Ўзбекистон Республикаси Вазирлар Маҳкамасининг 23.12.2019 й. 1027-сон "Жиззах вилоятида замонавий агрологистика комплексини ташкил этиш чора-тадбирлари тўғрисида"ги Қарори
Функция недоступна
Данная функция доступно только для клиентов (пользователей)
Полный текст документа доступен в платной версии. По вопросам звоните на короткий номер 1172
ЎЗБЕКИСТОН РЕСПУБЛИКАСИ
ВАЗИРЛАР МАҲКАМАСИНИНГ
ҚАРОРИ
23.12.2019 й.
N 1027
ЖИЗЗАХ ВИЛОЯТИДА
ЗАМОНАВИЙ АГРОЛОГИСТИКА
КОМПЛЕКСИНИ ТАШКИЛ ЭТИШ
ЧОРА-ТАДБИРЛАРИ ТЎҒРИСИДА
Жиззах вилоятида мева-сабзавот маҳсулотларини чуқур қайта ишлашни жадал ривожлантириш, юқори сифатли ва рақобатбардош тайёр маҳсулотлар ишлаб чиқаришни кенгайтириш, келгусида уларни йирик хорижий бозорларга йўналтириш, шунингдек, янги иш ўринлари яратишни таъминлаш мақсадида Вазирлар Маҳкамаси ҚАРОР ҚИЛАДИ:
1. "BMB Trade Group" (Ўзбекистон) ва "Национальная резервная корпорация" (Россия Федерацияси) компанияларининг Жиззах вилояти Шароф Рашидов туманида замонавий агрологистика комплексини барпо этиш мақсадида масъулияти чекланган жамияти шаклидаги "BMB-NRC Agrologistics" Ўзбекистон-Россия қўшма корхонасини (кейинги ўринларда агрологистика комплекси деб аталади) ташкил этиш тўғрисидаги қуйидагиларни назарда тутувчи таклифи маъқуллансин:
хорижий инвесторлар маблағларини жалб қилиш ҳисобига 10 минг тонна сиғимга эга бўлган музлаткичли камералар ва омборлар ташкил этиш ҳамда шок усулда музлатиш, қайта ишлаш, калибрлаш, саралаш, қадоқлаш ва мева-сабзавотларни қуритиш ускуналарини ўрнатиш;
мева-сабзавот ва бошқа қишлоқ хўжалиги маҳсулотларини етиштириш, сақлаш, шунингдек, божхона, банк, логистика, экспресс-лаборатория, фитосанитар, ветеринар, санитар-эпидемиологик, сертификатлаштириш ва бошқа хизматларни "ягона дарча" тамойили бўйича кўрсатиш, Россия Федерацияси ва бошқа хорижий давлатлар бозорларига хўл ва қайта ишланган тайёр маҳсулотларнинг экспортини амалга ошириш;
хорижий инвестицияларни, халқаро молия институтлари маблағларини жалб қилиш ва бошқа манбалар ҳисобига қишлоқ хўжалиги маҳсулотларини бирламчи ва чуқур қайта ишлаш ҳамда жамғаришни ташкил этиш, шунингдек, рақобатбардош маҳсулотларни ишлаб чиқариш.
2. Жиззах вилояти ҳокимлиги Ўзбекистон Республикаси Иқтисодиёт ва саноат вазирлиги, бошқа манфаатдор вазирлик ва идоралар билан биргаликда агрологистика комплекси ҳудудигача транспорт, ишлаб чиқариш ва муҳандислик-коммуникация инфратузилмаларини жадал ривожлантириш дастурини бир ой муддатда тасдиқлаш учун Вазирлар Маҳкамасига киритсин.
3. "Жиззах вилоятида замонавий агрологистика комплексини ташкил этиш" лойиҳасини амалга ошириш бўйича "йўл харитаси" иловага мувофиқ тасдиқлансин.
4. Божхона расмийлаштируви тартиб-таомилларини тезкор амалга ошириш ҳамда агрологистика комплекси ҳудудида барча турдаги хизматлар "ягона дарча" тамойили асосида кўрсатилишини таъминлаш мақсадида бир ой муддатда агрологистика комплекси ҳудудида:
Давлат божхона қўмитаси - божхона ҳужжатларини расмийлаштиш ва бериш пунктини;
Вазирлар Маҳкамаси ҳузуридаги Ўсимликлар карантини давлат инспекцияси - ўсимликлар карантини соҳасида рухсат берувчи ҳужжатларни расмийлаштириш ва бериш пунктини;
Соғликни сақлаш вазирлиги ҳузуридаги Санитария-эпидемиологик осойишталик агентлиги ва "Ўзстандарт" агентлиги - халқаро стандартларга мувофиқ озиқ-овқат ва қишлоқ хўжалиги маҳсулотларини тўлақонли синовдан ўтказиш ҳамда тегишли сертификат ва санитария-эпидемиология экспертизаси хулосаларини беришни таъминловчи замонавий синов лабораториясини;
"Ўзбекэкспертиза" АЖ - ташқи иқтисодий фаолият товар номенклатураси кодлари бўйича товарларни таснифлаш бўйича хизмат кўрсатиш, рўйхатдан ўтказиш ва товарнинг келиб чиқиш сертификатларини бериш пунктини ташкил этиш тўғрисида Ўзбекистон Республикаси Вазирлар Маҳкамасига таклифлар киритсин.
5. 2023 йил 1 январга қадар:
Ўзбекистон Республикасида ишлаб чиқарилмайдиган ва агрологистика комплекси томонидан ишлаб чиқариш эҳтиёжлари учун белгиланган тартибда тасдиқланадиган рўйхат бўйича олиб келинадиган хомашё, ускуналар, махсус транспорт воситалари ва техникалар учун божхона тўловлари (қўшилган қиймати солиғи ва божхона расмийлаштируви йиғимларидан ташқари) тўлашдан;
агрологистика комплексига чет элдан жалб қилинадиган мутахассислар - жисмоний шахслардан олинадиган фойда солиғи тўлашдан озод этилсин.
6. Мазкур қарорнинг бажарилишини назорат қилиш Ўзбекистон Республикаси Бош вазирининг аграр ва озиқ-овқат соҳаларини ривожлантириш масалалари бўйича маслаҳатчиси А.Д. Вахабов, Ўзбекистон Республикаси қишлоқ хўжалиги вазири Ж.А. Ходжаев ва Жиззах вилояти ҳокими Э.А. Салиев зиммасига юклансин.
Ўзбекистон Республикасининг Бош вазири А.Арипов
Вазирлар Маҳкамасининг
2019 йил 23 декабрдаги
1027-сон қарорига
ИЛОВА
"Жиззах вилоятида замонавий агрологистикакомплексини
ташкил этиш" лойиҳасиниамалга ошириш бўйича
"ЙЎЛ ХАРИТАСИ"
Т/р
Тадбир номи
Бажариш муддати
Масъуллар
Вазирлик ва идоралар
Вазирлар Маҳкамасидан
I. ЛОЙИҲАНИ БОШЛАШ УЧУН ТАШКИЛИЙ ТАДБИРЛАР
1.
Агрологистика комплекси чегарасигача бўладиган транспорт, ишлаб чиқариш ва муҳандислик-коммуникация инфратузилмасини жадал ривожлантириш дастурини тайёрлаш ва Вазирлар Маҳкамасига тақдим этиш (ташқи йўллар, темир йўл линияларини қуриш, электр, газ, сув ва иссиқлик таъминоти коммуникацияларини ички алоқасигача етказиш).
2020 йил
январь
Иқтисодиёт ва саноат вазирлиги (Ходжаев), Молия вазирлиги (Ишметов), Транспорт вазирлиги (Маҳкамов), Ахборот технологиялари ва коммуникацияларини ривожлантириш вазирлиги (Содиков), Энергетика вазирлиги (Мирзамахмудов), Уй-жой коммунал хизмат кўрсатиш вазирлиги (Салиев), Жиззах вилояти ҳокимлиги (Салиев)
А.Равшанов,
Ш.Абидов,
А.Ортиқов,
Ш.Саматов
2.
Бюджет маблағлари ва бошқа молиялаштириш манбалари ҳисобидан зарур ташқи, ишлаб чиқариш майдончасидан ташқари, муҳандислик-коммуникация тармоқларини қуриш бўйича Вазирлар Маҳкамасига таклифлар ишлаб чиқиш ва тақдим етиш.
2020 йил
январь
Иқтисодиёт ва саноат вазирлиги (Ходжаев), Молия вазирлиги (Ишметов), Транспорт вазирлиги (Маҳкамов), Ахборот технологиялари ва коммуникацияларини ривожлантириш вазирлиги (Содиков), Энергетика вазирлиги (Султанов), Жиззах вилояти ҳокимлиги (Салиев)
А.Равшанов,
А.Ортиқов,
Ш.Абидов,
С.Абдуллаев,
Ш.Саматов
3.
Муҳандислик-коммуникация инфратузилмаси обектларини ва сув таъминоти, канализация, электр таъминоти, газ таъминоти, иссиқлик таъминоти, телекоммуникациялар, шунингдек, агрологистика комплекси чегарасигача бўлган автомобил йўлини қуриш ва реконструкция қилиш бўйича лойиҳа-смета ҳужжатларини ишлаб чиқиш.
2020 йил
январь
Жиззах вилояти ҳокимлиги Салиев), "BMB-NRC Agrologictics" МЧЖ, Молия вазирлиги (Ишметов), Транспорт вазирлиги (Маҳкамов), Иқтисодиёт ва саноат вазирлиги (Ходжаев), Ахборот технологиялари ва коммуникацияларини ривожлантириш вазирлиги (Содиков), Энергетика вазирлиги (Мирзамахмудов), Уй-жой коммунал хизмат кўрсатиш вазирлиги (Салиев)
Ш.Абидов,
А.Равшанов,
А.Ортиқов,
С.Абдуллаев,
Ш.Саматов
4.
Божхона пунктининг Агрологистика комплекси ҳудудида ташкил этиш тўғрисида Ўзбекистон Республикаси Вазирлар Маҳкамасига таклифлар тайёрлаш ва киритиш.
Божхона расмийлаштируви, декларациялаш, сертификатлаш, санитария-эпидемиология назорати ва товарларни божхона расмийлаштируви жараёнида иштирок этувчи бошқа ташкилотларнинг фаолиятини бир вақтнинг ўзида амалга оширишни таъминлайдиган "ягона дарча" тамойили бўйича экспорт таъминоти билан боғлиқ тартиб-таомилларни амалга ошириш механизмини жорий этиш.
2020 йил
январь
Давлат божхона қўмитаси (Азимов), "Ўзстандарт" агентлиги (Саттаров), Ўсимликлар карантини давлат инспекцияси (Эргашев), Санитария-эпидемиологик осойишталик агентлиги (Алматов), "Ўзбекэкспертиза" АЖ (Зокиржонов), Молия вазирлиги (Ишметов)
Ж.Тургунов,
А.Равшанов,
Ш.Саматов,
А.Ортиқов,
К.Ризаев
5.
Озиқ-овқат ва қишлоқ хўжалиги маҳсулотларини тўлақонли таҳлил қилиш ва синовдан ўтказиш бўйича замонавий лабораториясини Агрологистика комплекси ҳудудида ташкил этиш.
Россия Федерациясига янги ва қайта ишланган тайёр маҳсулотлар экспортини тезкор ва тўсиқсиз амалга ошириш учун Агрологистика комплекси ҳудудида Россельхознадзор пунктини жойлаштириш.
2020 йил
IV чорак
"BMB-NRC Agrologictics" МЧЖ, Ўсимликлар карантини бўйича давлат инспекцияси (Эргашев), Қишлоқ хўжалиги вазирлиги (Ходжаев)
А.Равшанов
II. АГРОЛОГИСТИКА КОМПЛЕКСИНИ ҚУРИШ
7.
Агрологистика комплекси лойиҳасини амалга оширишни молиялаштириш (устав капиталини, иш ҳақи фондини шакллантириш).
Жиззах вилояти ҳокимлиги Салиев), Иқтисодиёт ва саноат вазирлиги (Ходжаев), Транспорт вазирлиги (Маҳкамов), Ахборот технологиялари ва коммуникацияларини ривожлантириш вазирлиги (Содиков), Энергетика вазирлиги (Мирзамахмудов), Уй-жой коммунал хизмат кўрсатиш вазирлиги (Салиев)
Ш.Абидов,
А.Равшанов,
С.Абдуллаев,
Ш.Саматов
9.
Агрологистика комплексининг қурилиш ишларини амалга ошириш ва ускуналарни ўрнатиш.
2020-2021
йиллар
"BMB-NRC Agrologictics" МЧЖ
А.Равшанов
III. ЛОЙИҲАНИ АМАЛГА ОШИРИЛИШИНИ ОММАВИЙ
АХБОРОТ ВОСИТАЛАРИДА ЁРИТИШ
10.
Лойиҳанинг энг муҳим босқичлари: босма ва электрон оммавий ахборот воситаларида, Интернет жаҳон ахборот тармоғида, оммавий ахборот воситаларида қўллаб-қувватлашни ташкил этиш режасини тайёрлаш; тайёргарлик ишлари ва агрологика комплекснинг ишга туширилиши.
Тадбирлар режасига мувофиқ
ЎзА (Кучимов), МТРК (Ходжаев), "Дунё" ахборот агентлиги, "BMB-NRK Agrologistics" МЧЖ
Б.Ахмедов,
Ш.Сулаймонов,
С.Абдуллаев
11.
"BMB-NRC Agrologictics" МЧЖ бошқарув раҳбарият бўғинини таклиф қилган ҳолда Россия-Ўзбекистон иқтисодий ҳамкорлиги, фаолияти ва Россия-Ўзбекистон ишбилармонлик Кенгаши фаолиятини ёритиш бўйича тадбирлар дастурига киритиш.
78-150-11-72 
Мобильная версия сайта