Марказий банк Бошқарувининг 14.04.2018 й. 14/20-сон "Банк устав капитали миқдорини, акциядорлар таркибини, банк номи ва манзилини ўзгартириш, уставга киритилган ўзгартириш ва қўшимчаларни рўйхатдан ўтказиш тартиби тўғрисидаги низомга ўзгартиришлар киритиш ҳақида"ги Қарори (АВ томонидан 02.05.2018 й. 573-7-сон билан рўйхатга олинган)

Функция недоступна

ЎЗБЕКИСТОН РЕСПУБЛИКАСИ

АДЛИЯ ВАЗИРЛИГИ ТОМОНИДАН

РЎЙХАТГА ОЛИНГАН

02.05.2018 й.

N 573-7

ЎЗБЕКИСТОН РЕСПУБЛИКАСИ

МАРКАЗИЙ БАНКИ БОШҚАРУВИНИНГ

14.04.2018 й.

N 14/20

ҚАРОРИ

Банк устав капитали миқдорини, акциядорлар

таркибини, банк номи ва манзилини ўзгартириш,

уставга киритилган ўзгартириш ва қўшимчаларни

рўйхатдан ўтказиш тартиби тўғрисидаги низомга

ўзгартиришлар киритиш ҳақида

Ўзбекистон Республикасининг "Ўзбекистон Республикасининг Марказий банки тўғрисида"ги Қонуни ва Ўзбекистон Республикаси Президентининг 2018 йил 9 январдаги ПФ-5296-сон "Ўзбекистон Республикаси Марказий банкининг фаолиятини тубдан такомиллаштириш чора-тадбирлари тўғрисида"ги Фармонига мувофиқ Ўзбекистон Республикаси Марказий банки Бошқаруви ҚАРОР ҚИЛАДИ:

1. Ўзбекистон Республикаси Марказий банки Бошқаруви томонидан 1998 йил 9 ноябрда 426-сон билан тасдиқланган Банк устав капитали миқдорини, акциядорлар таркибини, банк номи ва манзилини ўзгартириш, уставга киритилган ўзгартириш ва қўшимчаларни рўйхатдан ўтказиш тартиби тўғрисидаги низомга (рўйхат рақами 573, 1998 йил 19 декабрь) иловага мувофиқ ўзгартиришлар киритилсин.

2. Мазкур қарор расмий эълон қилинган кундан эътиборан кучга киради.

Марказий банк раиси                                             М. Нурмуратов

Қарорга

ИЛОВА

Банк устав капитали миқдорини, акциядорлар

таркибини, банк номи ва манзилини ўзгартириш,

уставга киритилган ўзгартириш ва қўшимчаларни

рўйхатдан ўтказиш тартиби тўғрисида низомга

киритилаётган ўзгартиришлар

1. 1.4-банднинг биринчи хатбошиси қуйидаги таҳрирда баён этилсин:

"Уставга киритиладиган ўзгартириш ва қўшимчаларни рўйхатдан ўтказиш учун банк акциядорлар умумий йиғилиши тегишли қарор қабул қилган кундан бошлаб бир ой мобайнида Марказий банкнинг Кредит ташкилотлари пруденциал назорати департаментига (кейинги ўринларда - Пруденциал назорати департаменти) қуйидаги ҳужжатларни уч нусхада тақдим этади:".

2. 1.5-банд қуйидаги таҳрирда баён этилсин:

"1.5. Тақдим этилган ҳужжатлар қонунчилик ва мазкур Низом талабларига мос келган ҳолларда Пруденциал назорати департаменти Банк назорати қўмитасига (кейинги ўринларда - Қўмита) банк уставига киритиладиган ўзгартириш ва қўшимчаларни рўйхатга олиш тўғрисидаги масалани кўриб чиқиш учун киритади, акс ҳолда ҳужжатлар банкка қайта ишлаш учун қайтарилади.

Уставга киритиладиган ўзгартириш ва қўшимчаларни кўриб чиқиш ва рўйхатга олиш 30 кун муддат ичида амалга оширилади.".

3. 1.6-банд қуйидаги таҳрирда баён этилсин:

"1.6. Қўмита томонидан банк уставига киритиладиган ўзгартириш ва қўшимчаларни рўйхатга олиш тўғрисида қарор қабул қилинганидан кейин Пруденциал назорати департаменти томонидан банк уставининг титул варағига ўзгартириш ва қўшимчалар рўйхатга олинганлиги тўғрисида ёзиб қўйилади, тақдим этилган ҳужжатларнинг бир нусхаси Марказий банкда сақланадиган банкнинг юридик йиғмажилдига тикиб қўйилади.

Рўйхатга олинган ҳужжатлар бир нусхадан банкнинг бош офиси жойлашган ердаги тегишли Марказий банк Бош бошқармасига ва банкка банк юридик йиғмажилдига тикиб қўйиш учун топширилади.

Қорақалпоғистон Республикаси, вилоятлар ва Тошкент шаҳри бўйича Ўзбекистон Республикаси Марказий банкининг Бош бошқармалари ва банк банк уставининг титул варағига ўзгартириш ва қўшимчалар рўйхатга олинганлигини қайд этади.".

4. 1.7-бандда:

биринчи хатбошидаги "1.5" рақами "1.4" рақами билан алмаштирилсин;

иккинчи хатбошидаги "Комиссия" деган сўз "Қўмита" деган сўз билан алмаштирилсин.

5. 4.6-банднинг биринчи хатбошисидаги, 5.4-банднинг биринчи хатбошисидаги, 6.1-банддаги ва 6.3-банднинг биринчи хатбошисидаги "Лицензиялаш" деган сўз "Пруденциал назорати" деган сўзлари билан алмаштирилсин.

6. 4.7-банднинг биринчи хатбошиси қуйидаги таҳрирда баён этилсин:

"Пруденциал назорати департаменти тақдим этилган ҳужжатларни кўриб чиқади ва Қўмитага банкнинг янги номини тасдиқлаш, банк уставига бу билан боғлиқ киритилган ўзгартириш ва қўшимчаларни рўйхатдан ўтказиш ҳамда янги ном билан банк операцияларни амалга ошириш ҳуқуқини берувчи лицензияни қайта расмийлаштириб бериш масаласини киритади.".

7. 4.8-бандда:

биринчи хатбошидаги "Лицензиялаш" деган сўз "Пруденциал назорати" деган сўзлар билан алмаштирилсин;

иккинчи хатбошидаги "Комиссиянинг" деган сўз "Қўмитанинг" деган сўз билан алмаштирилсин.

8. 6.4-банднинг биринчи хатбошиси қуйидаги таҳрирда баён этилсин:

"6.4. Пруденциал назорати департаменти тақдим этилган ҳужжатларни кўриб чиқади ва улар мазкур Низом талабларига мос келса, Банк назорати қўмитасига банк филиали тўғрисидаги низомга киритиладиган ўзгартириш ва қўшимчаларни рўйхатга олиш масаласини киритади.".

9. 6.7-бандда:

биринчи хатбошиси қуйидаги таҳрирда баён этилсин:

"6.7. Қўмита томонидан банк филиали тўғрисидаги низомга киритиладиган ўзгартириш ва қўшимчаларни рўйхатга олиш тўғрисидаги қарор қабул қилинганидан сўнг Пруденциал назорати департаменти томонидан филиал тўғрисидаги низомнинг титул варағига ўзгартириш ва қўшимчалар рўйхатдан ўтказилганлиги тўғрисида ёзиб қўйилади, Қўмита баённомаси ва тақдим этилган ҳужжатларнинг биттадан нусхаси банк филиалининг Марказий банкда сақланадиган юридик йиғмажилдига тикиб қўйилади.".

иккинчи хатбошидаги "Комиссия" деган сўз "Қўмита" деган сўз билан алмаштирилсин.

Қонун ҳужжатлари маълумотлари миллий базаси (www.lex.uz),

2018 йил 3 май

"Ўзбекистон Республикаси қонун ҳужжатлари тўплами",

2018 йил 7 май, 18-сон, 378-модда