Ўзбекистон Республикаси Президентининг 16.01.2019 й. ПҚ-4120-сон "Ўзбекистон Республикасининг Хитой Халқ Республикасидаги Элчихонаси ташкилий-штат тузилмасини такомиллаштириш чоралари тўғрисида"ги Қарори

Функция недоступна

ЎЗБЕКИСТОН РЕСПУБЛИКАСИ

ПРЕЗИДЕНТИНИНГ

ҚАРОРИ

16.01.2019 й.

N ПҚ-4120

ЎЗБЕКИСТОН РЕСПУБЛИКАСИНИНГ ХИТОЙ ХАЛҚ

РЕСПУБЛИКАСИДАГИ ЭЛЧИХОНАСИ ТАШКИЛИЙ-

ШТАТ ТУЗИЛМАСИНИ ТАКОМИЛЛАШТИРИШ

ЧОРАЛАРИ ТЎҒРИСИДА

Шанхай ҳамкорлик ташкилоти (кейинги ўринларда - ШҲТ) билан ўзаро манфаатли шерикчиликни ривожлантириш бўйича тизимли ишларни ташкил этиш, сиёсий, савдо-иқтисодий, молия-инвестицион ва маданий-гуманитар соҳалардаги кўп томонлама ҳамкорликнинг устувор йўналишларини янада изчил ривожлантириш ва амалда татбиқ этиш, ШҲТ доирасида ўтказиладиган халқаро тадбирларда республиканинг самарали иштирокини таъминлаш, шунингдек, Ўзбекистон Республикасининг Хитой Халқ Республикасидаги Элчихонасининг мазкур Ташкилот билан ўзаро самарали муносабатларига кўмаклашиш мақсадида:

1. 2019 йилнинг 1 февралидан Ўзбекистон Республикасининг Хитой Халқ Республикасидаги Элчихонаси штатлар жадвалига меҳнатга ҳақ тўлаш фондини тегишли равишда ўзгартирган ҳолда биринчи котиб қўшимча лавозими (1 нафар) киритилсин.

3. Ўзбекистон Республикаси Ташқи ишлар вазирлиги хорижий муассасанинг ташкилий-штат тузилмасидаги ўзгаришларни ҳисобга олган ҳолда Ўзбекистон Республикасининг Хитой Халқ Республикасидаги Элчихонасини 2019 йилдаги харажатлар сметасини тасдиқласин.

4. Ўзбекистон Республикаси Молия вазирлиги Ўзбекистон Республикасининг Хитой Халқ Республикасидаги Элчихонаси харажатларини штат жадвалидаги ўзгаришларни инобатга олган ҳолда 2019 йилга мўлжалланган бюджетда хориждаги муассасаларни молиялаштириш бўйича тасдиқланган миқдорлар доирасида молиялаштирсин.

5. Ўзбекистон Республикаси Президентининг "Ўзбекистон Республикасининг Хитой Халқ Республикасидаги Элчихонасининг ташкилий-штат тузилмасини такомиллаштириш тўғрисида"ги 2018 йил 11 июлдаги ПҚ-3844-сон қарорининг 3-банди ва иловаси ўз кучини йўқотган деб ҳисоблансин.

6. Мазкур қарорнинг ижросини назорат қилиш Ўзбекистон Республикаси Президенти ҳузуридаги Хавфсизлик кенгаши котиби В.В. Махмудов ва Ўзбекистон Республикаси ташқи ишлар вазири А.Х. Камилов зиммасига юклатилсин.

Ўзбекистон Республикаси Президенти                       Ш. Мирзиёев