ВСЕ ЗАКОНОДАТЕЛЬСТВО УЗБЕКИСТАНА
ЎзР Конунчилиги / Иқтисодиётнинг айрим соҳалари / Саноат / Қурилиш материаллари саноати /Ўзбекистон Республикаси Вазирлар Маҳкамасининг 11.04.2019 й. 297-сон "Ёғоч қириндили плиталар ва уларнинг муқобил турларини ишлаб чиқаришни янада ривожлантириш бўйича қўшимча чора-тадбирлар тўғрисида"ги Қарори
Полный текст документа доступен в платной версии. По вопросам звоните на короткий номер 1172
ЎЗБЕКИСТОН РЕСПУБЛИКАСИ
ВАЗИРЛАР МАҲКАМАСИНИНГ
ҚАРОРИ
11.04.2019 й.
N 297
ЁҒОЧ ҚИРИНДИЛИ ПЛИТАЛАР ВА УЛАРНИНГ
МУҚОБИЛ ТУРЛАРИНИ ИШЛАБ ЧИҚАРИШНИ
ЯНАДА РИВОЖЛАНТИРИШ БЎЙИЧА ҚЎШИМЧА
ЧОРА-ТАДБИРЛАР ТЎҒРИСИДА
Республикада сўнгги йилларда ёғоч қириндили плиталар ва уларнинг муқобил турларини ишлаб чиқариш бўйича муайян чора-тадбирлар амалга оширилмоқда, хусусан ғўзапоя ва қамиш каби маҳаллий ўсимликларни қайта ишлаш йўли билан импорт ўрнини босувчи тайёр маҳсулотлар ишлаб чиқарилмоқда.
Шу билан бирга, замонавий технологияларни жорий этиш орқали ёғоч қириндили плиталар ва уларнинг муқобил турларини ишлаб чиқариш қувватларини оширишга, юқори қўшилган қийматли тайёр маҳсулотлар ишлаб чиқаришни ривожлантиришга тўсқинлик қилаётган муаммолар учрамоқда.
Қурилиш материаллари ва мебель ишлаб чиқаришда фойдаланилиши мумкин бўлган қайта тикланадиган ва тез ўсувчи маҳаллий ўсимликлар хом ашёсидан кенг фойдаланишга етарлича эътибор қаратилмаяпти.
Республикада ёғоч қириндили плиталар ва уларнинг муқобил турларини ишлаб чиқарувчиларни ҳар томонлама қўллаб-қувватлаш, янги ишлаб чиқариш қувватларини яратиш, соҳага илғор технологиялар ва инновацион ишланмаларни жорий этиш, маҳаллий хом ашёдан кенг фойдаланган ҳолда чуқур қайта ишлашни ташкил этиш мақсадида Вазирлар Маҳкамаси ҚАРОР ҚИЛАДИ:
1. Республикада ёғоч қириндили плиталар ва уларнинг муқобил турларини ишлаб чиқарувчи корхоналарни кичик саноат зоналарида ташкил қилиш тавсия этиладиган, қамиш хом ашёси мавжуд бўлган ҳудудлар рўйхати 1-иловага мувофиқ тасдиқлансин.
2. Ўзбекистон Республикаси Сув хўжалиги вазирлиги, Қишлоқ хўжалиги вазирлиги, Ўрмон хўжалиги давлат қўмитаси, Экология ва атроф-муҳитни муҳофаза қилиш давлат қўмитаси, "Ўзсаноатқурилишматериаллари" уюшмаси, Қорақалпоғистон Республикаси Вазирлар Кенгаши ва вилоятлар ҳокимликлари билан биргаликда икки ой муддатда ҳудудларда мавжуд табиий қамишзорлар, улардан фойдаланиш даражаси ва қамишларнинг ўриб олиниши натижасида атроф-муҳитга, ҳайвонот оламига, кўчиб юрувчи қушларга зарар етказмайдиган тарздаги саноат усулида фойдаланиш мумкин бўлган қамишзорлар майдонларининг ҳудудлар кесимидаги реестрини шакллантирсин.
Қорақалпоғистон Республикаси Вазирлар Кенгаши ва вилоятлар ҳокимликлари "Ўзсаноатқурилишматериаллари" уюшмаси билан биргаликда мазкур қамишзорлар реестри асосида ёғоч қириндили плиталар ва уларнинг муқобил турларини ишлаб чиқариш бўйича янги қувватларни ташкил этиш учун маҳаллий ва хорижий инвесторларни жалб этишни таъминласин.
3. Қорақалпоғистон Республикаси Вазирлар Кенгаши, вилоятлар ҳокимликлари тегишли вазирлик ва идоралар билан биргаликда ҳудудларда қамиш хом ашёси мавжуд бўлган жойларни ёғоч қириндили плиталар ва уларнинг муқобил турларини ишлаб чиқарувчи ташкилотларга, фаолият кўрсатиш даврида доимий фойдаланишга ажратиб берилишини ва қамиш хом ашёсини ўриб олишга рухсат этилишини ўрнатилган тартибда таъминласин.
4. Қуйидагилар:
"Ўзкимёсаноат" акциядорлик жамияти томонидан қамиш, ғўзапоя ва бошқа маҳаллий хом ашёдан ёғоч қириндили плиталар ва уларнинг муқобил турларини ишлаб чиқариш учун талаб этиладиган "формалин 37%" ва "карбамид А" хом ашёсини етказиб берииш ҳажмлари 2-иловага мувофиқ;
Республикада қамиш, ғўзапоя ва бошқа маҳаллий хом ашёдан ёғоч қириндили плиталар ва уларнинг муқобил турларини ишлаб чиқариш бўйича 2019-2021 йилларда яратиладиган қувватлар ва ишлаб чиқариш прогнозлари 3-иловага мувофиқ тасдиқлансин.
5. Ўзбекистон Республикаси Монополияга қарши курашиш қўмитасининг "Навоийазот" акциядорлик жамияти "формалин 37%" маҳсулотини ва "Maxam-Chirchiq" акциядорлик жамияти "карбамид А" маҳсулотини ишлаб чиқариш бўйича товар ёки молия бозорида устун мавқени эгаллаб турган хўжалик юритувчи субъектлар давлат реестрига киритилганлиги тўғрисидаги ахбороти маълумот учун қабул қилинсин.
Ўзбекистон Республикаси Монополияга қарши курашиш кўмитаси товар ёки молия бозорида устун мавқени згаллаб турган хўжалик юритувчи субъектлар давлат реестрига киритилган "Навоийазот" акциядорлик жамияти томонидан "формалин 37%" маҳсулоти бўйича ва "Maxam-Chirchiq" акциядорлик жамияти томонидан "карбамид А" маҳсулоти бўйича монопол юқори нархлар қўлланилишининг олдини олиш бўйича доимий равишда мониторинг олиб борсин.
6. 2022 йил 1 январга қадар ёғоч қириндили плиталар ва уларнинг муқобил турларини ишлаб чиқарувчи корхоналар томонидан олиб кириладиган ёғоч қириндили плиталар ва унинг муқобил турларини ишлаб чиқариш учун ишлатиладиган ва Ўзбекистон Республикасида ишлаб чиқарилмайдиган хом ашё, асбоб-ускуналар, уларнинг бутловчи ҳамда эҳтиёт қисмлари белгиланган тартибда шакллантириладигаи рўйхатлар бўйича божхона тўловлapидан (қўшилган қиймат солиғи ва божхона расмийлаштируви учун йиғимлардан ташқари) озод этилсин.
7. Қорақалпоғистон Республикаси Вазирлар Кенгаши ва вилоятлар ҳокимликлари маҳаллий иқлим шароитидан келиб чиқиб, терак, павловния ва бошқа турдаги тез ўсувчи ёғочбоп дарахтларни плантация усулида етиштириш учун балл бонитети паст бўлган ерларнинг ўрнатилган тартибда тадбиркорлик субъектларига ажратилишини таъминласин.
Бунда, ёғочбоп дарахтлар плантацияларини ташкил этган тадбиркорлик субъектлари 2022 йил 1 январга қадар ер майдонларида терак, павловния ва бошқа турдаги тез ўсувчи ёғочбоп дарахтлар экилган қисмига ер солиғи тўлашдан озод этилсин.
8. Ўзбекистон Республикаси Вазирлар Маҳкамасининг 2003 йил 7 июлдаги 305-сон қарори билан тасдиқланган Четдан келтиришда юридик шахслар импорт божхона божи ва қўшилган қиймат солиғи тўлашдан озод қилинадиган ёғоч-тахта материаллар, ёғоч-тахта ва ёғочдан ясалган буюмларнинг айрим турлари рўйхатидан 6-позиция чиқариб ташлансин.
Мазкур банд 2019 йил 1 майдан бошлаб кучга киради.
9. Мазкур қарорнинг ижросини назорат қилиш Ўзбекистон Республикаси Бош вазирининг биринчи ўринбосари - транспорт вазири А.Ж. Раматов, Ўзбекистон Республикаси иқтисодиёт ва саноат вазири Б.А. Ходжаев ва "Ўзсаноатқурилишматериаллари" уюшмаси раиси Б.К. Зарипов зиммасига юклансин.
Ўзбекистон Республикасининг Бош вазири А. Арипов
2019 йил 11 апрелдаги
297-сон қарорига
1-ИЛОВА
Республикада қамиш хом ашёси
мавжуд бўлган ҳудудлар ҳамда қамишни
қайта ишлаш корхонаси ташкил қилиниши
тавсия этиладиган кичик саноат зоналарининг
МАНЗИЛЛИ РЎЙХАТИ
Т/р |
Ҳудудлар номи (туманлар номи, МФЙ номи) |
Қамишзор майдони, га |
Қамиш ўсимлигининг мавжуд тахминий йиллик захираси ҳажми (тонна) |
Қамишни қайта ишлаш корхонаси ташкил қилиниши тавсия этиладиган кичик саноат зонаси номи |
Республика бўйича: |
88 123 |
475 864 |
||
шу жумладан: |
||||
Қорақалпоғистон Республикаси |
64 623 |
348 964 |
||
1. |
Мўйноқ тумани |
50 359 |
271 939 |
Мўйноқ кичик саноат зонаси |
2. |
Чимбой тумани |
4 165 |
22 491 |
Чимбой кичик саноат зонаси |
3. |
Кегайли тумани |
7 800 |
42 120 |
|
4. |
Бошқа туманларда жами |
2 299 |
12 415 |
|
Сурхандарё вилояти |
20 000 |
108 000 |
||
1. |
Термиз тумани давлат чегараси ҳудуди бўйлаб |
6 500 |
35 100 |
Музработ кичик саноат зонаси |
2. |
Музработ тумани давлат чегараси ҳудуди бўйлаб |
13 500 |
72 900 |
|
Бухоро вилояти |
3 500 |
18 900 |
||
1. |
Пешку тумани Жонгелди ҚФЙ ҳудудидаги "Қорақир 1-контур" табиий сув ҳавзаси атрофи |
l 300 |
7 020 |
Бухоро шаҳар ва Жондор кичик саноат зоналари |
2. |
Пешку тумани Жонгелди ҚФЙ ҳудудидаги "Қорақир 2-контур" табиий сув ҳавзаси атрофи |
1 100 |
5 940 |
|
3. |
Пешку тумани Жонгелди ҚФЙ ҳудудидаги "Қорақир 3-контур" табиий сув ҳавзаси атрофи |
100 |
540 |
|
4. |
Қоракўл тумани "Катта Замонбобо" кўли атрофи |
1 000 |
5 400 |
Изоҳ: Ҳисоб-китоблар acocида 1 гектар майдондан ўртача 5,4 тонна қамиш, 1 куб метр ёғоч-қириндили плиталарни (ДСП) ишлаб чиқарии учун 0,72 тонна қамиш зарур бўлади. Лойиҳа қуввати 30 минг куб метр бўлган корхона учун бир йилга 21,6 минг тонна қамиш хом ашёси керак.
2019 йил 11 апрелдаги
297-сон қарорига
2-ИЛОВА
Республикада қамиш, ғўзапоя ва бошқа маҳаллий
ўсимликлардан ёғоч қириндили плиталар ишлаб
чиқариш учун талаб этиладиган "Формалин 37%"
ва "карбамид А" хом ашёсини ишлаб чиқариш
ва етказиб бериш ҳажмлари
минг тонна
Маҳсулот номи |
Ёғоч қириндили плиталар ишлаб чиқариш учун талаб этиладиган "формалин 37%" ва "карбамид А" хом ашёсига бўлган талаб прогнози |
||
2019 йилга |
2020 йилга |
2021 йилга |
|
Формалин 37% |
7,5 |
21,0 |
24,0 |
Карбамид А |
4,3 |
12,3 |
22,6 |
2019 йил 11 апрелдаги
297-сон қарорига
3-ИЛОВА
Республикада қамиш, ғўзапоя ва бошқа
маҳаллий хом ашёдан ёғоч қириндили плиталар
ва уларнинг муқобил турларини ишлаб чиқариш
бўйича 2019-2021 йилларда яратиладиган
қувватлар ва ишлаб чиқариш
ПРОГНОЗЛАРИ
минг куб.м
Т/р |
Маҳсулот номи |
Ёғоч қириндили плиталарга (ДСП) бўлган талаб |
Лойиҳалар ишлаб чиқариш қуввати |
2018 й. ишлаб чиқариш ҳажми |
Ишлаб чиқариш прогнозлари |
||
2019 й. |
2020 й. |
2021 й. |
|||||
ЖАМИ |
505,0 |
425,0 |
26,3 |
60,0 |
190,0 |
330,0 |
|
шундан: мебель маҳсулотлари ишлаб чиқаришга |
404,0 |
340,0 |
21,0 |
48,0 |
152,0 |
264,0 |
|
қурилишда фойдаланишга |
101,0 |
85,0 |
5,3 |
12,0 |
38,0 |
66,0 |
|
Қорақалпоғистон Республикаси |
150,0 |
0,0 |
4,0 |
6,0 |
98,0 |
||
1. |
"Сифат Инвест компанияси" МЧЖ (Қораўзак тумани) |
10,0 |
- |
4,0 |
6,0 |
8,0 |
|
2. |
"Мўйноқ ЛДСП" МЧЖ (Мўйноқ тумани) |
50,0 |
- |
- |
- |
30,0 |
|
3. |
"Fumeu group" МЧЖ (Мўйноқ тумани) |
90,0 |
- |
- |
- |
60,0 |
|
Бухоро вилояти |
10,0 |
0,0 |
0,0 |
6,0 |
8,0 |
||
4. |
"Тадбиркор" ХК (Fиждувон тумани) |
10,0 |
- |
- |
6,0 |
8,0 |
|
Навоий вилояти |
30,0 |
0,0 |
0,0 |
18,0 |
25,0 |
||
5. |
"Zhong Tian" МЧЖ ХК (Кармана тумани) |
30,0 |
- |
- |
18,0 |
25,0 |
|
Сурхандарё вилояти |
195,0 |
16,0 |
30,0 |
127,0 |
162,0 |
||
б. |
"Сурхон КСП Гранд" МЧЖ (1-босқич) (Термиз шаҳри) |
30,0 |
16,0 |
25,0 |
25,0 |
28,0 |
|
7 |
"Сурхондарё таъмирлаш бутлаш" МЧЖ (Термиз шаҳри) |
15,0 |
- |
5,0 |
12,0 |
14,0 |
|
8. |
"Сурхон КСП Гранд" МЧЖ (2-босқич) (Музработ тумани) |
150,0 |
- |
- |
90,0 |
120,0 |
|
Сирдарё вилояти |
30,0 |
6,8 |
20,0 |
25,0 |
28,0 |
||
9. |
"Файз" МЧЖ (Сирдарё тумани) |
30,0 |
6,8 |
20,0 |
25,0 |
28,0 |
|
Фарғона вилояти |
10,0 |
3,5 |
6,0 |
8,0 |
9,0 |
||
10. |
"Яйпан Водий Ламинати" МЧЖ (Ўзбекистон тумани) |
10,0 |
3,5 |
6,0 |
8,0 |
9,0 |
|
Қонун ҳужжатлари маълумотлари миллий базаси (www.lex.uz),
2019 йил 12 апрель
78-150-11-72 
Мобильная версия сайта