Ўзбекистон Республикаси Вазирлар Маҳкамасининг 19.02.2019 й. 146-сон "Ўзбекистон Республикаси Халқ таълими вазирлиги тўғрисидаги низомни тасдиқлаш ҳақида"ги Қарори

Функция недоступна

ЎЗБЕКИСТОН РЕСПУБЛИКАСИ

ВАЗИРЛАР МАҲКАМАСИНИНГ

ҚАРОРИ

19.02.2019 й.

N 146

ЎЗБЕКИСТОН РЕСПУБЛИКАСИ ХАЛҚ

ТАЪЛИМИ ВАЗИРЛИГИ ТЎҒРИСИДАГИ

НИЗОМНИ ТАСДИҚЛАШ ҲАҚИДА

Ўзбекистон Республикаси Президентининг "Халқ таълими тизимига бошқарувнинг янги тамойилларини жорий этиш чора-тадбирлари тўғрисида"2018 йил 5 сентябрдаги ПҚ-3931-сон қарори ижросини таъминлаш мақсадида Вазирлар Маҳкамаси ҚАРОР ҚИЛАДИ:

1. Ўзбекистон Республикаси Халқ таълими вазирлиги тўғрисидаги Низом 1-иловага мувофиқ тасдиқлансин.

2. Ўзбекистон Республикаси Вазирлар Маҳкамасининг"Халқ таълими ходимларининг иш ҳақи даражасини ошириш тизимини тасдиқлаш тўғрисида" 2005 йил 21 декабрдаги 275-сон қарорига (Ўзбекистон Республикаси ҚТ 2005 й.12-сон, 63-модда) 2-иловага мувофиқ қўшимчалар киритилсин.

3. Вазирлар Маҳкамасининг "Ўзбекистон Республикаси Халқ таълими вазирлиги тўғрисидаги низомни ҳамда айрим идоравий мансуб ташкилотларнинг уставларини тасдиқлаш ҳақида" 2017 йил 1 декабрдаги 961-сон қарори (Ўзбекистон Республикаси ҚТ, 2017 й. 12-сон, 280-модда) ўз кучини йўқотган деб ҳисоблансин.

4. Ўзбекистон Республикаси Халқ таълими вазирлиги:

Республика таълим маркази, Ўқувчиларни касб-ҳунарга йўналтириш ва психологик-педагогик республика ташхис маркази ҳамда А. Авлоний номидаги халқ таълими тизими раҳбар ва мутахассисларини қайта тайёрлаш ва малакасини ошириш институти уставларини бир ой муддатда ишлаб чиқсин ва тасдиқласин, шунингдек, уларнинг давлат рўйхатидан ўтказилишини таъминласин.

манфаатдор вазирликлар ва идоралар билан биргаликда ўзлари қабул қилган норматив-ҳуқуқий ҳужжатларни икки ой муддатда ушбу қарорга мувофиқлаштирсин.

5. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари А.А. Абдухакимов ва Ўзбекистон Республикаси халқ таълими вазири Ш.Х. Шерматов зиммасига юклансин.

Ўзбекистон Республикасининг Бош вазири                                             А. Арипов

Вазирлар Маҳкамасининг

2019 йил 19 февралдаги

146-сон қарорига

2-ИЛОВА

Вазирлар Маҳкамасининг

"Халқ таълими ходимлари меҳнатига ҳақ

тўлашнинг такомиллаштирилган тизимини

тасдиқлаш тўғрисида" 2005 йил 21 декабрдаги

275-сон қарорига киритилаётган қўшимчалар

1. 1-иловада:

а) "Лавозимлар номи" устунининг 1-позициясидаги "Умумтаълим мактабларининг" сўзларидан кейин "Қорақалпоғистон Республикаси Халқ таълими вазирлиги, Тошкент шаҳар халқ таълими Бош бошқармаси ва вилоятлар халқ таълими бошқармалари методистлари" сўзлари қўшилсин;

б) "Лавозимлар номи" устунининг 2-позициясидаги "Умумтаълим мактабларининг" сўзларидан кейин "туман (шаҳар) халқ таълими бўлимлари методистлари, ёшлар етакчиси" сўзлари қўшилсин;

в) қуйидаги мазмундаги 6-1-позицияси қўшилсин:

г) қуйидаги мазмундаги 10 ва 11-позициялар қўшилсин:

2. 2-иловага қуйидаги мазмундаги 2.9-позиция қўшилсин:

Қонун ҳужжатлари маълумотлари миллий базаси (www.lex.uz),

2019 йил 20 февраль