлантириш, хорижий мамлакатларда ўтказиладиган кўргазма ва ярмаркаларда миллий ҳунармандчилик маҳсулотларини тақдимот қилишга кўмаклашиш.
2. Ўзбекистон Республикаси Савдо-саноат палатаси, Ўзбекистон Республикаси Бандлик ва меҳнат муносабатлари вазирлиги ва "Ҳунарманд" уюшмасининг куйидаги таклифлари қабул қилинсин:
"Ҳунарманд" уюшмасини Ўзбекистон Республикаси Савдо-саноат палатасига уюшган аъзо сифатида аъзолик бадали тўловисиз киритиш;
"Ҳунарманд" уюшмаси раисини мавқеи бўйича Ўзбекистон Республикаси Савдо-саноат палатаси раиси ўринбосарига, "Ҳунарманд" уюшмасининг ҳудудий бошқарма бошлигини Ўзбекистон Республикаси Савдо-саноат палатасининг ҳудудий бошқарма бошлиги ўринбосарига тенглаштириш;
Ўзбекистон Республикаси Савдо-саноат палатасининг туман (шаҳар) бўлимлари томонидан ҳунармандларга ўз тадбиркорлик фаолиятини ташкил этиш ва ривожлантиришга кўмаклашиши бўйича сўзсиз равишда хизматлар кўрсатиш, жумладан ўз бизнесини ташкил этиш ва ривожлантириш кўникмаларига ўргатиш, ҳунармандчилик субъектлари ҳуқуқларини ҳимоя қилиш, янгитдан ўз фаолиятини бошлаётган ҳунармандчилик субъектларига кўргазмалар ташкил этишни назарда тутиш.
3. 2017 йилнинг 1 декабридан бошлаб ҳунармандчилик субъектлари - "Ҳунарманд" уюшмасининг аъзолари ҳунармандчилик маҳсулотларини (товарларини, хизматларини) ишлаб чиқариш ҳамда реализация қилишни амалга оширганида қатъий белгиланган миқдордаги солиқни тўлашдан озод этилади.
2018-2019 йилларда Ўзбекистон Республикасида ҳунармандчиликни ривожлантириш бўйича лойиҳаларни амалга ошириш йиғма дастури (кейинги ўринларда Дастур деб аталади) 2-иловага мувофиқ, шунингдек 2018-2019 йилларда Қорақалпоғистон Республикаси, вилоятлар ва Тошкент шаҳрида ҳунармандчиликни ривожлантириш бўйича лойиҳаларни амалга оширишнинг манзилли дастурлари 2.1 - 2.14-иловаларга мувофиқ;
2018-2019 йилларда Қорақалпоғистон Республикаси, вилоятлар ва Тошкент шаҳрида ҳунармандчилик объектларини ташкил этиш бўйича комплекс чора-тадбирлар (кейинги ўринларда Комплекс чора-тадбирлар деб аталади) 3-иловага мувофиқ тасдиқлансин.
Ўзбекистон Республикаси Савдо-саноат палатаси раиси А.И. Икрамовга, Бандлик ва меҳнат муносабатлари вазири А.А. Хаитовга, "Ҳунарманд" уюшмаси раҳбарларига, Қорақалпоғистон Республикаси Вазирлар Кенгаши раисига, вилоятлар ва Тошкент шаҳри ҳокимларига, вазирлик, идора, тижорат банклари ҳамда масъул ижрочи ташкилотлар раҳбарларига Дастур ва Комплекс чора-тадбирларни белгиланган муддатларда сифатли, тўлиқ ва ўз вақтида амалга ошириш юзасидан шахсий жавобгарлик юклансин.
5. Қорақалпоғистон Республикаси Вазирлар Кенгаши раиси, вилоятлар ва Тошкент шаҳри ҳокимлари Ўзбекистон Республикаси Савдо-саноат палатаси, "Ҳунарманд" уюшмаси, бошқа масъул вазирликлар ва идоралар билан биргаликда икки ҳафта муддатда ҳунармандчиликни янада ривожлантириш ва ҳунармандларни ҳар томонлама кўллаб-қувватлаш ишларини мувофиқлаштириш бўйича ҳудудий комиссиялар (кейинги ўринларда ҳудудий комиссиялар деб аталади) 4-иловага мувофиқ тасдиқлансин. Қуйидагилар ҳудудий комиссияларнинг асосий вазифалари этиб белгилансин:
тегишли ҳудудларда манзилли Дастур ва Комплекс чора-тадбирларнинг ўз вақтида, тўлиқ ва сифатли бажарилишини таъминлаш;
ҳунармандчиликнинг ривожланишига тўсқинлик қилаётган муаммоларни, жумладан, уларга ер майдони, бинолар ажратиш, уларни ишлаб чиқариш ва коммуникация объектларига уланиш, кредит ресурслари ва хомашё билан таъминлаш масалаларини ўз вақтида ҳал этиш;
ҳудудларда ҳунармандчиликни ривожлантириш марказларини қуриш ва реконструкция қилиш, жумладан, ушбу марказлар қурилишининг манзилли рўйхатини ишлаб чиқиш, уларга ҳунармандчилик субъектларини жойлаштириш, қурилаётган объектларнинг намунавий лойиҳасини тасдиқлаш ишларини мувофиқлаштириш;
ҳунармандлар томонидан ишлаб чиқариладиган маҳсулотларни сотиш, шунингдек, экспорт қилишга кўмаклашиш бўйича ҳудудларда чора-тадбирларни амалга оширишни ташкил этиш ва мувофиқлаштириш;
Ўзбекистон Республикаси Бандлик ва меҳнат муносабатлари вазирлиги ҳузуридаги Жамоат ишлари жамғармаси ҳисобидан аҳолини ҳунармандчилик, оилавий тадбиркорлик, касаначилик соҳаларида бандлигини ошириш учун ҳунармандчилик ва тадбиркорлик субъектларига имтиёзли микрокредитлар бериш бўйича, банк кредит сиёсатига аралашмаган ҳолда, АТ Халқ банки, "Микрокредитбанк" АТБ ва "Агробанк" АТБ тавсиялар тақдим этиш.
6. Ҳунармандчилик фаолияти субъектлари - "Ҳунарманд" уюшмаси аъзоларига имтиёзли микрокредитлар бериш, шунингдек, 5-иловадаги схемага мувофиқ ҳунармандчилик марказларини ривожлантириш марказлари қуриш учун Ўзбекистон Республикаси Бандлик ва меҳнат муносабатлари вазирлиги, Молия вазирлиги ва Марказий банкининг Ўзбекистон Республикаси Тикланиш ва тараққиёт жамғармаси томонидан 5 йил муддатга мўлжалланган жами 50 млн АҚШ доллари миқдорида, жумладан "Микрокредитбанк" АТБ, "Халқ банк" АТБ ва "Агробанк" АТБ (кейинги ўринларда тижорат банклари деб аталади) учун 2 йил имтиёзли давр билан 2,5 фоизли йиллик ставка бўйича кредит линияси очиш тўғрисидаги таклифига розилик берилсин.
Ўзбекистон Республикаси Тикланиш ва тараққиёт жамғармаси бир ой муддатда юқорида қайд этилган тижорат банкларига улар томонидан ҳунармандчилик фаолияти субъектларига миллий валютада имтиёзли микрокредитлар ажратиш учун кредит линиялари очишни куйидаги шартларда таъминласин:
имтиёзли микрокредитлар олти ой имтиёзли даврни ўз ичига олган ҳолда, икки йил муддатга, базавий ҳисоблаш миқдорининг 300 баробаридан ошмаслиги зарур;
2019 йил 31 декабрга қадар ўзларининг ишлаб чиқариш эҳтиёжлари учун асбоб-ускуна ва эҳтиёт қисмлар харид қилишга бериладиган имтиёзли микрокредитларнинг фоиз ставкаси Ўзбекистон Республикаси Марказий банки қайта молиялаштириш ставкасининг 50 фоизини, айланма маблағларини тўлдириш учун эса Ўзбекистон Республикаси Марказий банкининг қайта молиялаштириш ставкаси миқдорини ташкил этади;
имтиёзли микрокредитлар пул маблағларини қарз олувчининг ссуда ҳисоб рақамидан унинг тўлов топшириқномасига мувофиқ, ушбу Фармонда назарда тутилган мақсадлар учун тегишли ташкилот ёки жисмоний шахснинг талаби бўйича депозит ҳисоб рақамига ўтказиш йўли билан кейинчалик ушбу ташкилот ёки жисмоний шахсга хизмат кўрсатувчи банк тариф сиёсатига мувофиқ, нақд пул олиш имконияти билан тақдим этилади.
2020 йил 1 январдан бошлаб ўзларининг ишлаб чиқариш эҳтиёжлари учун асбоб-ускуна, эҳтиёт қисмлар ва хомашё харид қилиш, ҳунармандчиликни ривожлантириш марказлари ва "Устоз-шогирд" мактабларини ташкил этиш, уй-музейи ва устахоналар қуриш ёки шу мақсадларда бино ва иншоотлар сотиб олиш, айланма маблағларини тўлдириш учун бериладиган кредитлар Ўзбекистон Республикаси Марказий банкининг қайта молиялаштириш ставкасидан ошмаган ҳолда 18 ой муддатга, базавий ҳисоблаш миқдорининг 250 бараваридан ошмаган миқдорда берилади.
2021 йил 1 январдан бошлаб барча кредитлар тижорат банклари томонидан бозор тамойиллари асосида мустақил равишда ўрнатиладиган ставкаларда берилади.
Тижорат банклари томонидан бозор тамойиллари асосида мустақил равишда ўрнатиладиган ставкаларда бериладиган кредитлар бўйича фоиз харажатларининг бир қисмини компенсация қилиш механизми қўлланилади.
7. Қорақалпоғистон Республикаси Вазирлар Кенгаши, вилоятлар ва Тошкент шаҳри ҳокимликлари ташаббускорлар ва тижорат банкаларининг кредит маблағларини жалб этган ҳолда, 6-иловадаги рўйхатга мувофиқ, 2018-2019 йилларда ҳунармандчиликни ривожлантириш марказларини ўз вақтида қуриш ва фойдаланишга топширишни қуйидагиларга эътиборни қаратган холда таъминласин:
ҳунармандчиликни ривожлантириш марказларини тарихий-анъанавий архитектура услубида қуриш, уларга зарур муҳандислик-коммуникация инфратузилмаларини тортиб бориш ва ҳудудларида карвонсарой (меҳмонхоналар), кафе, ресторан ва туристларни жалб этиш учун бошқа объектларни жойлаштириш;
ҳунармандчиликни ривожлантириш марказлари ҳудудида "тарихий шарқ бозори" услубида савдо расталари ва халқ ижоди (дорбоз, полвон, масхарабозлар ва бошқалар) кўргазмалари учун махсус жойлар ажратиш;
мазкур марказларда қурилаётган турар жой биноларининг биринчи қаватида устахона ва савдо иншоотлари, юқори қаватларида ҳунармандлар учун турар жойлар ташкил этиш.
8. Ўзбекистон Республикаси Бандлик ва меҳнат муносабатлари вазирлиги:
Ўзбекистон Республикаси Бандлик ва меҳнат муносабатлари вазирлиги ҳузуридаги Жамоат ишлари жамғармасига Ўзбекистон Республикаси Президентининг 2017 йил 12 сентябрдаги "Аҳолининг кам таъминланган қатламларини қўллаб-қувватлашга оид қўшимча чора-тадбирлар тўғрисида"ги ПҚ-3268-сон қарори билан тасдиқланган миқдорда 2017-2018 йилларда Ўзбекистон Республикаси Давлат бюджетидан ажратиладиган маблағлар ҳисобидан ҳунармандчиликда аҳоли бандлигини оширишга имтиёзли микрокредитлар ажратиш учун "Микрокредитбанк" АТБга йиллик 2 фоизли ставка бўйича 50 млрд сўм миқдорида ресурслар ажратилишини;
банд бўлмаган аҳолига, айниқса ёшларга "Уста-шогирд" усулида такомиллаштирилган ўқув дастурлари бўйича ҳунармандчилик сир-асрорларини ўқитиш учун Бандликка кўмаклашиш давлат жамғармаси ҳисобидан 2018-2019 йилларда 1 млрд сўм миқдорида маблағлар ажратишни таъминласин.
9. Белгилансинки, Ўзбекистон Республикаси Тикланиш ва тараққиёт жамғармаси, Бандлик ва меҳнат муносабатлари вазирлиги ҳузуридаги Жамоат ишлари жамғармаси, шунингдек, Бандликка кўмаклашиш жамғармаси маблағлари ҳисобидан имтиёзли микрокредитлар "Ҳунарманд" уюшмасига аъзо бўлган ва белгиланган тартибда тасдиқланган ҳунармандчилик фаолиятининг йўналишлари рўйхатига мувофиқ ҳунармандчилик фаолиятини амалга оширувчиларга берилади.
Ўзбекистон Республикаси Молия вазирлиги, Марказий банки, Бандлик ва меҳнат муносабатлари вазирлиги Савдо-саноат палатаси, "Ҳунарманд" уюшмаси билан биргаликда ҳунармандлар томонидан, айниқса ҳунармандчилик билан шуғулланувчи қизларга мини-технологиялар, асбоб-ускуна ва зарур жиҳозларни сотиб олиш учун, шунингдек, айланма маблағларни тўлдириш учун имтиёзли кредитлар берилишини назарда тутувчи Ҳукумат қарори лойиҳасини бир ой муддатда ишлаб чиқсин ва Ўзбекистон Республикаси Вазирлар Маҳкамасига киритсин.
10. Ўзбекистон Республикаси Марказий банкига:
тижорат банкларининг буюртманомалари бўйича ҳунармандчилик фаолияти билан шуғулланувчи "Ҳунарманд" уюшмаси аъзоларига ажратилган микрокредитларни тўлаш ҳисобига келиб тушган миллий валютадаги маблағларини конвертация қилишни амалга ошириш;
тижорат банклари ва Ўзбекистон Республикаси Ахборот технологиялари ва коммуникацияларини ривожлантириш вазирлиги билан биргаликда бир ой муддатда тижорат банкларининг расмий веб-саҳифаларида ҳунармандчилик фаолияти субъектлари учун имтиёзли микрокредитлар тўғрисидаги маълумотларни реал вақт режимида олиш имкониятини берувчи электрон хизматларни ишлаб чиқиш ва жорий этиш тавсия этилсин.
11. Ўзбекистон Республикаси Олий ва ўрта махсус таълим вазирлиги, Бандлик ва меҳнат муносабатлари вазирлиги, Савдо-саноат палатаси, "Ҳунарманд" уюшмасининг 2018/2019 ўқув йилидан бошлаб ҳунармандчиликнинг талаб юқори бўлган турлари бўйича профессионал таълим йўналишларини очиш, 7-иловага мувофиқ Ўзбекистон Республикаси Бандлик ва меҳнат муносабатлари вазирлиги тасарруфига ўтказилаётган касб-ҳунар коллежларида ўқитувчи ва касбий таълим устаси сифатида "Ҳунарманд" уюшмасига аъзо ҳунармандларни кенг жалб қилиш тўғрисидаги таклифига розилик берилсин.
Белгилаб қўйилсинки:
"Ҳунарманд" уюшмасига аъзо ҳунармандларга профессионал таълим муассасаларининг махсус устахоналарида ҳунармандчилик бўйича таълим беришда якка тартибдаги тадбиркорлар каби шартнома тузиш ва кўрсатилган хизмат учун солиқ тўламаслик ҳуқуқи берилади;
"Уста-шогирд" мактаби ўқувчиси сифатидаги иш даври 25 ёшга етгунга қадар базавий ҳисоблаш миқдорининг камида 2,5 баробари миқдорида суғурта тўлови тўланган тақдирда меҳнат стажига қўшилади.
12. Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари:
ҳунармандчилик билан шуғулланувчи шахслар учун ташқи реклама воситасини жойлаштирганлик учун маҳаллий бюджетга тўловнинг амалдаги ставканинг 50 фоизидан ошмайдиган имтиёзли тартибини жорий этсин;
икки ойлик муддатда бозорлар, туристик, меъморий-маданий объектлар ҳудудларида, шунингдек йирик савдо марказларида ҳунармандларга ўз маҳсулотларини сотиш учун барча зарурий шарт-шароитларга эга бўлган савдо расталари ташкил этилишини таъминласин.
ҳунармандларга ўз маҳсулотларини экспорт қилишдан тушган хорижий валютани эркин тасарруф этиш, шу жумладан, банк ҳисоб рақамидаги чет эл валютасини нақд шаклда олиш ҳуқуқи берилади;
хорижий мамлакатларда ўтказилган кўргазма, танлов, ярмарка давомида сотилган ҳунармандчилик маҳсулотлари экспорт шартномалари тузилмасдан амалга оширилиши мумкин, бунинг натижасида олинган даромад эса экспорт тушуми ҳисобланмайди.
Ўзбекистон Республикаси Ташқи савдо вазирлиги Савдо-саноат палатаси, Маданият вазирлиги, Ташқи ишлар вазирлиги, Давлат божхона қўмитаси, Марказий банк, "Ҳунарманд" уюшмаси билан биргаликда:
икки ой муддатда хорижий мамлакатларда ўтказиладиган кўргазма, танлов, ярмаркаларда намойиш этиш учун ҳунармандчилик маҳсулотлари олиб чиқишнинг соддалаштирилган тартиби тўғрисидаги Низомни ишлаб чиқсин ва белгиланган тартибда тасдиқласин;
ташки бозорларда миллий ҳунармандчилик маҳсулотларини кенг танитиш функциясини ўзига оладиган Ўзбекистон Республикаси хўжалик субъектларининг хорижий мамлакатларда очилган савдо уйлари, шунингдек, Ўзбекистон Республикаси Савдо-саноат палатасининг чет элдаги савдо-инвестиция уйлари жалб этилишини таъминласин;
бир ой муддатда маҳаллий тадбиркорларнинг хорижий мамлакатларда ўтказиладиган кўргазма ва ярмаркаларда кенг иштирок этишини таъминлаш бўйича чора-тадбирлар комплексини тасдиқласин.
14. Ўзбекистон Республикаси Маданият вазирлиги Туризмни ривожлантириш давлат қўмитаси, "Ҳунарманд" уюшмаси, Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари билан биргаликда халқимизнинг кўп асрлик анъаналари ва маданий ҳаётини кенг ёритиш, халқ ҳунармандчилиги ва амалий санъатини намойиш этишга йўналтирилган "Шарқ марвариди" Ўзбекистон анъанавий санъат халқаро фестивалининг ҳар йили сентябрь ойида ташкил этилишини таъминласин.
15. Ўзбекистон Республикаси Савдо-саноат палатаси, "Ҳунарманд" уюшмаси, Маданият вазирлиги, Ўзбекистон Бадиий академияси, Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари:
8-иловага мувофиқ, 2018-2019 йилларда Қорақалпоғистон Республикаси, вилоятлар ва Тошкент шаҳрида ҳунармандчиликнинг турли йўналишлари бўйича кўргазма ва фестиваллар, халқаро конференциялар ўтказиш чора-тадбирлари ўз вақтида амалга оширилишини;
ҳар йили ҳунармандчилик маҳсулотларининг "Олтин кўл ҳунарманд" халқаро кўргазмаси ташкил этилишини таъминласин.
16. Шундай тартиб ўрнатилсинки, унга мувофиқ:
доимий савдо жойларига эга бўлмаган ва вақтинчалик жойларда савдо қилувчи ҳунармандлар томонидан касса аппаратлари ва савдо терминалларидан фойдаланиш, шунингдек, савдодан тушган нақд пул тушумини тижорат банкларига инкассация қилиш ихтиёрий тартибда амалга оширилади.
17. Ҳунармандчилик фаолиятини ривожлантириш учун хомашё ва материаллар билан узлуксиз таъминлаш мақсадида:
"Ўзбекипаксаноат" уюшмаси "Ҳунарманд" уюшмасининг буюртманомалари бўйича ҳунармандларга ипак хомашёси ва ипак толасини ажратилишини таъминласин;
Қорақалпоғистон Республикаси Вазирлар Кенгаши, вилоятлар ҳокимликлари икки ой муддатда ёғоч ўймакорлиги билан шуғулланувчи ҳунармандларга ўз фаолиятини амалга ошириш учун хомашё сифатида ишлатиладиган дарахт турларини экиш ва парвариш қилиш учун зарур ер майдонлари ажратиш чораларини кўрсин.
18. Ўзбекистон Республикаси Президентининг 1997 йил 31 мартдаги "Халқ бадиий ҳунармандчиликлари ва амалий санъатини янада ривожлантиришни давлат йўли билан кўллаб-қувватлаш чора-тадбирлари тўғрисида"ги ПФ-1741-сон Фармонининг 4 ва 5-бандлари ўз кучини йўқотган деб ҳисоблансин.
19. Ўзбекистон Республикаси Савдо-саноат палатаси Ўзбекистон Республикаси Бандлик ва меҳнат муносабатлари вазирлиги, Молия вазирлиги, Иқтисодиёт вазирлиги, Марказий банки, Адлия вазирлиги ва бошқа манфаатдор вазирликлар ва идоралар билан биргаликда икки ой муддатда қонун ҳужжатларига мазкур Фармондан келиб чиқадиган ўзгартириш ва қўшимчалар тўғрисида Вазирлар Маҳкамасига таклифлар киритсин.
20. Мазкур Фармоннинг ижросини назорат қилиш Ўзбекистон Республикаси Бош вазирининг ўринбосари Ж.А. Қўчқоров, Савдо-саноат палатаси раиси А.И. Икромов ва Ўзбекистон Республикаси Бандлик ва меҳнат муносабатлари вазири А.А. Хаитов зиммасига юклансин.
Ўзбекистон Республикаси Президенти Ш. Мирзиёев
Президентининг
2017 йил 17 ноябрдаги
ПФ-5242-сон Фармонига
2-ИЛОВА
2018-2019 йилларда Ўзбекистон Республикасида
ҳунармандчиликни ривожлантириш ҳисобига
амалга ошириладиган лойиҳаларнинг
ЙИҒМА ДАСТУРИ
млн.сўм |
|||||||
N |
Ҳудудлар номи |
Лойиҳа сони |
Лойиҳа қиймати |
Йиллик ишлаб чиқариш қуввати |
Молиялаштириш манбаи |
Ташкил этиладиган иш ўринлари сони, киши |
|
ўз маблағи |
тижорат банклари кредитлари |
||||||
1. |
Қорақалпоғистон Республикаси |
173 |
5 979,0 |
8 380,2 |
1 477,0 |
4 502,0 |
348 |
2. |
Андижон вилояти |
314 |
12 419,5 |
77 952,7 |
3 044,5 |
9 375,0 |
1 155 |
3. |
Бухоро вилояти |
292 |
6 797,2 |
19 586,5 |
841,2 |
5 956,0 |
532 |
4. |
Жиззах вилояти |
143 |
3 849,5 |
4 947,4 |
688,0 |
3 161,5 |
344 |
5. |
Қашқадарё вилояти |
203 |
6 741,5 |
12 060,2 |
1 315,0 |
5 426,5 |
550 |
6. |
Навоий вилояти |
132 |
5 177,0 |
10 112,2 |
1 029,0 |
4 148,0 |
316 |
7. |
Наманган вилояти |
247 |
5 363,5 |
47 231,0 |
2 260,5 |
3 103,0 |
611 |
8. |
Самарқанд вилояти |
279 |
11 269,5 |
20 317,2 |
3 520,0 |
7 749,5 |
958 |
9. |
Сурхондарё вилояти |
155 |
5 165,0 |
7 832,0 |
1 461,0 |
3 704,0 |
481 |
10. |
Сирдарё вилояти |
121 |
2 907,0 |
9 600,9 |
924,0 |
1 983,0 |
264 |
11. |
Тошкент вилояти |
224 |
7 028,2 |
21 635,6 |
1 506,2 |
5 522,0 |
739 |
12. |
Фарғона вилояти |
304 |
12 423,5 |
55 444,8 |
4 622,5 |
7 801,0 |
603 |
13. |
Хоразм вилояти |
185 |
10 984,4 |
18 786,7 |
4 663,0 |
6 321,4 |
450 |
14. |
Тошкент шаҳри |
243 |
9 344,4 |
30 837,0 |
3 081,4 |
6 263,0 |
667 |
Республика бўйича жами |
3 015 |
105 449,2 |
344 724,3 |
30 433,3 |
75 015,9 |
8 018 |
|
Президентининг
2017 йил 17 ноябрдаги
ПФ-5242-сон Фармонига
3-ИЛОВА
2018-2019 йилларда Қорақалпоғистон
Республикаси вилоятлар ва Тошкент шаҳрида
ҳунармандчилик объектларини ташкил этиш бўйича
КОМПЛЕКС ЧОРА-ТАДБИРЛАР
Т/р |
Чора-тадбирлар номи |
Ижро муддати |
Масъул ижрочилар |
Қорақалпоғистон Республикаси
|
|||
1. |
Шуманай туманида "Уста-шогирд" мактабини ташкил этиш орқали ҳунармандчиликнинг йўқолиб кетаётган турларини тиклаш. |
2018 йил сентябрь |
Қорақалпоғистон Республикаси Вазирлар Кенгаши (Сариев), тижорат банклари, Шуманай тумани ҳокимлиги (Янгибаев) |
2. |
Қўнғирот туманида Ҳунармандчиликка кўмаклашиш марказини ташкил этиш. |
2018 йил сентябрь |
Қорақалпоғистон Республикаси Вазирлар Кенгаши (Сариев), тижорат банклари, Қўнғирот тумани ҳокимлиги (Темирбаев) |
3. |
Хўжайли шаҳрида Ҳунармандчиликка кўмаклашиш марказини ташкил этиш. |
2019 йил III чорак |
Қорақалпоғистон Республикаси Вазирлар Кенгаши (Сариев), тижорат банклари, Хўжайли шаҳар ҳокимлиги |
4. |
Нукус шаҳрида Ҳунармандчиликка кўмаклашиш марказини ташкил этиш. |
2019 йил IV чорак |
Қорақалпоғистон Республикаси Вазирлар Кенгаши (Сариев), тижорат банклари, Нукус шаҳар ҳокимлиги |
Андижон вилояти
|
|||
5. |
Андижон шаҳрида қурилаётган "Жоме" комплексида Ҳунармандчиликка кўмаклашиш марказини ташкил этиш. |
2018 йил март |
Андижон вилояти ҳокимлиги (Абдурахманов), Андижон шаҳар ҳокимлиги (Рахматуллаев), "Ҳунарманд" уюшмаси (Хакимов) |
6. |
Андижон шаҳридаги "Аҳмадбекхожи меҳмонхонаси" тарихий-архитектура биносида Ҳунармандчиликка кўмаклашиш марказини ташкил этиш. |
2018 йил март |
Маданият вазирлиги (Сайфуллаев), Андижон вилояти ҳокимлиги (Абдурахманов), Андижон шаҳар ҳокимлиги (Рахматуллаев), "Ҳунарманд" уюшмаси (Хакимов) |
7. |
Шаҳрихон шаҳри Шохбекат кўчасида Ҳунармандчиликка кўмаклашиш марказини ташкил этиш. |
2018 йил март |
Шаҳрихон тумани ҳокимлиги (Дадахонов), "Ҳунарманд" уюшмаси (Хакимов) |
8. |
Шаҳрихон шаҳридаги миллий пичоқчилик маҳсулотлари ишлаб чиқариш бўйича халқ амалий санъати устаси Р. Алихўжаев уйида музей-устахона ва "Уста-шогирд" мактабини ташкил этиш. |
2018 йил март |
Шаҳрихон тумани ҳокимлиги (Дадахонов), "Ҳунарманд" уюшмаси (Хакимов) |
9. |
Андижон шаҳридаги мисгарлик маҳсулотлари ишлаб чиқариш бўйича халқ амалий санъати устаси И. Қўчқоров уйида музей-устахона ташкил этиш. |
2018 йил август |
Андижон шаҳар ҳокимлиги (Рахматуллаев), "Ҳунарманд" уюшмаси (Хакимов) |
10. |
Олтинкўл тумани Жалабек қишлоғидаги миллий кулолчилик маҳсулотлари ишлаб чиқариш устаси М. Абдувахобов уйида музей-устахона ва "Уста-шогирд" мактабини ташкил этиш. |
2018 йил декабрь |
Олтинкўл тумани ҳокимлиги (Каримов), ассоциация "Ҳунарманд" (Хакимов) |
11. |
Андижон шаҳридаги миллий мусиқа асбоблари тайёрлаш бўйича уста А. Мадраимов уйида музей-устахона "Уста-шогирд" мактабини ташкил этиш. |
2018 йил |
Андижон шаҳар ҳокимлиги (Рахматуллаев) "Ҳунарманд" уюшмаси (Хакимов) |
Бухоро вилояти
|
|||
12. |
Бухоро туманида "Бухоро ипак қоғози" ишлаб чиқариш Марказини қуриш. |
2018 йил июнь |
Бухоро вилояти ҳокимлиги (Барноев), "Ҳунарманд" уюшмаси (Хакимов) |
13. |
Ғиждувон туманида ипак гиламлар ишлаб чиқариш марказини ташкил этиш. |
2018 йил III чорак |
Ғиждувон тумани ҳокимлиги (Умаров), "Ҳунарманд" уюшмаси (Хакимов) |
14. |
Когон туманида "Когон ипак қоғози" ишлаб чиқариш марказини қуриш. |
2018 йил июнь |
Когон тумани ҳокимлиги (Жумаев), "Ҳунарманд" уюшмаси (Хакимов) |
15. |
Мусаввир А. Рамазонов уй-музейини ташкил этиш. |
2018 йил август |
Бухоро вилояти ҳокимлиги (Барноев), "Ҳунарманд" уюшмаси (Хакимов) |
16. |
Бухоро шаҳрида зардўз уста М. Салимов уй-музейи ва галереяси, Ҳунармандчиликни ривожлантириш марказини ташкил этиш. |
2018 йил август |
Бухоро вилояти ҳокимлиги (Барноев), "Ипотека банк" (Мансуров) |
17. |
Тўқувчи уста А. Арабов уйида сайёҳларга ҳунармандчилик хизматларини кўрсатувчи музей-устахона ташкил этиш. |
2018 йил август |
Бухоро вилояти ҳокимлиги(Барноев), "Ўзмиллийбанк" (Махмудов) |
18. |
Зардўз уста Б. Джумаев уйида уй-музей ташкил этиш. |
2018 йил август |
Бухоро вилояти ҳокимлиги (Барноев), "Ҳунарманд" уюшмаси (Хакимов) |
19. |
Бухоро шаҳри Шаҳристон бозори ҳудудида Ҳунармандчиликка кўмаклашиш марказини ташкил этиш. |
2019 йил II чорак |
Бухоро вилояти ҳокимлиги(Барноев), "Ўзмиллийбанк" (Махмудов), "Асакабанк" (Муродов), "Ҳунарманд" у?шмаси (Хакимов) |
20. |
Кулол уста А. Нарзуллаев устахонасида меҳмонхона хўжалиги ва умумий овқатланиш хизматини ташкил этиш. |
2018 йил октябрь |
Бухоро вилояти ҳокимлиги(Барноев), "Ўзмиллийбанк" (Махмудов) |
21. |
Темирчи уста Ш. Камалов уй-музейини экспонатлар билан янада бойитиш. |
2018 йил декабрь |
"Ҳунарманд" уюшмаси (Хакимов) |
22. |
Тикувчи уста З. Облобердиева уй-музейини ташкил этиш. |
2018 йил декабрь |
"Ҳунарманд" уюшмаси (Хакимов) |
23. |
Тикувчи уста З. Каримова уй-музейини ташкил этиш. |
2018 йил декабрь |
"Ҳунарманд" уюшмаси (Хакимов) |
24. |
Уста Д. Тошев уй-музейини ташкил этиш. |
2018 йил декабрь |
"Ҳунарманд" уюшмаси (Хакимов) |
25. |
Бухоро шаҳар марказий деҳқон бозорида ҳунармандчилик растасини ташкил этиш. |
2018 йил декабрь |
Бухоро шаҳар ҳокимлиги (Камалов) |
26. |
Кулол уста А. Нарзуллаев музей-устахонасини экспонатлар билан бойитиш. |
2018 йил декабрь |
"Ҳунарманд" уюшмаси (Хакимов) |
Жиззах вилояти
|
|||
27. |
Жиззах шаҳрида Ҳунармандчиликка кўмаклашиш марказини ташкил этиш. |
2018 йил II чорак |
Жиззах вилояти ҳокимлиги(Салиев), Жиззах шаҳар ҳокимлиги (Рахманкулов), "Ҳунарманд" уюшмаси (Хакимов) |
Қашқадарё вилояти
|
|||
28. |
Қарши шаҳрида Ҳунармандчиликка кўмаклашиш марказини ташкил этиш. |
2019 йил I чорак |
Қашқадарё вилояти ҳокимлиги(Рузиев), Қарши шаҳар ҳокимлиги (Фозилов), "Ҳунарманд" уюшмаси (Хакимов) |
Навоий вилояти
|
|||
29. |
Навоий вилояти Нурота туманида Ҳунармандчиликка кўмаклашиш марказини ташкил этиш. |
2019 йил II чорак |
Навоий вилояти ҳокимлиги(Турсунов), ҳокимлиги Нурота тумани (Хамроев), "Ҳунарманд" уюшмаси (Хакимов) |
Наманган вилояти
|
|||
30. |
Наманган шаҳри "Мулла Киргиз мадрасаси" архитектура ёдгорлиги ҳудудида Ҳунармандчиликка кўмаклашиш марказини ташкил этиш. |
2018 йил IV чорак |
Наманган вилояти ҳокимлиги(Бозаров), Наманган шаҳар ҳокимлиги (Абдуразаков), "Ҳунарманд" уюшмаси (Хакимов) |
31. |
Чуст шаҳри марказий деҳқон бозорида Ҳунармандчиликка кўмаклашиш марказини ташкил этиш. |
2018 йил IV чорак |
Чуст тумани ҳокимлиги (Охунов), "Ҳунарманд" уюшмаси (Хакимов) |
32. |
Наманган шаҳрида тикувчилик бўйича уста Л. Садритдинов музей-устахонаси ва "Уста-шогирд" мактабини ташкил этиш. |
2018 йил май |
Наманган шаҳар ҳокимлиги (Абдуразаков), "Ҳунарманд" уюшмаси (Хакимов) |
33. |
Наманган шаҳрида чинни кулолчилик бўйича уста Н. Солиев музей-устахонаси ва "Уста-шогирд" мактабини ташкил этиш. |
2018 йил июнь |
Наманган шаҳар ҳокимлиги (Абдуразаков), "Ҳунарманд" уюшмаси (Хакимов) |
34. |
Поп тумани Ғурумсарой қишлоғида керамик кулолчилик бўйича уста В. Буваев музей-устахонаси ва "Уста-шогирд" мактабини ташкил этиш. |
2018 йил июнь |
Поп тумани ҳокимлиги (Султанов), "Ҳунарманд" уюшмаси (Хакимов) |
35. |
Наманган шаҳрида Ўзбекистон бадиий академияси академиги, халқ амалий санъати устаси А. Акпаров музей-устахонасини ташкил этиш. |
2018 йил декабрь |
Наманган шаҳар ҳокимлиги (Абдуразаков), "Ҳунарманд" уюшмаси (Хакимов) |
36. |
Тўрақўрғон тумани Чуст кўприк қишлоғида миллий кийим-бош тикиш бўйича уста М. Муминова "Уста-шогирд" мактабини ташкил этиш. |
2017 йил декабрь |
Тўрақўрғон тумани ҳокимлиги (Муродхўжаев) |
Самарқанд вилояти
|
|||
37. |
Самарқанд тумани Конигил қишлоғидаги "Конигил мерос" оилавий корхонасида Ҳунармандчиликка кўмаклашиш марказини ташкил этиш. |
2018 йил III чорак |
Самарқанд вилояти ҳокимлиги (Жўраев), Самарқанд тумани ҳокимияти (Джалолов), "Конигил мерос" оилавий корхонаси |
38. |
Самарқанд шаҳридаги "Руҳобод" мақбараси ҳудудида Ҳунармандчиликка кўмаклашиш марказини ва хорижий сайёҳлар учун ҳунармандчилик маҳсулотлари кўргазмасини ташкил этиш. |
2018 йил март |
Самарқанд вилояти ҳокимлиги (Жўраев), Самарқанд шаҳар ҳокимлиги (Рахимов) |
39. |
Тойлоқ тумани ва Ургут шаҳрида Ҳунармандчиликни ривожлантириш марказларини ташкил этиш. |
2019 йил II чорак |
Самарқанд вилояти ҳокимлиги (Жўраев), Тойлоқ (Садуллаев) ва Ургут ( Турдиев) туман ҳокимиятлари |
40. |
Ургут туманидаги "Камарзор" маҳалласида миллий ранглардан фойдаланган ҳолда замонавий инфратузилма объектлари бўлган (савдо расталари, дам олиш жойи, мастер класс ўтказиш жойи, маълумотлар бюроси, санитария-гигиена пунктлари) бўлган ҳунармандлар марказини (кўчаси) ташкил этиш. |
2018 йил апрель |
Самарқанд вилояти ҳокимлиги (Жўраев), Ургут тумани ҳокимлиги (Турдиев) |
41. |
Самарқанд шаҳри Амир Темур кўчасида қурилаётган "Samarqand city" туристик зонаси ҳудудида ҳунармандчилик маҳсулотлари билан савдо қилувчи савдо расталари ва ҳунармандчилик устахоналарини ташкил этиш. |
2017-2018 йиллар |
Самарқанд вилояти ҳокимлиги (Жўраев), Самарқанд шаҳар ҳокимлиги (Рахимов) |
42. |
Самарқанд шаҳрида ҳунармандчиликни ривожлантириш бўйича услубий ахборот-ресурс марказини ташкил этиш. |
2017-2018 йиллар |
Самарқанд вилояти ҳокимлиги (Жўраев), "Ҳунарманд" уюшмаси (Хакимов) |
Сирдарё вилояти
|
|||
43. |
Гулистон шаҳрида Ҳунармандчиликка кўмаклашиш марказини ташкил этиш. |
2018 йил II чорак |
Сирдарё вилояти ҳокимлиги (Мирзаев), Гулистон шаҳар ҳокимлиги (Исматуллаев), "Ҳунарманд" уюшмаси (Хакимов) |
Сурхондарё вилояти
|
|||
44. |
Термиз шаҳридаги Н. Жўраев оилавий кулолчилик сулоласи музей-устахонаси ва "Уста-шогирд" мактабини ташкил этиш. |
2017 йил ноябрь |
Сурхондарё вилояти ҳокимлиги (Турдимов), Маданият вазирлиги (Сайфуллаев), "Ҳунарманд" уюшмаси (Хакимов), тижорат банклари |
45. |
Термиз шаҳри Т. Мирзаев кўчасидаги "Ҳунарманд" уюшмасига тегишли бинода Ҳунармандчиликка кўмаклашиш марказини ташкил этиш. |
2018 йил IV чорак |
Сурхондарё вилояти ҳокимлиги (Турдимов), "Ҳунарманд" уюшмаси (Хакимов) |
Тошкент вилояти
|
|||
46. |
Ангрен шаҳрида Ҳунармандчиликка кўмаклашиш марказини ташкил этиш. |
2019 йил III чорак |
Тошкент вилояти ҳокимлиги (Ибрагимов), Ангрен шаҳар ҳокимлиги (Абдулазизов), "Ҳунарманд" уюшмаси (Хакимов) |
Фарғона вилояти
|
|||
47. |
Ўзбекистон Республикаси Вазирлар Маҳкамасининг "Фарғона вилоятининг Марғилон, Қўқон шаҳарлари ва Риштон туманида ҳунармандчиликни янада ривожлантириш чора-тадбирлари тўғрисида" 2017 йил 2 сентябрдаги 687-сон қарори билан тасдиқланган манзилли дастур ижросини таъминлаш. |
2017-2018 йиллар |
Фарғона вилояти ҳокимлиги (Ганиев), Маданият вазирлиги (Сайфуллаев), "Ҳунарманд" уюшмаси (Хакимов), вазирлик ва идоралар, тижорат банклари |
Хоразм вилояти
|
|||
48. |
Янгиариқ тумани Каттабоғ қишлоғидаги кулолчилик бўйича уста С. Отажонов музей-устахонаси ва "Уста-шогирд" мактабини ташкил этиш. |
2018 йил апрель |
Хоразм вилояти ҳокимлиги (Сабиров), Янгиариқ тумани (Саидов), "Ҳунарманд" уюшмаси (Хакимов) |
49. |
Хива туманида ипак гиламлар тикиш бўйича "Уста-шогирд" мактабини ташкил этиш. |
2018 йил апрель |
Хоразм вилояти ҳокимлиги (Сабиров), Хива тумани ҳокимлиги (Матякубов), "Ҳунарманд" уюшмаси (Хакимов) |
50. |
Хонқа тумани Мадир қишлоғидаги кулолчилик бўйича уста Р. Матчонов музей-устахонаси ва "Уста-шогирд" мактабини ташкил этиш. |
2018 йил апрель |
Хоразм вилояти ҳокимлиги (Сабиров), Хонқа тумани ҳокимлиги (Жуманазаров), "Ҳунарманд" уюшмаси (Хакимов) |
51. |
Хива шаҳридаги "Нуриллабой саройи"да Ҳунармандчиликка кўмаклашиш марказини ташкил этиш. |
2018 йил III чорак |
Хоразм вилояти ҳокимлиги (Сабиров), Хива шаҳри ҳокимлиги (Якубов), "Ҳунарманд" уюшмаси (Хакимов) |
Тошкент шаҳри
|
|||
52. |
Шайхонтохур туманидаги ҳунарманд Н. Сатиболдиевага "Орифжонбой" масжидида "Абри баҳор" санъатини тиклаш ва ривожлантириш учун жой ажратиш. |
2018 йил март |
Тошкент шаҳар ҳокимлиги (Усмонов), Маданият вазирлиги (Сайфуллаев), "Ҳунарманд" уюшмаси (Хакимов) |
53. |
Ҳунармандчилик буюмлари ва миллий либослар кўргазма- ярмаркаларини доимий равишда ташкил этиш мақсадида, Олмазор тумани Зарқайнар кўчаси 1-уйда жойлашган "Зарқайнар" миллий либослар галереясини "Ҳунарманд" уюшмасига бириктириш. |
2018 йил март |
Тошкент шаҳар ҳокимлиги (Усмонов), Маданият вазирлиги (Сайфуллаев), "Ҳунарманд" уюшмаси (Хакимов) |
54. |
Олмазор тумани 169-мактабгача таълим муассасаси балансидаги бўш турган бинони ижара шартномаси асосида ҳунарманд Б. Мухамеджановга бериш ва у ерда чинни буюмлар ишлаб чиқаришни йўлга қўйиш. |
2018 йил апрель |
Тошкент шаҳар ҳокимлиги (Усмонов), Давлат рақобат қўмитаси (Гулямов), "Ҳунарманд" уюшмаси (Хакимов) |
55. |
Чилонзор туманидаги "Ҳунарманд" уюшмаси биносида Ҳунармандчиликни ривожлантириш марказини ташкил этиш. |
2017 йил декабрь |
Тошкент шаҳар ҳокимлиги (Усмонов), "Ҳунарманд" уюшмаси (Хакимов) |
Изоҳ. Ҳунармандчилик объектларини қуриш бўйича сарфланадиган маблағлар лойиҳа-смета ишлари якунига кўра аниқланади.
Президентининг
2017 йил 17 ноябрдаги
ПФ-5242-сон Фармонига
4-ИЛОВА
Ҳунармандчиликни янада ривожлантириш
ва ҳунармандларни ҳар томонлама қўллаб-қувватлаш
ишларини мувофиқлаштириш бўйича ҳудудий комиссияларнинг
НАМУНАВИЙ ТАРКИБИ
1. Қорақалпоғистон Республикаси Вазирлар Кенгаши Раиси, вилоятлар ва Тошкент шаҳар ҳокимларининг биринчи ўринбосари, комиссия раиси
2. Ўзбекистон Республикаси Савдо-саноат палатасининг ҳудудий бошқармаси бошлиғи, комиссия раиси ўринбосари
3. Қорақалпоғистон Республикаси Бандлик ва меҳнат муносабатлари вазири, вилоят ва Тошкент шаҳар Бандлик бош бошқармаси бошлиғи
4. Қорақалпоғистон Республикаси Иқтисодиёт вазири, вилоят ва Тошкент шаҳар Иқтисодиёт ва ҳудудларни комплекс ривожлантириш бош бошқармаси бошлиғи
5. Қорақалпоғистон Республикаси Молия вазири, вилоят ва Тошкент шаҳар Молия бош бошқармалари бошлиғи
6. Қорақалпоғистон Республикаси Маданият вазири, вилоят ва Тошкент шаҳар Маданият бошқармаси бошлиғи
7. Қорақалпоғистон Республикаси қурилиш вазири, вилоят ва Тошкент шаҳар қурилиш бош бошқармаси бошлиғи
8. Ўзбекистон Республикаси Хусусийлаштирилган корхоналарга кўмаклашиш ва рақобатни ривожлантириш давлат қўмитаси ҳудудий органи бошлиғи
9. Қорақалпоғистон Республикаси, вилоят ва Тошкент шаҳар Солиқ бошқармаси бошлиғи
10. Қорақалпоғистон Республикаси, вилоят ва Тошкент шаҳар Марказий банк бош бошқармаси бошлиғи
11. Қорақалпоғистон Республикаси, вилоятлар ва Тошкент шаҳар "Микрокредитбанк" АТБ филиали раҳбари
12. "Ҳунарманд" уюшмаси ҳудудий бўлими раҳбари, комиссия котиби.
Президентининг
2017 йил 17 ноябрдаги
ПФ-5242-сон Фармонига
5-ИЛОВА
Ҳунармандчилик фаолияти субъектларига
келгусида имтиёзли микрокредитлар ажратиш учун
Ўзбекистон Республикаси Тикланиш ва тараққиёт
жамғармаси ҳисобидан республика тижорат
банкларини молиялаштириш
СХЕМАСИ
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
Босқич |
|
Субъектлар |
|
Чора-тадбирлар |
|
||||||||||||||||||||
|
|
|
|
|||||||||||||||||||||||
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
1-босқич |
|
Тижорат банклари |
|
Жами 50 млн. АҚШ долл. миқдорда кредит линияларини очиш учун Ўзбекистон Республикаси Тикланиш ва тараққиёт жамғармасининг (ЎРРЖ) ижро этувчи дирекциясига киритиш, жумладан: "Микрокредитбанк" АТБ - 20 млн.долл. "Халқ банк" АТБ - 15 млн. долл. "Агробанк" АТБ - 15 млн. долл.
|
|
||||||||||||||||||||
|
|
|
|
|||||||||||||||||||||||
|
|
|
|
|||||||||||||||||||||||
|
|
|
|
|||||||||||||||||||||||
|
|
|
|
|||||||||||||||||||||||
|
|
|
|
|||||||||||||||||||||||
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
2-босқич |
|
ЎРРЖ |
|
Тижорат банкларига кредит линияларини очиш масаласини Ўзбекистон Республикаси Тикланиш ва тараққиёт жамғармаси белгиланган тартибда Бошқарув кенгашига кўриб чиқиш учун киритиш.
|
|
||||||||||||||||||||
|
|
|
|
|||||||||||||||||||||||
|
|
|
|
|||||||||||||||||||||||
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
3-босқич |
|
ЎРРЖ, тижорат банклари |
|
Ўзбекистон Республикаси Бошқарув кенгаши томонидан қарор қабул қилингач, тижорат банкларига кредит линияларини очиш тўғрисида битимлар тузиш.
|
|
||||||||||||||||||||
|
|
|
|
|||||||||||||||||||||||
|
|
|
|
|||||||||||||||||||||||
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
4-босқич |
|
ЎРРЖ |
|
Тижорат банкларига ўз буюртмалари асосида жами 50 млн. AҚШ долл. миқдорда кредит маблағларни ажратиш, жумладан: "Микрокредитбанк" АТБ - 20 млн.долл. "Халқ банк" АТБ - 15 млн. долл. "Агробанк" АТБ - 15 млн. долл.
|
|
||||||||||||||||||||
|
|
|
|
|||||||||||||||||||||||
|
|
|
|
|||||||||||||||||||||||
|
|
|
|
|||||||||||||||||||||||
|
|
|
|
|||||||||||||||||||||||
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
5-босқич |
|
Тижорат банклари |
|
ЎРРЖ қарз маблағларини Ўзбекистон Республикаси Марказий банки орқали конвертация қилиш.
|
|
||||||||||||||||||||
|
|
|
|
|||||||||||||||||||||||
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
6-босқич |
|
Тижорат банклари |
|
Ҳунармандчилик фаолияти субъектларига ўз буюртмалари асосида имтиёзли кредитлар ажратиш.
|
|
||||||||||||||||||||
|
|
|
|
|||||||||||||||||||||||
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
7-босқич |
|
Тижорат банклари |
|
Тижорат банклари томонидан конвертация қилинган маблағларнинг қолган қисмини Ўзбекистон Республикаси ТИФ Миллий банкда талаб этиб олинадиган мақсадли депозитга миллий валютада жойлаштириш ва кейинчалик ҳунармандчилик субъектларига имтиёзли микрокредитлар ажратиш учун депозитдан келгусида талаб этилган маблағлар қисмини чақиртириб олиш имкониятини яратган ҳолда, қолган маблағлар бўйича йиллик 10 фоиз миқдорда фоиз ҳисоблаш.
|
|
||||||||||||||||||||
|
|
|
|
|||||||||||||||||||||||
|
|
|
|
|||||||||||||||||||||||
|
|
|
|
|||||||||||||||||||||||
|
|
|
|
|||||||||||||||||||||||
|
|
|
|
|||||||||||||||||||||||
|
|
|
|
|||||||||||||||||||||||
|
|
|
|
|||||||||||||||||||||||
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
Президентининг
2017 йил 17 ноябрдаги
ПФ-5242-сон Фармонига
6-ИЛОВА
2018-2019 йилларда республиканинг
туман ва шаҳарларида ташкил этиладиган
Ҳунармандчиликни ривожлантириш
МАРКАЗЛАРИ
Т/р |
Туман ва шаҳарлар номи |
Ҳунармандчиликни ривожлантириш марказларини ишга тушириш муддатлари |
1. |
Қорақалпоғистон Республикаси Нукус шаҳри |
2019 йил IV чорак |
2. |
Қорақалпоғистон Республикаси Хўжайли шаҳри |
2019 йил III чорак |
3. |
Андижон вилояти Андижон шаҳри |
2018 йил I чорак |
4. |
Андижон вилояти Шаҳрихон шаҳри |
2018 йил I чорак |
5. |
Бухоро вилояти Бухоро шаҳри |
2019 йил II чорак |
6. |
Бухоро вилояти Ғиждувон шаҳри |
2018 йил III чорак |
7. |
Жиззах вилояти Зомин тумани |
2018 йил II чорак |
8. |
Қашқадарё вилояти Қарши шаҳри |
2019 йил I чорак |
9. |
Навоий вилояти Нурота тумани |
2019 йил II чорак |
10. |
Наманган вилояти Наманган шаҳри |
2018 йил IV чорак |
11. |
Наманган вилояти Чуст шаҳри |
2018 йил IV чорак |
12. |
Самарқанд вилояти Самарқанд шаҳри |
2018 йил I чорак |
13. |
Самарқанд вилояти Ургут шаҳри |
2019 йил II чорак |
14. |
Самарқанд вилояти Тайлоқ тумани |
2019 йил I чорак |
15. |
Сирдарё вилояти Гулистон шаҳри |
2018 йил II чорак |
16. |
Сурхондарё вилояти Термиз шаҳри |
2018 йил IV чорак |
17. |
Тошкент вилояти Зангиота тумани |
2019 йил III чорак |
18. |
Фарғона вилояти Фарғона шаҳри |
2019 йил II чорак |
19. |
Фарғона вилояти Қўқон шаҳри |
2018 йил IV чорак |
20. |
Фарғона вилояти Марғилон шаҳри |
2019 йил III чорак |
21. |
Фарғона вилояти Риштон тумани |
2018 йил III чорак |
22. |
Хоразм вилояти Хива тумани |
2018 йил III чорак |
23. |
Тошкент шаҳри |
2017 йил IV чорак |
Маълумот учун: Самарқанд, Шаҳрисабз ва Марғилон шаҳарларида Ҳунармандчиликни ривожлантириш марказлари ташкил этилган ва фаолият юритмоқда.
Президентининг
2017 йил 17 ноябрдаги
ПФ-5242-сон Фармонига
7-ИЛОВА
2018/2019 ўқув йилидан ҳунармандчиликнинг
талаб юқори бўлган турлари бўйича касб-ҳунар
таълими йўналишлари очиладиган ва Ўзбекистон
Республикаси Бандлик ва меҳнат муносабатлари
вазирлиги тасарруфига ўтказиладиган
касб-ҳунар коллежлари
РЎЙХАТИ
Т/р |
Ҳудуд номи |
Касб-ҳунар коллежи номи (КХҚ) |
1. |
Қорақалпоғистон Республикаси |
Нукус шаҳар "Коммунал хўжалиги ва сервис" КҲК |
2. |
Андижон вилояти |
Шаҳрихон туман "Енгил саноат ва сервис" КҲК |
3. |
Бухоро вилояти |
Бухоро шаҳар "Политехника" КҲК |
4. |
Жиззах вилояти |
Жиззах шаҳар "Иқтисодиёт ва сервис" КҲК |
5. |
Қашқадарё вилояти |
Қарши шаҳар "Саноат" КҲК |
6. |
Навоий вилояти |
Навоий шаҳар "Техника ва иқтисодиёт" КҲК |
7. |
Наманган вилояти |
Наманган шаҳар "Саноат" КҲК |
8. |
Самарқанд вилояти |
Самарқанд шаҳар "Саноат" КҲК |
9. |
Сурхондарё вилояти |
Термиз шаҳар "Саноат ва транспорт" КҲК |
10. |
Сирдарё вилояти |
Гулистон шаҳар "Компьютер ва ахборот технологиялари" КҲК |
11. |
Тошкент вилояти |
Бекобод туман "Маиший хизмат" КҲК |
12-13 |
Фарғона вилояти |
Фарғона шаҳар "Саноат" КҲК, Фарғона шаҳар имконияти чекланган шахслар учун махсус коллеж |
14. |
Хоразм вилояти |
Урганч шаҳар "Маиший хизмат" КҲК |
15-16 |
Тошкент шаҳри |
Тошкент шаҳар имконияти чекланган шахслар учун махсус коллеж, 2-Тошкент юридик коллежи |
Президентининг
2017 йил 17 ноябрдаги
ПФ-5242-сон Фармонига
8-ИЛОВА
2018-2019 йилларда ҳунармандчиликнинг турли
йўналишлари бўйича кўргазмалар, фестиваллар
ва халқаро конференциялар ўтказиш
ТАДБИРЛАРИ
Т/р |
Чора-тадбирлар номи |
Амалга ошириш муддати |
Масъул ижрочилар |
Қорақалпоғистон Республикаси
|
|||
1. |
Нукус шаҳрида "Миллий либос - миллат чиройи" республика миллий либослар савдо-кўргазмасини ташкил этиш. |
2018 йил июль |
Маданият вазирлиги, "Ҳунарманд" уюшмаси |
2. |
И.В. Савицкий номидаги давлат санъат музейида Қорақалпоғистон Республикасининг замонавий ҳунармандчилик кўргазмасини ташкил этиш. |
2018 йил июль |
Маданият вазирлиги, Ўзбекистон бадиий академияси, "Ҳунарманд" уюшмаси |
Андижон вилояти
|
|||
3. |
Андижон шаҳрида "Миллий қўғирчоқлар - миллий қадриятлар кўзгуси" номли республика фестивалини ўтказиш. |
2018 йил июль |
Маданият вазирлиги, "Ҳунарманд" уюшмаси, Андижон вилояти ҳокимлиги |
Бухоро вилояти
|
|||
4. |
Бухоро шаҳрида "Ипак ва зираворлар" анъанавий халқаро фестивалини ўтказиш. |
2018 йил май |
Маданият вазирлиги, "Ҳунарманд" уюшмаси, Бухоро вилояти ҳокимлиги |
5. |
Бухоро давлат бадиий-архитектура музей-қўриқхонасида "Замонавий ҳунармандчилик вакиллари" мавзусида кўргазма ўтказиш. |
2018-2019 йиллар |
Маданият вазирлиги, "Ҳунарманд" уюшмаси |
Жиззах вилояти
|
|||
6. |
Жиззах вилоятининг Зомин туманида "Умрбоқий созлар" республика миллий мусиқа асбоблари кўргазмасини ташкил этиш. |
2018 йил IV чорак |
Маданият вазирлиги, "Ҳунарманд" уюшмаси |
Қашқадарё вилояти
|
|||
7. |
Қашқадарё вилоятининг Шаҳрисабз туманида "Каштачиликда ҳаёт порлайди" номли миллий каштачилик буюмлари республика савдо кўргазмасини ташкил этиш. |
2018 йил апрель |
"Ҳунарманд" уюшмаси, Қашқадарё вилояти ҳокимлиги |
Наманган вилояти
|
|||
8. |
Наманган шаҳрида "Дўппи тикдим ипаклари тиллодан" республика миллий дўппилар кўргазмасини ташкил этиш. |
2018 йил IV чорак |
Маданият вазирлиги, "Ҳунарманд" уюшмаси, Наманган вилояти ҳокимлиги |
Самарқанд вилояти
|
|||
9. |
Самарқанд шаҳрида "Лойдан ясалган мўъжиза" кулолчилар кўргазма танловини ўтказиш. |
2018 йил сентябрь |
Маданият вазирлиги, "Ҳунарманд" уюшмаси, Самарқанд вилояти ҳокимлиги |
10. |
Самарқанд давлат бирлашган тарихий-архитектура ва бадиий музей-қўриқхонасида "Замонавий ҳунармандчилик вакиллари" мавзусида кўргазма ўтказиш. |
2018-2019 йиллар |
Маданият вазирлиги, "Ҳунарманд" уюшмаси |
Сурхондарё вилояти
|
|||
11. |
Сурхондарё вилоятининг Бойсун туманида "Бойсун баҳори" анъанавий республика фестивалини ўтказиш. |
2018 йил май |
Маданият вазирлиги, "Ҳунарманд" уюшмаси, Сурхондарё вилояти ҳокимлиги |
Фарғона вилояти
|
|||
12. |
Марғилон шаҳрида анъанавий халқаро фестивал доирасида миллий ҳунармандчилик бўйича "Атлас байрами" мавзусида халқаро конференция ўтказиш. |
2018 йил октябрь |
Маданият вазирлиги, "Ҳунарманд" уюшмаси, Фарғона вилояти ҳокимлиги |
Хоразм вилояти
|
|||
13. |
Хоразм вилоятининг Хива туманида қўлда тикилган миллий гиламчилик буюмларининг "Гиламларга битилган тарих" республика кўргазма танловини ўтказиш. |
2018 йил июль |
Маданият вазирлиги, "Ҳунарманд" уюшмаси, Хоразм вилояти ҳокимлиги |
14. |
"Ичан Қалъа" Хива давлат бадиий-архитектура музей-қўриқхонасида "Замонавий ҳунармандчилик вакиллари" кўргазмасини ўтказиш. |
2018-2019 йиллар |
Маданият вазирлиги, "Ҳунарманд" уюшмаси |
Тошкент шаҳри
|
|||
15. |
Тошкент шаҳрининг марказий кўргазмалар зали, Тошкент фотосуратлар уйи ва Ўзбекистон миллий тасвирий санъат галереясида халқаро амалий санъат фестивалини ўтказиш. |
2018 йил ноябрь |
Маданият вазирлиги, Ўзбекистон бадиий академияси, "Ҳунарманд" уюшмаси |
16. |
Тошкент шаҳрининг марказий кўргазмалар зали, Тошкент фотосуратлар уйи ва Ўзбекистон миллий тасвирий санъат галереясида халқаро амалий санъат фестивали доирасида илмий конференция ўтказиш. |
2018 йил ноябрь |
Маданият вазирлиги, Ўзбекистон бадиий академияси, ""Ҳунарманд" уюшмаси |
17. |
Ўзбекистон миллий тасвирий санъат галереясида Самарқанд вилоятининг анъанавий ҳунармандчилик маҳсулотлари кўргазмасини ўтказиш. |
2018 йил ноябрь-декабрь |
Маданият вазирлиги, Ўзбекистон бадиий академияси, "Ҳунарманд" уюшмаси |
18. |
Ўзбекистон миллий тасвирий санъат галереясида "Бухоро анъанавий ҳунармандчилиги" кўргазмасини ўтказиш. |
2018 йил март |
Маданият вазирлиги, "Ҳунарманд" уюшмаси, Ўзбекистон бадиий академияси |
19. |
Тошкент шаҳрида "Амалий санъат - истиқболли ёшлар қўлида" номли республика ёш ҳунармандлар маҳсулотлари кўргазма танловини ўтказиш. |
2018 йил март |
"Ҳунарманд" уюшмаси |
20. |
Тошкент шаҳрида "Мустақил юрт ҳунармандлари" мавзусида республика анъанавий халқ амалий санъати ва миллий ҳунармандчилик маҳсулотлари кўргазма танловини ўтказиш. |
2018 йил июнь |
Маданият вазирлиги, "Ҳунарманд" уюшмаси |
21. |
Ўзбекистон миллий тасвирий санъат галереясида Қорақалпоғистон анъанавий ҳунармандчилик маҳсулотлари кўргазмасини ўтказиш. |
2018 йил сентябрь |
Маданият вазирлиги, "Ҳунарманд" уюшмаси, Ўзбекистон бадиий академияси |
22. |
Ўзбекистон санъат музейида "Қадимги ҳунармандлар тарихи" мавзусида ҳунарманд-усталар маҳсулотлари кўргазмасини ташкил этиш. |
2018-2019 йиллар |
Маданият вазирлиги, "Ҳунарманд" уюшмаси |
23. |
Тошкент шаҳрининг марказий кўргазмалар зали, Тошкент фотосуратлар уйи ва Ўзбекистон миллий тасвирий санъат галереясида Бадиий академиянинг бадиий кўргазмалар дирекцияси ҳисобидан ҳунармандлар маҳсулотлари кўргазмасини ўтказиш. |
2018 йил мобайнида |
Маданият вазирлиги, Ўзбекистон бадиий академияси |
Халқаро кўргазмалар
|
|||
24. |
АҚШ, Франция, Швеция, Германия, Венгрия, Япония, Жанубий Корея, Хитой, Туркия, Эрон, Ҳиндистон, Малайзия, Россия, Қозоғистон, Украина, Озарбайжон, Қирғизистон, Тожикистон, Туркманистон ва бошқа давлатларда (махсус режага мувофиқ) Ўзбекистон ҳунармандлари иштирокида амалий санъат кўргазмаларини ташкил этиш. |
2018-2019 йиллар мобайнида |
Савдо-саноат палатаси, Маданият вазирлиги, "Ҳунарманд" уюшмаси |
Қонун ҳужжатлари маълумотлари миллий базаси (www.lex.uz),
2017 йил 20 ноябрь
"Халқ сўзи", 2017 йил 21 ноябрь
78-150-11-72 
Мобильная версия сайта