Ўзбекистон ССЖ Президент ҳузуридаги Вазирлар Маҳкамасининг 29.03.1991 й. 73-сон "В.И. Ленин номидаги Тошкент давлат дорилфунуни ҳузурида юридик институтни ташкил этиш тўғрисида"ги Қарори

Функция недоступна

ЎЗБЕКИСТОН ССЖ

ПРЕЗИДЕНТ ҲУЗУРИДАГИ

ВАЗИРЛАР МАҲКАМАСИНИНГ

ҚАРОРИ

29.03.1991 й.

N 73

В.И. ЛЕНИН НОМИДАГИ ТОШКЕНТ ДАВЛАТ

ДОРИЛФУНУНИ ҲУЗУРИДА ЮРИДИК

ИНСТИТУТНИ ТАШКИЛ ЭТИШ

ТЎҒРИСИДА

Ҳозирги замон шароитида совет ва ҳуқуқни муҳофаза қилиш органларида, жумҳурият халқ хўжалиги тармоқларида ишлаш учун юқори малакали юридик кадрлар тайёрлашни такомиллаштириш мақсадида Вазирлар Маҳкамаси ҚАРОР ҚИЛАДИ:

1. ЎзССЖ Олий ва ўрта махсус таълим вазирлигининг 1991 йил 1 сентябрдан бошлаб В.И. Ленин номидаги Тошкент давлат дорилфунуни ҳузурида юридик факультет негизида юридик институт ташкил этиш ҳақидаги таклифи қабул қилинсин.

2. ЎзССЖ Олий ва ўрта махсус таълим вазирлиги бир ой муддатда институт тўғрисидаги Низомни, унинг структурасини, ягона ўқув планини ишлаб чиқсин ва тасдиқласин, мутахассисликлар рўйхатини аниқласин ва белгиланган тартибда унинг ўқув моддий базасини ривожлантиришни назарда тутсин.

3. ЎзССЖ Молия вазирлиги янгидан ташкил этилаётган институтни маблағ билан таъминлаш масалаларини кўриб чиқсин ва ҳал этсин.

Вазирлар Маҳкамасининг Раиси                                       И. Каримов