ВСЕ ЗАКОНОДАТЕЛЬСТВО УЗБЕКИСТАНА

ЎзР Конунчилиги / Иқтисодиётнинг айрим соҳалари / Қурилиш ва архитектура / Нотурар бинолар ва иншоотлар, саноат ва бошқа турдаги объектларни қуриш, реконструкция қилиш ва таъмирлаш /

Ўзбекистон Республикаси Вазирлар Маҳкамасининг 02.04.2019 й. 275-сон "Самарқанд вилоятидаги "Дарғом каналида Шаудар кичик ГЭС қурилиши, Дарғом каналининг 135+50 пикетида кичик ГЭС қурилиши" инвестициявий лойиҳасининг техник-иқтисодий асосини тасдиқлаш тўғрисида"ги Қарори

Функция недоступна

Данная функция доступно только для клиентов (пользователей)

Полный текст документа доступен в платной версии. По вопросам звоните на короткий номер 1172

ЎЗБЕКИСТОН РЕСПУБЛИКАСИ

ВАЗИРЛАР МАҲКАМАСИНИНГ

ҚАРОРИ

02.04.2019 й.

N 275



САМАРҚАНД ВИЛОЯТИДАГИ

"ДАРҒОМ КАНАЛИДА ШАУДАР КИЧИК ГЭС

ҚУРИЛИШИ, ДАРҒОМ КАНАЛИНИНГ 135+50

ПИКЕТИДА   КИЧИК   ГЭС   ҚУРИЛИШИ"

ИНВЕСТИЦИЯВИЙ ЛОЙИҲАСИНИНГ

ТЕХНИК-ИҚТИСОДИЙ АСОСИНИ

ТАСДИҚЛАШ ТЎҒРИСИДА



Ўзбекистон Республикаси Президентинининг "2017-2021 йилларда гидроэнергетикани янада ривожлантириш чора-тадбирлари дастури тўғрисида" 2017 йил 2 майдаги ПҚ-2947-сон ва "Ўзбекистон Республикасининг 2019 йилга мўлжалланган Инвестиция дастурини амалга ошириш чора-тадбирлари тўғрисида" 2018 йил 19 декабрдаги ПҚ-4067-сон қарорларини бажариш, шунингдек, қайта тикланувчи энергия манбаларидан фойдаланишни изчил ошириш, энергетика ресурсларининг мувозанатини ошириш ҳамда республика иқтисодиёти тармоқлари ва аҳолининг электр энергиясига бўлган эҳтиёжини янада кўпроқ қондиришни таъминлаш мақсадида Вазирлар Маҳкамаси ҚАРОР ҚИЛАДИ:


1. Қуйидагилар:

Хитой Халқ Республикасининг Тижорат вазирлиги томонидан "Самарқанд вилоятидаги Дарғом каналида Шаудар кичик ГЭС қурилиши" ва "Самарқанд вилоятидаги Дарғом каналининг 135+50 пикетида кичик ГЭС қурилиши" инвестициявий лойиҳаларини молиялаштириш учун имтиёзли кредит бериш маъқулланганлиги;

"Гидропроект" АЖ томонидан "Самарқанд вилоятидаги Дарғом каналида Шаудар кичик ГЭС қурилиши" ва "Самарқанд вилоятидаги Дарғом каналининг 135+50 пикетида кичик ГЭС қурилиши" инвестициявий лойиҳаларининг техник-иқтисодий асослари ишлаб чиқилганлиги; 

қиймати 30,63 млн АҚШ долларини ташкил этувчи ва амалга ошириш даври 2019-2021 йиллар даврига мўлжалланган "Самарқанд вилоятидаги "Дарғом каналида Шаудар кичик ГЭС қурилиши ва Самарқанд вилоятидаги Дарғом каналининг 135+50 пикетида кичик ГЭС қурилиши" ягона инвестициявий лойиҳанинг (кейинги ўринларда инвестициявий лойиҳа деб аталади) асосий техник-иқтисодий параметрлари белгиланган тартибда экспертизадан ўтказилганлиги маълумот учун қабул қилинсин.


2. Қуйидагилар инвестициявий лойиҳанинг молиялаштириш манбалари этиб белгилансин:

ХХР Эксимбанкининг 20 йил муддатга, шу жумладан 5 йиллик имтиёзли даврга йиллик 2,2 фоиз ставкаси билан, "Туронбанк" АТБ орқали қайта молиялаштириладиган ва қайта молиялаштирувчи банкнинг 0,2 фоиз миқдоридаги маржаси қўшилган ҳолда бериладиган 24,8 млн АҚШ доллари миқдоридаги кредит маблағлари;

"Ўзбекгидроэнерго" АЖнинг 5,8 млн АҚШ доллари эквивалентидаги ўз маблағлари.


3. Қуйидагилар:

"Самарқанд вилоятидаги Дарғом каналида Шаудар кичик ГЭС қурилиши ва Дарғом каналининг 135+50 пикетида кичик ГЭС қурилиши" инвестициявий лойиҳасининг техник-иқтисодий асоси, асосий техник-иқтисодий параметрлари билан бирга 1 ва 1а-иловаларга* мувофиқ;

"Самарқанд вилоятидаги Дарғом каналида Шаудар кичик ГЭС қурилиши ва Дарғом каналининг 135+50 пикетида кичик ГЭС қурилиши" инвестициявий лойиҳаси доирасида бериладиган ХХР Эксимбанки кредити бўйича асосий қарзни қайтариш, кредит бўйича фоиз ва комиссия тўловларини сўндиришнинг прогноз жадвали 2-иловага* мувофиқ тасдиқлансин.


4. Белгилансинки:

"Ўзбекгидроэнерго" АЖ инвестиция лойиҳасининг қарз олувчиси ва ташаббускори ҳамда лойиҳани самарали амалга ошириш ва ХХР Эксимбанки маблағларидан мақсадли фойдаланиш бўйича масъул ҳисобланади;

ХХР Эксимбанки кредити бўйича асосий қарзни қоплаш, фоиз ва комиссиялар тўловлари билан боғлиқ харажатлар "Ўзбекгидроэнерго" АЖнинг ўз маблағлари ҳисобига амалга оширилади.

"Ўзбекгидроэнерго" АЖнинг 1-сон Қурилиш дирекцияси инвестициявий лойиҳа доирасида, лойиҳа қарорларининг объектлардан фойдаланиш бўйича ишончлилик ва объектлардан фойдаланиш хавфсизлиги талабларига мувофиқлигини аниқлаш, шунингдек, кузатиб бориш ва техник назорат қилиш, товарлар, ишлар ва хизматларни қабул қилиш бўйича масъул бўлган ижро этувчи орган ҳисобланади.


5. "Туронбанк" АТБга инвестициявий лойиҳани молиялаштириш учун белгиланган тартибда ХХР Эксимбанки билан қарз келишувини ва "Ўзбекгидроэнерго" АЖ билан ХХР Эксимбанки кредитини қайта молиялаштириши бўйича кредит шартномасини расмийлаштириш тавсия қилинсин.


6. Ўзбекистон Республикаси Молия вазирига:

"Туронбанк" АТБнинг қарз келишувида назарда тутилган шаклда ХХР Эксимбанки олдидаги мажбуриятлари бўйича;

"Ўзбекгидроэнерго" АЖнинг ХХР Эксимбанкининг қайта молиялаштириладиган кредити юзасидан "Туронбанк" АТБ олдидаги мажбуриятлари бўйича, белгиланган тартибда Ўзбекистон Республикаси давлат кафолатини бериш ваколати берилсин.


7. Ўзбекистон Республикаси Адлия вазирлиги "Туронбанк" АТБнинг ХХР Эксимбанки олдидаги ХХРнинг Эксимбанки билан қарз келишувида назарда тутилган шаклдаги мажбуриятлари бўйича Ўзбекистон Республикасининг давлат кафолати бўйича белгиланган тартибда юридик хулоса берсин.


8. Инвестициявий лойиҳани амалга ошириш доирасида, Ўзбекистон Республикасида тегишли аккредитациядан ўтган синов лабораториялари мавжуд бўлмаган тақдирда, олиб келинадиган асбоб-ускуналар, бутловчи буюмлар ва узеллар, материаллар, эҳтиёт қисмлар, приборлар, инструментлар, технологик ҳужжатлар, истисно тариқасида, мажбурий сертификатлаштириш тартиботларидан озод этилсин.


9. Ўзбекистон Республикаси Қурилиш вазирлиги лойиҳа ҳужжатларининг давлат экспертизасини амалга оширишни таъминласин ва инвестициявий лойиҳа доирасида қурилиш-монтаж ишларининг ўз вақтида ва сифатли бажарилиши юзасидан давлат архитектура-қурилиш назорати ўрнатсин.


10. Мазкур қарорнинг бажарилишини назорат қилиш Ўзбекистон Республикаси энергетика вазири А.С. Султанов ва "Ўзбекгидроэнерго" АЖ бошқаруви раиси А.А. Сангинов зиммасига юклансин.



Ўзбекистон Республикасининг Бош вазири                                        А.Арипов



*) Иловалар рус тилидаги матнда берилган.



Қонун ҳужжатлари маълумотлари миллий базаси (www.lex.uz),

2019 йил 3 апрель












































Время: 0.1352
по регистрации МЮ строгое соответствие
  • Все
  • действующие
  • утратившие силу
  • Русский
  • Ўзбекча
  • Оба языка
  • любая дата
  • точная дата
  • период
  • -

Свернуть поиск