16-сон АМС "Эксперт ишидан фойдаланиш"

УМУМИЙ ҚОИДАЛАР

1. Мазкур стандарт "Аудиторлик фаолияти тўғрисида"ги Ўзбекистон Республикаси Қонуни, Ўзбекистон Республикаси Вазирлар Маҳкамаси 1999 йил 10 июнда қабул қилган "Ўзбекистон Республикаси Президентининг Олий Мажлис XIV сессиясида қилган маърузасида баён этилган асосий қоидаларни амалга ошириш чора-тадбирлари тўғрисида"ги 296-сон қарори асосида ишлаб чиқилган ва Ўзбекистон Республикасида аудиторлик фаолиятини меъёрий тартибга солиш элементи ҳисобланади.

2. Эксперт - аудиторлик ташкилоти штатида турмайдиган, бухгалтерия ҳисоби ва аудитдан фарқ қилувчи соҳаларда етарлича билим, тажриба ва кўникмаларга эга бўлган мутахассисдир.

СТАНДАРТНИНГ МАҚСАДИ ВА ВАЗИФАЛАРИ

3. Стандартнинг мақсади аудиторлик ташкилотининг аудиторлик текширувига экспертни жалб этиш ва унинг иш натижаларидан фойдаланишга доир ҳаракатларини белгилаш ҳисобланади.

4. Стандартнинг вазифалари қуйидагилардан иборат:

4.1. Экспертни тайинлаш тартибини тавсифлаш.

4.2. Эксперт иши натижаларини расмийлаштиришга доир талабларни баён этиш.

4.3. Эксперт иши натижаларидан фойдаланиш тартибини тавсифлаш.

АМАЛ ҚИЛИШ СОҲАСИ

5. Мазкур стандарт талаблари расмий аудиторлик хулосасини тайёрлашни кўзда тутадиган аудитни амалга ошириш чогида барча аудиторлик ташкилотлари учун мажбурий ҳисобланади, бундан улар тавсия тусида эканлиги очиқ-ошкор кўрсатилган қоидалар мустасно.

6. Мазкур стандарт талаблари унинг натижалари бўйича расмий аудиторлик хулосасини тайёрлаш кўзда тутилмайдиган аудитни ўтказиш чогида, шунингдек, аудитга Йўлдош хизматларни (консалтинг хизматларини) кўрсатиш чогида тавсия тусида бўлади. Аниқ топшириқни бажариш чогида мазкур стандартнинг мажбурий талабларидан четга чиқилган ҳолларда аудиторлик ташкилоти буни ўзининг иш ҳужжатларида ва аудитга ва (ёки) унга турдош бўлган хизматларга буюртма берган хўжалик юритувчи субъектнинг раҳбариятига топширадиган ёзма ҳисоботида албатта кўрсатиши керак.

ЭКСПЕРТНИ ТАЙИНЛАШ

7. Эксперт сифатида аудиторлик ташкилоти юридик шахс ҳисобланган ихтисослаштирилган ташкилот ишидан фойдаланиши мумкин.

8. Аудит ўтказаётганда аудиторлик ташкилоти баҳоловчи, муҳандис, геолог, технолог ва бошқа эксперт ишидан фойдаланиши мумкин.

9. Аудит ўтказишда эксперт ишидан фойдаланиш тўғрисидаги қарорни аудиторлик ташкилоти тадқиқ қилинадиган ҳолатлар характери ва мураккаблигидан, уларнинг муҳимлилик даражасидан, шунингдек бошқа аудиторлик русум-қоидаларининг ушбу ҳолатларга нисбатан мақсадга мувофиқлиги, мумкинлиги ва ишончлилигидан келиб чиқиб қабул қилади.

10. Аудиторлик ташкилоти аудитни ўтказиш чогида ишидан фойдаланадиган эксперт қуйидагиларга эга бўлиши шарт:

10.1. Тегишли ҳужжатлар (диплом, лицензия ва ҳоказолар) билан тасдиқланган тегишли малака.

10.2. Хулоса тузишни аудиторлик ташкилоти кўзда тутаётган соҳада тегишли мулоҳазалар, тавсиялар, маълумотномалар ва ҳоказолар билан тасдиқланган тегишли тажриба ва обрўга эга бўлиш.

11. Қуйидаги ҳолларда аудиторлик ташкилоти аудитни ўтказиш чогида эксперт ишидан фойдаланмаслиги керак:

11.1. Агар эксперт-жисмоний шахс унга нисбатан аудит ўтказаётган хўжалик юритувчи субъектнинг асосий ёки устун турувчи муассиси ёхуд раҳбари бўлса ёки кўрсатилган шахслар билан яқин қариндош ёки қуда-анда ёки бошқа мансабдор шахси бўлса ёхуд унга доир аудиторлик ташкилоти аудит ўтказаётган хўжалик юритувчи субъектнинг штатдаги ходими бўлса.

11.2. Агар эксперт-юридик шахс унга доир аудиторлик ташкилоти аудит ўтказаётган хўжалик юритувчи субъектнинг асосий ёки устун турувчи муассиси (иштирокчиси), кредитори, сугурталовчиси бўлса ёхуд хўжалик юритувчи субъект эксперт-юридик шахснинг асосий ёки устун турувчи муассиси (иштирокчиси) ҳисобланса.

Агар эксперт тайинланганидан кейин юқорида кўрсатилган ҳолатлар юзага келса ёки маълум бўлиб қолса, аудиторлик ташкилоти эксперт хулосасининг объективлиги тасдигини таъминлайдиган қўшимча аудиторлик русум-қоидаларини амалга ошириши ёки бошқа экспертни тайинлаши керак.

13. Эксперт хизматларини кўрсатиш шартномасида умум қабул қилинган шартлардан ташқари қуйидагилар кўзда тутилиши керак:

13.1. Иш мақсади ва ҳажми.

13.2. Муайян масаладир тавсифи.

13.3. Агар талаб этилса, хўжалик юритувчи субъект билан экспертнинг ўзаро муносабатлари тавсифи.

13.4. Хўжалик юритувчи субъект ахборотининг сир тутилиши.

13.5. Эксперт ўз ишида амалга ошириш ниятида бўлган тахминлар ва усуллар ҳақидаги ҳамда уларнинг аудиторлик ташкилоти эксперт ишидан фойдаланган олдинги даврлардаги тахминлар ва усулларга мувофиқлиги хусусидаги маълумотлар.

13.6. Эксперт хулосасининг шакли ва мазмуни.

ЭКСПЕРТ ИШИ НАТИЖАЛАРИНИ РАСМИЙЛАШТИРИШ

14. Эксперт ўз иши натижаларини ёзма шаклдаги хулоса (ҳисобот, ҳисоб-китоб ва ҳоказолар) кўринишида тақдим этади.

15. Эксперт хулосаси етарлича тўла ва батафсил бўлиши керак, токи улар билан танишган тажрибали аудитор ёки бошқа эксперт улар билан танишиб, эксперт томонидан ўтказилган иш тўғрисида тасаввурга эга бўла олсин. Хусусан, эксперт хулосасида қуйидагилар акс эттирилиши керак:

15.1. Уни аудит қилишда эксперт ўз ишини бажарган хўжалик юритувчи субъектнинг номи.

15.2. Ўтказилган иш объекти ва эксперт масъулиятининг чегараси.

15.3. Қўлланган иш усуллари, шу жумладан, уларнинг аввалги даврларда фойдаланилган усулларга мувофиқлиги.

15.4. Ўтказилган иш билан боглиқ ҳар қандай ҳал этилмайдиган жиддий шубҳалар.

15.5. Ўтказилган иш натижалари.

16. Эксперт хулосаси уч қисмдан: кириш, тадқиқ этиш ва хулоса қисмларидан иборат бўлиши керак.

17. Эксперт хулосасига киритилган маълумотлар равшан ва шундай тарзда ифодаланиши керакки, токи уларнинг мазмуни ва шакли шубҳадан холи бўлсин ҳамда турли тўлқинлар қилиш имконияти бўлмасин.

18. Эксперт хулосаси қогозда, машинкада ёки аудиторлик ташкилоти билан келишилган бошқа воситада, улардаги маълумотлар сақланишини таъминлаган ҳолда тайёрланиши керак, улар аудиторлик ташкилоти иш ҳужжатларининг архивда сақланиши учун белгиланган муддат давомида сақланиши шарт.

19. Эксперт хулосасида қуйидаги мажбурий реквизитлар бўлиши шарт:

19.1. Ҳужжатнинг номи.

19.2. Ҳужжат санаси.

19.3. Экспертнинг ўз имзоси ва унинг расшифровкаси.

20. Эксперт ўз хулосасини камида икки нусхада тайёрлайди, улардан бири аудиторлик ташкилоти аудит ўтказаётган хўжалик юритувчи субъектга, иккинчиси аудиторлик ташкилотига тақдим этилади.

ЭКСПЕРТ ИШИ НАТИЖАЛАРИДАН ФОЙДАЛАНИШ

21. Эксперт иши натижалари аудиторлик ташкилоти томонидан қуйидагиларга нисбатан кўриб чиқилиши керак:

21.1. Эксперт хулосаси асосланадиган ахборот.

21.2. Эксперт томонидан ўз хулосасини тайёрлашда фойдаланилган тахминлар ва усуллар, шу жумладан, уларнинг олдинги даврларда фойдаланилган тахминлар ва усулларга мувофиқлиги.

21.3. Ўтказилган аудитнинг умумий натижалари.

22. Агар аудиторлик ташкилоти томонидан эксперт иши натижалари кўриб чиқилаётганда эксперт хулосаси билан хўжалик юритувчи субъект ахбороти (ҳужжатлари) ўртасида жиддий номувофиқликлар аниқланса ёки аудиторлик ташкилоти эксперт иши натижалари асосланмаган деб ҳисобласа, аудиторлик ташкилоти эксперт хулосасининг асосланганлигини текширишни таъминлайдиган қўшимча аудиторлик русум-қоидаларини бажариши ёки бошқа экспертни тайинлаши керак.

23. Эксперт хулосаси аудиторлик ташкилотининг иш ҳужжатларига киритилиши керак.

24. Агар истисно ҳолда эксперт огзаки тушунтиришлар берса, бундай тушунтиришларни аудиторлик ташкилоти ўзининг иш ҳужжатларида акс эттириши шарт.

25. Аудиторлик хулосасида аудитни ўтказишда аудиторлик ташкилоти эксперт иши ва эксперт хулосасидан фойдалангани тўғрисида кўрсатмалар бўлмаслиги шарт.

26. Эксперт хулосасини олиш мумкин бўлмаган, бирор-бир текширилган ҳолатларни баҳолашда экспертнинг ўзига жиддий ишончсизлиги, шунингдек хўжалик юритувчи субъект билан эксперт ёки аудиторлик ташкилоти билан эксперт ўртасида ҳал этилмаган келишмовчиликлар мавжуд бўлган ҳолларда аудиторлик ташкилоти ўтказилган аудит натижалари бўйича, шубҳасиз, ижобий хулосадан фарқ қиладиган аудиторлик хулосасини тайёрлаш масаласини кўриб чиқиши мумкин.

27. Аудит ўтказиш чогида эксперт ишидан фойдаланиш, шу жумладан, бундай ишда аудиторлик хулосасига ҳавола этиш аудиторлик хулосасини тайёрлаган аудиторлик ташкилоти зиммасидан хулоса учун жавобгарликни соқит қилмайди.

КУЧГА КИРИТИШ САНАСИ

28. Мазкур Аудит миллий стандарти 2000 йилнинг 1 январидан кучга киритилади.