ВСЕ ЗАКОНОДАТЕЛЬСТВО УЗБЕКИСТАНА

ЎзР Конунчилиги / Иқтисодиётнинг айрим соҳалари / Саноат / Пахтани қайта ишлаш саноати /

Ўзбекистон Республикаси Президентининг 28.11.2017 й. ПҚ-3408-сон "Пахтачилик тармоғини бошқариш тизимини тубдан такомиллаштириш чора-тадбирлари тўғрисида"ги Қарори

Функция недоступна

Данная функция доступно только для клиентов (пользователей)

Полный текст документа доступен в платной версии. По вопросам звоните на короткий номер 1172

ЎЗБЕКИСТОН РЕСПУБЛИКАСИ

ПРЕЗИДЕНТИНИНГ

ҚАРОРИ

28.11.2017 й.

N ПҚ-3408



ПАХТАЧИЛИК ТАРМОҒИНИ БОШҚАРИШ

ТИЗИМИНИ ТУБДАН ТАКОМИЛЛАШТИРИШ

ЧОРА-ТАДБИРЛАРИ ТЎҒРИСИДА*


[Кўчирма]


Мамлакатимизда пахтачилик тармоғини ривожлантириш, пахта тозалаш корхоналарини модернизациялаш ва техник қайта жиҳозлаш, ишлаб чиқариш ва пахта хом ашёсини қайта ишлаш рентабеллигини, шунингдек, ишлаб чиқариладиган маҳсулотларнинг рақобатбардошлилигини ошириш бўйича комплекс чора-тадбирлар амалга оширилмоқда.

Шу билан бирга, мазкур соҳадаги ишларнинг ҳақиқий аҳволи ишлаб чиқариш жараёнларини тезкор янгилаш ва модернизация қилиш, илғор технологиялар ва корпоратив бошқарувнинг замонавий услубларини жорий этиш, умуман тармоқнинг жадал ривожланишига тўсиқ бўлаётган тизимли муаммо ва камчиликлар мавжудлигидан далолат беради.

Замонавий ахборот-коммуникация технологиялари етарлича жорий қилинмаганлиги оқибатида хом ашёни қабул қилиш, ташиш ва қайта ишлаш, тайёр маҳсулотларни реализация қилиш жараёнлари устидан лозим даражада ҳисобот ва назорат тизими мавжуд эмас.

Пахта тозалаш корхоналарининг ресурс салоҳияти ва мавжуд ишлаб чиқариш қувватлари ўртасидаги номутаносибликнинг кўпайиши, шунингдек, уларнинг ишлаб чиқариш фаолиятини диверсификациялаш бўйича чораларнинг ўз вақтида кўрилмаганлиги ишлаб чиқариш қувватларининг анча қисми бекор туришига ва иқтисодий йўқотишларга олиб келмоқда.

Пахтачилик тармоғи корхоналарини бошқариш тизимини, шу жумладан фаолият юритаётган ташкилотлар тузилмасини оптималлаштириш орқали такомиллаштириш, қишлоқ хўжалиги ишлаб чиқарувчилари ўртасида соғлом рақобатни ҳамда уларнинг самарали фаолияти учун қулай ҳуқуқий, ташкилий шарт-шароитларни яратиш талаб этилмоқда.

Пахта хом ашёси сифат кўрсаткичларини аниқлашга нисбатан эскирган ёндашувларнинг қўлланилиши маҳсулот тайёрлаш ва ишлаб чиқариш ҳажми ҳақидаги аниқ маълумотларнинг бузиб кўрсатилишига, бунинг оқибатида қишлоқ хўжалиги ишлаб чиқарувчиларининг норозилигига, тармоқнинг инвестициявий жозибадорлиги ёмонлашишига олиб келмоқда.

Пахтачилик тармоғини бошқариш тизимини тубдан такомиллаштириш, юқори қўшилган қийматли рақобатбардош ва сифатли тайёр маҳсулот ишлаб чиқаришни кенгайтириш, уларни йирик хорижий бозорларга янада олиб чиқиш, 2017-2021 йилларда Ўзбекистон Республикасини ривожлантиришнинг бешта устувор йўналиши бўйича Ҳаракатлар стратегиясида белгиланган вазифаларни изчил амалга ошириш мақсадида, шунингдек, Ўзбекистон Республикасида Маъмурий ислоҳотлар концепциясига мувофиқ:


1. Ўзбекистон Республикаси Президентининг 2017 йил 17 октябрдаги ПФ-5206-сон Фармони билан ташкил этилган "Ўзпахтасаноатэкспорт" ХКни тугатиш билан боғлиқ комплекс ташкилий чора-тадбирларни ишлаб чиқиш ва амалга ошириш бўйича комиссиянинг (кейинги ўринларда Комиссия деб юритилади):

"Ўзпахтасаноатэкспорт" ХКнинг "Ўзпахтасаноат" АЖ, "Ўзпахтаёғ" АЖ ва "Ўзпахтаэкспорт" АЖлари устав капиталидаги улушларини номинал қиймат бўйича давлат мулкига ўтказиш;

"Ўзпахтасаноатэкспорт" ХКнинг устав капиталига киритилган активларни давлат улуши сифатида "Ўзпахтасаноат" АЖнинг устав капиталига баланс қиймати бўйича ўтказиш, ушбу банднинг иккинчи хатбошисига мувофиқ давлатга ўтказиладиган акциялар пакети бундан мустасно;

мол-мулкнинг қолган қисмини баланс қиймати бўйича беғараз бериш, шунингдек, "Ўзпахтасаноатэкспорт" ХКни кейинчалик тугатиш йўли билан унинг ҳуқуқ ва мажбуриятларини "Ўзпахтасаноат" АЖга ўтказиш;

"Ўзпахтаэкспорт" АЖ, "Ўзпахтасаноат" АЖ ҳудудий филиалларининг мол-мулкини баланс қиймати бўйича ўтказган ҳолда уларни "Ўзпахтасаноат" АЖга қўшиб олиш, шунингдек, "Пахтасаноат" ҳудудий акциядорлик бирлашмаларини (кейинги ўринларда "Пахтасаноат" ҲАБ деб юритилади) қўшиб олиш жараёнини қонун ҳужжатларида белгиланган тартибда якунига етказиш орқали қайта ташкил этиш;

Ўзбекистон Республикаси Молия вазирлигининг Давлат молиявий назорати бош бошқармасига унинг тузилмасида 20 бирликдан иборат тегишли бошқарма ташкил этган ҳолда пахта тозалаш корхоналарида ҳисобга олиш ва ҳисоботнинг ҳаққонийлиги устидан назоратни амалга ошириш функциясини юклаш;

2018 йил 1 январдан бошлаб "Сифат" Ўзбекистон пахта толасини сертификатлаш марказини Ўзбекистон Республикаси Вазирлар Маҳкамаси тасарруфидан "Ўзстандарт" агентлиги тузилмасига ўтказиш ҳақидаги таклифлари маъқуллансин.

"Ўзстандарт" агентлиги Молия вазирлиги ва Иқтисодиёт вазирлиги билан биргаликда бир ой муддатда "Сифат" маркази фаолиятини, шу жумладан Ўзбекистон Республикасида Маъмурий ислоҳотлар концепцияси талабларига мувофиқ ташкил этиш тўғрисидаги норматив-ҳуқуқий ҳужжатлар лойиҳаларини Ўзбекистон Республикаси Вазирлар Маҳкамасига киритсин.


2. Қуйидагилар "Ўзпахтасаноат" АЖнинг асосий вазифалари ва фаолият йўналишлари этиб белгилансин:

пахта хом ашёсини қабул қилиш, сақлаш, ташиш ва қайта ишлаш, экиладиган уруғлик чигитни тайёрлаш бўйича ишларнинг бутун комплексини ташкил этиш ва амалга ошириш, халқаро стандартлар талабларига жавоб берадиган юқори сифатли пахта маҳсулотини тайёрлаш бўйича замонавий ишлаб чиқаришни ташкил қилиш соҳасида ягона сиёсат олиб борилишини таъминлаш;

қишлоқ хўжалиги ишлаб чиқарувчиларидан қабул қилинадиган пахта хом ашёсининг миқдори, сифати ва навлари, пахта толаси ва уруғлик чигитнинг чиқишига оид кўрсаткичлар, пахта тозалаш корхоналари томонидан ишлаб чиқарилаётган ва сотилаётган пахта толасининг миқдори ва сифати бўйича маълумотларнинг ҳаққонийлигини замонавий ахборот-коммуникация технологияларини кенг жорий этиш орқали ҳисобга олиш ҳамда назорат қилиш ишларини ташкил этиш;

тузилган шартнома (контракт)ларга мувофиқ сотиб олинадиган пахта хом ашёси ва истеъмолчиларга жўнатиладиган пахта маҳсулоти учун ўз вақтида ва тўлиқ ҳажмда ҳисоб-китобларни амалга ошириш;

модернизацияни амалга ошириш, замонавий юқори унумли ускуналар ва илғор ишлаб чиқариш технологияларини жорий қилиш, тармоққа инвестициялар, энг аввало, тўғридан-тўғри инвестицияларни кенг жалб этишда ягона техника сиёсатини олиб бориш ҳамда пахта тозалаш корхоналари, пахта терминалларига кўмаклашиш;

хом ашёни қайта ишлашга берувчи сифатида пахта тозалаш корхоналарига улар томонидан пахта-тўқимачилик кластерлари тизимида фаолиятни амалга оширишда кўмаклашиш;

илмий-техник ва тажриба-экспериментал тадқиқотларни ривожлантириш, пахтачилик тармоғига инновацион ғоя, ишланма ва технологияларни жорий этиш;

пахтачилик тармоғи корхоналарининг кадрларини, шу жумладан хорижий таълим муассасаларини жалб этган ҳолда қайта тайёрлаш ва малакасини оширишни тизимли асосда ташкил қилиш, шунингдек, пахтачилик тармоғини ривожлантириш соҳасида чет давлатларнинг етакчи ташкилотлари билан узвий ҳамкорликни амалга ошириш.


3. "Ўзпахтасаноат" АЖнинг таркибига кирувчи корхоналар рўйхати 3-иловага мувофиқ маъқуллансин.

6. "Ўзпахтасаноат" АЖ икки ой муддатда:

"Пахтасаноат илмий маркази" АЖ фаолиятини уни молиялаштириш манбаси сифатида, шу жумладан пахта толасининг прейскурант бўйича улгуржи нархига белгиланадиган устамани назарда тутган ҳолда тубдан такомиллаштириш;

пахта толасининг намлик кўрсаткичини пахта толасини сертификатлашда аниқланадиган мажбурий кўрсаткичлар рўйхатига киритиш;

сифатни баҳолашнинг инструментал тизимларида синов натижалари асосида пахта толаси тойининг сифат кўрсаткичлари бўйича пахта толасини кетма-кетликда рақамлаш ва ажратиш тизимини жорий этиш;

"Ўзстандарт" агентлиги, Ўзбекистон Республикаси Ахборот технологиялари ва коммуникацияларини ривожлантириш вазирлиги билан биргаликда - пахта хом ашёсини қабул қилиш, тўлдириш, сақлаш ва қайта ишлаш услубларини такомиллаштириш, "Ўзпахтасаноат" АЖнинг пахта тозалаш корхоналарини замонавий ўлчов воситалари, лаборатория ускуналари, шу жумладан видеоускуналар, назорат ва ҳисобга олишнинг автоматлаштирилган тизимларига мос келадиган электрон тарозилар билан жиҳозлашга қаратилган комплекс чора-тадбирларни амалга ошириш;

Ўзбекистон Республикаси Хусусийлаштирилган корхоналарга кўмаклашиш ва рақобатни ривожлантириш давлат қўмитаси, Қорақалпоғистон Республикаси Вазирлар Кенгаши, вилоятлар ҳокимликлари билан биргаликда - "Ўзпахтасаноат" АЖ корхоналарининг бўш турган биноларини, шу жумладан уларни потенциал инвесторларга сотиш орқали босқичма-босқич оптималлаштириш бўйича таклифларни тайёрласин ҳамда Ўзбекистон Республикаси Вазирлар Маҳкамасига киритсин.


7. "Ўзстандарт" агентлиги "Ўзпахтасаноат" АЖ, "Ўзбекенгилсаноат" АЖ, "Сифат" маркази билан биргаликда икки ой муддатда пахта хом ашёси ва пахта толасининг сифат кўрсаткичларига (нави, тури, тоифаси ва бошқалар) бўлган амалдаги талабларни, уларни аниқлаш услублари ва тартибини танқидий ўргансин, шунингдек, уларни янада оптималлаштириш ва такомиллаштириш бўйича аниқ таклифлар киритсин.


8. Белгилаб қўйилсинки:

"Ўзпахтасаноат" АЖ пахта тозалаш корхоналарининг тайёр пахта маҳсулотларини қабул қилиш, сақлаш, ташиш, қайта ишлаш ва ўз вақтида етказиб бериш бўйича ишларини мувофиқлаштириш "Ўзпахтасаноат" АЖнинг минтақавий пахта терминаллари томонидан амалга оширилади;

мазкур қарорга мувофиқ ўтказилаётган ва қабул қилинаётган мол-мулкнинг қиймати солиқ ва бошқа мажбурий тўловларни ҳисоблашда солиқ солиш объекти ҳисобланмайди;

пахта толаси, пахта линти ва техник чигитни истеъмолчиларга сотиш пахта тозалаш корхоналари билан тузиладиган воситачилик шартномалари орқали "Ўзпахтасаноат" АЖ томонидан ушбу турдаги маҳсулотларни реализация қилишнинг ўрнатилган тартибига риоя этган ҳолда биржа савдолари орқали амалга оширилади;

"Ўзпахтаэкспорт" АЖ ва "Пахтасаноат" ҲАЖ "Ўзпахтасаноат" АЖга қўшилишида уларнинг акцияларини айирбошлаш номинал қиймат бўйича амалга оширилади.


9. "Ўзпахтасаноат" АЖнинг қуйидагилар ҳақидаги таклифлари қабул қилинсин:

зарур ҳолларда, "Ўзпахтасаноат" АЖ таркибига кирувчи пахта тозалаш корхоналари ва бошқа ташкилотларнинг буюртмалари бўйича қонун ҳужжатларида белгиланган тартибда мазкур корхона ва ташкилотларнинг эҳтиёжи учун товар (иш, хизмат)ларни марказлашган тартибда сотиб олишни амалга ошириш;

пахта тозалаш корхоналари томонидан 2017-2018 йиллар якуни бўйича ҳисобланадиган дивидендларни капиталлаштириш, шунингдек, 2017-2018 йиллар якунига кўра "Ўзпахтасаноат" АЖнинг устав капиталидаги давлат улуши бўйича соф фойдадан 10 фоиз миқдорида дивиденд ҳисоблаш.


10. "Ўзпахтасаноат" АЖ Ўзбекистон Республикаси Қишлоқ ва сув хўжалиги вазирлиги, Иқтисодиёт вазирлиги, Молия вазирлиги, Бандлик ва меҳнат муносабатлари вазирлиги, Хусусийлаштирилган корхоналарга кўмаклашиш ва рақобатни ривожлантириш давлат қўмитаси билан биргаликда 2018 йил 1 январга қадар муддатда:

"Ўзпахтасаноат" АЖ таркибига кирувчи пахта тозалаш корхоналари, пахта хом ашёсини қабул қилиш шохобчалари ва бошқа ташкилотларнинг бандлиги, штатлар сони, ташкилий тузилмасини танқидий ўргансин ҳамда харажатларни қисқартириш, меҳнат унумдорлиги ҳамда ишлаб чиқаришнинг рентабеллигини яхшилаш мақсадида уларни оптималлаштириш ва фаолият самарадорлигини янада ошириш бўйича Ўзбекистон Республикаси Вазирлар Маҳкамасига таклифлар киритсин;

Пахта маҳсулотларини сотиш тартиби тўғрисидаги низом лойиҳасини Ўзбекистон Республикаси Вазирлар Маҳкамасига киритсин.

Ўзбекистон Республикаси Қишлоқ ва сув хўжалиги вазирлиги манфаатдор идоралар билан биргаликда мазкур бандда назарда тутилган ўрганиш доирасида уруғлик чигитни тайёрлаш ҳамда ундан фойдаланишнинг ягона ва замонавий тизимини яратиш бўйича таклифларни киритсин.


14. Ўзбекистон Республикаси Ҳисоб палатаси, Молия вазирлиги Бош прокуратура ҳузуридаги Иқтисодий жиноятларга қарши курашиш департаменти, Давлат солиқ қўмитаси, Ўзбекистон Республикаси Бош прокуратураси ҳузуридаги Агросаноат мажмуи ва озиқ-овқат хавфсизлиги таъминланиши устидан назорат қилиш инспекцияси билан биргаликда пахта маҳсулотларини қабул қилиш, сақлаш, тайёрлаш ва чиқариш жараёнлари, шунингдек, тайёрланган пахта хом ашёси ҳажмларининг статистик ҳисоботлар ва мавжуд маълумотларга мувофиқлиги устидан тизимли хамда таъсирчан назорат ўрнатсин.

15. "Ўзпахтасаноат" АЖ Тошкент шаҳри, Шота Руставели кўчаси, 8а-уй манзили бўйича жойлаштирилсин.


16. "Ўзпахтасаноат" АЖ бир ой муддатда "Ўзпахтасаноат" АЖ ижро аппарати ва унинг таркибига кирувчи ташкилотларнинг юқори малакали кадрлар билан тўлдирилишини таъминласин.


17. Ўзбекистон Республикаси Бандлик ва меҳнат муносабатлари вазирлиги икки ой муддатда тугатилаётган "Ўзпахтасаноатэкспорт" ХК ва қайта ташкил этилаётган "Ўзпахтаэкспорт" АЖнинг бўшаётган ходимларини иш билан таъминласин.


18. "Ўзпахтасаноат" АЖ Ўзбекистон Республикаси Молия вазирлиги, Адлия вазирлиги ва бошқа манфаатдор идоралар билан биргаликда икки ой муддатда қонун ҳужжатларига мазкур қарордан келиб чиқадиган ўзгартиш ва қўшимчалар тўғрисида Вазирлар Маҳкамасига таклифлар киритсин.


19. Мазкур қарорнинг ижросини назорат қилиш Ўзбекистон Республикаси Бош вазирининг ўринбосарлари З.Т. Мирзаев ва Н.С. Отажонов зиммасига юклансин.



Ўзбекистон Республикаси Президенти                            Ш. Мирзиёев





Ўзбекистон Республикаси

Президентининг

2017 йил 28 ноябрдаги

ПҚ-3408-сон қарорига

3-ИЛОВА



"Ўзпахтасаноат" АЖ таркибига кирувчи корхоналар

РЎЙХАТИ


Қорақалпоғистон Республикаси


1. "Амударё пахта тозалаш" АЖ


2. "Хўжайли пахта тозалаш" АЖ


3. "Беруний пахта тозалаш" АЖ


4. "Тўрткўл пахта тозалаш" АЖ


5. "Халқобод пахта тозалаш" АЖ


6. "Элликқалъа пахта тозалаш" АЖ


7. "Парвоз пахта терминал" МЧЖ


8. "Қорақалпоқ тола терминал" МЧЖ


9. "Қорақалпоқпахтатранс" МЧЖ



Андижон вилояти


10. "Андижон-1 пахта тозалаш" АЖ


11. "Андижон-3 пахта тозалаш" АЖ


12. "Асака пахта тозалаш" АЖ


13. "Ўқчи пахта тозалаш" МЧЖ


14. "Шаҳрихон пахта тозалаш" АЖ


15. "Пойтуғ пахта тозалаш" АЖ


16. "Сўфиқишлоқ пахта тозалаш" АЖ


17. "Бўз пахта тозалаш" АЖ


18. "Чинобод пахта тозалаш" АЖ


19. "Хўжаобод пахта тозалаш" АЖ


20. "Андижон тола терминал" МЧЖ


21. "Ахтачи тола терминал" МЧЖ


22. "Андижонпахтатранс" МЧЖ


23. "Найман пахта уруғчилиги" МЧЖ


24. "Вилоят механика таъмирлаш устахонаси" МЧЖ



Бухоро вилояти


25. "Когон пахта тозалаш" АЖ


26. "Бухоро пахта тозалаш" АЖ


27. "Қоракўл пахта тозалаш" АЖ


28. "Ғиждувон пахта тозалаш" АЖ


29. "Пешку пахта тозалаш" АЖ


30. "Шофиркон пахта тозалаш" АЖ


31. "Ромитан пахта тозалаш" АЖ


32. "Жондор пахта тозалаш" АЖ


33. "Олот пахта тозалаш" МЧЖ


34. "Бухоро пахта уруғчилиги" МЧЖ


35. "Бухоро тола терминал" МЧЖ


36. "Бухоропахтатранс" МЧЖ


37. "Вилоят механика таъмирлаш устахонаси" МЧЖ



Жиззах вилояти


38. "Дўстлик пахта тозалаш" АЖ


39. "Уч-тепа пахта тозалаш" АЖ


40. "Пахтакор пахта тозалаш" АЖ


41. "Даштобод пахта тозалаш" АЖ


42. "Зафаробод пахта тозалаш" АЖ


43. "Зарбдор пахта тозалаш" АЖ


44. "Жиззах пахта уруғчилиги" МЧЖ


45. "Пахтакор тола терминал" МЧЖ


46. "Жиззахпахтатранс" МЧЖ


47. "Вилоят механика таъмирлаш устахонаси" МЧЖ



Қашқадарё вилояти


48. "Шаҳрисабз пахта тозалаш" АЖ


49. "Яккабоғ пахта тозалаш" АЖ


50. "Косон пахта тозалаш" АЖ


51. "Қамаши пахта тозалаш" АЖ


52. "Чироқчи пахта тозалаш" АЖ


53. "Касби пахта тозалаш" АЖ


54. "Бешкент пахта тозалаш" АЖ


55. "Нишон пахта тозалаш" АЖ


56. "Жейнов пахта тозалаш" АЖ


57. "Муборак пахта тозалаш" АЖ


58. "Қарши тола терминал" МЧЖ


59. "Нишон тола терминал" МЧЖ


60. "Қамаши тола терминал" МЧЖ


61. "Қашқадарёпахтатранс" МЧЖ



Навоий вилояти


62. "Қизилтепа пахта тозалаш" АЖ


63. "Хатирчи пахта тозалаш" АЖ


64. "Навбаҳор пахта тозалаш" МЧЖ


65. "Навоий тола терминал" МЧЖ


66. "Навоийпахтатранс" МЧЖ


67. "Вилоят механика таъмирлаш устахонаси" МЧЖ



Наманган вилояти


68. "Тўрақўрғон пахта тозалаш" АЖ


69. "Норин пахта тозалаш" АЖ


70. "Учқўрғон пахта тозалаш" АЖ


71. "Чуст пахта тозалаш" АЖ


72. "Мингбулоқ пахта тозалаш" АЖ


73. "Поп пахта тозалаш" АЖ


74. "Косонсой пахта тозалаш" АЖ


75. "Уйчи пахта тозалаш" АЖ


76. "Интер тола терминал" МЧЖ


77. "Наманганпахтатранс" МЧЖ


78. "Вилоят механика таъмирлаш устахонаси" МЧЖ



Самарқанд вилояти


79. "Каттақўрғон пахта тозалаш" АЖ


80. "Зирабулоқ пахта тозалаш" АЖ


81. "Жума пахта тозалаш" АЖ


82. "Челак пахта тозалаш" АЖ


83. "Зиёвуддин пахта тозалаш" АЖ


84. "Янгиқўрғон пахта тозалаш" АЖ


85. "Митан пахта тозалаш" АЖ


86. "Улуғбек тола терминал" МЧЖ


87. "Самарқандпахтатранс" МЧЖ



Сурхондарё вилояти


88. "Шеробод пахта тозалаш" АЖ


89. "Хайробод пахта тозалаш" АЖ


90. "Узун пахта тозалаш" АЖ


91. "Шўрчи пахта тозалаш" АЖ


92. "Жарқўрғон пахта тозалаш" АЖ


93. "Музработ пахта тозалаш" АЖ


94. "Қизириқ пахта тозалаш" АЖ


95. "Қумқўрғон пахта тозалаш" АЖ


96. "Ангор пахта тозалаш" АЖ


97. "Сариосиё пахта тозалаш" АЖ


98. "Музработ тола терминал" МЧЖ


99. "Жарқўрғон тола терминал" МЧЖ


100. "Сурхонпахтатранс" МЧЖ


101. "Вилоят механика таъмирлаш устахонаси" МЧЖ



Сирдарё вилояти


102. "Гулистон пахта тозалаш" АЖ


103. "Боёвут пахта тозалаш" АЖ


104. "Бахт пахта тозалаш" АЖ


105. "Пахтаобод пахта тозалаш" АЖ


106. "Сайхунобод пахта тозалаш" АЖ


107. "Сардоба пахта тозалаш" АЖ


108. "Сирдарё тола терминал" МЧЖ


109. "Сирдарёпахтатранс" МЧЖ


110. "Вилоят механика таъмирлаш устахонаси" МЧЖ



Тошкент вилояти


111. "Олимкент пахта тозалаш" АЖ


112. "Чиноз пахта тозалаш" АЖ


113. "Бўка пахта тозалаш" АЖ


114. "Пскент пахта тозалаш" АЖ


115. "Мустақиллик пахта тозалаш" АЖ


116. "Ўзбекистон пахта тозалаш" АЖ


117. "Қорасув пахта тозалаш" АЖ


118. "Далварзин пахта тозалаш" АЖ


119. "Тошкент пахта уруғчилиги" МЧЖ


120. "Тошкентпахтатранс" МЧЖ


121. "Вилоят механика таъмирлаш устахонаси" МЧЖ



Фарғона вилояти


122. "Қува пахта тозалаш" АЖ


123. "Тошлоқ пахта тозалаш" АЖ


124. "Қўқон пахта тозалаш" АЖ


125. "Ўзбекистон пахта тозалаш" АЖ


126. "Бешариқ пахта тозалаш" АЖ


127. "Боғдод пахта тозалаш" АЖ


128. "Риштон пахта тозалаш" АЖ


129. "Фарғона пахта уруғчилиги" МЧЖ


130. "Фарғона тола терминал" МЧЖ


131. "Қўқон тола терминал" МЧЖ


132. "Фарғонапахтатранс" МЧЖ


133. "Вилоят механика таъмирлаш устахонаси" МЧЖ



Хоразм вилояти


134. "Гурлан пахта тозалаш" АЖ


135. "Хонқа пахта тозалаш" АЖ


136. "Ҳазорасп пахта тозалаш" АЖ


137. "Шовот пахта тозалаш" АЖ


138. "Янгиариқ пахта тозалаш" АЖ


139. "Янгибозор пахта тозалаш" АЖ


140. "Боғот пахта тозалаш" АЖ


141. "Қўшкўпир пахта тозалаш" АЖ


142. "Урганч тола терминал" МЧЖ


143. "Хоразмпахтатранс" МЧЖ


144. "Вилоят механика таъмирлаш устахонаси" МЧЖ



Тошкент шаҳри


145. "Тошкент тола терминал" МЧЖ


146. "Моддий-техника таъминот базаси" МЧЖ


147. "Пахтасаноат илмий маркази" АЖ



Қонун ҳужжатлари маълумотлари миллий базаси (www.lex.uz),

2017 йил 29 ноябрь


"Халқ сўзи", 2017 йил 29 ноябрь




































Время: 0.1879
по регистрации МЮ строгое соответствие
  • Все
  • действующие
  • утратившие силу
  • Русский
  • Ўзбекча
  • Оба языка
  • любая дата
  • точная дата
  • период
  • -

Свернуть поиск