ВСЕ ЗАКОНОДАТЕЛЬСТВО УЗБЕКИСТАНА

ЎзР Конунчилиги / Иқтисодиётнинг айрим соҳалари / Саноат / Металлургия. Қора ва рангли металл чиқиндилари ва парчаларини йиғиш /

Ўзбекистон Республикаси Президентининг 25.12.2018 й. ПҚ-4077-сон "Ишлаб чиқариш қувватларини модернизация қилиш, саноат тармоқларини техник ва технологик жиҳатдан қайта жиҳозлаш жараёнини жадаллаштириш чора-тадбирлари тўғрисида"ги Қарори

Функция недоступна

Данная функция доступно только для клиентов (пользователей)

Полный текст документа доступен в платной версии. По вопросам звоните на короткий номер 1172

ЎЗБЕКИСТОН РЕСПУБЛИКАСИ

ПРЕЗИДЕНТИНИНГ

ҚАРОРИ

25.12.2018 й.

N ПҚ-4077



ИШЛАБ ЧИҚАРИШ ҚУВВАТЛАРИНИ

МОДЕРНИЗАЦИЯ    ҚИЛИШ,    САНОАТ

ТАРМОҚЛАРИНИ ТЕХНИК ВА ТЕХНОЛОГИК

ЖИҲАТДАН ҚАЙТА ЖИҲОЗЛАШ ЖАРАЁНИНИ

ЖАДАЛЛАШТИРИШ ЧОРА-ТАДБИРЛАРИ

ТЎҒРИСИДА


[Кўчирма]


Ишлаб чиқариш қувватларини модернизация қилиш, саноатнинг базавий тармоқларини техник ва технологик жиҳозлаш, уларнинг экспорт салоҳиятини янада юксалтириш, ишлаб чиқарилаётган маҳсулотларнинг рақобатбардошлигини таъминлаш учун қулай шарт-шароитлар яратиш, шунингдек, корхоналарнинг инвестициявий жозибадорлигини ошириш мақсадида:


1. Шундай тартиб ўрнатилсинки, унга мувофиқ давлатга ёки хўжалик бошқаруви органларига тегишли акциялар пакетларини (улушни) инвестиция активларини ишончли бошқарувчиларга белгиланган тартибда бериш танлов асосида 5 йилгача бўлган муддатга қуйидаги шартлар бажарилган тақдирда амалга оширилади:

Ўзбекистон Республикасида қимматли қоғозлар бозорида профессионал фаолиятни амалга ошириш учун тегишли лицензиянинг мавжудлиги;

ишончли бошқарувчи томонидан тегишли комиссияга корхона фаолиятининг самарадорлигини янада ошириш бўйича бизнес-режани тақдим этиш;

корхоналарнинг кузатув кенгаши таркибига ишончли бошқарувга бериладиган улуш бўйича тайинланадиган аъзоларнинг камида 40 фоизи миқдорида давлат вакилларини киритиш;

ишончли бошқарувчининг хизматларига унинг маъмурий харажатларини қоплаш учун ҳар ой тўланадиган мукофот пули ва молиявий йил якунларига кўра бизнес-режа параметрларининг бажарилишига қараб ҳисобланадиган бонус кўринишида ҳақ тўлаш.

Бунда, ишончли бошқарувчи тасдиқланган бизнес-режани амалга ошириш учун пул маблағлари, ускуналар, дастурий маҳсулотлар шаклида ўз маблағларини жалб этган ҳолларда ушбу маблағлар асослантирилган ҳисоб-китоблар ва мустақил аудитор хулосасига кўра ҳамда ишончли бошқарувчи ва корхона ўртасида келишилган алоҳида графикка мувофиқ белгиланган тартибда қоплаб берилиши лозим.


2. Белгилаб қўйилсинки, устав капиталидаги давлат ёки хўжалик бошқаруви органларига тегишли акциялар пакетлари (улушлари) инвестиция активларини ишончли бошқарувчиларга белгиланган тартибда ишончли бошқарувга берилган корхоналарга нисбатан:

а) қонун ҳужжатларининг қуйидаги талаблари татбиқ этилмайди:

товарлар (ишлар, хизматлар) харид қилишга бўлган техник топшириқларни Ўзбекистон Республикаси Иқтисодий тараққиёт ва камбағалликни қисқартириш вазирлиги ҳузуридаги Лойиҳалар ва импорт контрактларини комплекс экспертиза қилиш марказида мажбурий экспертизадан ўтказиш тўғрисида, Ўзбекистон Республикаси Тикланиш ва тараққиёт жамғармаси маблағлари ҳисобидан молиялаштириладиган (биргаликда молиялаштириладиган) ҳолатлар бундан мустасно;

Ўзбекистон Республикаси Президентининг 2017 йил 3 ноябрдаги "Махсус турдаги товарлар экспорти ва импортини лицензиялаш, шунингдек, экспорт контрактларини рўйхатга олиш ва импорт контрактларини экспертизадан ўтказишни тартибга солиш чора-тадбирлари тўғрисида"ги ПФ-5215-сон Фармонининг 2-иловасига киритилган товарлар (ишлар, хизматлар)ни экспорт қилиш бўйича контрактларни Ўзбекистон Республикаси Ташқи савдо вазирлигида рўйхатдан ўтказиш тўғрисида;

ишончли бошқарувчи томонидан кузатув кенгаши аъзоси сифатида илгари сурилган шахслар корпоратив бошқарувчининг малака гувоҳномасига эга бўлиши тўғрисида;

б) суммасидан қатъи назар, идоравий (ички) танлов комиссиялари баҳолайдиган энг яхши таклифларни танлаб олиш йўли орқали товарлар (ишлар ва хизматлар)ни харид қилиш контрактларини, шу жумладан импорт контрактларини мустақил равишда тузиш ҳуқуқи берилади;

в) 2019 йил 1 февралдан бошлаб олиб кириладиган (олиб чиқиладиган) товарлар (ишлар, хизматлар)нинг божхона расмийлаштирувида ваколатли иқтисодий операторлар мақоми қўлланилади;

г) корхоналар томонидан ушбу қарорга мувофиқ тузиладиган шартномалар (контрактлар) тўғрисидаги ахборотни улар тузилган санадан бошлаб уч кундан кечиктирмай давлат харидлари бўйича махсус ахборот порталига жойлаштириш тартиби жорий этилади.


3. Ўзбекистон Республикаси Хусусийлаштирилган корхоналарга кўмаклашиш ва рақобатни ривожлантириш давлат қўмитаси ҳузуридаги Давлат активларини бошқариш маркази акциялар (улушлар) давлат пакетини ишончли бошқариш бўйича ўзи тузган шартномаларнинг лозим даражада бажарилиши устидан самарали мониторинг олиб борсин.


4. Белгилансинки:

инвестиция ва инфратузилма лойиҳаларининг лойиҳаолди ва лойиҳа ҳужжатларини, товарлар (ишлар, хизматлар)нинг давлат хариди учун тендер ҳужжатлари ва техник шартларини ҳамда контрактларни комплекс экспертизадан ўтказиш якунлари бўйича хулосалар Ўзбекистон Республикаси Иқтисодиёт ва саноат вазирлиги ҳузуридаги Лойиҳаларни ва импорт контрактларини комплекс экспертиза қилиш маркази томонидан берилади;

корпоратив бошқарувчининг малака гувоҳномасига эга бўлиш тўғрисидаги талаб кузатув кенгашининг давлат улуши бўйича мустақил аъзоси сифатида илгари сурилган, тегишли тармоқда иш тажрибасига эга бўлган, шу жумладан хорижлик шахсларга нисбатан қўлланилмайди;

давлат ва хўжалик бошқаруви органлари улуши устун бўлган, ишончли бошқарувчиларга ишончли бошқарувга берилган корхоналар томонидан инвестиция лойиҳалари кузатув кенгашининг ижобий қарори мавжуд бўлган тақдирда амалга оширилади.


5. "Ўзстандарт" агентлиги, Экология ва атроф-муҳитни муҳофаза қилиш давлат қўмитаси ва Қурилиш вазирлиги 2019 йил 1 мартга қадар металлургия маҳсулотларини ишлаб чиқариш ва улардан фойдаланиш соҳасидаги қонун ҳужжатлари талаблари, давлат стандартлари, техник меъёрлар, қоидалар ва регламентларни такомиллаштириш бўйича таклифларни Ўзбекистон Республикаси Вазирлар Маҳкамасига киритсин, унда қурилишда қўлланиладиган материалларнинг сифати ва хавфсизлигига доир экологик стандартларни, талабларни кучайтириш, шунингдек, хориждаги амалиётни инобатга олган ҳолда қуйиш цехларида маънан эскирган ускуналар ва техникадан фойдаланишни тақиқлаш назарда тутилсин.


6. "Ўзметкомбинат" АЖ ва "Ўзиккиламчиранглиметалл" АЖ Ўзбекистон Республикаси Президентининг 2018 йил 22 январдаги ПҚ-3487-сон қарори билан тасдиқланган Товарларни (ишлар, хизматларни) харид қилишнинг алоҳида тартиби белгиланадиган, стратегик аҳамиятга эга хўжалик жамиятлари ва корхоналарининг рўйхатига киритилсин ва мазкур корхоналарга нисбатан қабул қилинаётган қарорнинг 2-бандида назарда тутилган шартлар татбиқ этилсин.


7. "Олмалиқ КМК" АЖ, "Ўзметкомбинат" АЖ ва "Ўзиккиламчиранглиметалл" АЖ фаолиятини янада такомиллаштиришга оид "Йўл харитаси" 1-иловага мувофиқ тасдиқлансин.

Ўзбекистон Республикаси иқтисодиёт вазири Б.А. Ходжаев зиммасига вазирликлар, идоралар ва бошқа ташкилотларнинг "Йўл харитаси"да белгиланган чора-тадбирларни ўз вақтида ва сифатли амалга ошириш бўйича ўзаро яқин ҳамкорлигини таъминлаш ва фаолиятини мувофиқлаштириш юзасидан шахсий жавобгарлик юклансин.


8. Ўзбекистон Республикаси Иқтисодиёт вазирлиги, "Ўзбекистон темир йўллари" АЖ "Олмалиқ КМК" АЖ, "Ўзметкомбинат" АЖ ва "Ўзиккиламчиранглиметалл" АЖ билан биргаликда:

ҳаракат таркиби паркини, жумладан хусусий оператор компанияларини ташкил этиш орқали кенгайтириш чораларини кўрсин;

ушбу корхоналар эҳтиёжлари учун бўш вагонлар беришнинг чораклик графикларини тасдиқлаб, уларнинг сўзсиз бажарилишини таъминлаган ҳолда импорт ва экспорт қилинадиган юклар логистикаси бўйича тизимли ишларни ташкил этсин.


9. Ўзбекистон Республикаси Иқтисодиёт вазирлиги "Олмалиқ КМК" АЖ, "Ўзметкомбинат" АЖ ва "Ўзиккиламчиранглиметалл" АЖ билан биргаликда 2019 йил 10 январга қадар "Олмалиқ КМК" АЖ, "Ўзметкомбинат" АЖ ва "Ўзиккиламчиранглиметалл" АЖнинг импорт контрактлари бўйича олиб кириладиган товарларни ишлаб чиқаришни маҳаллийлаштириш дастурини тасдиқлаш учун Вазирлар Маҳкамасига киритсин, унда қуйидагилар назарда тутилсин:

товарлар ишлаб чиқаришни маҳаллийлаштиришни амалга ошириш бўйича ҳар ой бажариладиган тадбирлар графиги;

аниқ даврда ишлаб чиқарилиши маҳаллийлаштирилиши лозим бўлган товарлар турларининг рўйхати, шунингдек, уларни маҳаллийлаштириш даражаси;

товарлар ишлаб чиқаришни маҳаллийлаштириш бўйича ишларни молиялаштириш манбалари ва ҳажмлари.


10. "Ўзметкомбинат" АЖга, истисно тариқасида, 2020 йил 1 январга қадар Ўзбекистон Республикаси Президентининг 2018 йил 9 январдаги "Ўзметкомбинат" АЖнинг 2018-2020 йилларга мўлжалланган ривожланиш Дастури тўғрисида"ги ПҚ-3468-сон қарорига мувофиқ "Қуйиш-прокатлаш комплексини қуриш" инвестиция лойиҳасини (кейинги ўринларда - Лойиҳа) амалга ошириш доирасидаги қурилиш-монтаж ишларини белгиланган шаҳарсозлик норма ва қоидаларига риоя қилган ҳолда параллел лойиҳалаш ҳамда ўз маблағлари ва қарз маблағлар ҳисобидан молиялаштириш шартлари асосида бажаришга рухсат берилсин.

Қуйидагилар Лойиҳани амалга ошириш доирасида 2022 йил 1 январга қадар:

а) "Ўзметкомбинат" АЖ, пудратчи ва субпудратчилар:

Ўзбекистон Республикаси норезидентлари томонидан бажариладиган (кўрсатиладиган) ишлар (хизматлар) бўйича қўшилган қиймат солиғидан;

Ўзбекистон Республикасида ишлаб чиқарилмайдиган, белгиланган тартибда шакллантириладиган рўйхатлар бўйича, шу жумладан "вақтинча олиб кириш" божхона режимида олиб кириладиган материаллар, ускуналар, махсус ва транспорт техникаси, уларнинг эҳтиёт қисмлари, асбоб ва анжомлар учун божхона тўловларини (божхона расмийлаштируви учун йиғимлардан ташқари) тўлашдан;

б) юридик шахслар - Ўзбекистон Республикаси норезидентлари ҳам доимий муассаса, ҳам Ўзбекистон Республикасидаги тўлов манбаси орқали олинадиган даромадлар бўйича фойда солиғини тўлашдан;

в) жисмоний шахслар - Ўзбекистон Республикаси норезидентлари жисмоний шахслардан олинадиган даромад солиғи тўлашдан озод этилсин.


11. Ўзбекистон Республикаси Хусусийлаштирилган корхоналарга кўмаклашиш ва рақобатни ривожлантириш давлат қўмитаси Адлия вазирлиги ва бошқа манфаатдор идоралар билан биргаликда икки ой муддатда ушбу қарор талабларини ҳисобга олган ҳолда, жумладан қуйидагиларни назарда тутувчи Давлатга тегишли акциялар пакетларини (улушларни) ишончли бошқарувга бериш тартиби тўғрисида янгиланган низомни Вазирлар Маҳкамасига киритсин:

танлов шартларига ишончли бошқарувдан кутилаётган натижалар бўйича давлат талабларини киритиш;

талаб даражасидан паст бўлмаган кўрсаткичларга эришиш бўйича чора-тадбирларни ўз ичига олган бизнес-режа тақдим этган талабгорларнинг танлов савдоларида иштирок этишига рухсат бериш;

акциялар (улушлар) давлат пакети ишончли бошқарувга берилган жамиятларнинг йиллик бизнес-режаларини уларнинг кузатув кенгаши томонидан тасдиқлаш;

жамият томонидан бизнес-режанинг бажарилиши, қилинган харажатларнинг, экспорт ва импорт контрактлари бўйича нархларнинг асосланганлигини ҳар йили мустақил аудиторлик ташкилоти томонидан, шу жумладан давлатнинг ваколатли органи томонидан жалб этилган ташкилот томонидан тасдиқлаш;

ишончли бошқарувчи томонидан тасдиқланган йиллик бизнес-режалар тўлиқ бажарилган ва ижобий аудиторлик хулосаси мавжуд бўлган тақдирда ишончли бошқарув шартномасини танлов савдоларини ўтказмасдан узайтириш.


14. Ўзбекистон Республикаси Президентининг айрим қарорларига 2-иловага мувофиқ ўзгартириш ва қўшимчалар киритилсин.


15. Ўзбекистон Республикаси Иқтисодиёт вазирлиги Адлия вазирлиги, "Олмалиқ КМК" АЖ, "Ўзметкомбинат" АЖ, "Ўзиккиламчиранглиметалл" АЖ ва бошқа манфаатдор идоралар билан биргаликда бир ой муддатда қонун ҳужжатларига ушбу қарордан келиб чиқадиган ўзгартириш ва қўшимчалар тўғрисида Вазирлар Маҳкамасига таклифлар киритсин.


16. Мазкур қарорнинг ижросини назорат қилиш Ўзбекистон Республикасининг Бош вазири А.Н. Арипов, Ўзбекистон Республикаси Президенти Администрацияси раҳбари З.Ш. Низомиддинов ва Ўзбекистон Республикаси Президенти маслаҳатчисининг биринчи ўринбосари Б.М. Мавлонов зиммасига юклансин.



Ўзбекистон Республикаси Президенти                           Ш. Мирзиёев






Ўзбекистон Республикаси

Президентининг

2018 йил 25 декабрдаги

ПҚ-4077-сон қарорига

1-ИЛОВА



"Олмалиқ КМК" АЖ, "Ўзметкомбинат" АЖ ва

"Ўзиккиламчиранглиметалл" АЖ фаолиятини

янада такомиллаштиришга оид

"ЙЎЛ ХАРИТАСИ"

Т/р

Тадбирлар номи


Амалга ошириш

механизмлари


Ижро

муддатлари


Масъул ижрочилар


1.

Қора металлар парчалари ва чиқиндиларини тайёрлаш балансини тузиш ва бажариш тартибини қайта кўриб чиқиш,  шу жумладан уларни тайёрлаш бўйича бир ойлик графикларни тасдиқлаш ҳамда балансни бажариш бўйича вазирликлар, идоралар ва ҳокимликлар томонидан ойлик ҳисоботлар тақдим этиш.


Норматив-

ҳуқуқий ҳужжат

2019 йил

1 февралга

қадар


Иқтисодиёт вазирлиги (Б. Ходжаев), "Ўзметкомбинат" АЖ (Т. Азаматов)


2.

Қора металлар прокати сотиб олувчиларни биржада рўйхатдан ўтказиш тартибини соддалаштириш бўйича таклифлар киритиш.


Ташкилий

чора-тадбирлар

2019 йил

1 февралга

қадар


Иқтисодиёт вазирлиги (Б. Ходжаев), Давлат рақобат қўмитаси (Н. Шарипов)

3.

Товарларнинг сони, ҳажми, нархи ва уларни сотиб олиш шартлари тўғрисидаги маълумотларни аввалдан (бир сутка олдин) тақдим этиш йўли орқали биржа савдоларида сотилаётган товарлар ҳақида харидорларни хабардор этиш механизмларини такомиллаштириш.


Ташкилий

чора-тадбирлар

2019 йил

1 февралга

қадар


Иқтисодиёт вазирлиги (Б. Ходжаев), Давлат рақобат қўмитаси (Н. Шарипов),

ЎзРТХБ (Ф. Ибрагимов)

4.

Ўзбекистон Республикаси Вазирлар Маҳкамасининг 2018 йил 8 августдаги 634-сон "Тошкент вилоятида кичик саноат зоналарини кенгайтириш чора-тадбирлари тўғрисида"ги қарорига "Олмалиқ КМК" АЖ Нодир металлар ва қаттиқ қотишмаларни ишлаб чиқариш бўйича илмий-ишлаб чиқариш бирлашмаси мулкининг ишлатилмайдиган давлат мулки объектларини Тошкент вилояти ҳокимлигига топшириладиганлар таркибидан чиқариб ташланишини назарда тутадиган ўзгартириш ва қўшимчалар киритиш.


Вазирлар Маҳкамасининг қарори

2019 йил

1 февралга

қадар


Давлат рақобат қўмитаси (Н. Шарипов), Тошкент вилояти ҳокимлиги (Ғ. Ибрагимов)

5.

Қонун ҳужжатларига қуйидагиларни назарда тутадиган ўзгартиришлар ва қўшимчалар киритиш:

ижро иши юритиш доирасида хатланган металл парчалари, қора ва рангли металлар чиқиндилари, таркибида рангли ва қора металлар бўлган табиий ва маънавий эскирган асбоб-ускуналарни "Ўзметкомбинат" АЖ ва "Ўзиккиламчиранглиметалл" АЖга тўғридан-тўғри шартномалар бўйича ва эркин (келишилган) нархда сотиш;

корхоналар ва ташкилотлар томонидан режалаштирилаётган таркибида рангли ва қора металлар бўлган табиий ва маънавий эскирган асбоб-ускуналарни ҳисобдан чиқариш (утилизация қилиниши) тўғрисидаги маълумотларни "Ўзметкомбинат" АЖ ва "Ўзиккиламчиранглиметалл" АЖга тақдим этиш, шунингдек мазкур мажбуриятларнинг бажарилишини назорат қилиш механизмларини жорий этиш.


Норматив-

ҳуқуқий ҳужжатлар

лойиҳалари


2019 йил

1 апрелга

қадар


Иқтисодиёт вазирлиги (Б. Ходжаев), "Ўзметкомбинат" АЖ (Т. Азаматов), "Ўзиккиламчиранглиметалл" АЖ(К. Акулов), Бош прокуратура (С. Саидкаримов),  манфаатдор вазирлик  ва идоралар


6.

Мис-молибден рудаларини бойитиш бўйича технологик кўрсаткичларни ошириш ва замонавий технологик ечимларни фойдаланишга топширишни назарда тутувчи "ТОМС илмий-тадқиқот ва лойиҳа институти" МЧЖ (Россия) лойиҳаси асосида "Олмалиқ КМК" АЖ мис бойитиш фабрикаларини (МОФ ва МОФ-2) 2019-2021 йилларда реконструкция қилиш.


Ташкилий

чора-тадбирлар

комплекси


2019-2021

йиллар


"Олмалиқ КМК" АЖ (А. Хурсанов), Иқтисодиёт вазирлиги (Б. Ходжаев)


7.

"ТОМС илмий-тадқиқот ва лойиҳа институти" МЧЖ (Россия) томонидан:

фойдали қазилмалар ва товар маҳсулотлари (мис, молибден ва олтин) ишлаб чиқаришни ошириш схемасини оқилона амалга оширишни назарда тутувчи "Олмалиқ КМК" АЖ янги мис бойитиш фабрикасининг (МОФ-3) лойиҳасини;

товар маҳсулотлари (мис ва олтин) ишлаб чиқаришни оширишни назарда тутган ҳолда оксидланган руда, шлаклар  ва эски сақлагичларда сақланиб ётган қолдиқларни қайта ишлаш лойиҳаларини ишлаб чиқиш.


Инвестиция

лойиҳалари


2021 йил

1 декабрга

қадар


"Олмалиқ КМК" АЖ (А. Хурсанов), Инвестициялар бўйича давлат қўмитаси (С. Бекенов), Иқтисодиёт вазирлиги (Б. Ходжаев)


8.

Ҳомийлик (хайрия) ёрдами кўрсатиш таомилларини тартибга солиш, инвестиция активлари ишончли бошқарувчиси орқали ўхшаш бўлмаган объектларни ташкил этиш ва молиялаштириш бўйича таклифлар киритиш.


Таҳлилий

маълумот, 

зарур ҳолларда,

норматив-

ҳуқуқий ҳужжат


2019 йил

1 майга

қадар


Вазирлар Маҳкамаси (А. Султанов), Давлат рақобат қўмитаси (Н. Шарипов), Адлия вазирлиги (Р. Давлетов), "Олмалиқ КМК" АЖ (А. Хурсанов), "Ўзметкомбинат" АЖ (Т. Азаматов), "Ўзиккиламчиранглиметалл"АЖ(К. Акулов)


9.

Тўғридан-тўғри инвестицияларни жалб қилган ҳолда, шу жумладан давлат-хусусий шериклик шартларида кон-металлургия соҳаси корхоналари томонидан шахсий эҳтиёжлар ва маҳсулотларни ишлаб чиқаришда фойдаланиш учун олиб кириладиган хом ашёлар ва материалларни синов ва экспертизадан ўтказиш бўйича мустақил лабораторияларни ўрнатилган тартибда яратиш ва аккредитациядан ўтказиш.


Ташкилий-

амалий чора-

тадбирлар


2019 йил

давомида


"Ўзстандарт" агентлиги (Д. Саттаров),  Лойиҳа бошқаруви миллий агентлиги (Д. Ли),  Иқтисодиёт вазирлиги (Б. Ходжаев),

Молия вазирлиги (А. Хайдаров),  Инвестициялар бўйича давлат қўмитаси (Ш. Вафаев)


10.

Аммоний сульфати, калий сульфати, NPK, олтингугурт асосида суюқ ва сувда эрувчан ўғитларни ишлаб чиқаришни ташкил этишни назарда тутувчи "Минерал ўғитларни ишлаб чиқаришда олтингугурт кислотасидан самарали фойдаланиш" инвестициявий лойиҳасининг паспортини ишлаб чиқиш.


Инвестициявий

лойиҳа

паспорти


2019 йил

1 мартга

қадар

Инвестициялар бўйича давлат қўмитаси (С. Бекенов),  "Ўзкимёсаноат" АЖ (Д. Пак), Иқтисодиёт вазирлиги (Б. Ходжаев),

Тошкент вилоят ҳокимлиги (Ғ.Ибрагимов)


11.

Қуйма-прокат комплексининг лозим даражада ишлаши учун "Ўзметкомбинат" АЖни 260 МВтдан кам бўлмаган қувватли ташқи электр билан таъминлаш.


Ташкилий

чора-тадбирлар


2021 йил

1 январга қадар

"Ўзбекэнерго" АЖ (У. Мустафоев),  Иқтисодиёт вазирлиги (Б. Ходжаев),  "Ўзметкомбинат" АЖ (Т. Азаматов)


12.

Олмалиқ шаҳрида "Олмалиқ КМК" АЖ маблағи ҳисобига қурилаётган кўп квартирали уйларни сотиш даврида "Ўзшаҳар қурилиш инвест" МЧЖни қўшилган қиймат солиғидан озод этиш бўйича таклифларни киритиш.


Норматив-

ҳуқуқий

ҳужжат


2019 йил

15 январга

қадар


Молия вазирлиги (А. Хайдаров), Иқтисодиёт вазирлиги (Б. Ходжаев)Қурилиш вазирлиги (А. Тўхтаев),  Инвестициялар бўйича давлат қўмитаси(С. Бекенов),  Тикланиш ва тараққиёт жамғармаси (Ш. Вафаев)


13.

Рангли металлар, уларнинг парчалари ва чиқиндилари, шунингдек, қора металлар парчалари ва чиқиндиларини ноқонуний тайёрлаш, сотиб олиш, улардан фойдаланиш ва сотишни бартараф этиш бўйича ҳуқуқни муҳофаза қилувчи ва назорат қилувчи органларнинг ўзаро ҳамкорлигини кучайтириш.


2019 йил

учун қўшма

ҳаракатлар

режаси

2019 йил

10 январга

қадар


Бош прокуратура (Э. Таджиев),  ИИВ (П. Бобожонов),  Давлат божхона қўмитаси (М. Азимов),  ДХХ,  "Ўзиккиламчиранглиметалл" АЖ (К. Акулов)


14.

Экология ва атроф-муҳитни муҳофаза қилиш давлат қўмитасининг Экология, атроф-муҳитни муҳофаза қилиш ва чиқиндилар билан боғлиқ ишларни амалга ошириш жамғармасининг маблағлари ҳисобидан "Ўзиккиламчиранглиметалл" АЖнинг ишлаб чиқариш цехлари ва канализациялари тизимини модернизация қилиш бўйича чора-тадбирларни молиялаштириш масаласини ўрганиш.


Таҳлилий

маълумот

2019 йил

10 январга

қадар


Давлат экология қўмитаси (Б. Қўчқоров), Инвестициялар бўйича давлат қўмитаси (Л. Кудратов), "Ўзиккиламчиранглиметалл" АЖ (К. Акулов)


15.

Федерал давлат автоном олий таълим муассасаси Миллий технологик тадқиқотлар университети "МИСиС"нинг Олмалиқ шаҳридаги филиали ҳузурида:

"Рангли ва нодир металлар металлургияси", "Қора металлар металлургияси", "Қуйиш иши", "Металларни босим билан қайта ишлаш", "Очиқ тоғ-кон ишлари", "Ер ости тоғ-кон ишлари", "Фойдали қазилмаларни бойитиш", "Маркшейдерлик иши", "Технологик жараёнлар ва ишлаб чиқаришни автоматлаштириш ҳамда бошқариш", "Тоғ электромеханикаси" ва бошқа ихтисосликлар бўйича мутахассисларни тайёрлаш профессионал коллежини;

математика, физика, кимё, ахборот технологиялари, лингвистика ва иқтисодиёт фанлари чуқурлаштирилган ҳолда ўргатиладиган ихтисослаштирилган умумий ўрта таълим муассасасини очиш.


Ташкилий

чора-тадбирлар


2020 йил

1 августга

қадар


Олий ва ўрта махсус таълим вазирлиги (И. Мажидов), Халқ таълими вазирлиги (Ш. Шерматов),  "Олмалиқ КМК" АЖ (А. Хурсанов), Тошкент вилоят ҳокимлиги (Ғ. Ибрагимов)


         





Ўзбекистон Республикаси

Президентининг

2018 йил 25 декабрдаги

ПҚ-4077-сон қарорига

2-ИЛОВА



Ўзбекистон Республикаси Президентининг

айрим қарорларига киритилаётган

ўзгартириш ва қўшимчалар


1. Ўзбекистон Республикаси Президентининг 2017 йил 1 мартдаги "Ёшлик I" кони негизида "Олмалиқ КМК" АЖнинг ишлаб чиқариш қувватларини кенгайтириш чора-тадбирлари тўғрисида"ги ПҚ-2807-сон қарори рус тилидаги матнининг 6-бандидаги "1 декабря 2018 года" сўзлари "1 марта 2020 года" сўзлари билан алмаштирилсин.


2. Ўзбекистон Республикаси Президентининг 2017 йил 13 мартдаги "Симли блок ўрнатган ҳолда 2-сон сортопрокат цехи "300" станида катанкани ишлаб чиқаришни ташкил этиш" инвестицион лойиҳасини амалга ошириш чора-тадбирлари тўғрисида"ги ПҚ-2825-сон қарори рус тилидаги матнида:


5-банддаги "1 января 2019 года" сўзлари "1 марта 2019 года" сўзлари билан алмаштирилсин;


3-илованинг номланишидаги "1 января 2019 года" сўзлари "1 марта 2019 года" сўзлари билан алмаштирилсин.


3. Ўзбекистон Республикаси Президентининг 2017 йил 24 июлдаги "Фойдали қазилмалар конларини саноат йўли билан ўзлаштириш соҳасидаги лойиҳа-қидирув ва илмий-тадқиқот ишлари бошқарувини такомиллаштириш чора-тадбирлари тўғрисида"ги ПҚ-3145-сон қарори рус тилидаги матнининг 3-бандида:


а) учинчи хатбоши чиқариб ташлансин;


б) тўртинчи ва бешинчи хатбошилар тегишинча учинчи ва тўртинчи хатбошилар деб ҳисоблансин.


4. Ўзбекистон Республикаси Президентининг 2017 йил 15 августдаги "Олмалиқ КМК" АЖни янада ривожлантиришга доир қўшимча чора-тадбирлар тўғрисида"ги ПҚ-3211-сон қарори 1 - 8 ва 13 - 24-бандлари ўз кучини йўқотган деб ҳисоблансин.


5. Ўзбекистон Республикаси Президентининг 2017 йил 29 декабрдаги "Уч-Қулоч" конини очиқ усулда ўзлаштириш" инвестиция лойиҳасини амалга ошириш чора-тадбирлари тўғрисида"ги ПҚ-3452-сон қарори 1 - 7 ва 10 - 15-бандлари ўз кучини йўқотган деб ҳисоблансин.


6. Ўзбекистон Республикаси Президентининг 2017 йил 29 декабрдаги "Ўзбекистон Республикасининг 2018 йилги асосий макроиқтисодий кўрсаткичлари прогнози ва Давлат бюджети параметрлари тўғрисида"ги ПҚ-3454-сон қарори рус тилидаги матнининг 31-1-банди қуйидаги таҳрирда баён этилсин:

"31-1. Оборот по реализации продукции из меди по группе 74 кодов ТН ВЭД на экспорт за иностранную валюту облагается налогом на добавленную стоимость по установленной ставке (за исключением продукции собственного производства АО "Алмалыкский ГМК", АО "Узметкомбинат" и АО "Узвторцветмет")".


7. Ўзбекистон Республикаси Президентининг 2018 йил 22 январдаги ПҚ-3487-сон қарори билан тасдиқланган Товарларни (ишлар, хизматларни) харид қилишнинг алоҳида тартиби белгиланадиган, стратегик аҳамиятга эга хўжалик жамиятлари ва корхоналарининг рўйхатининг рус тилидаги матни қуйидаги мазмундаги 20 ва 21-бандлар билан тўлдирилсин:

"20. АО "Узметкомбинат"

21. АО "Узвторцветмет"".


8. Ўзбекистон Республикаси Президентининг 2018 йил 30 сентябрдаги "Олмалиқ кон-металлургия комбинати" АЖнинг ишлаб чиқиш қувватларини реконструкция қилиш ва мустаҳкамлаш бўйича чора-тадбирлар тўғрисида"ги ПҚ-3954-сон қарори рус тилидаги матнида:


а) 7-банднинг иккинчи хатбошисидаги "до 1 марта 2019 года" сўзлари "до 1 октября 2019 года" сўзлари билан алмаштирилсин;


б) 1-иловада:

"

ВСЕГО:


457,4

181,0

213,1

40,6

22,7


";

сатри қуйидаги таҳрирда баён этилсин:

"

ВСЕГО:


4 279,9

929,05

973,73

1 160,77

1 142,87


";

қуйидаги мазмундаги сатрлар билан тўлдирилсин:

"

4

Закуп медного

и цинкового

сырья***


3 822,5


748,05

760,63

1120,17

1120,17





Медное сырье (код ТН ВЭД 2603, 7401, 7407)


2 624,02

466,8****

479,38

838,92

838,92

собственные средства и кредиты коммерческих банков





Цинковое сырье (код ТН ВЭД 2608, 2817, 7902)


1 125

281,25

281,25

281,25

281,25

";

қуйидаги мазмундаги изоҳлар билан тўлдирилсин:


"***) подлежит уточнению в связи с изменением объемов металлургического сырья исходя из содержания металла в сырье, а также цены на биржевых торгах

****) часть из них включается в объемы поставок в 2018 году".



Қонун ҳужжатлари маълумотлари миллий базаси (www.lex.uz),

2018 йил 27 декабрь


"Ўзбекистон Республикаси қонун ҳужжатлари тўплами",

2018 йил 31 декабрь, 52-сон, 995-модда














































Время: 0.1875
по регистрации МЮ строгое соответствие
  • Все
  • действующие
  • утратившие силу
  • Русский
  • Ўзбекча
  • Оба языка
  • любая дата
  • точная дата
  • период
  • -

Свернуть поиск