ВСЕ ЗАКОНОДАТЕЛЬСТВО УЗБЕКИСТАНА
ЎзР Конунчилиги / Ер ва бошқа табиий ресурслар. Атроф-муҳит муҳофазаси / Атроф табиий муҳитни муҳофаза қилиш / Чиқиндиларни қайта ишлаш /Ўзбекистон Республикаси Президентининг 17.04.2019 й. ПҚ-4291-сон "2019-2028 йиллар даврида Ўзбекистон Республикасида қаттиқ маиший чиқиндилар билан боғлиқ ишларни амалга ошириш стратегиясини тасдиқлаш тўғрисида"ги Қарори
Полный текст документа доступен в платной версии. По вопросам звоните на короткий номер 1172
ЎЗБЕКИСТОН РЕСПУБЛИКАСИ
ПРЕЗИДЕНТИНИНГ
ҚАРОРИ
17.04.2019 й.
N ПҚ-4291
2019-2028 ЙИЛЛАР ДАВРИДА
ЎЗБЕКИСТОН РЕСПУБЛИКАСИДА
ҚАТТИҚ МАИШИЙ ЧИҚИНДИЛАР БИЛАН
БОҒЛИҚ ИШЛАРНИ АМАЛГА ОШИРИШ
СТРАТЕГИЯСИНИ ТАСДИҚЛАШ
ТЎҒРИСИДА
Мамлакатимизда атроф-муҳитни муҳофаза қилишни таъминлаш, табиий ресурслардан оқилона фойдаланиш, шунингдек, ҳудудларнинг санитария ва экологик ҳолатини яхшилаш соҳасида изчил сиёсат амалга оширилмоқда.
Хусусан, 2017-2018 йилларда қаттиқ маиший чиқиндилар билан боғлиқ ишларни амалга ошириш тизимининг инфратузилмасини такомиллаштириш бўйича кенг кўламли ишлар олиб борилди, 13 та санитария жиҳатидан тозалаш давлат унитар корхоналари ҳамда уларнинг туман ва шаҳарлардаги 172 та филиали, шунингдек, 9 та маиший чиқиндилар билан боғлиқ ишларни комплекс амалга ошириш кластерлари ташкил этилди. Кўрилган чора-тадбирлар аҳолининг деярли ярмини санитария жиҳатидан тозалаш хизматлари билан қамраб олинишига имкон берди.
Шу билан бирга қишлоқ аҳоли пунктларида қаттиқ маиший чиқиндиларни тўплаш ва олиб чиқиб кетиш бўйича хизматларнинг етарли даражада таъминланмаганлиги, қаттиқ маиший чиқиндилар билан боғлиқ ишларни амалга ошириш соҳасидаги инфратузилманинг қониқарсиз ҳолатда эканлиги, мавжуд қаттиқ маиший чиқинди полигонларининг санитария талаблари ва экологик меъёрларга мувофиқ келмаслиги мазкур соҳада комплексли чора-тадбирларни қабул қилишни талаб этмоқда.
Қаттиқ маиший чиқиндиларни тўплаш, ташиш, утилизация қилиш, қайта ишлаш ва кўмиш бўйича самарали тизимни яратиш, уларнинг фуқаролар соғлиғи ва атроф-муҳитга зарарли таъсирини бартараф қилиш, шунингдек, Ўзбекистон Республикаси Президентининг 2019 йил 17 январдаги ПФ-5635-сон "2017-2021 йилларда Ўзбекистон Республикасини ривожлантиришнинг бешта устувор йўналиши бўйича Ҳаракатлар стратегиясини "Фаол инвестициялар ва ижтимоий ривожланиш йили"да амалга оширишга оид Давлат дастури тўғрисида"ги Фармони ижросини таъминлаш мақсадида:
1. Қуйидаги асосий вазифаларни амалга оширишни назарда тутувчи, 2019-2028 йиллар даврида Ўзбекистон Республикасида қаттиқ маиший чиқиндилар билан боғлиқ ишларни амалга ошириш стратегияси (кейинги ўринларда - Стратегия) 1-иловага мувофиқ тасдиқлансин:
аҳолининг қаттиқ маиший чиқиндиларни тўплаш ва олиб чиқиб кетиш бўйича хизматлар билан тўлиқ қамраб олинишини таъминлашга йўналтирилган санитария жиҳатидан тозалаш инфратузилмасини ривожлантириш;
қаттиқ маиший чиқиндиларни қайта ишлашнинг самарали ва замонавий тизимини яратиш;
полигонларга кўмиш учун йўналтириладиган қаттиқ маиший чиқиндилар ҳажмини камайтириш, санитария ва экологик меъёрлар талабларига мувофиқ келадиган замонавий қаттиқ маиший чиқинди полигонларини яратиш, шунингдек, мавжуд полигонларни ёпиш ва рекультивация қилиш бўйича чора-тадбирларни кўриш;
санитария жиҳатидан тозалаш соҳасида нархлар шаклланишини такомиллаштириш ва тарифларни оптималлаштириш;
қаттиқ маиший чиқиндилар билан боғлиқ ишларни амалга ошириш объектларидан муқобил энергия манбалари сифатида фойдаланиш.
2. Қуйидагилар Стратегиянинг асосий принциплари этиб белгилансин:
Стратегияни амалга оширишнинг барча босқичларида атроф-муҳитни муҳофаза қилиш соҳасидаги қонун ҳужжатлари талабларига риоя этиш;
қаттиқ маиший чиқиндиларнинг атроф-муҳитга салбий таъсирини камайтириш мақсадида улар билан амалга ошириладиган барча жараёнлар устидан назоратни таъминловчи қаттиқ маиший чиқиндилар билан боғлиқ ишларни амалга ошириш;
чиқиндилар билан боғлиқ ишларни амалга ошириш бўйича харажатлар чиқиндиларни ҳосил қилувчилар томонидан қопланишини кўзда тутувчи, тегишли ҳуқуқий ва иқтисодий асосларни яратиш заруриятини белгиловчи "ифлослантирувчи тўлайди" принципини жорий этиш;
танлов асосида қаттиқ маиший чиқиндилар билан боғлиқ ишларни амалга ошириш соҳасида хизматлар кўрсатиш бўйича фаолиятни амалга ошириш жараёнининг очиқлиги ва шаффофлиги.
3. Стратегия қуйидаги босқичларда амалга оширилиши белгилансин:
биринчи босқич (2019-2021 йиллар) - қаттиқ маиший чиқиндилар билан боғлиқ ишларни амалга ошириш соҳасидаги қонунчилик базасини
ва иқтисодий тартиботлар механизмларини такомиллаштириш, қаттиқ маиший чиқиндиларни тўплаш ва олиб чиқиб кетиш бўйича хизматлар кўрсатишнинг самарали ташкил этилишини таъминлаш мақсадида санитария жиҳатидан тозалашнинг моддий-техник базасини ва инфратузилмасини ривожлантириш, тўлов интизомини мустаҳкамлаш, қаттиқ маиший чиқиндилар билан боғлиқ ишларни амалга ошириш соҳасида экологик таълим тизимини ривожлантириш учун методик ва ахборот таъминотини яратиш;
иккинчи босқич (2022-2028 йиллар) - қаттиқ маиший чиқиндиларни саралаб йиғиш бўйича инфратузилмани ривожлантириш, полигонларни оптималлаштириш, қайта юклаш станциялари ва чиқиндиларни қайта ишлаш объектларини қуриш, чиқиндилар билан боғлиқ ишларни комплекс амалга ошириш кластерлари фаолиятини такомиллаштириш, уларнинг қаттиқ маиший чиқиндиларни қайта ишлаш бўйича салоҳиятини ривожлантириш, шунингдек, қуйидаги мақсадли индикаторларга эришиш:
аҳолини қаттиқ маиший чиқиндиларни тўплаш ва олиб чиқиб кетиш бўйича хизматлар билан қамраб олишни 100 фоизга етказиш;
ҳосил бўладиган қаттиқ маиший чиқиндиларнинг камида 60 фоизини қайта ишлашни таъминлаш;
ўзига хос қаттиқ маиший чиқиндиларни (таркибида симоб бўлган чиқиндилар, автошиналар, аккумуляторлар, ишлатилиб бўлинган мойлар, қадоқлаш чиқиндилари ва ҳ.к.) қайта ишлаш ҳажмини 25 фоизгача ошириш;
полигонларга кўмиш учун йўналтириладиган қаттиқ маиший чиқиндилар ҳажмини 60 фоизгача камайтириш;
барча полигонлар ҳолатини ўрнатилган талабларга мувофиқлаштириш, ёпилган полигон ерларини тўлиқ рекультивация қилиш;
қаттиқ маиший чиқиндилар билан боғлиқ ишларни амалга ошириш объектларида муқобил энергия манбаларидан 35 фоизгача фойдаланиш;
полигонлар ҳолати мониторингини (ер ости (сизот) сувлари ва атмосфера ҳавосининг ҳолати устидан назорат) 100 фоизгача таъминлаш.
4. 2019-2028 йиллар даврида Ўзбекистон Республикасида қаттиқ маиший чиқиндилар билан боғлиқ ишларни амалга ошириш стратегиясини амалга ошириш бўйича Ҳаракатлар дастури (кейинги ўринларда - Ҳаракатлар дастури) 2-иловага мувофиқ тасдиқлансин.
5. Ўзбекистон Республикаси Молия вазирлиги ҳар йили Ўзбекистон Республикаси Давлат бюджети параметрларини шакллантириш чоғида Ўзбекистон Республикаси Экология ва атроф-муҳитни муҳофаза қилиш давлат қўмитасининг асосланган ҳисоб-китоблари бўйича Ҳаракатлар дастурида кўзда тутилган тадбирларни амалга ошириш учун маблағлар ажратилишини назарда тутсин.
6. Ўзбекистон Республикаси Инвестициялар ва ташқи савдо вазирлиги ҳамда Молия вазирлиги Ҳаракатлар дастурида кўзда тутилган инвестиция лойиҳаларининг амалга оширилишини, шунингдек, маиший чиқиндилар билан боғлиқ ишларни амалга ошириш соҳасидаги лойиҳаларни амалга ошириш учун халқаро молия институтларининг имтиёзли молиялаштириш маблағларининг хусусий секторга жалб қилинишини таъминласин.
7. Ўзбекистон Республикаси Экология ва атроф-муҳитни муҳофаза қилиш давлат қўмитаси аҳолининг экологик маданиятини ошириш бўйича ишларни, шунингдек, атроф-муҳитни муҳофаза қилиш, табиий ресурслардан оқилона фойдаланиш ва чиқиндилар билан боғлиқ ишларни амалга ошириш соҳасида ҳуқуқбузарликлар профилактикасига алоҳида эътибор қаратган ҳолда, кенг кўламли тарғибот фаолиятини ташкиллаштиришни кучайтирсин.
8. Қуйидагиларга:
Ўзбекистон Республикаси Бош вазирининг биринчи ўринбосари - Ўзбекистон Республикаси транспорт вазири А.Ж. Раматовга - Стратегия ва Ҳаракатлар дастурининг амалга оширилишида масъул вазирлик ва идоралар фаолиятини самарали ташкиллаштириш ҳамда мувофиқлаштириш;
Ўзбекистон Республикаси Экология ва атроф-муҳитни муҳофаза қилиш давлат қўмитаси раиси Б.Т. Кучкаров, Қорақалпоғистон Республикаси Вазирлар Кенгаши раиси, вилоятлар, шаҳарлар ва туманлар ҳокимлари, масъул вазирликлар, идоралар ва бошқа ташкилотлар раҳбарларига - Стратегия ва Ҳаракатлар дастурида кўзда тутилган тадбирларнинг ўз муддатларида бажарилиши юзасидан шахсий жавобгарлик юклансин.
9. Ўзбекистон Республикаси Президенти Администрацияси ҳузуридаги Ахборот ва оммавий коммуникациялар агентлиги, Ўзбекистон Миллий ахборот агентлиги ва Ўзбекистон Миллий телерадиокомпанияси оммавий ахборот воситаларида ушбу қарорнинг мақсад ва вазифаларини ёритиш бўйича, шунингдек, Стратегия ва Ҳаракатлар дастури амалга оширилишининг бориши тўғрисида мақолалар ҳамда мавзуга оид кўрсатувларни ташкил этсин.
10. Мазкур қарорнинг ижросини назорат қилиш Ўзбекистон Республикасининг Бош вазири А.Н. Арипов зиммасига юклансин.
Ўзбекистон Республикаси Президенти Ш. Мирзиёев
Президентининг
2019 йил 17 апрелдаги
ПҚ-4291-сон қарорига
2-ИЛОВА
2019-2028 йиллар даврида Ўзбекистон Республикасида
қаттиқ маиший чиқиндилар билан боғлиқ ишларни
амалга ошириш стратегиясини амалга ошириш бўйича
ҲАРАКАТЛАР ДАСТУРИ
Т/р |
Тадбирлар номи |
Амалга ошириш механизмлари ва шакллари |
Амалга ошириш муддатлари
|
Молиялаштириш манбалари |
Масъул ижрочилар |
Кутилаётган натижалар |
I. ЧИҚИНДИЛАР БИЛАН БОҒЛИҚ ИШЛАРНИ АМАЛГА ОШИРИШ СОҲАСИДА НОРМАТИВ-ҲУҚУҚИЙ БАЗАНИ ТАКОМИЛЛАШТИРИШ
|
||||||
1. |
"Чиқиндилар тўғрисида"ги Қонуннинг янги таҳрирдаги лойиҳасини ишлаб чиқиш. |
Ўзбекистон Республикасининг "Ўзбекистон Республикасининг "Чиқиндилар тўғрисида"ги Қонунига ўзгартиш ва қўшимчалар киритиш тўғрисида"ги Қонуни лойиҳасини ишлаб чиқиш ва Вазирлар Маҳкамасига киритиш. |
2020 йил июнь |
Талаб этилмайди |
Давлат экология қўмитаси, Соғлиқни сақлаш вазирлиги, Иқтисодиёт ва саноат вазирлиги, Адлия вазирлиги, манфаатдор вазирлик ва идоралар |
Қаттиқ маиший чиқиндилар (кейинги ўринларда-ҚМЧ) билан боғлиқ ишларни амалга ошириш соҳасидаги зарур талабларни ўрнатиш. ҚМЧлар билан боғлиқ ишларни амалга ошириш соҳасида иқтисодий тартиботларнинг ҳуқуқий асосларини белгилаш ва такомиллаштириш. ҚМЧлар билан боғлиқ ишларни амалга ошириш соҳасидаги фаолиятни рағбатлантиришнинг зарур механизмларини яратиш.
|
2. |
ҚМЧлар билан боғлиқ ишларни амалга ошириш соҳасида иқтисодий тартиботларни такомиллаштириш. |
Фойдаланиш хусусиятини йўқотганидан сўнг атроф-муҳитга зарар етказувчи, ишлаб чиқариладиган ва импорт қилинадиган товарлар гуруҳи ҳамда қадоқлаш буюмларига экологик йиғимни қўллаш тартиби тўғрисида низомни тасдиқлашни кўзда тутувчи қарор лойиҳасини ишлаб чиқиш ва Вазирлар Маҳкамасига киритиш. |
2021 йил февраль |
Талаб этилмайди |
Давлат экология қўмитаси, Молия вазирлиги, Иқтисодиёт ва саноат вазирлиги, манфаатдор вазирлик ва идоралар |
Полигонларга кўмиш учун йўналтириладиган ҚМЧлар ҳажмини камайтириш. Иккиламчи моддий ресурслардан фойдаланиш ҳажмининг ўсишига эришиш. Санитария жиҳатидан тозалаш инфратузилмаси объектларининг ҳолатини яхшилаш. Санитария жиҳатидан тозалашга ихтисослаштирилган ташкилотлар қувватини сифатли ва тўлиқ ҳажмларда хизмат кўрсатиши учун зарур бўлган даражага етказиш.
|
Истеъмол қадоқлаш буюмлари (таралар)нинг депозит тизимини тартибга солувчи норматив-ҳуқуқий ҳужжат лойиҳаларини ишлаб чиқиш ва Вазирлар Маҳкамасига киритиш. |
2021 йил май |
Талаб этилмайди |
Давлат экология қўмитаси, Молия вазирлиги, Иқтисодиёт ва саноат вазирлиги, манфаатдор вазирлик ва идоралар |
Депозит тизимини жорий этиш орқали иккиламчи моддий ресурсларни йиғиш ҳажмининг ўсишига эришиш. Иккиламчи моддий ресурсларни хўжалик айланмасига жалб қилиш орқали ҚМЧларнинг ҳосил бўлишини камайтириш. ҚМЧлар ҳисобининг ягона тизимини яратишни кўзда тутувчи, истеъмол қадоқлаш буюмлари (таралар)нинг моддий ва молиявий оқимини ҳисобга олиш тизимини яратиш. ҚМЧлар билан боғлиқ ишларни амалга ошириш соҳасидаги Ўзбекистон Республикаси Давлат бюджетидан молиялаштириш юкини унинг қисмини хусусий секторга ўтказиш орқали камайтириш.
|
||
3. |
ҚМЧлар билан боғлиқ ишларни амалга ошириш соҳасида идоравий норматив-ҳуқуқий ҳужжатларни такомиллаштириш. |
"Маиший чиқиндиларни ташиш қоидалари"ни янги таҳрирда ишлаб чиқиш ва қабул қилиш. |
2019 йил декабрь |
Талаб этилмайди |
Давлат экология қўмитаси, манфаатдор вазирлик ва идоралар |
Санитария жиҳатидан тозалашга ихтисослаштирилган ташкилотлар фаолиятини такомиллаштириш. Санитария жиҳатидан тозалаш соҳасида хизматлар кўрсатилишининг юқори сифат даражасига эришиш. Санитария жиҳатидан тозалаш соҳасида хизматлар кўрсатиш механизмларини тизимлаштириш.
|
"Қаттиқ маиший чиқиндилар полигонларини лойиҳалаштириш ва улардан фойдаланиш бўйича йўриқнома"ни янги таҳрирда ишлаб чиқиш ва қабул қилиш. |
2019 йил ноябрь |
Талаб этилмайди |
Давлат экология қўмитаси, манфаатдор вазирлик ва идоралар |
|||
4. |
Услубий тавсияларни ишлаб чиқиш. |
ҚМЧларнинг тўпланиш меъёрларини аниқлаш бўйича услубий тавсияларни ишлаб чиқиш. |
2019 йил ноябрь |
Талаб этилмайди |
Давлат экология қўмитаси, манфаатдор вазирлик ва идоралар |
ҚМЧларнинг тўпланиш меъёрларини аниқлаш ва тасдиқлаш усулларини жорий этиш.
|
5. |
Санитария жиҳатидан тозалашга ихтисослаштирилган ташкилотлар фаолияти самарадорлигини баҳолашни жорий этиш. |
Санитария жиҳатидан тозалашга ихтисослаштирилган ташкилотлар фаолияти самарадорлигини баҳолаш индикаторларини ишлаб чиқиш. |
2019 йил октябрь |
Талаб этилмайди |
Давлат экология қўмитаси, манфаатдор вазирлик ва идоралар |
Санитария жиҳатидан тозалашга ихтисослаштирилган ташкилотлар фаолияти самарадорлигини баҳолаш тизимини жорий этиш. Санитария жиҳатидан тозалашга ихтисослаштирилган ташкилотлар фаолияти самарадорлигини ошириш. Санитария жиҳатидан тозалаш соҳасида хизматлар кўрсатишнинг сифат даражасини ошириш. Санитария жиҳатидан тозалаш соҳасида хизматлар кўрсатиш механизмларини тизимлаштириш.
|
II. САНИТАРИЯ ЖИҲАТИДАН ТОЗАЛАШ ИНФРАТУЗИЛМАСИНИНГ МОДДИЙ ТЕХНИК БАЗАСИНИ МУСТАҲКАМЛАШ ВА РИВОЖЛАНТИРИШ
|
||||||
6. |
Санитария жиҳатидан тозалашга ихтисослаштирилган ташкилотларининг моддий техник базасини мустаҳкамлаш. |
Санитария жиҳатидан тозалаш корхоналари учун 1333 та махсус техника харид қилиш, шу жумладан: - 345 та чиқинди ташиш техникаси; - 1 та ротопресс. |
2019 йил декабрь |
Қорақалпоғистон Республикасининг республика бюджети ва вилоятларнинг маҳаллий бюджети маблағлари (тасдиқланган дастурларни амалга ошириш учун ажратиладиган маблағлар доирасида 412,3 млрд.сўм), Осиё тараққиёт банки маблағлари (32,6 млн. АҚШ доллари), Тижорат банкларининг маблағлари (2,5 млн. АҚШ доллари) |
Давлат экология қўмитаси, Инвестициялар ва ташқи савдо вазирлиги, Молия вазирлиги, Қорақалпоғистон Республикаси Вазирлар Кенгаши, вилоятлар ҳокимликлари |
Санитария жиҳатидан тозалашга ихтисослаштирилган ташкилотлар автопаркини ва логистикасини модернизация қилиш. Аҳолини ҚМЧларни тўплаш ва олиб чиқиб кетиш хизматлари билан қамраб олиш: 2021 йилгача - 85 %; 2025 йилгача - 100 %. Санитария жиҳатидан тозалаш соҳасида хизматлар кўрсатишнинг сифат даражасини ошириш. Махсус техникалардан фойдаланиш муддатини ошириш.
|
- 670 та чиқинди ташиш техникаси; - 27 та бульдозер; |
2020 йил декабрь |
|||||
- 175 та чиқинди ташиш техникаси; - 56 та бульдозер; - 59 та автоюклагич.
|
2021 йил декабрь |
|||||
Санитария жиҳатидан тозалаш корхоналари учун 2836 та махсус техника харид қилиш ҳисобига автопаркни янгилаш ва кенгайтириш, шу жумладан: - 2 520 та чиқинди ташиш техникаси; - 316 та ҚМЧ полигонлари учун махсус техника.
|
2022-2028 йиллар |
Тижорат банкларининг маблағлари (243,5 млн. АҚШ доллари) |
Давлат экология қўмитаси |
|||
101 та автопаркни қуриш ва реконструкция қилиш, шу жумладан: - 57 та янги автопарк қуриш; - 44 та автопаркни реконструкция қилиш. |
2022 йил декабрь |
Қорақалпоғистон Республикасининг республика бюджети ва вилоятларнинг маҳаллий бюджети маблағлари (тасдиқланган дастурларни амалга ошириш учун ажратиладиган маблағлар доирасида 28,2 млрд.сўм) Экология, атроф муҳитни муҳофаза қилиш ва чиқиндилар билан боғлиқ ишларни амалга ошириш жамғармаси маблағлари (40,5 млрд. сўм)
|
Давлат экология қўмитаси, Қорақалпоғистон Республикаси Вазирлар Кенгаши, вилоятлар ҳокимликлари |
|||
Қорақалпоғистон Республикаси ва вилоятларда 13 та сервис марказларини қуриш. |
2019-2021 йиллар |
Осиё тараққиёт банки маблағлари (15,6 млн. АҚШ доллари) |
Давлат экология қўмитаси, Инвестициялар ва ташқи савдо вазирлиги, Молия вазирлиги, Қорақалпоғистон Республикаси Вазирлар Кенгаши, вилоятлар ҳокимликлари
|
|||
7. |
ҚМЧларни вақтинча жойлаштириш объектларини ташкил этиш. |
Аҳоли яшаш пунктларида 59 та янги чиқинди тўплаш шохобчалари (ЧТШ)ни қуриш. Контейнерлар харид қилиш: - махсус техника (мультилифт) учун - 291 та; - ижтимоий аҳамиятга эга объектлар учун -13 567 та. |
2019-2020 йиллар |
Қорақалпоғистон Республикасининг республика бюджети ва вилоятларнинг маҳаллий бюджети маблағлари (тасдиқланган дастурларни амалга ошириш учун ажратиладиган маблағлар доирасида 6,1 млрд.сўм), Осиё тараққиёт банки маблағлари (3,4 млн. АҚШ доллари) |
Давлат экология қўмитаси, Инвестициялар ва ташқи савдо вазирлиги, Молия вазирлиги, Қорақалпоғистон Республикаси Вазирлар Кенгаши, вилоятлар ҳокимликлари |
Санитария жиҳатидан тозалаш инфратузилмасини ривожлантириш. Намунали ёки алоҳида лойиҳаларга мувофиқ янги ЧТШларни қуриш. Махсус техника (мультилифт)ларни контейнерлар билан жиҳозлаш. Ижтимоий аҳамиятга эга объектларда ҚМЧларни вақтинча тўплаш ва сақлаш жойларини контейнерлар билан жиҳозлаш (мактабгача таълим муассасаларида 4463 та ва ўқув муассасаларида 9104 та).
|
III. ҚМЧ ПОЛИГОНЛАРИНИ ОПТИМАЛЛАШТИРИШ
|
||||||
8. |
ҚМЧ полигонлари (чиқиндихоналар)нинг сонини оптималлаштириш. |
Санитария ва экологик талабларга жавоб бермайдиган ҚМЧ полигонларининг фаолиятини тўхтатиш: - полигонларнинг атроф муҳитга таъсирини баҳолаш; - полигонларни ёпиш (рекультивация қилиш)ни лойиҳалаштириш; - полигонларни ёпиш (рекультивация қилиш); - мавжуд полигонларни реконструкция қилиш ва замонавий технологиялар асосида янги полигонларни қуриш. |
2019-2028 йиллар |
Қорақалпоғистон Республикасининг республика бюджети ва вилоятларнинг маҳаллий бюджети (тасдиқланган дастурларни амалга ошириш учун ажратиладиган маблағлар доирасида), ХМИ, Экология, атроф муҳитни муҳофаза қилиш ва чиқиндилар билан боғлиқ ишларни амалга ошириш жамғармаси, тўғридан-тўғри хорижий инвестиция маблағлари (маблағлар миқдори лойиҳа-смета ҳужжатларини ишлаб чиқиш натижаларига мувофиқ аниқланади) |
Давлат экология қўмитаси, Инвестициялар ва ташқи савдо вазирлиги, Молия вазирлиги, Қорақалпоғистон Республикаси Вазирлар Кенгаши, вилоятлар ҳокимликлари |
Умумий майдони 1 108,6 гектарга тенг 167 та полигонни ёпиш ва рекультивация қилиш, фаолият юритаётган полигонлар ўрнида умумий майдони 693,3 гектарга тенг 54 та модернизациялашган полигон яратиш ва умумий майдони 80 гектарга тенг 5 та полигон қуриш ҳисобига полигонлар сонини оптималлаштириш, шу жумладан: 1) 2019-2021 йилларда: 18 та полигонни ёпиш; 3 та полигонни реконструкция қилиш; 2 та янги полигон қуриш; 5 та биогумус олиш объектларини яратиш; 2) 2022-2025 йилларда: 79 та полигонни ёпиш; 25 та полигонни реконструкция қилиш; 2 та янги полигон қуриш; 27 та биогумус олиш объектларини яратиш; 3) 2026-2028 йилларда: 70 та полигонни ёпиш; 26 та полигонни реконструкция қилиш; 1 та янги полигон қуриш; 27 та биогумус олиш объектларини яратиш.
|
9. |
Қайта юклаш станция (пункт)ларини ташкил этиш. |
95 та қайта юклаш станция (пункт)ларини, шу жумладан аҳоли сони 2 минг кишидан 600 минг кишигача бўлган аҳоли яшаш пунктлари учун қайта юклаш узелларини (зичлаш ускуналарини ўрнатган ҳолда) қуриш. |
2022-2025 йиллар |
Жалб этиладиган ХМИ ва тўғридан-тўғри хорижий инвестиция маблағлари (маблағлар миқдори лойиҳа-смета ҳужжатларини ишлаб чиқиш натижаларига мувофиқ аниқланади) |
Давлат экология қўмитаси, Инвестициялар ва ташқи савдо вазирлиги, Қорақалпоғистон Республикаси Вазирлар Кенгаши, вилоятлар ҳокимликлари |
95 та қайта юклаш станция (пункт)ларини қуриш. ҚМЧлар билан боғлиқ ишларни амалга ошириш соҳасида логистика тизимини модернизация қилиш ва оптималлаштириш. ҚМЧларнинг ресурс қисмини ишлаб чиқаришга жалб қилиш. ҚМЧларни ташиш учун транспорт воситаларининг қатновлари сонини камайтириш. Ер ресурсларидан оқилона фойдаланилишини таъминлаш.
|
10. |
Республиканинг узоқ аҳоли яшаш пунктларида ҚМЧларни утилизация қилиш бўйича инфратузилмани яратиш. |
52 та узоқ, бориш қийин бўлган, аҳоли яшаш пунктларида санитария жиҳатидан тозалаш инфратузилмаси объектларини қуриш, шу жумладан: 2019-2021 йилларда - 10 та; 2022-2025 йилларда - 38 та; 2026-2028 йилларда - 4 та. |
2019-2028 йиллар |
Жалб этиладиган ХМИ ва Тижорат банкларининг маблағлари (маблағлар миқдори лойиҳа-смета ҳужжатларини ишлаб чиқиш натижаларига мувофиқ аниқланади) |
Давлат экология қўмитаси, Инвестициялар ва ташқи савдо вазирлиги, Қорақалпоғистон Республикаси Вазирлар Кенгаши, вилоятлар ҳокимликлари |
Бориш қийин бўлган, узоқ аҳоли яшаш пунктларида ҚМЧларни тўплаш, вақтинча сақлаш ва ташиш бўйича инфратузилмани яратиш. 52 та аҳоли яшаш пунктларида биомассани компостерлаш объектларини яратиш.
|
IV. ИНВЕСТИЦИЯВИЙ ЛОЙИҲАЛАРНИ АМАЛГА ОШИРИШ
|
||||||
11. |
Осиё тараққиёт банки иштирокида "Тошкент шаҳрида қаттиқ маиший чиқиндиларни бошқариш" лойиҳасини амалга ошириш. |
1. 182 та янги махсус техникаларни фойдаланишга топшириш. 2. Тошкент шаҳридаги 2 та қайта юклаш станциясини реконструкция қилиш ва 1 та қайта юклаш станциясини ёпиш. 3. "Махсустранс" ДУКнинг Чилонзор ва Миробод туман филиаллари автопаркларини реконструкция қилиш. 4. Янги сервис марказини қуриш. 5. Янги контейнерлар харид қилиш: - махсус техникалар учун - 300 та; - ишлатилиб бўлинган симобли лампа, батарейка ва бошқаларни тўплаш учун - 500 та; 6. ҚМЧ полигонларида фойдаланиш учун 14 та махсус техника харид қилиш.
|
2019 йил август 2020 йил сентябрь 2019-2021 йиллар 2019-2021 йиллар 2019-2021 йиллар 2019-2021 йиллар
|
Осиё тараққиёт банкининг кредит маблағлари (33,1 млн. АҚШ доллари) |
Тошкент шаҳар ҳокимлиги Инвестициялар ва ташқи савдо вазирлиги, Давлат экология қўмитаси, "Махсустранс" ДУК |
"Махсустранс" ДУКнинг моддий техника базасини мустаҳкамлаш. Автопаркни янгилаш ҳисобига кўрсатилаётган хизматлар сифатини яхшилаш. Қайта юклаш станцияларини модернизация қилиш ҳисобига уларнинг қувватини суткасига 700 тоннадан 1000 тоннага ошириш. |
12. |
Франция тараққиёт агентлиги иштирокида "Самарқанд шаҳрида қаттиқ маиший чиқиндиларни бошқаришни модернизация қилиш" лойиҳасини амалга ошириш. |
1. 80 та махсус техника харид қилиш, шу жумладан: - 70 та метан ускунали чиқинди ташиш техникаси; - 10 та чиқинди ташиш техникаси-мультилифт - ҳар бири 6 та контейнери билан. 2. Икки гектар майдон ҳудудида махсус техникалар учун гараж қуриш. 3. 30 та чиқинди тўплаш шохобчаларини қуриш. 4. Чиқинди тўплаш шохобчаларини 2100 та контейнер билан жиҳозлаш. 5. Полигонда фойдаланиш учун 8 та махсус техника харид қилиш, шу жумладан: - самосвал - 3 та; - бульдозер - 2 та; - автоюклагич - 1 та; - занжирли экскаватор - 1 та; - ғилдиракли экскаватор - 1 та. 6. Полигонда газни ушлаб қолиш ва фойдаланиш тизимини жорий этиш. 7. ҚМЧларни саралаш тизимини сотиб олиш ва полигонга ўрнатиш. 8. ҚМЧларни қайта ишлаш комплексини қуриш.
|
2019 йил декабрь 2020 йил декабрь 2020 йил ноябрь 2020 йил ноябрь 2020 йил декабрь 2021 йил октябрь 2021 йил ноябрь 2021 йил декабрь |
Франция тараққиёт агентлигининг кредит маблағлари (20,6 млн. АҚШ доллари) |
Самарқанд шаҳар ҳокимлиги Инвестициялар ва ташқи савдо вазирлиги, "Мароканд обод" ДУК, Давлат экология қўмитаси |
"Мароканд обод" ДУКнинг моддий техника базасини мустаҳкамлаш. Автопаркни янгилаш ҳисобига кўрсатилаётган хизматлар сифатини яхшилаш. Санитария жиҳатидан тозалаш инфратузилмасини яратиш. ҚМЧларнинг ресурс қисмини ишлаб чиқаришга жалб қилиш ҚМЧларни комплексли бошқариш вазифаларини ечиш. |
13. |
Осиё тараққиёт банки иштирокида иккита шаҳар мисолида (Тошкент ва Бекобод шаҳарлари) "Давлат хусусий шериклик тамойили шароитида ҚМЧларни бошқаришнинг тўлиқ жараёни концепциясини ишлаб чиқиш". |
1. Тошкент ва Бекобод шаҳарларида санитария жиҳатидан тозалаш хизматларининг ДХШ асосида ишлаб чиқилиши мумкин бўлган, лойиҳанинг оптимал тузилмасини белгилаб олиш. 2. Чиқиндилар билан боғлиқ ишларни амалга ошириш соҳасида кўрсатилаётган хизматлар ҳажми, харажатлар ҳисоби, иқтисодий жиҳатдан мақсадга мувофиқлиги, шунингдек, хусусий сектор иштирокининг имкониятларини ҳисобга олган ҳолда, лойиҳаларни амалга ошириш учун концепция ишлаб чиқиш. 3. Тасдиқланган концепция доирасида ДХШ асосида лойиҳаларни амалга ошириш учун хусусий шерикларни танлаб олиш бўйича танлов (тендер) талабларини ишлаб чиқиш.
|
2019-2020 йиллар |
Осиё тараққиёт банкининг техник кўмаги (Осиё-Тинч океани минтақаси) Грант маблағлари (650 минг. АҚШ доллари) |
Давлат экология қўмитаси, Инвестициялар ва ташқи савдо вазирлиги |
ҚМЧларнинг морфологик таркиби ва ҳудудларнинг географик тавсифлари асосида ҚМЧлар билан боғлиқ ишларни амалга ошириш соҳасидаги ДХШнинг турли шаклларини таҳлил қилиш ва аниқлаш имкониятларини ошириш. ҚМЧлар билан боғлиқ ишларни амалга ошириш соҳасидаги ДХШ лойиҳаларини танлаб олиш имкониятларини ошириш. |
Эслатма: Ушбу Стратегияда кўзда тутилган тадбирларни амалга ошириш учун жалб этиладиган маблағлар миқдори 18 492,8 млрд сўм (2188,2 млн АҚШ доллари экв.)ни ташкил қилади, шундан:
- Давлат бюджети параметрларида кўзда тутилган маблағлар - 1 751,7 млрд сўм (207,3 млн АҚШ доллари экв.);
- халқаро молия институтлари ва тижорат банкларининг кредит маблағлари - 7 836,1 млрд сўм (927,2 млн АҚШ доллари экв.);
- Экология, атроф муҳитни муҳофаза қилиш ва чиқиндилар билан боғлиқ ишларни амалга ошириш жамғармаси маблағлари - 1624,3 млрд сўм (192,2 млн АҚШ доллари экв.);
- тўғрида-тўғри инвестициялар - 5287,2 млрд сўм (625,6 млн. АҚШ доллари экв.);
- грант маблағлари - 11,4 млрд. сўм (1,35 млн АҚШ доллари экв.);
- ҚМЧлар билан боғлиқ ишларни комплекс амалга ошириш кластерлари маблағлари - 1982,1 млрд сўм (234,5 млн АҚШ доллари экв.).
Қонун ҳужжатлари маълумотлари миллий базаси (www.lex.uz),
2019 йил 18 апрель
"Халқ сўзи", 2019 йил 18 апрель
"Ўзбекистон Республикаси қонун ҳужжатлари тўплами",
2019 йил 22 апрель, 16-сон, 307-модда