ВСЕ ЗАКОНОДАТЕЛЬСТВО УЗБЕКИСТАНА
ЎзР Конунчилиги / Ахборот. Ахборотлаштириш. Алоқа / Қўшимчалар ва ўзгартиришлар киритилган ҳужжатлар / Алоқа /Ўзбекистон Республикаси Вазирлар Маҳкамасининг 19.08.2019 й. 697-сон "Ўзбекистон Республикасида радиочастота спектридан фойдаланганлик учун ҳақ тўлаш тартиби тўғрисидаги низомга ўзгартириш киритиш тўғрисида"ги Қарори
Полный текст документа доступен в платной версии. По вопросам звоните на короткий номер 1172
ЎЗБЕКИСТОН РЕСПУБЛИКАСИ
ВАЗИРЛАР МАҲКАМАСИНИНГ
ҚАРОРИ
19.08.2019 й.
N 697
ЎЗБЕКИСТОН РЕСПУБЛИКАСИДА
РАДИОЧАСТОТА СПЕКТРИДАН ФОЙДАЛАНГАНЛИК
УЧУН ҲАҚ ТЎЛАШ ТАРТИБИ ТЎҒРИСИДАГИ НИЗОМГА
ЎЗГАРТИРИШ КИРИТИШ ТЎҒРИСИДА
Ўзбекистон Республикаси Президентининг "Ўзбекистон Республикаси аҳоли пунктларида телекоммуникация инфратузилмасини жадал ривожлантириш чора-тадбирлари тўғрисида" 2019 йил 22 майдаги ПҚ-4329-сон қарори ижросини таъминлаш, шунингдек, республикада симсиз кенг полосали уланиш тармоқларини ривожлантиришга шарт-шароитлар яратиш мақсадида Вазирлар Маҳкамаси ҚАРОР ҚИЛАДИ:
1. Вазирлар Маҳкамасининг 2001 йил 26 октябрдаги 429-сон қарори (Ўзбекистон Республикаси ҚТ, 2001 й., 10-сон, 30-модда) билан тасдиқланган Ўзбекистон Республикасида радиочастота спектридан фойдаланганлик учун ҳақ тўлаш тартиби тўғрисидаги низомга иловага мувофиқ ўзгартиришлар киритилсин.
2. Ўзбекистон Республикаси Ахборот технологиялари ва коммуникацияларини ривожлантириш вазирлиги манфаатдор вазирликлар ва идоралар билан биргаликда ўзлари қабул қилган норматив-ҳуқуқий ҳужжатларни бир ой муддатда ушбу қарорга мувофиқлаштирсин.
3. Мазкур қарорнинг бажарилишини назорат қилиш Ўзбекистон Республикаси ахборот технологиялари ва коммуникацияларини ривожлантириш вазири Ш.М. Садиков зиммасига ҳамда Ўзбекистон Республикаси Вазирлар Маҳкамасининг Телекоммуникациялар, IT-технологиялар ва инновацион фаолиятни ривожлантириш, ахборот хавфсизлигини таъминлаш масалалари котибиятига юклансин.
Ўзбекистон Республикасининг Бош вазири А. Арипов
2019 йил 19 августдаги
697-сон қарорига
ИЛОВА
Ўзбекистон Республикасида радиочастота
спектридан фойдаланганлик учун ҳақ тўлаш
тартиби тўғрисидаги низомга киритилаётган
ўзгартиришлар
1. 5-банднинг биринчи хатбошидаги "уларнинг Ўзбекистон Республикаси Молия вазирлигига тақдим этилган декларацияси билан биргаликда" сўзлари чиқариб ташлансин.
2. 7-банднинг:
еттинчи хатбошидаги "энг кам ойлик иш ҳақи миқдори" сўзлари "базавий ҳисоблаш миқдори" сўзлари билан алмаштирилсин;
"Радиочастота спектрининг тижорат қиммати коэффициенти" жадвалининг:
4 ва 5-позициялари чиқариб ташлансин;
9-позиция қуйидаги таҳрирда баён қилинсин:
" |
9. |
Маълумотларни симсиз узатиш (2400 - 2483,5 МГц ва 5000 - 5999 МГц радиочастоталари полосаларидаги wi-fi технологиялари бундан мустасно)
|
70 |
". |
3. 8-банддаги "энг кам ойлик иш ҳақининг" сўзлари "базавий ҳисоблаш миқдорининг" сўзлари билан алмаштирилсин.
Изоҳ. 2-банднинг иккинчи хатбоши ва 3-банд 2019 йил 1 сентябрдан бошлаб кучга киради.
Қонун ҳужжатлари маълумотлари миллий базаси (www.lex.uz),
2019 йил 20 август