Марказий банк Бошқарувининг 335-В-1-сон, Давлат божхона қўмитасининг 01-02/12-17-сон "Хорижий давлатлар автотранспорт воситаларининг Ўзбекистон Республикаси ҳудудига кирганлиги ҳамда транзит ўтиши учун йиғимларни ундириш тартиби тўғрисидаги низомга ўзгартиришлар киритиш ҳақида"ги 07.02.2018 й. Қарори (АВ томонидан 12.03.2018 й. 2694-1-сон билан рўйхатга олинган)

Функция недоступна

ЎЗБЕКИСТОН РЕСПУБЛИКАСИ

АДЛИЯ ВАЗИРЛИГИ ТОМОНИДАН

РЎЙХАТГА ОЛИНГАН

12.03.2018 й.

N 2694-1

ҚАРОРИ

Хорижий давлатлар автотранспорт

воситаларининг Ўзбекистон Республикаси

ҳудудига кирганлиги ҳамда транзит ўтиши учун

йиғимларни ундириш тартиби тўғрисидаги низомга

ўзгартиришлар киритиш ҳақида

Ўзбекистон Республикасининг "Ўзбекистон Республикасининг Марказий банки тўғрисида"ги Қонуни ва Ўзбекистон Республикаси Президентининг 2017 йил 14 февралдаги ПФ-4954-сон "Йўл хўжалигини бошқариш тизимини янада такомиллаштириш чора-тадбирлари тўғрисида"ги ҳамда 2017 йил 2 сентябрдаги ПФ-5177-сон "Валюта сиёсатини либераллаштириш бўйича биринчи навбатдаги чора-тадбирлар тўғрисида"ги фармонларига мувофиқ Ўзбекистон Республикаси Марказий банки Бошқаруви ва Давлат божхона қўмитаси ҚАРОР ҚИЛАДИ:

1. Ўзбекистон Республикаси Марказий банки Бошқаруви ва Давлат божхона қўмитасининг 2015 йил 12 июндаги 335-В, 02-02/12-26-сон қарори (рўйхат рақами 2694, 2015 йил 9 июль) (Ўзбекистон Республикаси қонун ҳужжатлари тўплами, 2015 й., 27-сон, 365-модда) билан тасдиқланган Хорижий давлатлар автотранспорт воситаларининг Ўзбекистон Республикаси ҳудудига кирганлиги ҳамда транзит ўтиши учун йиғимларни ундириш тартиби тўғрисидаги низомга иловага мувофиқ ўзгартиришлар киритилсин.

2. Мазкур қарор расмий эълон қилинган кундан эътиборан кучга киради.

     

Қарорга

ИЛОВА

Хорижий давлатлар автотранспорт

воситаларининг Ўзбекистон Республикаси

ҳудудига кирганлиги ҳамда транзит ўтиши учун

йиғимларни ундириш тартиби тўғрисидаги низомга

киритилаётган ўзгартиришлар

1. 1-банд қуйидаги таҳрирда баён этилсин:

"1. Мазкур Низомда қуйидаги асосий тушунчалардан фойдаланилади:

қимматликлар - миллий валюта ва касса ҳужжатлари;

кунлик ҳужжатлар - операцион кун давомида расмийлаштирилган миллий валютада амалга оширилган операциялар ҳисобини юритиш ҳужжатлари;

инкассация хизмати - махсус кассанинг кунлик нақд пул тушумларини инкассация қилиш ва қимматликларни ташиш билан боғлиқ бўлган хизмат.".

2. 2-банддаги "хорижий валютада" деган сўзлар "миллий валютада" деган сўзлар билан алмаштирилсин;

3. 4-банд қуйидаги таҳрирда баён этилсин:

"4. Йиғимларни ундириш учун тегишли божхона постида тижорат банки томонидан миллий валютада тўловларни қабул қилувчи банк кассаси (бундан буён матнда махсус касса деб юритилади) ташкил қилинади.".

4. 6-банд қуйидаги таҳрирда баён этилсин:

"6. Махсус касса тижорат банки томонидан ёнмайдиган темир шкаф (сейф), телефон алоқаси, қўриқлаш ва ёнғин хавфсизлиги сигнализацияси, миллий валютани нақд пулсиз шаклда қабул қилувчи тўлов терминали, компьютер, принтер, ҳисоблаш техникаси, пул санаш машинкаси, пулларни ўраб-боғлаш учун бандероль, тизимча ва пломбалар, кассир учун бириктирилган махсус пломбир, амалиёт кассасининг номи ёзилган ёки унинг тартиб рақами кўрсатилган муҳр ва штамплар ҳамда бланкалар билан таъминланган бўлиши шарт.".

5. 7, 8, 22-бандлардаги "ваколатли банк" деган сўзлар "тижорат банки" деган сўзлар билан алмаштирилсин.

6. 9, 12 - 18, 24, 26, 29-бандлар ва 3-илова ўз кучини йўқотган деб топилсин.

7. 10 ва 11-бандлар қуйидаги таҳрирда баён этилсин:

"10. Йиғимлар ундирилганлиги ҳақида кассир томонидан мазкур Низомнинг 1-иловасига мувофиқ шаклда кирим ҳужжати расмийлаштирилади. Бунда кассир ҳужжатда мижознинг имзоси қўйилганлигини ҳамда тўғри ва тўлиқ тўлдирилганлигини текшириши шарт.

11. Кирим ҳужжати бир нусхада тайёрланади. Кирим ҳужжатнинг маълумотнома қисми кунлик касса ҳужжатларига тикиб қўйилади, квитанция қисми нақд пулни топширган мижозга тақдим этилади.".

8. 19-банд қуйидаги таҳрирда баён этилсин:

"19. Кассир томонидан операцион кун якунида махсус кассада қимматликлар асосида амалга оширилган операциялар бўйича мазкур Низомнинг 2-иловасига мувофиқ шаклда ҳисобот тузилади ва имзоланади.".

9. 20-банддаги "ваколатли банкка" деган сўзлар "тижорат банкига" деган сўзлар билан алмаштирилсин.

10. 21-банддаги "ваколатли банкнинг" деган сўзлар "тижорат банкининг" деган сўзлар билан алмаштирилсин.

11. 23-банд қуйидаги таҳрирда баён этилсин:

"23. Йиғимлардан тушган маблағлар (бундан буён матнда маблағлар деб юритилади) тижорат банклари томонидан Ўзбекистон Республикаси Вазирлар Маҳкамаси ҳузуридаги Республика йўл жамғармасининг шахсий ғазна ҳисобварағига ўтказилади.".

12. 25-банд қуйидаги таҳрирда баён этилсин:

"25. Операцион кун якунида махсус касса томонидан қабул қилинган маблағлар тегишли тижорат банкига инкассация хизмати орқали топширилади. Маблағлар кейинги иш кунидан кечикмаган ҳолда Жамғарманинг тегишли шахсий ғазна ҳисобварақларига ўтказиб берилади.".

13. 27-банддаги "Ваколатли банк" деган сўзлар "Тижорат банки" деган сўзлар билан алмаштирилсин.

14. 1-илова мазкур ўзгартиришларнинг 1-иловасига мувофиқ таҳрирда баён этилсин.

15. 2-илова мазкур ўзгартиришларнинг 2-иловасига мувофиқ таҳрирда баён этилсин.

16. Мазкур ўзгартиришлар Ўзбекистон Республикаси Вазирлар Маҳкамаси ҳузуридаги Республика йўл жамғармаси билан келишилган.

Ўзгартиришларга

1-ИЛОВА

"Хорижий давлатлар автотранспорт

воситаларининг Ўзбекистон Республикаси

ҳудудига кирганлиги ҳамда транзит

ўтиши учун йиғимларни ундириш

тартиби тўғрисидаги низомга

1-ИЛОВА

МАЪЛУМОТНОМА - CERTIFICATЕ

20___ йил "___" _______________

КВИТАНЦИЯ - RECEIPT

20___ йил "___" _______________

       

Ўзгартиришларга

2-ИЛОВА

"Хорижий давлатлар автотранспорт

воситаларининг Ўзбекистон Республикаси

ҳудудига кирганлиги ҳамда транзит

ўтиши учун йиғимларни ундириш

тартиби тўғрисидаги низомга

2-ИЛОВА

Махсус касса томонидан амалга

оширилган операциялар тўғрисида

ҲИСОБОТ

20 ____ йил "____" _____________

       

          

20___ йил "____" _____________".

Қонун ҳужжатлари маълумотлари миллий базаси (www.lex.uz),

2018 йил 12 март

"Ўзбекистон Республикаси қонун ҳужжатлари тўплами",

2018 йил 17 март, 11-сон, 201-модда