Ўзбекистон Республикаси Вазирлар Маҳкамасининг 14.12.2018 й. 1017-сон "Ўзбекистон Республикаси Ўрмон хўжалиги давлат кўмитасининг моддий-техника базасини мустаҳкамлаш чора-тадбирлари тўғрисида"ги Қарори

Функция недоступна

ЎЗБЕКИСТОН РЕСПУБЛИКАСИ

ВАЗИРЛАР МАҲКАМАСИНИНГ

ҚАРОРИ

14.12.2018 й.

N 1017

ЎЗБЕКИСТОН РЕСПУБЛИКАСИ

ЎРМОН ХЎЖАЛИГИ ДАВЛАТ КЎМИТАСИНИНГ

МОДДИЙ-ТЕХНИКА БАЗАСИНИ МУСТАҲКАМЛАШ

ЧОРА-ТАДБИРЛАРИ ТЎҒРИСИДА

Ўзбекистон Республикаси Вазирлар Маҳкамасининг "Давлат даромадига ўтказиладиган мол-мулкни олиб қўйиш, сотиш ёки йўқ қилиб ташлаш тартибини такомиллаштириш тўғрисида" 2009 йил 15 июлдаги 200-сон қарорига мувофиқ, шунингдек, Ўзбекистон Республикаси Ўрмон хўжалиги давлат кўмитасининг моддий-техника базасини мустаҳкамлаш мақсадида Вазирлар Маҳкамаси ҚАРОР ҚИЛАДИ:

1. Қуйидагилар:

судларнинг қарорларига асосан алоҳида юридик ва жисмоний шахсларга тегишли кўчмас мулк объекти ва автотранспорт воситалари давлат даромадига ўтказилиши;

Вазирлар Маҳкамасининг 2009 йил 15 июлдаги 200-сон қарори билан тасдиқланган Давлат даромадига ўтказиладиган мол-мулкни олиб қўйиш, сотиш ёки йўқ қилиб ташлаш тартиби тўғрисидаги низомнинг 18-бандига мувофиқ давлат даромадига ўтказилган мол-мулк сотилгунига қадар Ўзбекистон Республикаси Вазирлар Маҳкамасининг қарори билан давлат органларининг моддий-техника базасини такомиллаштириш учун уларга бепул берилиши мумкинлиги  маълумот учун қабул қилинсин.

2. Қуйидагилар Ўзбекистон Республикаси Ўрмон хўжалиги давлат қўмитасига:

Тошкент вилояти Қибрай тумани "Дўрмон" ҚФЙ ҳудудида 1,567 гектар майдонда жойлашган бино ва иншоотлар;

1-иловага мувофиқ рўйхат бўйича судларнинг қарорлари асосида давлат даромадига ўтказилган автотранспорт воситалари оператив бошқарув ҳуқуқи билан берилсин.

3. Ўзбекистон Республикаси Ўрмон хўжалиги давлат қўмитаси ушбу қарорнинг 2-бандида кўрсатилган мол-мулк қабул қилинишини, улар бюджетдан ташқари маблағлар ҳисобидан сақланишини, шунингдек улардан мақсадли ва самарали фойдаланилишини таъминласин.

4. Белгилансинки, суд қарори бекор қилинган ёки ўзгарганда, шунингдек, уларни натурада қайтариб бериш ёки қийматини қоплаш тўғрисида суд қарори қабул қилинган тақдирда, Ўзбекистон Республикаси Ўрмон хўжалиги давлат қўмитаси ушбу қарорнинг 2-бандига мувофиқ берилган кўчмас мулк  ва автотранспорт воситасини белгиланган тартибда суд қарорида кўрсатилган шахсларга қайтариши ёки уларнинг қийматини Ўзбекистон Республикаси Ўрмон хўжалиги давлат қўмитасининг Ўрмон хўжалигини ривожлантириш жамғармаси маблағлари ҳисобига  тўлаши керак.

5. Ўзбекистон Республикаси Ўрмон хўжалиги давлат қўмитаси аппарати ва унинг Ўзбекистон Республикаси Давлат бюджети маблағлари ҳисобига молиялаштириладиган идоравий мансуб ташкилотлари хизмат енгил автомобиллари чекланган сони 2-иловага мувофиқ тасдиқлансин.

6. Мазкур қарорнинг бажарилишини назорат қилиш Ўзбекистон Республикаси Ўрмон хўжалиги давлат қўмитаси раиси Н.Ж. Бакиров зиммасига юклансин.

Ўзбекистон Республикасининг Бош вазири                                                 А. Арипов

Вазирлар Маҳкамасининг

2018 йил 14 декабрдаги

1017-сон қарорига

1-ИЛОВА

Ўзбекистон Республикаси Ўрмон хўжалиги

давлат қўмитасига оператив бошқарув ҳуқуқи билан

берилаётган судларнинг қарорларига асосан давлат

даромадига ўтказилган автотранспорт воситалари

РЎЙХАТИ

Вазирлар Маҳкамасининг

2018 йил 14 декабрдаги

1017-сон қарорига

2-ИЛОВА

Ўзбекистон Республикаси Ўрмон хўжалиги

давлат қўмитаси аппарати ва унга идоравий мансуб

ташкилотларнинг Ўзбекистон Республикаси Давлат

бюджети маблағлари ҳисобига молиялаштириладиган

хизмат енгил автомобилларининг

ЧЕКЛАНГАН СОНИ

*) Махсус транспорт воситалари ўзининг бюджетдан ташқари маблағлари ҳисобига молиялаштирилади.

Қонун ҳужжатлари маълумотлари миллий базаси (www.lex.uz),

2018 йил 17 декабрь