ВСЕ ЗАКОНОДАТЕЛЬСТВО УЗБЕКИСТАНА

ЎзР Конунчилиги / Давлат ҳуқуқий тизими асослари / Давлат мукофотлари. Фахрий унвонлар. Ном бериш / Эсдалик ва кўкрак нишонлари, фахрий ёрлиқлар /

Ўзбекистон Республикаси Президентининг 26.06.2018 й. ПҚ-3803-сон "Илғор фермер", "Меҳнаткаш деҳқон" ва "Намунали томорқачи" кўкрак нишонларини таъсис этиш чора-тадбирлари тўғрисида"ги Қарори

Функция недоступна

Данная функция доступно только для клиентов (пользователей)

Полный текст документа доступен в платной версии. По вопросам звоните на короткий номер 1172

ЎЗБЕКИСТОН РЕСПУБЛИКАСИ

ПРЕЗИДЕНТИНИНГ

ҚАРОРИ

26.06.2018 й.

N ПҚ-3803


"ИЛҒОР ФЕРМЕР", "МЕҲНАТКАШ

ДЕҲҚОН" ВА "НАМУНАЛИ ТОМОРҚАЧИ"

КЎКРАК НИШОНЛАРИНИ ТАЪСИС ЭТИШ

ЧОРА-ТАДБИРЛАРИ ТЎҒРИСИДА


Ўзбекистон Республикаси Президентининг 2017 йил 9 октябрдаги "Фермер, деҳқон хўжаликлари ва томорқа ер эгаларининг ҳуқуқлари ва қонуний манфаатларини ҳимоя қилиш, қишлоқ хўжалиги экин майдонларидан самарали фойдаланиш тизимини тубдан такомиллаштириш чора-тадбирлари тўғрисида"ги ПФ-5199-сонли Фармонига мувофиқ "Илғор фермер", "Меҳнаткаш деҳқон" ва "Намунали томорқачи" кўкрак нишонлари таъсис этилганлиги муносабати билан мамлакатимизда қишлоқ хўжалиги тармоғини ривожлантириш ишларига муносиб ҳисса қўшган соҳа ходимларининг меҳнатини муносиб тақдирлаш мақсадида:


1. Ўзбекистон Фермер, деҳқон хўжаликлари ва томорқа ер эгалари кенгашининг "Илғор фермер", "Меҳнаткаш деҳқон" ва "Намунали томорқачи" кўкрак нишонларини Ўзбекистон Республикаси қишлоқ хўжалиги ходимлари куни арафасида топшириш тўғрисидаги таклифи маъқуллансин.


2. Белгилаб қўйилсинки, "Илғор фермер", "Меҳнаткаш деҳқон" ва "Намунали томорқачи" кўкрак нишонлари билан мукофотлаш Ўзбекистон Фермер, деҳқон хўжаликлари ва томорқа ер эгалари кенгашининг қарори асосида амалга оширилади.


3. Қуйидагилар:

"Илғор фермер" кўкрак нишони тўғрисидаги Низом 1-иловага мувофиқ;

"Илғор фермер" кўкрак нишони ҳамда унинг гувоҳномасининг тавсифлари 2 ва 3-иловаларга мувофиқ;

"Меҳнаткаш деҳқон" кўкрак нишони тўғрисидаги Низом 4-иловага мувофиқ;

"Меҳнаткаш деҳқон" кўкрак нишони ҳамда унинг гувоҳномасининг тавсифлари 5 ва 6-иловаларга мувофиқ;

"Намунали томорқачи" кўкрак нишони тўғрисидаги Низом 7-иловага мувофиқ;

"Намунали томорқачи" кўкрак нишони ҳамда унинг гувоҳномасининг тавсифлари 8 ва 9-иловаларга мувофиқ тасдиқлансин.


4. Ўзбекистон Республикаси Вазирлар Маҳкамаси белгиланган тартибда "Илғор фермер", "Меҳнаткаш деҳқон" ва "Намунали томорқачи" кўкрак нишонлари ва уларнинг гувоҳномалари тайёрланишини таъминласин.


5. Ўзбекистон Фермер, деҳқон хўжаликлари ва томорқа ер эгалари кенгашининг "Илғор фермер", "Меҳнаткаш деҳқон" ва "Намунали томорқачи" кўкрак нишонлари ва уларнинг гувоҳномаларини тайёрлаш ҳамда мукофотланганларни тақдирлаш билан боғлиқ харажатлар Кенгаш маблағлари ҳисобидан қопланиши тўғрисидаги таклифи маъқуллансин.


6. Ўзбекистон Республикаси Адлия вазирлиги бошқа манфаатдор вазирлик ва идоралар билан биргаликда бир ой муддатда норматив-ҳуқуқий ҳужжатларга ушбу қарордан келиб чиқадиган ўзгартиш ва қўшимчаларни киритсин.


7. Мазкур қарорнинг ижросини назорат қилиш Ўзбекистон Республикаси Бош вазирининг ўринбосари З. Мирзаев зиммасига юклансин.



Ўзбекистон Республикаси Президенти                                              Ш. Мирзиёев






Ўзбекистон Республикаси

Президентининг

2018 йил 26 июндаги

ПҚ-3803-сонли қарорига

1-ИЛОВА



"Илғор фермер" кўкрак нишони тўғрисидаги

НИЗОМ


1. "Илғор фермер" кўкрак нишони (кейинги ўринларда - кўкрак нишони) билан мамлакатимиз қишлоқ хўжалиги соҳасини ривожлантириш, унинг иқтисодий қудратини ва экспорт салоҳиятини юксалтириш, халқимизнинг ризқ-рўзи ва фаровонлигини, озиқ-овқат хавфсизлигини таъминлаш, ерларнинг мелиоратив ҳолатини яхшилаш ишларига муносиб ҳисса қўшиб келаётган, қишлоқ хўжалигининг пахтачилик, ғаллачилик, боғдорчилик, узумчилик, сабзавот-полизчилик, чорвачилик, балиқчилик, паррандачилик, асаларичилик ва бошқа йўналишларида самарали фаолият кўрсатаётган, соҳага оид илм-фан ютуқларини амалиётга жорий этган, замонавий технологиялардан унумли фойдаланаётган ҳамда қишлоқ хўжалиги маҳсулотлари етиштиришда юқори ҳосилдорликка эришаётган, уларни қайта ишлаш, сақлаш, тайёрлаш ва экспорт қилиш ишларида салмоқли натижаларни қўлга киритаётган, кўп тармоқли фаолиятни йўлга қўйган, моддий-техник базаси мустаҳкам, тажрибали ва илғор фермер хўжаликлари раҳбарлари тақдирланадилар.


2. Кўкрак нишони билан тақдирлашга оид дастлабки таклифлар туман қишлоқ хўжалиги бўлими ҳамда ер ресурслари ва давлат кадастри бўлими билан ҳамкорликда туман фермер, деҳқон хўжаликлари ва томорқа ер эгалари кенгаши томонидан шакллантирилади.


3. Туман фермер, деҳқон хўжаликлари ва томорқа ер эгалари кенгаши ҳар йилнинг 1 ноябрь санасига қадар туман ҳокимлиги билан келишган ҳолда кўкрак нишонига тавсия этилаётган номзодларнинг фаолиятига оид барча тегишли ҳужжатларни Қорақалпоғистон Республикаси ва вилоятлар фермер, деҳқон хўжаликлари ва томорқа ер эгалари кенгашларига тақдим этади.


4. Қорақалпоғистон Республикаси ва вилоятлар бўйсунувидаги шаҳарлардан кўкрак нишони билан тақдирлашга оид таклифлар тегишли шаҳар ҳокимликлари билан келишилган ҳолда Қорақалпоғистон Республикаси ва вилоятлар фермер, деҳқон хўжаликлари ва томорқа ер эгалари кенгашлари томонидан шакллантирилади.


5. Қорақалпоғистон Республикаси ва вилоятлар фермер, деҳқон хўжаликлари ва томорқа ер эгалари кенгашлари кўкрак нишони билан тақдирлашга тавсия этилган номзодлар бўйича ҳужжатларни кўриб чиқиб, Қорақалпоғистон Республикаси Жўқорғи Кенгеси ва вилоятлар ҳокимликлари билан келишилган ҳолда ҳар йилнинг 15 ноябрь санасига қадар Ўзбекистон Фермер, деҳқон хўжаликлари ва томорқа ер эгалари кенгашига тақдим этади.


6. Ўзбекистон Фермер, деҳқон хўжаликлари ва томорқа ер эгалари кенгаши кўкрак нишони билан тақдирлашга оид таклифларни кўриб чиқиш бўйича соҳанинг етакчи мутахассисларидан иборат Комиссияни ташкил этади.

Комиссия йиғилишида номзодлар бўйича ҳужжатлар кўриб чиқилиб, ҳар йилнинг 1 декабрь санасига қадар якуний хулосалар қабул қилинади.

Комиссия хулосасига асосан кўкрак нишони билан тақдирлаш бўйича Ўзбекистон Фермер, деҳқон хўжаликлари ва томорқа ер эгалари кенгашининг қарори қабул қилинади.


7. Кўкрак нишони ва унинг гувоҳномаси мукофотланганларга Ўзбекистон Республикаси қишлоқ хўжалиги ходимлари куни арафасида Ўзбекистон Фермер, деҳқон хўжаликлари ва томорқа ер эгалари кенгаши раиси ёки унинг топшириғига биноан бошқа масъул шахслар томонидан тантанали вазиятда топширилади.


8. Кўкрак нишони билан тақдирлаш тўғрисидаги қарор Ўзбекистон Фермер, деҳқон хўжаликлари ва томорқа ер эгалари кенгашининг оммавий ахборот воситаларида эълон қилинади.


9. Кўкрак нишони билан мукофотланган шахслар базавий ҳисоблаш миқдорининг икки баравари миқдорида бир йўла тўланадиган пул мукофоти оладилар.

Бир йўла тўланадиган пул мукофотлари Ўзбекистон фермер, деҳқон хўжаликлари ва томорқа ер эгалари кенгаши маблағлари ҳисобидан амалга оширилади.


10. Бир шахс кўкрак нишони билан бир марта мукофотланади.


11. Кўкрак нишони давлат мукофотларидан кейин кўкракнинг чап томонига тақилади.






Ўзбекистон Республикаси

Президентининг

2018 йил 26 июндаги

ПҚ-3803-сонли қарорига

2-ИЛОВА



"Илғор фермер" кўкрак нишонининг

ТАВСИФИ


"Илғор фермер" кўкрак нишони 38х49 миллиметр ўлчамдаги овал шаклида бўлиб, мис қотишмасидан тайёрланади.

Кўкрак нишонининг четки ён томонларида халқимиз фаровонлиги ва ризқ-рўзи рамзи бўлган тимсоллар акс эттирилган бўлиб, унинг чап ён томонида буғдой бошоқлари ҳамда очилган пахта чаноқлари, ўнг ён томонида эса узум шингили ва мевалар тасвирланган.

Кўкрак нишонининг марказида қуёшнинг мажозий тимсоли сифатида тўқ сариқ рангли эмалдан ишланган тишли ғилдирак (шестерня) механизми жойлашган бўлиб, ушбу тасвир фермер хўжаликларида ишлаб чиқариш тармоғи жадал ривожланаётганлигининг рамзий маъносини ифода этади. Унинг тепа қисмида қуёшдан таралаётган нур ҳамда Ўзбекистон Республикасининг давлат байроғи рангларидаги эмалдан ишланган, четлари зарҳал ҳошия билан ўралган буғдой бошоғи кўринишидаги тасвир жойлашган. Қуёш тимсолининг пастки қисмида мамлакатимизнинг бетакрор табиатини ифода этувчи яшил водий ва мовий тоғлар ҳамда икки дарё тасвири акс этган.

Кўкрак нишонининг юқори қисмида янгиланиш, юксалиш ва яратувчилик каби маъноларни англатувчи кўк рангли саккиз қиррали юлдуз жойлашган бўлиб, унинг четлари зарҳал ҳошия билан ўралган.

Кўкрак нишонининг четки қисмларида кўп тармоқли фермер хўжаликларининг рамзий белгиларидан бири сифатида асаларининг мумкатакчалари акс эттирилган.

Кўкрак нишонининг пастки қисмида кўк рангли шаклдор лента тасвирланган бўлиб, лента ичида икки қаторда, тилла рангда, ҳарфларнинг баландлиги 2,5 миллиметр бўлган "ILG'OR FERMER" ёзуви жойлашган.

Кўкрак нишонининг орқа томонига кийимга тақиб қўйиш учун тўғноғич кўринишидаги мослама ўрнатилган.



"Илғор фермер" кўкрак нишони





Ўзбекистон Республикаси

Президентининг

2018 йил 26 июндаги

ПҚ-3803-сонли қарорига

3-ИЛОВА



"Илғор фермер" кўкрак нишони гувоҳномасининг

ТАВСИФИ


"Илғор фермер" кўкрак нишони гувоҳномаси 160х110 миллиметр ўлчамдаги китобча шаклида бўлиб, 240 г/кв.м. қалинликдаги офсет қоғоздан тайёрланади.

Гувоҳноманинг ташқи томони (биринчи ва тўртинчи бетлари) кўк рангда бўлиб, плёнка билан қопланган.

Гувоҳноманинг биринчи бети эни 7,5 миллиметрли, ички бурчаклари айлана шаклида бўлган тўқ кўк рангли ҳошия билан ўралган.

Гувоҳноманинг юқори чеккасидан (биринчи бети) 35 миллиметр пастда, марказда оралиғи 3,5 миллиметрли икки сатрдан иборат матн жойлашган. Биринчи сатрда "ILG'OR FERMER" (катта ҳарфларда, "Times new Roman Bolt" шрифти, 17-кегль), иккинчи сатрда "ko'krak nishoni" ("Times new Roman Bolt" шрифти, 17-кегль) сўзлари ёзилган. Ундан 6 миллиметр пастда "GUVOНNOMASI" (катта ҳарфларда, "Times new Roman Bolt" шрифти, 17-кегль) сўзи ёзилган. Ёзувлар зарҳал рангда акс эттирилган.

Гувоҳноманинг ички томони (иккинчи ва учинчи бетлари) "Тангир" тасвири туширилган оч мовий рангда бўлиб, офсет усулида чоп этилган.

Ички томонининг чап қисмида (иккинчи бети), марказда кўкрак нишонининг аслига тенг ўлчамдаги рангли тасвири акс эттирилган.

Гувоҳноманинг ички ўнг томони (учинчи бети) юқори чеккасидан 8 миллиметр пастда, марказда "GUVOНNOMA" (катта ҳарфларда, "Times new Roman Bolt" шрифти, 10-кегль) сўзи ҳамда гувоҳнома тартиб рақами учун "N" белгиси ва 15 миллиметрли чизиқ жойлашган.

"GUVOНNOMA" сўзидан 11 миллиметр пастда мукофотланган шахснинг фамилияси, исми ва отасининг исмини қайд этиш учун оралиғи 8 миллиметрли учта чизиқ тортилган.

Пастки чизиқдан 6 миллиметр қуйида, марказда оралиғи 2 миллиметрли уч сатрдан иборат матн жойлашган. Биринчи сатрда "O'zbekiston Fermer, dehqon", иккинчи сатрда "xo'jaliklari va tomorqa yer", учинчи сатрда "egalari kengashining" ("Times new Roman Bolt" шрифти, 10-кегль) сўзлари ёзилган.

Ундан 5 миллиметр пастда оралиғи 4 миллиметр бўлган икки сатрдан иборат матн жойлашган. Биринчи сатрда "20__ y. "___" ___________dagi", иккинчи сатрда "____-sonli Qaroriga asosan" ("Times new Roman Bolt" шрифти, 10-кегль) сўзлари ёзилган.

Ундан 5 миллиметр пастда, марказда оралиғи 4 миллиметрли икки сатрдан иборат матн жойлашган. Биринчи сатрда "ILG'OR FERMER" (катта ҳарфларда, "Times new Roman Bolt" шрифти, 12-кегль), иккинчи сатрда "ko'krak nishoni bilan mukofotlandi" ("Times new Roman Bolt" шрифти, 10-кегль) сўзлари ёзилган.

Сўнгги сўзлардан 10 миллиметр пастда, чап томонда бир сатрдан иборат "Kengash raisi" ("Times new Roman Bolt" шрифти, 10-кегль) сўзлари ёзилган.



"Илғор фермер" кўкрак нишони

гувоҳномаси

       





Ўзбекистон Республикаси

Президентининг

2018 йил 26 июндаги

ПҚ-3803-сонли қарорига

4-ИЛОВА



"Меҳнаткаш деҳқон" кўкрак нишони тўғрисидаги

НИЗОМ


1. "Меҳнаткаш деҳқон" кўкрак нишони (кейинги ўринларда - кўкрак нишони) билан қишлоқ хўжалиги маҳсулотлари ишлаб чиқаришда юксак натижаларга эришаётган, зарур агротехник тадбирларга риоя этган ҳолда ажратилган ер участкаларидан самарали ва оқилона фойдаланиб, аҳолига арзон ва сифатли маҳсулотларни етказиб бериш, уларни белгиланган сифат стандартлари талаблари асосида сақлаш ва экспорт қилиш ишларига муносиб ҳисса қўшиб келаётган, илғор маҳаллий ва хорижий тажрибаларни пухта ўзлаштириб, замонавий инновацион технологияларни амалиётга жорий этаётган, экин майдонлари унумдорлигини ошириш борасида салмоқли ишларни амалга ошираётган деҳқон хўжаликлари раҳбарлари, аъзолари, миришкор деҳқонлар ва бошқа қишлоқ хўжалиги соҳаси ходимлари тақдирланадилар.


2. Кўкрак нишони билан тақдирлашга оид дастлабки таклифлар туман қишлоқ хўжалиги бўлими, фуқароларнинг ўзини ўзи бошқариш органлари фаолиятини мувофиқлаштириш бўйича туман кенгаши ҳамда маҳалла фуқаролар йиғинлари билан ҳамкорликда туман фермер, деҳқон хўжаликлари ва томорқа ер эгалари кенгаши томонидан шакллантирилади.


3. Туман фермер, деҳқон хўжаликлари ва томорқа ер эгалари кенгаши ҳар йилнинг 1 ноябрь санасига қадар туман ҳокимлиги билан келишган ҳолда кўкрак нишонига тавсия этилаётган номзодларнинг фаолиятига оид барча тегишли ҳужжатларни Қорақалпоғистон Республикаси ва вилоятлар фермер, деҳқон хўжаликлари ва томорқа ер эгалари кенгашларига тақдим этади.


4. Қорақалпоғистон Республикаси ва вилоятлар бўйсунувидаги шаҳарлардан кўкрак нишони билан тақдирлашга оид таклифлар тегишли шаҳар ҳокимликлари билан келишилган ҳолда Қорақалпоғистон Республикаси ва вилоятлар фермер, деҳқон хўжаликлари ва томорқа ер эгалари кенгашлари томонидан шакллантирилади.


5. Қорақалпоғистон Республикаси ва вилоятлар фермер, деҳқон хўжаликлари ва томорқа ер эгалари кенгашлари кўкрак нишони билан тақдирлашга тавсия этилган номзодлар бўйича ҳужжатларни кўриб чиқиб, Қорақалпоғистон Республикаси Жўқорғи Кенгеси ва вилоятлар ҳокимликлари билан келишилган ҳолда ҳар йилнинг 15 ноябрь санасига қадар Ўзбекистон Фермер, деҳқон хўжаликлари ва томорқа ер эгалари кенгашига тақдим этади.


6. Ўзбекистон Фермер, деҳқон хўжаликлари ва томорқа ер эгалари кенгаши кўкрак нишони билан тақдирлашга оид таклифларни кўриб чиқиш бўйича соҳанинг етакчи мутахассисларидан иборат Комиссияни ташкил этади.

Комиссия йиғилишида номзодлар бўйича ҳужжатлар кўриб чиқилиб, ҳар йилнинг 1 декабрь санасига қадар якуний хулосалар қабул қилинади.

Комиссия хулосасига асосан кўкрак нишони билан тақдирлаш бўйича Ўзбекистон Фермер, деҳқон хўжаликлари ва томорқа ер эгалари кенгашининг қарори қабул қилинади.


7. Кўкрак нишони ва унинг гувоҳномаси мукофотланганларга Ўзбекистон Республикаси қишлоқ хўжалиги ходимлари куни арафасида Ўзбекистон Фермер, деҳқон хўжаликлари ва томорқа ер эгалари кенгаши раиси ёки унинг топшириғига биноан бошқа масъул шахслар томонидан тантанали вазиятда топширилади.


8. Кўкрак нишони билан тақдирлаш тўғрисидаги қарор Ўзбекистон Фермер, деҳқон хўжаликлари ва томорқа ер эгалари кенгашининг оммавий ахборот воситаларида эълон қилинади.


9. Бир шахс кўкрак нишони билан бир марта мукофотланади.


10. Кўкрак нишони давлат мукофотларидан кейин кўкракнинг чап томонига тақилади.






Ўзбекистон Республикаси

Президентининг

2018 йил 26 июндаги

ПҚ-3803-сонли қарорига

5-ИЛОВА



"Меҳнаткаш деҳқон" кўкрак нишонининг

ТАВСИФИ


"Меҳнаткаш деҳқон" кўкрак нишони 38х49 миллиметр ўлчамдаги овал шаклида бўлиб, мис қотишмасидан тайёрланади.

Кўкрак нишонининг четки ён томонларида яшил рангли эмаль фонида дастурхонларимиз тўкин-сочинлигини ифода этувчи тимсоллар акс эттирилган бўлиб, унинг чап ён томонида узум шингиллари, ўнг ён томонида эса ўрик мевалари тилла рангда, ўртасидан чамбар ҳошия ўтган ҳолда тасвирланган.

Кўкрак нишонининг марказида рельеф шаклида ишланган қуёш нурлари фонида яшил рангдаги эмалдан ишланган ёш навниҳол ҳамда ҳар бир ниҳолни кўз қорачиғидек асраб-авайловчи миришкор деҳқоннинг машаққатли ва шарафли меҳнатини ифода этувчи кафт тасвири жойлашган.

Кўкрак нишонининг юқори қисмида янгиланиш, юксалиш ва яратувчилик каби маъноларни англатувчи кўк рангли саккиз қиррали юлдуз жойлашган бўлиб, унинг четлари зарҳал ҳошия билан ўралган.

Кўкрак нишонининг пастки қисмида кўк рангли шаклдор лента тасвирланган бўлиб, лента ичида икки қаторда, тилла рангда, ҳарфларнинг баландлиги 2,2 миллиметр бўлган "MEНNATKASН DEНQON" ёзуви жойлашган. Лентанинг пастки қисмида, марказда яшил рангли фонда тўртта тилла рангли гулбарг тасвири акс эттирилган.

Кўкрак нишонининг орқа томонига кийимга тақиб қўйиш учун тўғноғич кўринишидаги мослама ўрнатилган.



"Меҳнаткаш деҳқон" кўкрак нишони

      






Ўзбекистон Республикаси

Президентининг

2018 йил 26 июндаги

ПҚ-3803-сонли қарорига

6-ИЛОВА



"Меҳнаткаш деҳқон" кўкрак нишони гувоҳномасининг

ТАВСИФИ


"Меҳнаткаш деҳқон" кўкрак нишони гувоҳномаси 160х110 миллиметр ўлчамдаги китобча шаклида бўлиб, 240 г/кв.м. қалинликдаги офсет қоғоздан тайёрланади.

Гувоҳноманинг ташқи томони (биринчи ва тўртинчи бетлари) оч жигар рангда бўлиб, плёнка билан қопланган.

Гувоҳноманинг биринчи бети эни 7,5 миллиметрли, ички бурчаклари айлана шаклида бўлган жигар рангли ҳошия билан ўралган.

Гувоҳноманинг юқори чеккасидан (биринчи бети) 35 миллиметр пастда, марказда оралиғи 3,5 миллиметрли икки сатрдан иборат матн жойлашган. Биринчи сатрда "Mehnatkash dehqon", иккинчи сатрда "ko`krak nishoni" ("Times new Roman Bolt" шрифти, 17-кегль) сўзлари ёзилган. Ундан 6 миллиметр пастда "GUVOНNOMASI" (катта ҳарфларда, "Times new Roman Bolt" шрифти, 17-кегль) сўзи ёзилган. Ёзувлар зарҳал рангда акс эттирилган.

Гувоҳноманинг ички томони (иккинчи ва учинчи бетлари) "Тангир" тасвири туширилган оч жигар рангда бўлиб, офсет усулида чоп этилган.

Ички томонининг чап қисмида (иккинчи бети), марказда кўкрак нишонининг аслига тенг ўлчамдаги рангли тасвири акс эттирилган.

Гувоҳноманинг ички ўнг томони (учинчи бети) юқори чеккасидан 8 миллиметр пастда, марказда "GUVOНNOMA" (катта ҳарфларда, "Times new Roman Bolt" шрифти, 10-кегль) сўзи ҳамда гувоҳнома тартиб рақами учун "N" белгиси ва 15 миллиметрли чизиқ жойлашган.

"GUVOНNOMA" сўзидан 11 миллиметр пастда мукофотланган шахснинг фамилияси, исми ва отасининг исмини қайд этиш учун оралиғи 8 миллиметрли учта чизиқ тортилган.

Пастки чизиқдан 6 миллиметр қуйида, марказда оралиғи 2 миллиметрли уч сатрдан иборат матн жойлашган. Биринчи сатрда "O'zbekiston Fermer, dehqon", иккинчи сатрда "xo'jaliklari va tomorqa yer", учинчи сатрда "egalari kengashining" ("Times new Roman Bolt" шрифти, 10-кегль) сўзлари ёзилган.

Ундан 5 миллиметр пастда оралиғи 4 миллиметр бўлган икки сатрдан иборат матн жойлашган. Биринчи сатрда "20__ y. "___" ___________dagi", иккинчи сатрда "____-sonli Qaroriga asosan" ("Times new Roman Bolt" шрифти, 10-кегль) сўзлари ёзилган.

Ундан 5 миллиметр пастда, марказда оралиғи 4 миллиметрли икки сатрдан иборат матн жойлашган. Биринчи сатрда "Mehnatkash dehqon" ("Times new Roman Bolt" шрифти, 14-кегль), иккинчи сатрда "ko`krak nishoni bilan mukofotlandi" ("Times new Roman Bolt" шрифти, 10-кегль) сўзлари ёзилган.

Сўнгги сўзлардан 10 миллиметр пастда, чап томонда бир сатрдан иборат "Kengash raisi" ("Times new Roman Bolt" шрифти, 10-кегль) сўзлари ёзилган.



"Меҳнаткаш деҳқон" кўкрак нишони

гувоҳномаси





Ўзбекистон Республикаси

Президентининг

2018 йил 26 июндаги

ПҚ-3803-сонли қарорига

7-ИЛОВА



"Намунали томорқачи" кўкрак нишони тўғрисидаги

НИЗОМ


1. "Намунали томорқачи" кўкрак нишони (кейинги ўринларда - кўкрак нишони) билан шахсий томорқа ер участкаларидан самарали ва оқилона фойдаланиб, қишлоқ хўжалиги маҳсулотларини ишлаб чиқаришда юксак натижаларга эришаётган, соҳага замонавий инновацион технологияларни жорий этган ҳолда экологик ва органик тоза, арзон ва сифатли маҳсулотларни етиштириш ва ички бозорни улар билан барқарор таъминлаш, янги серҳосил навларни кўпайтириш ишларига муносиб ҳисса қўшаётган, деҳқончилик маданияти ва сир-асрорларини пухта эгаллаган, шунингдек, жамоат ишларидаги фаоллиги билан аҳоли ўртасида алоҳида ҳурматга сазовор бўлган илғор томорқа ер эгалари тақдирланадилар.


2. Кўкрак нишони билан тақдирлашга оид дастлабки таклифлар туман қишлоқ хўжалиги бўлими, фуқароларнинг ўзини ўзи бошқариш органлари фаолиятини мувофиқлаштириш бўйича туман кенгаши ҳамда маҳалла фуқаролар йиғинлари билан ҳамкорликда туман фермер, деҳқон хўжаликлари ва томорқа ер эгалари кенгаши томонидан шакллантирилади.


3. Туман фермер, деҳқон хўжаликлари ва томорқа ер эгалари кенгаши ҳар йилнинг 1 ноябрь санасига қадар туман ҳокимлиги билан келишган ҳолда кўкрак нишонига тавсия этилаётган номзодларнинг фаолиятига оид барча тегишли ҳужжатларни Қорақалпоғистон Республикаси ва вилоятлар фермер, деҳқон хўжаликлари ва томорқа ер эгалари кенгашларига тақдим этади.


4. Қорақалпоғистон Республикаси ва вилоятлар бўйсунувидаги шаҳарлардан кўкрак нишони билан тақдирлашга оид таклифлар тегишли шаҳар ҳокимликлари билан келишилган ҳолда Қорақалпоғистон Республикаси ва вилоятлар фермер, деҳқон хўжаликлари ва томорқа ер эгалари кенгашлари томонидан шакллантирилади.


5. Қорақалпоғистон Республикаси ва вилоятлар фермер, деҳқон хўжаликлари ва томорқа ер эгалари кенгашлари кўкрак нишони билан тақдирлашга тавсия этилган номзодлар бўйича ҳужжатларни кўриб чиқиб, Қорақалпоғистон Республикаси Жўқорғи Кенгеси ва вилоятлар ҳокимликлари билан келишилган ҳолда ҳар йилнинг 15 ноябрь санасига қадар Ўзбекистон Фермер, деҳқон хўжаликлари ва томорқа ер эгалари кенгашига тақдим этади.


6. Ўзбекистон Фермер, деҳқон хўжаликлари ва томорқа ер эгалари кенгаши кўкрак нишони билан тақдирлашга оид таклифларни кўриб чиқиш бўйича соҳанинг етакчи мутахассисларидан иборат Комиссияни ташкил этади.

Комиссия йиғилишида номзодлар бўйича ҳужжатлар кўриб чиқилиб, ҳар йилнинг 1 декабрь санасига қадар якуний хулосалар қабул қилинади.

Комиссия хулосасига асосан кўкрак нишони билан тақдирлаш бўйича Ўзбекистон Фермер, деҳқон хўжаликлари ва томорқа ер эгалари кенгашининг қарори қабул қилинади.


7. Кўкрак нишони ва унинг гувоҳномаси мукофотланганларга Ўзбекистон Республикаси қишлоқ хўжалиги ходимлари куни арафасида Ўзбекистон Фермер, деҳқон хўжаликлари ва томорқа ер эгалари кенгаши раиси ёки унинг топшириғига биноан бошқа масъул шахслар томонидан тантанали вазиятда топширилади.


8. Кўкрак нишони билан тақдирлаш тўғрисидаги қарор Ўзбекистон Фермер, деҳқон хўжаликлари ва томорқа ер эгалари кенгашининг оммавий ахборот воситаларида эълон қилинади.


9. Бир шахс кўкрак нишони билан бир марта мукофотланади.


10. Кўкрак нишони давлат мукофотларидан кейин кўкракнинг чап томонига тақилади.






Ўзбекистон Республикаси

Президентининг

2018 йил 26 июндаги

ПҚ-3803-сонли қарорига

8-ИЛОВА



"Намунали томорқачи" кўкрак нишонининг

ТАВСИФИ


"Намунали томорқачи" кўкрак нишони 38х49 миллиметр ўлчамдаги овал шаклида бўлиб, мис қотишмасидан тайёрланади.

Кўкрак нишонининг четки ён томонларида яшил рангли эмаль фонида дастурхонларимиз тўкин-сочинлигини ифода этувчи тимсоллар акс эттирилган бўлиб, унинг чап ён томонида узум шингиллари, ўнг ён томонида эса ўрик мевалари тилла рангда, ўртасидан чамбар ҳошия ўтган ҳолда тасвирланган.

Кўкрак нишонининг марказида, олдинги планда саховатли заминимиз туҳфаси бўлган, мевалар билан тўлдирилган оч яшил рангдаги сават тасвири акс эттирилган. Унинг ортида рельеф шаклидаги қуёш нурлари фонида яшил рангли эмалдан ишланган мевали дарахтлар ва экин майдони ҳамда томорқа эгасининг даромад манбаларидан бири бўлган чорва ҳайвонлари ва уй тасвири ифодаланган.

Кўкрак нишонининг юқори қисмида янгиланиш, юксалиш ва яратувчилик каби маъноларни англатувчи тўқ қизил рангли саккиз қиррали юлдуз жойлашган бўлиб, унинг четлари зарҳал ҳошия билан ўралган.

Кўкрак нишонининг пастки қисмида тўқ қизил рангли шаклдор лента тасвирланган бўлиб, лента ичида икки қаторда, тилла рангда, ҳарфларнинг баландлиги 2 миллиметр бўлган "NAMUNALI TOMORQACНI" ёзуви жойлашган. Лентанинг пастки қисмида, марказда яшил рангли фонда тўртта тилла рангли гулбарг тасвири акс эттирилган.

Кўкрак нишонининг орқа томонига кийимга тақиб қўйиш учун тўғноғич кўринишидаги мослама ўрнатилган.



"Намунали томорқачи" кўкрак нишони





Ўзбекистон Республикаси

Президентининг

2018 йил 26 июндаги

ПҚ-3803-сонли қарорига

9-ИЛОВА



"Намунали томорқачи" кўкрак нишони гувоҳномасининг

ТАВСИФИ


"Намунали томорқачи" кўкрак нишони гувоҳномаси 160х110 миллиметр ўлчамдаги китобча шаклида бўлиб, 240 г/кв.м. қалинликдаги офсет қоѓоздан тайёрланади.

Гувоҳноманинг ташқи томони (биринчи ва тўртинчи бетлари) яшил рангда бўлиб, плёнка билан қопланган.

Гувоҳноманинг биринчи бети эни 7,5 миллиметрли, ички бурчаклари айлана шаклида бўлган тўқ яшил рангли ҳошия билан ўралган.

Гувоҳноманинг юқори чеккасидан (биринчи бети) 35 миллиметр пастда, марказда оралиѓи 3,5 миллиметрли икки сатрдан иборат матн жойлашган. Биринчи сатрда "Namunali tomorqachi", иккинчи сатрда "ko`krak nishoni" ("Times new Roman Bolt" шрифти, 17-кегль) сўзлари ёзилган. Ундан 6 миллиметр пастда "GUVOНNOMASI" (катта ҳарфларда, "Times new Roman Bolt" шрифти, 17-кегль) сўзи ёзилган. Ёзувлар зарҳал рангда акс эттирилган.

Гувоҳноманинг ички томони (иккинчи ва учинчи бетлари) "Тангир" тасвири туширилган оч мовий рангда бўлиб, офсет усулида чоп этилган.

Ички томонининг чап қисмида (иккинчи бети), марказда кўкрак нишонининг аслига тенг ўлчамдаги рангли тасвири акс эттирилган.

Гувоҳноманинг ички ўнг томони (учинчи бети) юқори чеккасидан 8 миллиметр пастда, марказда "GUVOНNOMA" (катта ҳарфларда, "Times new Roman Bolt" шрифти, 10-кегль) сўзи ҳамда гувоҳнома тартиб рақами учун "N" белгиси ва 15 миллиметрли чизиқ жойлашган.

"GUVOНNOMA" сўзидан 11 миллиметр пастда мукофотланган шахснинг фамилияси, исми ва отасининг исмини қайд этиш учун оралиѓи 8 миллиметрли учта чизиқ тортилган.

Пастки чизиқдан 6 миллиметр қуйида, марказда оралиѓи 2 миллиметрли уч сатрдан иборат матн жойлашган. Биринчи сатрда "O'zbekiston Fermer, dehqon", иккинчи сатрда "xo'jaliklari va tomorqa yer", учинчи сатрда "egalari kengashining" ("Times new Roman Bolt" шрифти, 10-кегль) сўзлари ёзилган.

Ундан 5 миллиметр пастда оралиѓи 4 миллиметр бўлган икки сатрдан иборат матн жойлашган. Биринчи сатрда "20__ y. "___" ___________dagi", иккинчи сатрда "____-sonli Qaroriga asosan" ("Times new Roman Bolt" шрифти, 10-кегль) сўзлари ёзилган.

Ундан 5 миллиметр пастда, марказда оралиѓи 4 миллиметрли икки сатрдан иборат матн жойлашган. Биринчи сатрда "Namunali tomorqachi" ("Times new Roman Bolt" шрифти, 14-кегль), иккинчи сатрда "ko`krak nishoni bilan mukofotlandi" ("Times new Roman Bolt" шрифти, 10-кегль) сўзлари ёзилган.

Сўнгги сўзлардан 10 миллиметр пастда, чап томонда бир сатрдан иборат "Kengash raisi" ("Times new Roman Bolt" шрифти, 10-кегль) сўзлари ёзилган.



"Намунали томорқачи" кўкрак нишони

гувоҳномаси

Қонун ҳужжатлари маълумотлари миллий базаси (www.lex.uz),

2018 йил 27 июнь


"Ўзбекистон Республикаси қонун ҳужжатлари тўплами",

2018 йил 2 июль, 26-сон, 512-модда









































Время: 0.1593
по регистрации МЮ строгое соответствие
  • Все
  • действующие
  • утратившие силу
  • Русский
  • Ўзбекча
  • Оба языка
  • любая дата
  • точная дата
  • период
  • -

Свернуть поиск