ВСЕ ЗАКОНОДАТЕЛЬСТВО УЗБЕКИСТАНА

ЎзР Конунчилиги / Мудофаа. Ҳарбий мажбурият ва ҳарбий хизмат / Муддатли ҳарбий хизматга чақириш ва захирага бўшатиш /

Чақирилувчиларни танлаб олиш тартиби тўғрисида Низом (ЎзР ВМ 09.04.2019 й. 291-сон қарорига илова)

Функция недоступна

Данная функция доступно только для клиентов (пользователей)

Полный текст документа доступен в платной версии. По вопросам звоните на короткий номер 1172

Вазирлар Маҳкамасининг

2019 йил 9 апрелдаги

291-сон қарорига

ИЛОВА



Чақирилувчиларни танлаб олиш

тартиби тўғрисида

НИЗОМ


1-БОБ. УМУМИЙ ҚОИДАЛАР


1. Мазкур Низом чақирилувчиларни ҳарбий-техника мутахассисликлари бўйича тайёргарликка жалб этиш ва Ўзбекистон Республикаси Қуролли Кучлари сафидаги муддатли ҳарбий хизматни ўташ учун танлаб олиш тартибини белгилайди.


2. Танлов чақирилувчиларнинг умумжисмоний тайёргарлик даражасини баҳолаш ва якка тартибда суҳбат ўтказиш мақсадида мазкур Низомга 1-иловада белгиланган таркибда туман (шаҳар) ҳокимининг қарори билан тузиладиган Чақирилувчиларнинг умумжисмоний тайёргарлик даражасини баҳолаш ҳамда якка тартибда суҳбат ўтказиш бўйича танлов кенгаши (кейинги ўринларда Танлов кенгаши деб аталади) томонидан ташкил этилади ва 2-иловада келтирилган схемага мувофиқ ўтказилади.

3. Танлов кенгаши чақирилувчиларни танлаб олиш мақсадида чақирилувчиларнинг ҳужжатларини ўрганиш, уларнинг умумжисмоний тайёргарлик даражасини баҳолаш ҳамда якка тартибда суҳбат ўтказиш тадбирларини ташкил қилади.

4. Чақирилувчиларнинг умумжисмоний тайёргарлик даражасини баҳолаш ҳамда якка тартибда суҳбат ўтказиш жойлари туман (шаҳар) ҳокимининг қарори билан белгиланади.

5. Танлов кенгаши мазкур Низомда назарда тутилган тадбирларнинг ўз вақтида тўлиқ амалга оширилиши учун масъулдир.


6. Чақирилувчиларнинг:

умумжисмоний тайёргарлик даражасини баҳолаш - умумжисмоний нормативларни қабул қилиш орқали;

якка тартибда суҳбат ўтказиш - Ўзбекистон тарихи, Амир Темур (тузуклари) ва бошқа улуғ аждодларимиз ҳаёти ва фаолиятига доир билимларини аниқлаш орқали амалга оширилади.

Умумжисмоний тайёргарлик даражасини баҳолашда чақирилувчилар куч, тезлик ва чидамлиликни аниқловчи нормативларни топширадилар.

Якка тартибда суҳбат жараёнида чақирилувчиларнинг маҳалла ва жамиятда тутган ўрни, оилавий аҳволи, обрў-эътибори, юриш-туриши, қизиқишлари, Ўзбекистон тарихи, буюк саркардаларимиз ва аждодларимиз ҳаёти ва фаолиятига доир билимлари аниқланади, шунингдек, умумжисмоний тайёргарлик бўйича ўтказилган синов натижалари асосида чақирилувчиларни ҳарбий-техника мутахассисликлари бўйича тайёргарликка жалб этиш ёки уларнинг муддатли ҳарбий хизматни ўташи юзасидан тавсия берилади ёки тавсия берилмайди.

7. Қорақалпоғистон Республикаси, вилоятлар ва Тошкент шаҳар мудофаа ишлари бошқармалари ҳузуридаги Раҳбарият кенгаши Танлов кенгаши томонидан берилган тавсия асосида чақирилувчиларни ҳарбий-техника мутахассисликлари бўйича тайёргарликка жалб этиш ёки муддатли ҳарбий хизматга чақириш тўғрисида тегишли қарор қабул қилади.

8. Чақирилувчилар танловда бир йилда фақат бир марта иштирок этиши мумкин.


9. Танлов Ўзбекистон Республикаси Мудофаа вазирлигининг умумий раҳбарлиги остида ташкил этилади ва амалга оширилади.



2-БОБ. ТАНЛОВНИ ТАШКИЛ ЭТИШ

ВА ЎТКАЗИШ ТАРТИБИ


§ 1. Танловни ташкил этиш ва

ўтказишнинг умумий талаблари


10. Танлов чақирув йилидан аввалги йилнинг 10 августидан чақирув йилининг 10 февралига қадар ўтказилади.

Танловга чақириш муддатини кечиктириш ва чақирилишдан озод этиш ҳуқуқига эга бўлмаган, соғлигининг ҳолати бўйича ҳарбий хизматни ўташга яроқли бўлган чақирилувчилар жалб этилади.


11. Ҳарбий-техника мутахассисликлари бўйича тайёргарликдан ўтиш ёки муддатли ҳарбий хизматни ўташ истагида бўлган чақирилувчилар яшаш жойидаги туман (шаҳар) мудофаа ишлари бўйича бўлимларга мурожаат қилади.

Танловда иштирок этишда чақирилувчиларнинг сони чекланмайди.


12. Танловнинг шаффофлигини бевосита кузатиб бориш учун мазкур жараёнга чақирилувчиларнинг ота-оналари таклиф этилади.


13. Умумжисмоний тайёргарлик даражасини баҳолашга ва якка тартибда суҳбатга чақирилувчилар рўйхат асосида фуқаролик паспорти билан киритилади.

14. Танлов натижалари Танлов кенгаши томонидан расмийлаштирилади ва туман (шаҳар) мудофаа ишлари бўйича бўлимларга тақдим этилади.


15. Танловни ўтказиш жараёнида тез тиббий ёрдам кўрсатиш учун тиббиёт ходимлари, зарур ҳолларда жамоат тартибини сақлаш учун ички ишлар органлари ходимлари жалб этилади.


16. Танловга жалб этиладиган Танлов кенгаши аъзоларининг иш жойи, лавозими ва ўртача ойлик иш ҳақи улар мазкур Низомда белгиланган вазифаларни бажараётган бутун давр мобайнида сақлаб қолинади.


17. Танловни ўтказиш билан боғлиқ тадбирлар маҳаллий давлат ҳокимияти органлари томонидан чақирув тадбирлари учун ажратиладиган маҳаллий бюджет маблағлари доирасида молиялаштирилади.



§ 2. Умумжисмоний тайёргарлик даражасини

баҳолаш тартиби


18. Умумжисмоний тайёргарлик нормативларини топширишда дастлаб чақирилувчиларга умумжисмоний тайёргарликни баҳолаш учун Танлов кенгаши таркибига киритилган мутахассислар (туман (шаҳар) халқ таълими бўлими вакили, умумий ўрта таълим муассасаларининг чақирувга қадар бошланғич тайёргарлик фани ўқитувчиси, чақирилувчилар ота-оналари орасидан бўлган вакиллар) томонидан нормативларни бажариш бўйича белгиланган талаблар, мезонлар ва уларни бажариш тартиби тушунтирилади.


19.Чақирилувчиларнинг умумжисмоний тайёргарлик даражасини баҳолаш қуйидаги умумжисмоний нормативларни қабул қилиш орқали амалга оширилади:

турникда тортилиш;

100 метрга югуриш;

3000 метрга югуриш.


20. Чақирилувчиларнинг умумжисмоний тайёргарлик даражаси қуйидагича баҳоланади:


а) турникда тортилиш бўйича:

12 маротаба ва ундан кўп тортилганда - 5 (аъло);

10-11 маротаба тортилганда - 4 (яхши);

8-9 маротаба тортилганда - 3 (қониқарли);

1-7 маротаба ёхуд умуман тортила олмаганда - 2 (қониқарсиз);


б) 100 метрга югуриш бўйича:

14,0 сония ичида бажарган тақдирда - 5 (аъло);

14,1 - 14,4 сонияда бажарган тақдирда - 4 (яхши);

14,5 - 15,0 сонияда бажарган тақдирда - 3 (қониқарли);

15,1 сония ва ундан кўп вақтда бажарган тақдирда - 2 (қониқарсиз);


в) 3000 метрга югуриш бўйича:

12,40 дақиқа ичида бажарган тақдирда - 5 (аъло);

12,40 дақиқадан 13,20 дақиқагача бажарган тақдирда - 4 (яхши);

13,20 дақиқадан 14,0 дақиқагача бажарган тақдирда - 3 (қониқарли);

14,0 дақиқадан кўп вақтда бажарган тақдирда - 2 (қониқарсиз).


21. Чақирилувчиларнинг умумжисмоний тайёргарлик даражасини баҳолашда битта 2 (қониқарсиз) баҳо олган чақирилувчи умумжисмоний тайёргарлик нормативларини топшира олмаган деб ҳисобланади.


22. Умумжисмоний тайёргарлик нормативларини топшира олмаган чақирилувчиларга нормативларни такроран топширишга рухсат берилмайди.


23. Умумжисмоний тайёргарлик нормативларини топширган чақирилувчиларга баҳолар қайдномаси расмийлаштирилади. Мазкур баҳолар қайдномасида чақирилувчилар томонидан бажарилган нормативлар ва уларга қўйилган баҳолар қайд этилади. Баҳолар қайдномаси Танлов кенгаши аъзолари томонидан имзоланиб, қўйилган баҳолар билан танишганликлари юзасидан чақирилувчилар томонидан ҳам имзоланади.


24. Умумжисмоний тайёргарлик нормативларини топширмаган чақирилувчилар якка тартибда суҳбат ўтказиш тадбирларига қўйилмайди.


§ 4. Якка тартибда суҳбат ўтказиш тартиби


40. Якка тартибда суҳбат жараёнининг шаффофлиги ва ошкоралигини таъминлаш, уни тўғридан-тўғри кўриб бориш учун ота-оналарга шароит яратиб бериш мақсадида якка тартибда суҳбат ўтказиш хонаси видеокузатув камералари билан жиҳозланган бўлиши лозим.


41. Якка тартибда суҳбат ўтказиш хонасини тайёрлаш учун мудофаа ишлари бошқармаси ва туман (шаҳар) мудофаа ишлари бўйича бўлими бошлиғи шахсан масъул ҳисобланади. Якка тартибда суҳбат, заруратга кўра, туман (шаҳар) чақирув участкасининг маънавият ва маърифат хонасидан фойдаланган ҳолда ўтказилиши мумкин.


42. Якка тартибда суҳбат чақирилувчининг ҳарбий-техника мутахассисликлари бўйича тайёргарликка ёки муддатли ҳарбий хизматга бориш сабабини, етакчилик фазилатлари, ақлий қобилияти ва бошқа муҳим профессионал хусусиятларини аниқлаш мақсадида умумжисмоний тайёргарлик даражаси натижалари асосида ўтказилади.

43. Якка тартибда суҳбат коллегиал принцип бўйича Танлов кенгаши томонидан ўтказилади.


44. Якка тартибда суҳбатдан ўтаётган чақирилувчининг шахсий ҳужжатлар жилди, умумжисмоний тайёргарлик даражаси натижаларининг баҳолар қайдномалари Танлов кенгаши аъзоларига туман (шаҳар) мудофаа ишлари бўйича бўлими томонидан тақдим этилади.

45. Якка тартибда суҳбат якунида Танлов кенгаши чақирилувчини ҳарбий-техника мутахассисликлари бўйича тайёрликка жалб этиш ёки муддатли ҳарбий хизматни ўташ учун тавсия этади ёки тавсия этмайди. Тавсия мазкур Низомнинг 3-иловасига мувофиқ расмийлаштирилади.


46. Чақирилувчининг ҳарбий-техника мутахассисликлари бўйича тайёргарликка жалб этилиши ёки Ўзбекистон Республикаси Қуролли Кучлари сафида муддатли ҳарбий хизматни ўташи юзасидан Танлов кенгаши томонидан қабул қилинган қарор қайднома китобига ёзиб қўйилади.


47. Якка тартибда суҳбат якунида Танлов кенгаши аъзолари томонидан қабул қилинган қарорга мувофиқ тавсия расмийлаштирилади. Мазкур тавсия Танлов кенгаши аъзолари томонидан имзоланиб, қабул қилинган қарор билан танишганлиги тўғрисида чақирилувчи томонидан ҳам имзоланади.



3-БОБ. ЎЗБЕКИСТОН РЕСПУБЛИКАСИ

МУДОФАА ВАЗИРЛИГИ ВА ҲУДУДИЙ

БЎЛИНМАЛАРИНИНГ ТАНЛОВНИ

ЎТКАЗИШ ЖАРАЁНИДАГИ

ВАЗИФАЛАРИ


48. Ўзбекистон Республикаси Мудофаа вазирлиги:

Ўзбекистон Республикаси Халқ таълими вазирлиги Маҳалла ва нуронийларни қўллаб-қувватлаш вазирлиги, Ёшлар ишлари агентлиги, Ўзбекистон ёшлар иттифоқи Марказий кенгаши билан ҳамкорликда танлов тадбирларини ўз вақтида, холисона ва шаффоф ўтказилишига амалий ёрдам кўрсатади;

танловни ташкил этиш ва ўтказиш бўйича ҳарбий округ штаблари томонидан тақдим этилган танлов тадбирларига жалб этиладиган чақирилувчилар сони, умумжисмоний тайёргарлик нормативларини қабул қилиш ва якка тартибда суҳбат ўтказиш жадваллари, Танлов кенгаши раиси ва аъзоларининг рўйхатини Ўзбекистон Республикаси мудофаа вазирига тақдим этиш учун умумлаштиради;

жойлардаги танлов тадбирларининг сифатли ташкил этилганлиги ва тегишли даражада ўтказилаётганлигини ўрганади, бу борада уларга амалий ёрдам кўрсатади.


49. Ҳарбий округ штаблари:

йилнинг 25 августига қадар мудофаа ишлари бошқармалари томонидан тақдим этилган танлов тадбирларига жалб этиладиган чақирилувчилар сони, улар билан ўтказиладиган умумжисмоний тайёргарлик нормативларини қабул қилиш ва якка тартибда суҳбат ўтказиш жадваллари, Танлов кенгаши раиси ва аъзоларининг рўйхатини умумлаштириб, Ўзбекистон Республикаси Мудофаа вазирлигига тақдим этади;

танлаб олиш тадбирлари жараёнини бевосита жойларга бориб ўрганади, амалий ёрдам кўрсатади, юзага келаётган муаммоларни бартараф этади;

йилнинг сентябрь ойидан бошлаб, кейинчалик ҳар ойнинг 28 санасига қадар мудофаа ишлари бошқармалари томонидан тақдим этилган, танловда қатнашган чақирилувчиларнинг умумий сонидан, Танлов кенгаши аъзолари томонидан чақирилувчиларни ҳарбий-техника мутахассисликлари бўйича тайёргарликка жалб этиш ёки муддатли ҳарбий хизматни ўташ учун тавсия этилган ёки тавсия этилмаганлар сони ҳақидаги маълумотларни умумлаштириб, Ўзбекистон Республикаси Мудофаа вазирлигига тақдим этиб боради.


50. Мудофаа ишлари бошқармалари:

йилнинг 1 августига қадар шаҳар ва туманларда "Чақирилувчиларни танлаб олиш тадбирларини ташкил этиш тўғрисида"ги Қорақалпоғистон Республикаси Вазирлар Кенгаши раиси, Тошкент шаҳар ва вилоят ҳокимларининг қарори лойиҳаларини ишлаб чиқади;

йилнинг 1 августига қадар мудофаа ишлари бошқармаси бошлиғининг танловга оид буйруғини тайёрлайди. Мазкур буйруқ билан танлов режасини ҳамда бошқарма ҳарбий хизматчилари орасидан масъул шахслар таркибини тасдиқлайди;

йилнинг 10 августига қадар танлов тадбирларини ўтказишга масъул бўлган шахслар билан семинар машғулотларини ўтказади;

йилнинг август ойидан бошлаб ҳар ойда шаҳар ва туманларда ўтказилаётган танлов тадбирлари тўғрисида оммавий ахборот воситалари - телевидение, радио, газета ва журналлар, интернет сайтлари ва бошқа ижтимоий тармоқлар орқали эълонлар бериб боради;

туман (шаҳар) мудофаа ишлари бўйича бўлимлари томонидан тақдим этилган чақирув ресурсларини ўрганиш натижалари, танлов тадбирларига жалб этиладиган чақирилувчилар сони, улар билан ўтказиладиган умумжисмоний тайёргарлик нормативларини қабул қилиш ва якка тартибда суҳбат ўтказиш жадваллари, Танлов кенгаши раиси ва аъзоларининг рўйхатини умумлаштириб, йилнинг 15 августига қадар ҳарбий округ штабига тақдим этади;

жойларда танловнинг ўз вақтида ўтказилишини ташкил этади ва амалий ёрдам кўрсатади;

йилнинг сентябрь ойидан бошлаб, кейинчалик ҳар ойнинг 25 санасига қадар туман (шаҳар) мудофаа ишлари бўйича бўлими томонидан тақдим этилган, танловда қатнашган чақирилувчиларнинг умумий сонидан, Танлов кенгаши аъзолари томонидан чақирилувчиларни ҳарбий-техника мутахассисликлари бўйича тайёргарликка жалб этиш ёки муддатли ҳарбий хизматни ўташ учун тавсия этилган ёки тавсия этилмаганлар сони ҳақидаги маълумотларни ҳарбий округ штабига тақдим этиб боради.


51. Туман (шаҳар) мудофаа ишлари бўйича бўлимлари:

йилнинг 1 июлидан 30 июлига қадар чақирув ресурсини тўлиқ ўрганади, умумжисмоний тайёргарлик нормативларни топшириш учун тиббий кўрик натижаларига кўра ҳарбий хизматга яроқли бўлган чақирилувчилар рўйхатини тузади;

чақирилувчиларни танлаб олиш ишларини ташкил этиш тўғрисида туман (шаҳар) ҳокими қарорининг лойиҳасини ишлаб чиқади ва йилнинг 1 августига қадар туман (шаҳар) ҳокимлигига тақдим этади. Қарорда мазкур Низомга 1-иловада кўрсатилган тарзда Танлов кенгаши таркиби, танлов ўтказиш режаси ва умумжисмоний тайёргарлик нормативлари ўтказиладиган таълим муассасалари рўйхати, чақирилувчилар билан якка тартибда суҳбат ўтказиш жойи белгиланади;

йилнинг август ойидан бошлаб ҳар ойда танлов тадбирлари тўғрисида оммавий ахборот воситалари - телевидение, радио, газета ва журналлар, интернет сайтлари ва бошқа ижтимоий тармоқлар орқали эълонлар бериб боради;

танловни ўтказиш тартиби, вақти ва жойи ҳақидаги эслатмани туман (шаҳар) мудофаа ишлари бўйича бўлими ҳудудида фуқароларга кўриниш учун қулай жойларга, фуқароларнинг ўзини-ўзи бошқариш органларининг маъмурий бинолари ва аҳоли гавжум бўлган бошқа жойларга жойлаштиради;

умумжисмоний тайёргарлик даражасини баҳолаш синовларидан муваффақиятли ўтган чақирилувчилар рўйхатини шакллантиради ва якка тартибдаги суҳбат ўтказиш учун Танлов кенгашига тақдим этади;

танловда рўйхатдаги чақирилувчиларнинг тўлиқ иштирокини таъминлайди;

танловнинг якуний натижаларини туман (шаҳар) мудофаа ишлари бўйича бўлимининг фуқароларга кўриниши қулай бўлган жойларига жойлаштиради.



4-БОБ. ТАНЛОВ НАТИЖАЛАРИ БЎЙИЧА

БЕРИЛГАН АПЕЛЛЯЦИЯЛАРНИ

КЎРИБ ЧИҚИШ


52. Апелляция мурожаатларини кўриб чиқиш учун Қорақалпоғистон Республикаси Вазирлар Кенгаши Раиси ҳамда вилоятлар ва Тошкент шаҳар ҳокимларининг ёшлар сиёсати, ижтимоий ривожлантириш ва маънавий-маърифий ишлар бўйича ўринбосарлари раҳбарлигида Ўзбекистон Республикаси Халқ таълими вазирлиги, Қорақалпоғистон Республикаси Маҳалла ва нуронийларни қўллаб-қувватлаш вазирлиги, вилоятлар ва Тошкент шаҳар маҳалла ва нуронийларни қўллаб-қувватлаш бошқармалари, Ёшлар ишлари агентлиги ва унинг Қорақалпоғистон Республикаси, вилоятлар ва Тошкент шаҳар бошқармалари ва Ўзбекистон ёшлар иттифоқининг ҳудудий кенгашлари вакилларидан иборат апелляция комиссияси ташкил этилади.

53. Танлов натижасидан норози бўлган чақирилувчи танлов натижаси эълон қилингандан кейин уч иш куни давомида апелляция комиссиясига ёзма равишда мурожаат қилиши мумкин.


54. Апелляция комиссияси апелляция шикоятини икки иш куни ичида чақирилувчи иштирокида кўриб чиқади. Апелляцияни кўриб чиқиш натижаси бўйича баённома тузилади ҳамда баённома апелляция комиссияси раиси ва аъзолари томонидан имзоланади. Апелляция комиссиясининг баённомасидан кўчирма чақирилувчига топширилади.


55. Апелляцияни кўриб чиқиш натижалари бўйича апелляция комиссияси қарори юзасидан чақирилувчи қонун ҳужжатларида белгиланган тартибда юқори турувчи органга ёки судга мурожаат қилиши мумкин.



5-БОБ. ЯКУНЛОВЧИ ҚОИДАЛАР


56. Танлов натижаларига оид ҳужжатлар 2 йил давомида туман (шаҳар) мудофаа ишлари бўйича бўлимларида сақланади ва ушбу муддат ўтганидан сўнг ўрнатилган тартибда йўқ қилинади.


57. Мазкур Низом талаблари бузилишида айбдор шахслар қонунчиликда белгиланган тартибда жавобгар бўладилар.






Низомга

1-ИЛОВА


Чақирилувчиларнинг умумжисмоний тайёргарлик

даражасини баҳолаш, улар билан якка тартибда

суҳбат ўтказиш бўйича танлов кенгашининг

ТАРКИБИ


Танлов кенгаши раиси - туман (шаҳар) маҳалла ва нуронийларни қўллаб-қувватлаш бўлими бошлиғининг нуронийлар масалалари бўйича маслаҳатчиси.

Танлов кенгаши аъзолари:

туман (шаҳар) халқ таълими бўлими мудирининг ўринбосари;

Ўзбекистон Республикаси Ёшлар ишлари агентлигининг ҳудудий бошқармаси вакили;

Ўзбекистон ёшлар иттифоқининг ҳудудий кенгаши вакили;

туман (шаҳар) ички ишлар органлари бошлиқларининг ёшлар масалалари бўйича ўринбосарлари;

умумий ўрта таълим муассасаларининг чақирувга қадар бошланғич тайёргарлик фани ўқитувчилари;

чақирилувчиларнинг ота-оналари орасидан вакиллар.






Низомга

2-ИЛОВА


Чақирилувчиларни танлаб олиш тадбирларининг

СХЕМАСИ

    

Босқичлар

Тадбирлар


Масъуллар


Муддатлар

1-босқич

Чақирув ресурслари ва чақирилувчиларнинг ҳужжатларини ўрганиш


мудофаа ишлари бўлими


1 июлдан 30 июлгача



2-босқич

Танлаб олиш тадбирларини ташкил этиш тўғрисида туман (шаҳар) ҳокимининг қарорини қабул қилиш


мудофаа ишлари бўлими, туман (шаҳар) ҳокимлиги


Ҳар йили 1 августгача



3-босқич

Ҳарбий хизматга яроқли бўлган чақирилувчилар рўйхатини тузиш


мудофаа ишлари бўлими


10 августдан 10 февралгача алоҳида график асосида




4-босқич

Умумжисмоний тайёргарлик даражасини баҳолаш


Танлов кенгаши аъзолари


10 августдан 10 февралгача алоҳида график асосида



5-босқич

Якка тартибда суҳбат ўтказиш


Танлов кенгаши аъзолари


10 августдан 10 февралгача алоҳида график асосида



6-босқич

1. Якка тартибда суҳбат натижалари бўйича чақирилувчиларни:

ҳарбий-техника мутахассисликлари бўйича тайёргарликка жалб этишга тавсия этиш;

муддатли ҳарбий хизматга чақиришга тавсия этиш.


2. Натижаларни чақирув комиссиясига юбориш


Танлов кенгаши


1. Якка тартибда суҳбат ўтказилган куни





2.Танлов тадбирлари якунлангандан сўнг 3 кун ичида



7-босқич

Чақирув комиссияси томонидан Танлов кенгаши тавсиясига асосан чақирилувчиларни ҳарбий-техника мутахассисликлари бўйича тайёргарликка жалб этиш ёки муддатли ҳарбий хизматга чақириш тўғрисида тегишли қарорлар қабул қилиш


Чақирув комиссияси


1 мартдан 30 апрелгача



  





Низомга

3-ИЛОВА


Якка тартибдаги суҳбат натижалари бўйича

ТАВСИЯ

Чақирилувчи

(Ф.И.О.)

Туғилган йили:

Топшириш санаси: 20__ йил "___" ___________

Умумжисмоний тайёргарлик даражаси

бўйича қўйилган баҳо

Турникда тортилиш

100 метрга югуриш

3000 метрга югуриш

Умумий баҳо

маротаба

баҳо

сония

баҳо

дақиқа

баҳо







Танлов кенгашининг якуний қарори:

Ҳарбий-техника мутахассисликлари бўйича тайёргарликка жалб этиш (ёки муддатли ҳарбий хизматга чақириш) учун тавсия этилади (ёки тавсия этилмайди).

Танлов кенгаши раиси


(имзо)

(Ф.И.О.)

Танлов кенгаши аъзолари:


(имзо)

(Ф.И.О.)

(имзо)

(Ф.И.О.)

Танлов кенгаши қарори билан танишдим:

20__ йил "___" _______________

(имзо)

(Ф.И.О.)

Қонун ҳужжатлари маълумотлари миллий базаси (www.lex.uz),

2019 йил 10 апрель


"Ўзбекистон Республикаси қонун ҳужжатлари тўплами",

2019 йил 15 апрель, 15-сон, 284-модда










































Время: 0.1813
по регистрации МЮ строгое соответствие
  • Все
  • действующие
  • утратившие силу
  • Русский
  • Ўзбекча
  • Оба языка
  • любая дата
  • точная дата
  • период
  • -

Свернуть поиск