язык интерфейса

ЎзР Конунчилиги

ЎзР Конунчилиги/ Базада янги/ Февраль, 2019 й./ Статистика/ Ўзбекистон Республикаси Вазирлар Маҳкамасининг 05.02.2019 й. 91-сон "2019 йил учун Давлат статистика ишлари дастурини тасдиқлаш тўғрисида"ги Қарори

Вы можете получить доступ на один день к продукту Законодательство Руз.

ЎЗБЕКИСТОН РЕСПУБЛИКАСИ

ВАЗИРЛАР МАҲКАМАСИНИНГ

ҚАРОРИ

05.02.2019 й.

N 91




2019 ЙИЛ УЧУН

ДАВЛАТ СТАТИСТИКА ИШЛАРИ

ДАСТУРИНИ ТАСДИҚЛАШ ТЎҒРИСИДА



"Давлат статистикаси тўғрисида"ги Ўзбекистон Республикаси Қонунининг 10-моддасига мувофиқ Вазирлар Маҳкамаси ҚАРОР ҚИЛАДИ:


1. 2019 йил учун Давлат статистика ишлари дастури (кейинги ўринларда Дастур деб аталади) иловага мувофиқ тасдиқлансин.


2. Ўзбекистон Республикаси Давлат статистика қўмитаси давлат статистика ишлари белгиланган муддатларда сифатли бажарилишини, маҳаллий ва хорижий фойдаланувчиларнинг кенг оммаси учун ижтимоий-иқтисодий ислоҳотлар ва таркибий қайта ўзгартиришларнинг амалга оширилиши тўғрисидаги статистик маълумотларнинг ишончлилиги, шаффофлиги ва ошкоралигини таъминласин.


3. Ўзбекистон Республикаси Молия вазирлиги Ўзбекистон Республикаси Давлат статистика қўмитаси томонидан тақдим этилган бажарилган ишлар далолатномаларига асосан, Дастурга мувофиқ бажарилган давлат статистика ишлари учун Ўзбекистон Республикаси республика бюджети маблағлари ҳисобига ҳақ тўланишини таъминласин.


4. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари - молия вазири Ж.А. Қўчқоров ва Ўзбекистон Республикаси Давлат статистика қўмитаси раиси Б.А. Бегалов зиммасига юклансин.



Ўзбекистон Республикасининг Бош вазири                         А. Арипов



Қонун ҳужжатлари маълумотлари миллий базаси (www.lex.uz),

2019 йил 6 февраль