ВСЕ ЗАКОНОДАТЕЛЬСТВО УЗБЕКИСТАНА
ЎзР Конунчилиги / Таълим. Фан. Маданият / Маданият / Тасвирий санъат. Музейлар /Ўзбекистон Республикаси Вазирлар Маҳкамасининг 19.12.2019 й. 1019-сон "2020-2021 йилларда Ўзбекистон Республикасида музейлар фаолиятини такомиллаштириш дастурини тасдиқлаш тўғрисида"ги Қарори
Полный текст документа доступен в платной версии. По вопросам звоните на короткий номер 1172
ЎЗБЕКИСТОН РЕСПУБЛИКАСИ
ВАЗИРЛАР МАҲКАМАСИНИНГ
ҚАРОРИ
19.12.2019 й.
N 1019
2020-2021 ЙИЛЛАРДА ЎЗБЕКИСТОН
РЕСПУБЛИКАСИДА МУЗЕЙЛАР ФАОЛИЯТИНИ
ТАКОМИЛЛАШТИРИШ ДАСТУРИНИ
ТАСДИҚЛАШ ТЎҒРИСИДА
Ўзбекистон Республикаси Президентининг "Ўзбекистон Республикасида маданият ва санъат соҳасини инновацион ривожлантириш тўғрисида" 2018 йил 26 августдаги ПҚ-3920-сон қарори ижросини таъминлаш, шунингдек, музейларни ривожлантиришнинг инновацион ва амалий механизмини ишлаб чиқиш, кўрсатилаётган хизматлар сифатини ошириш, инфратузилмани яхшилаш, санъат ва бадиий ижодни ривожлантириш учун зарур шарт-шароитлар яратиш, жаҳон маданияти майдонида мамлакатнинг нуфузини мустаҳкамлаш мақсадида Вазирлар Маҳкамаси ҚАРОР ҚИЛАДИ:
1. Ўзбекистон Республикаси Маданият вазирлиги, Маданият вазирлиги ҳузуридаги Маданият ва санъатни ривожлантириш жамғармаси (кейинги ўринларда Жамғарма деб аталади), Инновацион ривожланиш вазирлиги, Молия вазирлиги, Иқтисодиёт ва саноат вазирлиги томонидан ишлаб чиқилган қуйидагиларни назарда тутувчи 2020-2021 йилларда Ўзбекистон Республикасида музейлар фаолиятини такомиллаштириш дастури (кейинги ўринларда Дастур деб аталади) 1-иловага мувофиқ тасдиқлансин:
Ўзбекистон музейларини реновация қилиш;
Ўзбекистон Давлат санъат музейи фаолиятини такомиллаштириш;
Тошкент шаҳар, Сайилгоҳ кўчаси, 1-уй манзилида жойлашган собиқ князь Романов қароргоҳини реконструкция қилиш ва фаолиятини таъминлаш.
2. 2020-2021 йилларда Ўзбекистон Республикасида музейлар фаолиятини такомиллаштириш дастурини амалга ошириш бўйича ишчи гуруҳ таркиби (кейинги ўринларда ишчи гуруҳ деб аталади) 2-иловага мувофиқ тасдиқлансин.
3. Қуйидагилар Дастурни молиялаштириш манбалари этиб белгилансин:
Ўзбекистон Республикасининг 2020-2022 йилларга мўлжалланган Инвестиция дастури доирасида ажратиладиган маблағлар;
халқаро ташкилотларнинг грантлари;
Жамғарманинг маблағлари;
юридик ва жисмоний шахсларнинг ҳомийлик хайриялари;
қонун ҳужжатлари билан тақиқланмаган бошқа манбалар.
4. Ишчи гуруҳга:
Ўзбекистон Республикаси Вазирлар Маҳкамаси билан келишган ҳолда Дастурга ўзгартиришлар киритиш;
реновация қилинадиган музейларнинг низомларини тасдиқлаш, Ўзбекистон Республикаси Молия вазирлиги билан келишган ҳолда уларнинг ташкилий тузилмаси ва штатлар жадвалига ходимларнинг белгиланган умумий чекланган сони ва меҳнатга ҳақ тўлаш фонди доирасида ўзгартиришлар киритиш ҳақида Ўзбекистон Республикаси маданият вазирига таклифлар киритиш;
реновация қилинадиган музейлар фаолиятига оид қарорлар қабул қилиш ҳуқуқи берилсин.
5. Белгилансинки, Жамғарма Дастурни амалга ошириш, шу жумладан, манфаатдор вазирликлар ва идоралар фаолиятини мувофиқлаштириш учун масъул ҳисобланади.
Жамғарма Дастурни амалга ошириш доирасида товарлар, ишлар ва хизматлар харид қилиниши учун буюртмачи этиб белгилансин.
6. Ўзбекистон Республикаси Маданият вазирлиги ўн кун муддатда Ўзбекистон Давлат санъат музейи (кейинги ўринларда Музей деб аталади) биносини реконструкция қилиш ишлари вақтинча тўхтатилишини, амалга оширилган ишлар хатловдан ўтказилишини ҳамда натижалари Жамғармага топширилишини таъминласин.
7. Ўзбекистон Республикаси Иқтисодиёт ва саноат вазирлиги Молия вазирлиги ҳамда Жамғарма билан биргаликда Дастур доирасида Музей фаолиятини такомиллаштириш ва унинг биносини реконструкция қилиш харажатлари Ўзбекистон Республикасининг 2020-2022 йилларга мўлжалланган Инвестиция дастурига киритилишини таъминласин.
8. Тошкент шаҳар ҳокимлигининг:
икки ой муддатда Музей ҳудудига туташ ҳамда Шаҳрисабз, Т.Шевченко ва Якка Чинор кўчалари кесишмасида жойлашган ер участкасини Музейга белгиланган тартибда ажратиш;
Ўзбекистон Республикаси Давлат активларини бошқариш агентлиги билан биргаликда Тошкент шаҳар, Сайилгоҳ кўчаси, 1-уй манзилида жойлашган собиқ князь Романов қароргоҳини Ўзбекистон Республикаси Маданият вазирлигига оператив бошқарув ҳуқуқи асосида текин бериш тўғрисидаги таклифига розилик берилсин.
9. Ўзбекистон Республикаси Ташқи ишлар вазирлиги Жамғарманинг буюртманомалари бўйича:
Дастурни амалга ошириш мақсадлари учун зарур бўлган хорижий хизмат кўрсатувчилар ва мутахассислар жалб этилишига кўмаклашсин;
Дастурни амалга ошириш доирасида жалб этиладиган хорижий мутахассисларга кириш визаларини консуллик йиғимлари ва амалдаги харажатларни қоплаш ҳисобига йиғимлар ундирилмасдан расмийлаштирилишини белгиланган тартибда таъминласин.
10. Ўзбекистон Республикаси Маданият вазирлиги Музей қурилиши ва уни реконструкция қилиш даврида Музей коллекцияси музей коллекциялари хавфсизлиги ва сақланиши бўйича замонавий талабларга жавоб берадиган биноларга олиб чиқилиши ва вақтинча сақланишини таъминласин.
11. Ўзбекистон Республикаси Маданият вазирлиги манфаатдор вазирликлар ва идоралар билан биргаликда ўзлари қабул қилган норматив-ҳуқуқий ҳужжатларни бир ой муддатда ушбу қарорга мувофиқлаштирсин.
12. Мазкур қарорнинг бажарилишини назорат қилиш Ўзбекистон Республикаси маданият вазири Б.С.Сайфуллаев зиммасига ҳамда Вазирлар Маҳкамасининг Ёшлар сиёсати, маданият, маънавият, оммавий ахборот воситалари, ижодий ва жамоат ташкилотлари масалалари котибиятига юклансин.
Ўзбекистон Республикасининг Бош вазири А. Арипов
2019 йил 19 декабрдаги
1019-сон қарорига
1-ИЛОВА
2020-2021 йилларда Ўзбекистон Республикасида
музейлар фаолиятини такомиллаштириш
ДАСТУРИ
*) Дастурнинг ушбу секциясида назарда тутилган тадбирлар Ўзбекистон Республикаси Маданият вазирлиги ҳузуридаги Маданият ва санъатни ривожлантириш жамғармаси маблағлари ҳисобига молиялаштирилади, 2020-2022 йилларга мўлжалланган Ўзбекистон Республикаси Инвестиция дастури доирасида олинган Ўзбекистон Республикаси Давлат бюджети маблағлари ва халқаро ташкилотларининг грантлари бундан мустасно.
**) Дастурнинг ушбу секциясида назарда тутилган тадбирлар Ўзбекистон Республикаси Маданият вазирлиги ҳузуридаги Маданият ва санъатни ривожлантириш жамғармасининг бюджет бўлмаган манбаларидан ва хорижий ташкилотларнинг грантларидан шакллантирилган маблағлар ҳисобига молиялаштирилади.
2019 йил 19 декабрдаги
1019-сон қарорига
2-ИЛОВА
2020-2021 йилларда Ўзбекистон Республикасида
музейлар фаолиятини такомиллаштириш дастурини
амалга ошириш бўйича ишчи гуруҳ
ТАРКИБИ
1. Б. Сайфуллаев |
- |
Ўзбекистон Республикаси маданият вазири, ишчи гуруҳ раҳбари
|
2. А. Виаль |
- |
Лувр музейининг дипломатик маслаҳатчиси, халқаро муносабатлар бўйича Лувр музейи президентининг ёрдамчиси (Париж шаҳри) (келишув бўйича)
|
3. З. Трегулова |
- |
Давлат Третьяков галереясининг директори (Москва шаҳри) (келишув бўйича)
|
4. лавозим бўйича |
- |
Смитсон институти (АҚШ) ходими (келишув бўйича)
|
5. М. Юлдашева |
- |
Ўзбекистон Республикаси Фанлар академиясининг Санъатшунослик институти архитектура бўлими мудири
|
6. Г. Умерова |
- |
Ўзбекистон Республикаси Маданият вазирлиги ҳузуридаги Маданият ва санъатни ривожлантириш жамғармаси ижрочи директорининг ўринбосари
|
Қонун ҳужжатлари маълумотлари миллий базаси (www.lex.uz),
2019 йил 20 декабрь
78-150-11-72 
Мобильная версия сайта