Ўзбекистон ССЖ Президенти ҳузуридаги Вазирлар Маҳкамасининг 29.03.1991 й. 75-сон "Наманган шаҳрида индустриал-технология институтини ташкил этиш тўғрисида"ги Қарори

Функция недоступна

ЎЗБЕКИСТОН ССЖ

ПРЕЗИДЕНТИ ҲУЗУРИДАГИ

ВАЗИРЛАР МАҲКАМАСИНИНГ

ҚАРОРИ

29.03.1991 й.

N 75

НАМАНГАН ШАҲРИДА ИНДУСТРИАЛ-

ТЕХНОЛОГИЯ ИНСТИТУТИНИ ТАШКИЛ

ЭТИШ ТЎҒРИСИДА

Муҳандис кадрларни тайёрлашни такомиллаштириш, Фарғона минтақасининг уларга бўлган эҳтиёжини янада тўлароқ қондириш ва унинг илмий техника потенциалини ривожлантириш мақсадларида Вазирлар Маҳкамаси ҚАРОР ҚИЛАДИ:

1. 1991 йил 1 сентябрдан бошлаб Наманган шаҳрида Тошкент машинасозлик институтининг Наманган филиали негизида ЎзССЖ Олий ва ўрта махсус таълим вазирлигининг индустриал-технология институти ташкил этилсин.

2. ЎзССЖ Олий ва ўрта махсус таълим вазирлиги 3 ой муддат ичида Наманган индустриал-технология институтининг структурасини, Уставини ишлаб чиқсин ва тасдиқласин, белгиланган тартибда янгидан ташкил этилган институтнинг ўқув моддий базасини ривожлантиришни назарда тутсин.

3. ЎзССЖ Молия вазирлиги Наманган индустриал-технология институтини сақлашга 1991 йилда ЎзССЖ Олий ўрта махсус таълим вазирлигига қўшимча маблағлар ажратсин.

Вазирлар Маҳкамасининг Раиси                                           И. Каримов