Внимание!

Документ утратил силу.
Смотрите подробности в начале документа.


ВСЕ ЗАКОНОДАТЕЛЬСТВО УЗБЕКИСТАНА

ЎзР Конунчилиги / Хўжалик ва тадбиркорлик фаолиятининг умумий масалалари / Ўз кучини йўқотган ҳужжатлар / Инвестициялар /

Ўзбекистон Республикаси Президентининг 13.04.2019 й. ПҚ-4287-сон "Тошкент вилоятида 850 МВт қувватга эга комбинацияланган циклли иссиқлик электр станциясини қуриш" инвестиция лойиҳасини амалга ошириш чора-тадбирлари тўғрисида"ги Қарори

Функция недоступна

Данная функция доступно только для клиентов (пользователей)

Полный текст документа доступен в платной версии. По вопросам звоните на короткий номер 1172

ЎЗБЕКИСТОН РЕСПУБЛИКАСИ

ПРЕЗИДЕНТИНИНГ

ҚАРОРИ

13.04.2019 й.

N ПҚ-4287



"ТОШКЕНТ ВИЛОЯТИДА 850 МВТ ҚУВВАТГА ЭГА

КОМБИНАЦИЯЛАНГАН ЦИКЛЛИ ИССИҚЛИК ЭЛЕКТР

СТАНЦИЯСИНИ ҚУРИШ" ИНВЕСТИЦИЯ ЛОЙИҲАСИНИ

АМАЛГА ОШИРИШ ЧОРА-ТАДБИРЛАРИ ТЎҒРИСИДА


[Кўчирма]


Мамлакатимизнинг энергетика тармоғини жадал ривожлантириш, унинг рақобатбардошлигини ошириш, шунингдек электр энергиясини ишлаб чиқаришнинг янги қувватларини қуришга тўғридан-тўғри хорижий инвестицияларни фаол жалб қилишни таъминлаш мақсадида:


1. Ўзбекистон Республикасининг Туркия Республикаси билан ҳамкорлиги доирасида Энергетика вазирлиги, Инвестициялар ва ташқи савдо вазирлиги, Молия вазирлиги ҳузуридаги Давлат-хусусий шерикликни ривожлантириш агентлиги томонидан "Cengiz Enerji Sanayii ve Ticaret A.Ş" (Туркия) компанияси (кейинги ўринларда - инвестор) билан 240 MВт (1-босқич) ва 610 МВт (2-босқич) қувватли комбинацияланган циклли иссиқлик электр станциясини қуриш лойиҳасини амалга ошириш тўғрисида келишувга эришилганлиги маълумот учун қабул қилинсин.


2. Ўзбекистон Республикаси Энергетика вазирлиги, Инвестициялар ва ташқи савдо вазирлиги, Молия вазирлиги ҳузуридаги Давлат-хусусий шерикликни ривожлантириш агентлигининг:

a) инвестор кафолати асосида жалб қилинадиган тўғридан-тўғри хорижий инвестиция ва кредитлар ҳисобига молиялаштириш орқали Тошкент вилоятида 850 МВт умумий қувватли комбинацияланган циклли иссиқлик электр станциясини қуриш (кейинги ўринларда - инвестиция лойиҳаси):

биринчи босқичда - электр энергиясини сотиб олиш тўғрисида келишув кучга кирган кундан бошлаб 12 ой мобайнида 240 МВт қувватни;

иккинчи босқичда - электр энергиясини сотиб олиш тўғрисида келишув кучга кирган кундан бошлаб 24 ой мобайнида 610 МВт қувватни фойдаланишга топшириш тўғрисидаги;

б) "Ўзбекистон миллий электр тармоқлари" АЖ ва инвестор ўртасида электр энергиясини сотиб олиш тўғрисида келишувни лойиҳани амалга оширишнинг биринчи босқичи бўйича 20 йил муддатга ва иккинчи босқичи бўйича 25 йил муддатга тузиш тўғрисидаги таклифларига розилик берилсин.


3. Ўзбекистон Республикаси Молия вазирлиги инвестиция лойиҳаси доирасида ишлаб чиқарилган электр энергиясини уч ойлик сотиб олиш ҳажмини қоплаш учун "Ўзбекистон миллий электр тармоқлари" АЖга фоизсиз бюджет ссудаси ажратилишини кўзда тутсин.


4. Ўзбекистон Республикаси Инвестициялар ва ташқи савдо вазирлиги:

инвестиция лойиҳасини амалга ошириш учун инвестиция келишувини инвестор билан Ўзбекистон Республикаси номидан белгиланган тартибда тузсин;

инвестиция келишуви тузилгандан сўнг икки ҳафта муддатда Ўзбекистон Республикаси Энергетика вазирлиги билан биргаликда инвестиция лойиҳасини амалга ошириш бўйича тармоқ жадвалини тасдиқласин.

Ўзбекистон Республикаси Энергетика вазирлигига Инвестициялар ва ташқи савдо вазирлиги билан биргаликда инвестиция лойиҳасини амалга ошириш доирасида инвестор билан тузиладиган келишувлар ва контрактларни тайёрлашда кўмаклашиш ва экспертиза қилиш учун "White & Case" халқаро юридик компаниясини тўғридан-тўғри музокаралар орқали жалб қилишга рухсат берилсин.


5. Тошкент вилояти ҳокимлиги Ўзбекистон Республикаси Ер ресурслари, геодезия, картография ва давлат кадастри давлат қўмитаси билан биргаликда бир ой муддатда инвесторга инвестиция лойиҳасини амалга ошириш муддатига тенг даврга фойдаланиш учун бепул асосда ер участкасининг белгиланган тартибда ажратилишини таъминласин.


6. Ўзбекистон Республикаси Энергетика вазирлиги, Уй-жой коммунал хизмат кўрсатиш вазирлиги, Ахборот технологиялари ва коммуникацияларни ривожлантириш вазирлиги, Транспорт вазирлиги инвестиция лойиҳасини амалга ошириш учун ажратиладиган ер участкаси чегараси олдига зарур бўлган муҳандислик-коммуникация тармоқлари, шу жумладан сув таъминоти, газ таъминоти, электр энергияси таъминоти ва канализация ўтказиб берилишини таъминласин.


7. Инвестиция лойиҳасини амалга ошириш доирасида, истисно тариқасида қуйидагилар озод этилсин:

а) 2022 йил 1 январга қадар белгиланган тартибда шакллантириладиган рўйхатлар бўйича четдан олиб келинадиган, шу жумладан "вақтинча олиб кириш" божхона режимида олиб кириладиган Ўзбекистон Республикасида ишлаб чиқарилмайдиган материаллар, ускуна, махсус ва транспорт техникалари, уларнинг эҳтиёт қисмлари, приборлар ва асбоблар, техник ва лойиҳа ҳужжатлари, дастурий таъминот - божхона тўловларидан (божхона йиғимларидан ташқари);

б) импорт қилинадиган материаллар, машина ва механизмлар, бутловчи буюмлар ва узеллар, технологик жиҳоз, приборлар, эҳтиёт қисмлар, асбоблар - республикада аккредитациядан ўтган тегишли синов лабораториялари мавжуд бўлмаган ҳолда мажбурий сертификация амалиётидан.


9. Инвесторга 2021 йил 1 майга қадар, истисно тариқасида, инвестиция лойиҳасини амалга ошириш доирасида лойиҳалаш ишларини ва молиялаштиришни қурилиш-монтаж ишлари билан параллел равишда олиб боришга рухсат берилсин.


10. Ўзбекистон Республикаси Қурилиш вазирлиги инвестиция лойиҳасини амалга ошириш доирасида лойиҳа-смета ҳужжатларининг давлат экспертизасини ҳамда қурилиш-монтаж ишларининг сифатли бажарилиши устидан тегишли даражадаги давлат архитектура-қурилиш назоратини таъминласин.


11. Ўзбекистон Республикаси Ташқи ишлар вазирлиги инвесторнинг буюртманомаларига кўра инвестиция лойиҳасини амалга оширишда қатнашувчи хорижий мутахассисларга кириш визаларини консуллик ва бошқа йиғимларни ундирмаган ҳолда белгиланган тартибда расмийлаштирилиши ва муддати узайтирилишини таъминласин.


12. Ўзбекистон Республикаси Ички ишлар вазирлиги инвесторнинг буюртманомалари кўра инвестиция лойиҳасини амалга оширишда қатнашувчи хорижий мутахассисларга кўп марталик визалар берилиши ва муддати узайтирилишини, шунингдек, уларнинг вақтинча турган жойи бўйича рўйхатга олиниши ҳамда муддати узайтирилишини давлат божини ундирмаган ҳолда белгиланган тартибда таъминласин.

13. Мазкур қарорнинг ижросини назорат қилиш Ўзбекистон Республикасининг Бош вазири А.Н. Арипов, Ўзбекистон Республикаси Бош вазирининг ўринбосари Э.М. Ғаниев ва Ўзбекистон Республикаси Бош вазирининг маслаҳатчиси А.С. Султанов зиммасига юклансин.



Ўзбекистон Республикаси Президенти                             Ш. Мирзиёев



Қонун ҳужжатлари маълумотлари миллий базаси (www.lex.uz),

2019 йил 13 апрель





































Время: 0.2055
по регистрации МЮ строгое соответствие
  • Все
  • действующие
  • утратившие силу
  • Русский
  • Ўзбекча
  • Оба языка
  • любая дата
  • точная дата
  • период
  • -

Свернуть поиск