Ўзбекистон Республикаси Вазирлар Маҳкамасининг 04.02.2004 й. 56-сон "Давлатлар, давлатларнинг ҳукуматлари, халқаро ва чет эл ҳукумат ташкилотлари, чет эл фуқаролари, шунингдек халқаро ва чет эл ноҳукумат ташкилотларидан олинадиган беғараз ёрдам молиявий маблағларини ҳисобга олиш самарадорлигини ошириш чора-тадбирлари тўғрисида"ги Қарори

Функция недоступна

ЎЗБЕКИСТОН РЕСПУБЛИКАСИ

ВАЗИРЛАР МАҲКАМАСИНИНГ

ҚАРОРИ

04.02.2004 й.

N 56

ДАВЛАТЛАР, ДАВЛАТЛАРНИНГ

ҲУКУМАТЛАРИ, ХАЛҚАРО ВА ЧЕТ ЭЛ

ҲУКУМАТ ТАШКИЛОТЛАРИ, ЧЕТ ЭЛ ФУҚАРОЛАРИ,

ШУНИНГДЕК ХАЛҚАРО ВА ЧЕТ ЭЛ НОҲУКУМАТ

ТАШКИЛОТЛАРИДАН   ОЛИНАДИГАН   БЕҒАРАЗ

ЁРДАМ МОЛИЯВИЙ МАБЛАҒЛАРИНИ ҲИСОБГА

ОЛИШ САМАРАДОРЛИГИНИ ОШИРИШ

ЧОРА-ТАДБИРЛАРИ ТЎҒРИСИДА

Давлатлар, давлатларнинг ҳукуматлари, халқаро ва чет эл ҳукумат ташкилотлари, чет эл фуқаролари, шунингдек халқаро ва чет эл ноҳукумат ташкилотларидан олинадиган беғараз ёрдам молиявий маблағларини ҳисобга олиш самарадорлигини ошириш, шунингдек ноқонуний "ифлос" молиявий маблағларни ҳалоллаб олиш имкониятлари ва каналларини бартараф этиш мақсадида Вазирлар Маҳкамаси ҚАРОР ҚИЛАДИ:

2. Беғараз ёрдам доирасида тушадиган молиявий маблағларга банк хизмати кўрсатиш бўйича қулай шарт-шароитлар яратиш мақсадида Ўзбекистон Республикаси Ташқи ишлар вазирлиги, Ташқи иқтисодий алоқалар, инвестициялар ва савдо вазирлиги, Ташқи иқтисодий фаолият миллий банки, "Асака" давлат-акциядорлик тижорат банкининг таклифига розилик берилсин ҳамда юридик ва жисмоний шахсларга беғараз ёрдам олувчиларга хизмат кўрсатиш, беғараз ёрдам олувчиларни банк воситачилик ҳақи тўлашдан озод қилган ҳолда, кўрсатиб ўтилган банкларнинг бўлинмаларига юклансин.

Ўзбекистон Республикаси Ташқи иқтисодий фаолият миллий банки ва "Асака" давлат-акциядорлик тижорат банки беғараз ёрдам олувчиларнинг ҳисобварақларига хизмат кўрсатиш учун махсус филиалларни белгиласинлар.

3. Ўзбекистон Республикаси Молия вазирлиги инсонпарварлик ёрдами ва техник кўмаклашиш маблағлари олувчиларнинг Молия вазирлигининг Ғазначилиги томонидан умумлаштириладиган ҳисоботи асосида Ўзбекистон Республикаси Президенти Девонига ва Ўзбекистон Республикаси Вазирлар Маҳкамасига ҳар чоракда инсонпарварлик ёрдами ва техник кўмаклашиш воситалари тушиши ва уларнинг ўзлаштирилиши тўғрисидаги ҳисоботлар ва таҳлилий маълумотларни тақдим этсин.

4. Ўзбекистон Республикаси Адлия вазирлиги манфаатдор вазирликлар ва идоралар билан биргаликда бир ой муддатда амалдаги қонун ҳужжатларига ушбу қарордан келиб чиқадиган ўзгартиришлар ва қўшимчалар тўғрисида таклифлар киритсин.

5. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари Р.С. Азимов зиммасига юклансин.

Вазирлар Маҳкамасининг Раиси                                                 И. Каримов

"Ўзбекистон Республикаси қонун ҳужжатлари тўплами", 2004 йил, 5-сон, 56-модда.